Fréttablaðið - 06.12.2008, Blaðsíða 48

„Þetta eru hvort tveggja leiksýn-
ingar fyrir börn á öllum aldri eða
frá svona eins árs upp í hundrað
og tveggja,“ segir Elfar Logi
Hannesson brosandi en hann
semur og flytur leiksýningarnar
hjá Kómedíuleikhúsinu sem
kemur alla leið frá Ísafirði.
Aðgangur að sýningunum er
ókeypis en brúðuleikurinn um
Dimmalimm hefst klukkan tvö og
Jólasveinar Grýlusynir klukkan
fjögur.
„Dimmalimm er sýnd á undan
en það er sýning sem byggð er á
einu vinsælasta barnaævintýri
allra tíma á Íslandi, Dimmalimm
eftir Mugg, öðru nafni Guðmund
Þorsteinsson. Þetta ævintýri er
mér mjög kært þar sem ég er frá
Bíldudal líkt og Muggur og hefur
sýningin gengið vel,“ segir Elfar
Logi áhugasamur en sýningin
hefur verið sýnd um áttatíu sinn-
um um allt land og hefur líka farið
til útlanda. „Þetta er klassískt
ævintýri sem allir hafa gaman af.
Við poppum reyndar svolítið upp
á það þar sem nornin fær stærri
rullu hjá okkur. Hún er afgreidd í
einni setningu í sögunni en fær
uppreisn æru hjá okkur þar sem
hún stelur senunni,“ segir hann og
hlær.
„Í sýningunum er mikill söngur,
sérstaklega í jólastykkinu. Ég og
Soffía Vagnsdóttir sömdum í sam-
einingu sýninguna Jólasveinar
Grýlusynir og Hrólfur Vagnsson
samdi tónlistina. Þetta er klass-
ískt ævintýri um gömlu íslensku
jólasveinana, þessa hrekkjóttu
sem voru áður en þeir fóru í kóka
kóla-fötin,“ útskýrir Elfar Logi
kankvís og bætir við að í þessari
sýningu séu þeir bara í lopanum
og líði vel í honum.
„Í stuttu máli fjallar sýningin
um unglingspilt sem er sendur í
sveit til ömmu sinnar af því að
foreldrarnir eru orðnir leiðir á að
hann sé alltaf hangandi í tölvunni
og gemsanum. Í sveitinni er belja
sem heitir Búkolla en hún strýk-
ur, líkt og Búkolla er þekkt fyrir.
Strákurinn er sendur af örkinni
og leitin ber hann alla leið í jóla-
sveinahellinn þar sem hann hittir
alla jólasveinana sem voru tæpir
á mjólkinni í jólagrautinn og
þurftu að fá beljuna lánaða. En
allt fer vel að lokum,“ segir Elfar
Logi íbygginn.
Eiginkona Elfars Loga, Marsi-
bil Kristjánsdóttir, hannaði brúð-
urnar og er hún myndlistarkona.
„Hún er betri helmingurinn af
mér og leikhússtjórinn,“ segir
Elfar Logi einlægur en hann er
hins vegar einn í sýningunni.
„Þetta er eins manns leikhús. Ég
er tæknimaður og geri í raun allt
sem gera þarf en sýningarnar
sem ég hef verið með ferðast um
landið og var ég nú síðast með
Gísla Súrsson sem liggur reyndar
í súr núna fram að þorranum.“
Jólasýningin var frumsýnd í
fyrra í Tjöruhúsinu en þetta er í
fyrsta sinn sem sýningin fer út
fyrir Vestfjarðakjálkann. „Núna
ákváðum við að bregða okkur í
kaupstaðinn og sýni ég hana jafn-
framt í leik- og grunnskólum í
þessari viku og eitthvað fram í
næstu viku,“ segir Elfar Logi sem
er því á faraldsfæti þessa dagana.
hrefna@frettabladid.is
Brúðuleikhús í borginni
Á morgun heimsækir Kómedíuleikhúsið Þjóðmenningarhúsið og sýnir þar tvo brúðuleiki sem byggðir eru
á ævintýrinu um Dimmalimm annars vegar og sögum af íslenskum jólasveinum hins vegar.
Ýmsum furðuverum bregður fyrir í leiksýningum Kómedíuleikhússins og hér er Elfar
Logi með einni slíkri. MYND/KRUMMI
Opið hús er í glerblástursverk-
stæðinu Gler í Bergvík á Kjalar-
nesi í dag og á morgun milli 10
og 15.
Hefð er komin á það hjá listakon-
unni Sigrúnu Einarsdóttur í gler-
verkstæðinu Gler í Bergvík að
hafa opið hús eina helgi á aðventu.
Nú er komið að því þetta árið.
Gestablásararnir Amy Kruger og
Jonatan Wallin frá Danmörku
ásamt Laura Puska frá Finnlandi
munu sýna glerblástur ásamt Sig-
rúnu sjálfri og systur hennar
Ólöfu. Þar skapast einstakt tæki-
færi til að sjá glös og aðra gler-
muni verða til.
Verkstæðið er á milli Klébergs-
skóla og Grundarhverfis á
Kjalarnesi og þangað er greið
leið. Heitt kaffi verður á könn-
unni, piparkökur á borðum og
félagar úr Vinabandinu leika jóla-
lög. Einnig er sala á útlitsgölluð-
um glermunum og afsláttur á
öðrum. - gun
Blásið til veislu í Bergvík
Jonatan Wallin og Amy Kruger eru
gestablásarar í Gler í Bergvík.
HÚSDÝRAGARÐURINN er opinn um helgina og spenn-
andi dagskrá í gangi. Meðal þess sem sjá má er Dýrmundur Dal-
fjörð úr jóladagatali Sjónvarpsins, skólahljómsveit Kópavogs og
rúningsmeistarinn Guðmundur Hallgrímsson.
• Jakkar
• Úlpur
• Ullarkápur
• Dúnkápur
• Hattar
• Húfur
• Vattkápur
Mörkinni 6
Sími 588 5518
Opið virka daga
Frá kl. 10-18
Laugardaga frá kl. 11-17
Opið á
Sunnudögum
Til jóla
frá kl.13-17
Næg bílastæði
Gefðu hlýja gjöf.
Yfi rhafnir kvenna í frábæru úrvali
Viltu styrkja undirstöðurnar?
www.tskoli.is
Byggingatækniskólinn býður nú upp á nám fyrir þá sem ekki hafa lokið grunnskólaprófi
og tekur það aðeins eina önn. Námið veitir tækifæri til áframhaldandi náms í bygginga- og
mannvirkjagreinum.
Námið veitir almenna þekkingu í bygginga- og mannvirkjagreinum, þ.e. húsasmíði,
húsgagnasmíði, málaraiðn, múraraiðn, pípulögnum og veggfóðrun/dúkalögn.
Námsgreinar:
Íþróttir // lífsleikni // stærðfræði // efnisfræði grunnnáms
framkvæmdir og vinnuvernd // grunnteikning // verktækni grunnnáms
Innritun og allar nánari upplýsingar hjá Jóni Eiríki Guðmundssyni, skólastjóra
Byggingatækniskólans, jeg@tskoli.is og í síma 699 4396.