Fréttablaðið - 06.12.2008, Blaðsíða 74
54 6. desember 2008 LAUGARDAGUR
Góð vika...
...fyrir vinstri græna. Steingrímur Joð og
félagar í Vinstri grænum mælast nú með
mest fylgi þeirra sem á annað borð tóku
afstöðu í Þjóðarpúlsi Capacent, 32
prósent. Þetta er auðvitað langmesta
fylgi sem flokkurinn hefur nokkurn
tímann fengið í skoðanakönnun. Stein-
grímur gaf það nokkuð afdráttarlaust til
kynna að hann vildi helst samstarf við
Samfylkinguna eftir næstu kosningar (hvenær sem
við fáum þær). Félagi Steingrímur mætti bara
skerpa aðeins á Evrópusambandspælingum
flokksins og semja framtíðarmúsík þjóðarinnar og
þá er jafnvel aldrei að vita nema prósentugomman
haldist alla leið inn í kjörklefana.
...fyrir skynsemina. Á mánudag stefndi allt
í óefni þegar hundruð mótmælendur
söfnuðust saman í anddyri Seðla-
bankans. Geir Jón og félagar
vöruðu við hugsanlegri gas-notkun
og löggur í óeirðabúningum röðuðu
sér upp tilbúnir að verja Davíð og
kó fyrir mótmælendum. Eftir tveggja
tíma þóf komu mótmælendur með þá
sáttatillögu að ef löggan færi myndu þeir fara líka.
Þetta gekk eftir og skynsemin sigraði. Í fyrsta
skipti á Íslandi í mjög langan tíma.
...fyrir Davíð Oddsson. Enn eina
vikuna, enn einn mánuðinn, tekst
Davíð Oddssyni að halda sér í efsta
sæti vinsældalista umræðunnar. Enn
eina vikuna, enn einn mánuðinn
gengur öll umræðan út á Davíð og
hvað hann sé að meina, og hvað hann
ætli nú að gera, og hvað hann ætti nú
að gera. Allir hafa skoðun og sitt sýnist
hverjum. Davíðs-hatarar fá gamalt kast á
meðan Davíðs-elskendur fá fiðring í iljarnar þegar
„sinn maður“ tekur slaginn. Og svona líður enn ein
vikan á dvergskerinu í tuð og karp um Davíð
Oddsson. Deja vú... eða kannski „Doddson bú“.
Slæm vika...
...fyrir ráðamenn. Aumingja ráða-
menn. Svefnlausir og undir
sífelldum árásum. Vinnustaðurinn
eggjaður og þeir æðstu þurfa
lífverði við hvert fótmál. Og
kjararáð segist ekki einu sinni getað
lækkað launin þeirra. Þótt ráðamenn
fegnir vildu. Þeir hreinlega heimta að
launin þeirra séu lækkuð aðeins – tja, og eftirlauna-
sérkjörin séu, ööö... aðeins löguð að réttindum
annarra hópa. En bara því miður. Það er bara
ekkert hægt að gera í þessu. Þeir verða bara að
vera með þessi laun og þessi sérkjör. Kjararáð sko.
Það getur sko bara ekkert gert. Því miður. Aum-
ingja ráðamenn.
...fyrir Ástþór Magnússon. Hann var
borinn út af skipulagsfundi breiðfylk-
ingarinnar Opinn borgarfundur að
undirlagi Gunnars Sigurðssonar
leikstjóra! Sem er skrítið því ef
einhver telst ekki fulltrúi stjórnvalda
þá er það Ástþór. Og þegar meistari
ljósvakans, Ingvi Hrafn Jónsson
sjónvarpsstjóri á ÍNN, opnaði faðm
sinn fyrir uppreisnaröflunum var
Ástþór sá eini sem gaf sig fram. En búast
má við því að framtíðin brosi við Ástþóri undir
verndarvæng Ingva og í þessari viku verður hann
með sinn fyrsta sjónvarpsþátt.
...fyrir völvugrey. Völvan á Séð og heyrt hefur tekið
pokann sinn og Eiríkur Jónsson fær galdranorn til
að spá í næsta áramótablað. Spá völvunnar
fyrir þetta hörmungarár þjóðargjaldþrots
gæti ekki verið vitlausari. Þannig spáði
völvan því að ekkert verðbólgubál myndi
blossa á árinu (einmitt), fjárfestar ættu
að geta andað rólega (eee...) og að íslenskt
hópíþróttafólk næði engum stórárangri á
árinu (halló ólympíusilfur!). Kannski getur
völvan fengið vinnu í Seðlabankanum. Það
verður varla vitlausara.
HORFT ÚT Í HEIM
Kolbeinn Óttarsson Proppé
AUGNABLIK
FINNDU ORÐIN
Orðin geta verið á ská, upp, niður, aftur á bak eða áfram.
GÓÐ VIKA / SLÆM VIKAFRÉTTAGETRAUN VIKUNNAR
Árið 1986 voru Suður-Kóreubúar í óðaönn að búa sig undir Ólympíuleik-
ana sem haldnir voru í höfuðborginni Seoul tveimur árum síðar. Þá
bárust þeim njósnir af nágrannanum í norðri; hafin var vinna við
risastóra stíflu í Bukhan-ánni.
Chun Doo-hwan, sem var í forsvari fyrir herstjórnina í landinu,
upplýsti landsmenn um að hér væri stórhætta á ferð. Augljóst væri að
fyrir Norður-Kóreubúum vakti að safna risastóru uppistöðulóni, sem í
fyllingu tímans yrði hleypt á Suður-Kóreu. Vatnsveggur úr norðri
mundi ryðja öllu úr vegi, þar með talið Seoul, með krafti kjarnorku-
sprengju.
