Fréttablaðið - 06.12.2008, Blaðsíða 44
44 6. desember 2008 LAUGARDAGUR
B
arði Jóhannsson hefur haft
meira en nóg að gera í ár. Hann
kláraði Bang Gang-plötuna
Ghosts from the past, sem kom
út á Íslandi og í Evrópu. Hann
fylgdi plötunni eftir á um þrjátíu tónleikum
í Evrópu, meðal annars tvisvar sem upphit-
unaratriði fyrir Air. Hann spilaði með Sin-
fóníunni á Listahátíð. Hann færði sig frá
EMI og gerði nýjan samning við Universal.
Hann gerði tónlist við Reykjavík-Rotter-
dam og heimildarmyndina Amal Dablan
ásamt Eberg. Hann vann með Dísu og hljóm-
sveitinni Our Lives. Hann samdi lög í ófáar
auglýsingar. Já, og svo tók hann þátt í Eur-
ovision. „Það var einhver að nefna Eurov-
ision við mig í síðustu viku og þá fattaði ég
að var búinn að gleyma því að ég hefði tekið
þátt,“ segir Barði og hlær. „Það sem kom
mér mest á óvart við keppnina var hversu
margir urðu reiðir og hreinlega sturluðust.
Eins og þessi keppni skipti einhverju
máli!“
Dugnaðarforkurinn Barði hefur auðvitað
fjölmargt á prjónunum. „Ég spila með band-
inu mínu á Nasa þann 18. desember. Það er í
fyrsta skipti í tvö ár sem Bang Gang spilar
á Íslandi. Svo ætla ég að stjórna upptökum á
nýrri plötu Our Lives og er að semja tónlist
fyrir verk í Þjóðleikhúsinu. Ég er örugglega
að gleyma fullt af hlutum.“
Barði fékkst til að opna myndaalbúmið
sitt og sýna lesendum Fréttablaðsins nokkr-
ar myndir frá árinu.
Barði opnar mynda-
albúm Bang Gangs
Barði og félagar hans voru á túr í Evrópu þegar íslenska efna-
hagslífið hrundi. Barði lét sér þó fátt um finnast og fékk sér
bara hamborgara og Kinderegg á næsta autogrilli.
„Hér er Arnar Guðjónsson með Cafehaus í bak-
grunni. Þýskaland er fullt af hausum. Þar er rast-
haus, thaihaus, gasthaus, cafehaus og alls konar
aðrir hausar. Hreinlega allt yfirfullt af hausum.“
„Þetta er hátísku-
varningur í Köln
og „það sem
koma skal“, svo
ég vitni í DJ Ívar
í sjónvarpsþætt-
inum Konfekt.
Köln er mjög
sérstök borg, hálf
satanísk.“
„Á tónleikum Bang Gang auk mín eru
Arnar Guðjónsson, sem syngur og spilar á
gítar og Nói Steinn trommari. Leaves eru
að klára nýja plötu sem er stókostleg. Þeir
eru báðir í Leaves. Hrafn Thoroddsen spilar á hljómborð
og gítar. Hann hefur löngum verið kenndur við Ensími,
hann hefur þó verið í fjölmörgum sveitum, Jet Black Joe,
Dr. Spock og nú síðast Communist Pal. Bassaleikarinn
heitir Stephan Bertrand og við köllum hann alltaf Stebba.
Einu sinni kallaði ég hann óvart Stephan og þá starði
hann á mig þungbúinn að spurði af hverju ég kallaði hann
ekki Stebba. Hann var frontmaður í hljómsveitinni Ginger
Ale. Það má því segja að tónleikaútgáfan af Bang Gang sé
eingöngu skipuð frontmönnum. Enda var undantekning ef
við vorum ekki klappaðir upp þrisvar.“
„Staðir sem heita Autogrill og Auto-hitt og þetta eru mikið notað-
ir á túrum. Það er nú ekki fjölbreytt mataræðið hjá okkur. Yfirleitt
hamborgari og Kinderegg til að hafa eitthvað að gera í bílnum.
Inn í þeim eru tæknilegar þrautir sem má eyða svona tveimur
mínútum í. Við fengum svo mjög mikilvægan leik sem heitir
Tekken og eyddum gríðarlega miklum tíma í að spila hann.“
„Þarna erum við að spila í franska ríkisútvarp-
inu, í einhverjum kvöldþætti. Fyrir aftan er
hringborð þar sem kannski átta Frakkar sitja
og gjamma hver ofan í annan. Ég spilaði líka
í mjög sérstökum morgunþætti á ríkisútvarp-
inu. Oft voru kannski 200 manns mættir til
að horfa á mig eldsnemma um morgun.“
„Hér erum við bak-
sviðs í Salle Pleyel í
París, klassískri tón-
leikahöll þar sem við
spiluðum með Air. Við ákváðum að
vera fínir í tauinu, en annars spila
ég oft í þessum fötum. Þetta er risa-
stór bygging og það varð næstum
því Spinal Tap-moment þegar við
reyndum að komast upp á svið og
lentum í alls konar rangölum.“
„Mjög mikilvæg lyfta á
hóteli í París. Eins og
sést eru bara hálfar
hæðir í þessu hóteli. Í
Berlín vorum við svo á
hóteli þar sem her-
bergin voru númer 0.9,
1.7 og svo framvegis.
Mjög sérstakt.“