Fréttablaðið - 06.12.2008, Side 102

82 6. desember 2008 LAUGARDAGUR
sport@frettabladid.is
> Leikið í N1-deild kvenna
N1-deild kvenna hefst aftur eftir nokkurt hlé vegna
undankeppni HM sem fram fór í Póllandi en þrír
leikir fara fram í dag. Topplið Hauka heim-
sækir Gróttu á Seltjarnarnesið, HK mætir FH
í Digranesi og Fylkisstúlkur leita að sínum
fyrsta sigri í deildinni í fyrsta leik
Ómars Arnar Jónssonar sem þjálfara
félagsins en hann tók við af Aðal-
steini Reyni Eyjólfssyni sem hætti á
dögunum. Allir leikir dagsins hefjast
kl. 16. Leik Vals og Stjörnunnar sem átti
að vera í dag var frestað til 13. janúar þar
sem markvörðurinn Florentina Stanciu
leikur nú með landsliði Rúmeníu á EM í
Makedóníu þessa dagana.
Iceland Express-deild karla:
Breiðablik-Njarðvík 103-107
Stig Breiðabliks: Nemanja Sovic 30, Kristján
Sigurðsson 24, Rúnar Erlingsson 23, Daníel
Guðmundsson 13, Halldór Halldórsson 12, Loftur
Einarsson 1.
Stig Njarðvíkur: Magnús Gunnarsson 32,
Logi Gunnarsson 29, Hjörtur Einarsson 25,
Friðrik Stefánsson 15, Grétar Garðarsson 4, Elías
Kristjánsson 2.
Keflavík-Tindastóll 93-75
ÍR-Þór Ak. 92-77
ÚRSLIT
FÓTBOLTI Lars Bohinen, yfirmaður
knattspyrnumála hjá Stabæk,
staðfesti í gær í viðtali við sjón-
varpsstöðina TV 2 í Noregi að
norska félagið hafi neitað kauptil-
boði Nancy í Veigar Pál og viðræð-
um við franska félagið sé lokið.
Heimildir TV 2 herma að kauptil-
boðið hafi hljóðað upp á 15 millj-
ónir norskra króna eða rúmar 250
milljónir íslenskra króna. Veigar
Páll segist í viðtali við sama miðil
vera hissa á að Stabæk hafi ekki
viljað selja sig.
„Ef ég væri Lars [Bohinen] þá
hefði ég sagt strax já við 13 mill-
jónum norskra króna. Miðað við
að ég á aðeins eitt ár eftir af samn-
ingi mínum þá er ég óneitanlega
hissa á að kauptilboðinu hafi verið
neitað,“ segir Veigar Páll í viðtali
við TV 2 í gær.
Veigar Páll hefur aldrei farið
leynt með löngun sína til að leika í
sterkari deild en þeirri norsku en
ítrekar þó við TV 2 að hann sé afar
ánægður hjá Stabæk.
„Það síðasta sem ég vill gera er
að setja einhverja pressu á Stab-
æk. Félagið hefur gefið mér mikið
og ef ekkert verður af félagsskipt-
um mínum, þá hef ég það frábært
hjá Stabæk.
Veigar Páll, 28 ára, hefur leikið
fimm keppnistímabil með Stabæk
og verið algjör lykilmaður hjá
norska félaginu undanfarin ár.
Hann átti meðal annars stóran
þátt í því að Stabæk varð norskur
meistari í fyrsta skiptið í sögu
félagsins á síðustu leiktíð.
Bohinen staðfesti við TV 2 að
Stabæk væri ekki lengur í viðræð-
um við Nancy en biðlar til Veigars
Páls að sýna þolinmæði yfir stöðu
mála.
„Við erum ekki lengur að tala
við Nancy. Við höfum einfaldlega
ekki áhuga á að tala við félög sem
eru ekki tilbúin til þess að koma
inn með ásættanleg kauptilboð.
