Fréttablaðið - 08.12.2008, Blaðsíða 42

30 8. desember 2008 MÁNUDAGUR
Eimskipsbikar karla
FH-Haukar 29-28 (16-14)
Mörk FH (skot): Guðmundur Pedersen 7 (11/1),
Ólafur Guðmundsson 6 (12), Ásbjörn Friðriksson
5 (11), Aron Pálmarsson 5 (12), Sigurður Ágústs-
son 4 (5), Jón Helgi Jónsson 1 (1), Hjörtur Hin-
riksson 1 (4), Ari Þorgeirsson 0 (2).
Varin skot: Magnús Sigmundsson 11 (39, 28%),
Daníel Andrésson 5 (15/1, 30%).
Hraðaupphlaup: 3 (Guðmundur 2, Ólafur).
Fiskuð víti: 1 (Sigurður).
Utan vallar: 10 mínútur.
Mörk Hauka (skot): Sigurbergur Sveinsson 10/1
(16/1), Freyr Brynjarsson 4 (5), Kári Kristján
Kristjánsson 4 (6), Andri Stefan Guðrúnarson 3
(5), Einar Örn Jónsson 2 (2), Elías Már Halldórs-
son 2 (5), Pétur Pálsson 1 (2), Gísli Jón Þórisson
1 (2), Gunnar Berg Viktorsson 1 (3).
Varin skot: Birkir Ívar Guðmundsson 20/1 (42/1,
32%), Gísli Rúnar Guðmundsson 1 (8, 13%).
Hraðaupphlaup: 2 (Kári Kristján, Freyr).
Fiskuð víti: 1 (Kári Kristján).
Utan vallar: 6 mínútur.
Dómarar: Ingvar Guðjónsson og Jónas Elíasson,
áttu ekki góðan dag.
Stjarnan2-Grótta 23-42 (9-21)
Iceland Express-deild kvk.
Valur-Grindavík 69-61 (32-28)
Stig Vals: Tinna Björk Sigmundsdóttir 21, Þórunn
Bjarnadóttir 12, Lovísa Guðmundsdóttir 11,
Signý Hermannsdóttir 9, Kristjana Björk
Magnúsdóttir 8, Berglind Karen Ingvarsdóttir 8,
Stig Grindavíkur: Ingibjörg Jakobsdóttir 19, Íris
Sverrisdóttir 12, Petrúnella Skúladóttir 10, Ólöf
Helga Pálsdóttir 9, Berglind Anna Magnúsdóttir
6, Jovana Lilja Stefánsdóttir 3, Helga Rut
Hallgrímsdóttir 1.
ÚRSLIT
HNEFALEIKAR Manny „Pacman“
Pacquiao frá Filippseyjum sigraði
Oscar de la Hoya í veltivigt hnefa-
leika í Las Vegas í Bandaríkjunum
í fyrrinótt. Þetta var sjötta tap de
la Hoya á löngum og glæsilegum
ferli sem gæti mögulega verið á
enda runninn.
„Hjartað í mér segir að ég eigi
að halda áfram en þegar líkaminn
fylgir ekki með, hvað getur maður
þá gert? Ég þarf að hugsa mín mál
og taka erfiða ákvörðun með fram-
tíð mína í huga,“ segir de la Hoya
auðmjúkur eftir tapið.
Pacquiao var almennt talinn
besti pund fyrir pund hnefaleika-
kappi í heimi fyrir bardagann en
menn voru ekki vissir hvernig
hann myndi standa sig gegn de la
Hoya þar sem hann þurfti að
þyngja sig talsvert fyrir bardag-
ann. Þó svo að de la Hoya hafi haft
stærðina, þyngdina og armlengd-
ina fram yfir Paquiao þá átti hann
aldrei möguleika.
Bardaginn kláraðist eftir átta
lotur og sigraði Pacquiao á tækni-
legu rothöggi þegar de la Hoya
neitaði að koma úr horni sínu.
Pacquiao var þá að gjörsigra bar-
dagann á stigum hjá öllum þremur
dómurunum, tveir þeirra skoruðu
bardagann 80-71 og einn 79-72
Pacquiao í vil.