Sjónvarpinu voru sýndar útgáfur listamanna af ógninni og hafin var
söfnun fyrir varnarstíflu sunnanmegin landamæranna. Skólabörn tóku
þátt í átakinu og vinna hófst við stíflu við ána Han.
Þegar fyrsta áfanga stíflunnar var lokið, og
Ólympíuleikunum einnig, komust menn að þeirri
niðurstöðu að fyrir norðanmönnum vakti ekki
að hefja vatnsstríð við Suður-Kóreu. Skýringin
var einfaldari; stíflan bjó til miðlunarlón fyrir
raforkuver. Árið 1993 var vinnu við stífluna
hætt.
Árið 2002 var Suður-Kórea enn á ný vettvangur
alþjóðlegrar íþróttakeppni, að þessu sinni HM í
fótbolta sem landið hélt ásamt Japan. Nokkrum mánuðum
áður en flautað var til leiks sýndu gervihnattamyndir að sprungur voru
í Imnam-stíflunni við Bukhan-ána. Allt í einu fór hin hálfkaraða stífla
sunnanmegin að verða mikilvæg og vinna var hafin við hana að nýju.
Norðanmenn löguðu stífluna og þeir syðra luku við sína.
Nú standa stíflurnar hvor gegn annarri, aðeins 35 kílómetrar á milli
þeirra. Önnur framleiðir rafmagn með uppistöðulóni, en hin stendur
ónotuð, ekkert lón, lokurnar uppi og Han-áin rennur óáreitt í gegnum
hana.
Stíflan, sem er 125 metra há og 600 metrar að lengd, hefur verið
nefnd friðarstíflan. Hún þykir dæmi um það hvernig kalda stríðið lék
heiminn. Chun Doo-hwan, sem átt hafði í pólitískum erfiðleikum heima
fyrir, keyrði á óttanum við nágrannann í norðri og þjóðin fylgdi honum í
stíflugerðinni gegn vatnsárásinni úr norðri.
Því er þetta rifjað upp að í friðarviðræðum ríkjanna tveggja síðustu
árin hefur stífluna borið á góma. Harðlínumenn í Suður-Kóreu hafa lagt
til að lokuunum verði rennt niður og stíflan nýtt til að safna drykkjar-
vatni. Það gæti valdið flóðum í Norður-Kóreu og heimamenn myndu
eflaust svara með því að opna lokur á sinni eigin stíflu og þá yrði
vatnsárásin að veruleika.
Lausnin á vandamálinu er náttúrulega sú að ríkin tvö semji frið. Að
íbúar Kóreuskagans lifi í sátt og samlyndi, hvort sem er í einu ríki eða
tveimur, drekki sitt vatn og noti sitt rafmagn án ótta við að mannvirkj-
um verði breytt í vopn. Kalda stríðinu er lokið og betur væri ef
heimsbyggðin áttaði sig á því að leið átakanna, sem þar var stunduð, er
ekki sú rétta.
Kóreskt stíflustríð
1. Í hvaða blaði sagði Davíð
Oddsson að hann myndi snúa
sér að pólitík yrði honum vikið
úr stóli seðlabankastjóra?
2. Hvaða handboltamanni býðst
að ganga til liðs við Kiel?
3. Hvaða sníkjudýr fannst í
íslenska síldarstofninum?
4. Hvað mun þriðja þáttaröðin
með þeim Georgi, Ólafi Ragn-
ari og Daníel kallast?
5. Sinfóníuhljómsveit Íslands
hefur verið tilnefnd til
Grammy-verðlauna. Eftir hvern eru verkin á geisladisknum sem tilnefnd-
ur er?
6. Hvaða völva var rekin í vikunni fyrir rangan spádóm fyrir árið 2008?
7. Hver er Kjalnesingagoði?
8. Hvaða kona verður utanríkisráðherra Bandaríkjanna í ríkisstjórn Baracks
Obama?
9. Hversu margir reyndust ölvaðir í átaki lögreglunnar á höfuðborgarsvæð-
inu þegar átta hundruð ökumenn voru stöðvaðir?
10. Hvaða leikmaður Liverpool mun ekki spila meira á þessu ári?
11. Hvað heitir konan sem fékk að hitta seðlabankastjórana fyrir mótmælin
á mánudag?
12. Hvaða prestur var sýknaður í vikunni af
kynferðislegri áreitni og blygðunarsem-
isbroti?
13. Hvaða frægi leikstjóri hefur óskað
eftir því að 31 árs gömul ákæra um
kynferðislega misnotkun verði felld
niður?
14. Hvaða bankastofnanir íhuga nú
sameiningu?
15. Hverju er fagnað 1. desember á ári
hverju?
1. Fyens Stiftstidende
2. Aroni Pálmars-
syni 3. Iktíófónus 4.
Fangavaktin 5. Franska
tónskáldið Vincent
d‘Indy 6. Völva Séð
og heyrt 7. Jóhanna
Harðardóttir 8. Hillary
Clinton 9. Enginn 10.
Fernando Torres 11.
Eva Hauksdóttir 12.
Gunnar Björnsson 13.
Roman Polanski 14.
Byr, Sparisjóðurinn í
Keflavík og SPRON 15.
Fullveldi Íslands
SÓTT AÐ SEÐLABANKA Margmenni mætti á mótmæli við Seðlabankann 1. desember. FRÉTTABLAÐIÐ/PJETUR