Við sjáum til hvað gerist í þessu
en við höfum beðið Veigar Pál að
vera þolinmóðan og höfum lofað
því að hann verði með í ráðum um
leið og eitthvað gerist,“ segir
Bohinen. - óþ
Stabæk ku vera hætt viðræðum við Nancy vegna fyrirhugaðrar sölu Veigars Páls:
Veigar Páll hissa á að Stabæk
hafi neitað kauptilboði Nancy
HISSA Landsliðsmaðurinn Veigar Páll Gunnarsson skilur ekkert í Lars Bohinen,
yfirmanni knattspyrnumála hjá Stabæk, að hafa neitað kauptilboði í sig frá franska
úrvalsdeildarfélaginu Nancy upp á 15 milljónir norskra króna. FRÉTTABLAÐIÐ/VILHELM
Meiðslavandræði bikarmeistara Vals halda áfram en liðið hefur misst
fjölda leikmanna í meiðsli í vetur. Ernir Hrafn Arnarson má þakka
fyrir að ná síðustu metrunum í mótinu, Sigfús Sigurðsson þurfti að
fara í aðgerð og kemur vonandi aftur eftir áramót. Heimir Örn
Árnason hefur verið lengi frá en er að skríða til baka.
Sigurður Eggertsson handarbrotnaði síðan í leiknum
gegn Fram á fimmtudag og í þann
leik vantaði einnig Hjalta Pálmason
og Baldvin Þorsteinsson var frá vegna
meiðsla í öxl. Meiðsli Baldvins gætu
verið alvarleg.
„Ég fór í uppskurð árið 2004 á öxlinni
og hef aldrei verið fullkomlega góður síðan.
Verkirnir hafa verið mismiklir. Ég var til að
mynda slæmur í sumar en allt í lagi í upphafi
tímabils. Verkirnir hafa svo verið að ágerast
síðustu vikur og náðu alveg nýjum hæðum fyrir
um þrem vikum síðan. Þá gat ég varla kastað án
þess að vera að drepast í öxlinni. Þetta er svo slæmt að mig
verkjar hreinlega við það að vera í tölvunni,“ sagði Baldvin sem fór
í myndatöku á dögunum og var að vonast eftir niðurstöðu úr henni
í gær en fékk ekki. Hann vonast þó eftir góðum tíðindum er hann
heyrir í lækninum eftir helgi.
„Ég veit ekki hvort ég óttast að þurfa að fara aftur í aðgerð. Ég
held að það sé bara best að segja sem minnst fyrr en ég heyri í
lækninum,“ sagði Baldvin.
Eins og áður segir handarbrotnaði Sigurður í leiknum gegn Fram.
Hann er kominn í gifsi og verður ekkert með Valsmönnum á nýjan
leik fyrr en í febrúar.
„Ég var að skjóta þegar einhver fór á móti mér og lamdi á hend-
ina. Þetta var nú ekkert svo vont samt. Þetta var í raun
merkilega notalegt,“ sagði Sigurður í gamansöm-
um tóni en hann er oft kallaður gleðigjafinn af
félögum sínum.
„Ég held að þetta hafi verið Brjánsi. Það er
verst að geta ekki svarað fyrir mig á mánudaginn
er við mætum Fram á nýjan leik í bikarnum. Það verða
bara aðrir menn að sjá um það,“ sagði Sigurður.
VALSMENN Í VANDRÆÐUM: SIGURÐUR HANDARBROTINN OG BALDVIN SLÆMUR Í ÖXLINNI
Mig verkjar við það eitt að vera í tölvunni
KÖRFUBOLTI Njarðvík vann barátt-
usigur, 103-107, í tvíframlengd-
um leik í Kópavogi. Blikar fengu
tækifæri til að sigra í lok venju-
legs leiktíma sem og í lok fyrri
framlengingar en klúðruðu í bæði
skiptin. Njarðvíkingar gengu á
lagið og unnu torsóttan sigur að
lokum.
Það voru Njarðvíkingar sem
byrjuðu leikinn betur með Hjört
Einarsson sjóðheitan framan af
og Loga Gunnarsson sterkan.
Frammistaða þeirra tveggja skil-
aði Njarðvík 6 stiga forystu eftir
fyrsta leikhlutann, 13-19.
Njarðvíkingar virtust vera á
góðu róli og Valur Snjólfur Ingi-
mundarson, þjálfari þeirra, byrj-
aði að rúlla „kjúklingunum“
sínum inn á völlinn. Blikunum óx
aftur á móti ásmegin eftir því
sem leið á hálfleikinn.