„Niðurstaðan kemur mér ekki á
óvart því ég undirbjó mig mjög
vel og ætlaði að stjórna bardagan-
um frá byrjun og það gekk eftir.
Ég vissi að hraði minn myndi
koma sér vel gegn stærri and-
stæðingi. Ég er bara glaður og
stoltur að geta náð þessum sigri
fyrir fólk mitt og þjóð,“ segir sig-
urvegarinn Pacquiao en hann er
ýmist kallaður Pacman, Þjóðar-
hnefinn eða Sigurvegari fólksins, í
heimalandi sínu. - óþ
Gulldrengurinn Oscar de la Hoya tapaði í sjötta sinn á ferlinum í fyrrinótt:
Pacman lumbraði á de la Hoya
SIGURVEGARI FÓLKSINS Pacquiao tileinkaði Filippseyjum sigur sinn á de la Hoya í
fyrrinótt. NORDIC PHOTOS/AFP
KÖRFUBOLTI LeBron James og
félagar í Cleveland Cavaliers
unnu sinn áttunda leik í röð í
NBA-deildinni í fyrrakvöld
en fórnarlambið var hið
lánlausa lið Charlotte
Bobcats sem hefur
farið afleitlega af stað í
vetur. Cavs hafa hins
vegar aldrei byrjað
betur í sögu félagsins
en 94-74 sigurinn gegn
Bobcats var sá sautj-
ándi af fyrstu tuttugu
leikjum tímabilsins.
Cavs hafa unnið alla
átta sigurleikina í röð
með í það minnsta tólf
stiga mun.
„Við leggjum mikið á okkur til
að ná góðri forystu í leikjum
okkar og stífur varnarleikur er
lykillinn að því,“ segir James.
James var að vanda
stigahæstur hjá Cavs
með 25 stig en hann
lék aðeins 28 mínútur
í leiknum og hann sat á
varamannabekknum í
fjórða leikhluta, líkt og
allt byrjunarlið Cavs.
Daniel Gibson átti fína inn-
komu af bekknum fyrir
Cavs og skoraði 22 stig. - óþ
Cleveland Cavaliers vann sinn áttunda leik í röð:
Félagsmet hjá Cavs
FÉLAGSMET LeBron James og
félagar í Cavs hafa aldrei byrjað
betur. NORDIC PHOTOS/GETTY

Hádegisfundur ÍSÍ 12. des.!
E-sal íþróttamiðstöðvarinnar í Laugardal kl.
12.00. Haukur Haraldsson sálfræðingur mun fjalla um
íþróttaiðkun barna- og unglinga á krepputímum.
Fyrirlesturinn er ókeypis og öllum opinn á meðan
húsrúm leyfir.
Sjá einnig á www.isi.is
KÖRFUBOLTI Valsstúlkur fóru með
69-62 sigur af hólmi gegn
Grindavík í Vodafonehöllinni að
Hlíðarenda í Iceland Express-
deild kvenna í gær.
Bæði lið eru í harðri baráttu
um miðja deild en Valur komst
með sigrinum upp fyrir Grinda-
vík í fimmta sætið og er nú jafnt
KR að stigum.
Grindavík leiddi leikinn 13-16
eftir fyrsta leikhluta en Valur
kom til baka í öðrum leikhluta og
hafði forystu, 32-28, í hálfleik.
Valsstúlkur juku forystu sína í
þriðja leikhluta og stóðu vel að
vígi, 51-42, fyrir lokaleikhlutann.
Valur varð hins vegar fyrir
áfalli þegar Signý Hermannsdótt-
ir fór út af með sína fimmtu villu
þegar um átta mínútur voru eftir.
Það kom hins vegar ekki að sök
þar sem Tinna Björk Sigmunds-
dóttir steig upp og skoraði 13 af
síðustu 18 stigum Vals á lokakafl-
anum en lokatölur urðu eins og
segir 69-61. - óþ
Iceland Express-deild kvenna:
Valur sigraði
Grindavík
HANDBOLTI Það var boðið upp á
sannkallaðan bikarslag í Kapla-
krika í gær þar sem FH vann
Hauka, 29-28, í miklum baráttu-
leik þar sem upp úr sauð á loka-
andartökum leiksins.