Rúnar Erlingsson var sterkur
og svo kviknaði svakalega í Daní-
el Guðmundssyni sem raðaði
niður þrem þristum á stuttum
kafla og kom Blikum um leið yfir.
Þeirri forystu héldu Blikar til
enda hálfleiksins og þeir leiddu í
leikhléi með sex stigum, 37-31.
Blikarnir spiluðu glimrandi
körfubolta framan af þriðja leik-
hluta og náðu 13 stiga forskoti,
48-35. Magnús Gunnarsson hitti
þá loks úr einu þriggja stiga skoti
eftir að hafa verið svo fjarri því
allan leikinn.
Það kveikti í félögum hans sem
sóttu hart að Blikum á meðan
heimamenn virtust vera að fara á
taugum og köstuðu frá sér boltan-
um hvað eftir annað. Lokakaflinn
ótrúlegur í leikhlutanum og
Magnús setti niður annan þrist af
spjaldinu rétt fyrir lokin og kom
Njarðvík í 51-56. Þvílíkur við-
snúningur í einum leikhluta.
Njarðvíkingar virtust á góðri
leið með að klára leikinn þegar
það kviknaði óvænt á Blikum er
fimm mínútur lifðu leiks. Þeir
settu upp þriggja stiga sýningu
og komust aftur yfir í leiknum.
Lokamínúturnar voru æsispenn-
andi, jafnt 81-81 og það voru Blik-
ar sem fengu í tvígang tækifæri
til að tryggja sér sigur en klúðr-
uðu í bæði skiptin og því varð að
framlengja.
Blikar leiddu alla fyrri fram-
lenginguna en Logi Gunnars
þvingaði fram aðra framlengingu
með því að sökkva tveim vítaskot-
um er fáar sekúndur voru eftir.
Njarðvík tók svo frumkvæðið í
næstu framlengingu. Blikar brutu
grimmt í lokin en Magnús var
ískaldur á vítalínunni, setti allt
niður og landaði sigrinum fyrir
Njarðvíkinga,
„Þetta var mjög erfið fæðing.
Blikarnir láta mann hafa fyrir
þessu ef maður spilar ekki eins
og maður. Við vorum ekki að spila
eins og menn og kannski tóku
menn leikinn ekki nógu alvarlega
og ég var þar á meðal,“ sagði
Magnús, sem var lengi í gang en
eftir að hann datt í gírinn var
hann illviðráðanlegur. „Ég var að
spila hérna í fyrsta skipti og það
tók smá tíma að læra á körfurnar.
Svo kom þetta sem betur fer í
lokin.“
henry@frettabladid.is
Njarðvíkursigur í háspennuleik
Njarðvík slapp með skrekkinn er liðið sótti Blika heim í Kópavoginn. Leikurinn var sveiflukenndur og
spennandi og þurfti að tvíframlengja til að fá fram úrslit. Njarðvík hafði að lokum fjögurra stiga sigur.
STERKUR Rúnar Erlingsson var öflugur í liði Blika en góður leikur hans dugði ekki til
sigurs. FRÉTTABLAÐIÐ/ANTON
FÓTBOLTI Lögreglan hefur
handtekið tvo menn vegna
kynþáttaníðs sem beint var að
Egyptanum Mido í leik Middles-
brough gegn Newcastle í lok
nóvember.
Mennirnir eru 49 og 23 ára og
þurfa að mæta fyrir rétt á
þriðjudag. „Enska knattspyrnu-
sambandið fordæmir allt
kynþáttaníð á knattspyrnuvöllum
og er ákveðið í að útrýma slíku.
Við munum styðja við bakið á
þeim félögum sem vilja banna
einstaklinga sem haga sér á
slíkan hátt,“ sagði talsmaður
enska knattspynusambandsins.
Þetta er í annað sinn sem Mido
verður fyrir slíku aðkasti og þá
einnig í leik gegn Newcastle. Þá
gerði enska knattspyrnusamband-
ið ekkert - hbg
Kynþáttaníð í garð Mido:
Tveir menn
handteknir