„Ég veit ekkert hvað gerðist
þarna í lokin en ég uppskar þó
rautt spjald á einhvern óskiljan-
legan hátt. Þetta var annars frá-
bær handboltaleikur frá a til ö og
sigurinn er sætur. Þetta sýnir bara
hver er stóri bróðir í Hafnarfirði,“
segir FH-ingurinn Ólafur Guð-
mundsson sigurreifur í leikslok.
FH-ingar höfðu betur þegar
erkifjendurnir mættust fyrir
framan troðfullar stúkur í Krikan-
um í N1-deildinni fyrir skömmu,
29-28, í hörkuspennandi leik
þannig að Haukarnir höfðu harma
að hefna í gær.
Það vantaði talsvert upp á mæt-
inguna frá því síðast en stemning-
in utan vallar sem innan vallar var
gríðarleg strax frá fyrstu mínútu,
enda bæjarstoltið í Hafnarfirði í
húfi.
Leikurinn var í járnum framan
af fyrri hálfleik og staðan var jöfn
6-6 þegar stundarfjórðungur var
liðinn af leiknum. Átökin inni á
vellinum voru grimmileg og segja
má að bæði lið hafi spilað eins fast
og dómararar leiksins leyfðu.
Haukarnir reyndu að klippa
ungstirnið Aron Pálmarsson út úr
leiknum og tóku hann úr umferð
stærstan hluta af fyrri hálfleik en
FH-ingar leystu það nokkuð vel og
sigu fram úr á lokakafla fyrri hálf-
leiks. Haukarnir voru einhverra
hluta vegna ekki að spila sinn
besta varnarleik og markvarslan
var eftir því ekki góð. Staðan var
16-14 þegar hálfleiksflautan gall.
Leiðir skiljast
Í stað þess að koma tvíefldir til
leiks í upphafi síðari hálfleiks
mættu Haukarnir með hálfum
huga inn á völlinn og FH-ingar
kunnu að nýta sér það og stungu
af. Ólafur Guðmundsson, sem var
búinn að vera tiltölulega rólegur í
fyrri hálfleik, sló upp skotsýningu
og átti stærstan þátt í því að FH
náði upp sex marka forskoti á
fyrstu tíu mínútum síðari hálf-
leiks, 23-17.
Haukarnir náðu hins vegar með
mikilli baráttu í vörninni og góðri
markvörslu frá Birki Ívari Guð-
mundssyni að vinna sig aftur inn í
leikinn. Í stöðunni 28-24 þegar um
átta mínútur voru eftir af leiknum
skoruðu Haukarnir fjögur mörk á
móti einu marki FH og staðan því
skyndilega orðin 29-28 og enn fjór-
ar mínútur eftir á klukkunni.
Háspenna lífshætta
Lokamínúturnar tóku á taugarnar
hjá báðum liðum og allt ætlaði um
koll að keyra í Kaplakrika. FH-
ingar voru óöruggir í sókninni og
Haukarnir fengu þrjú færi á að
jafna metin en inn vildi boltinn
ekki.
Sigurbergur komst gremjulega
nálægt því að jafna metin þegar
um hálf mínúta var eftir en skot
hans fór í stöngina, stöngina og
aftur út. FH komust í sókn og tóku
leikhlé en boltinn var svo dæmdur
af þeim fyrir leiktöf og Haukarnir
ruku af stað í sókn. Sigurbergur
fékk boltann og bjó sig undir að
taka skot en Ásbjörn Friðriksson
braut á honum og leiktíminn rann
út í framhaldi af því. Sigurbergur
brást illur við og hrinti Ásbirni og
upp úr því hrúguðust menn í einn
hnapp með hrindingum og látum.
Dómararnir réðu sínum ráðum
og gáfu Sigurbergi svo rautt spjald
og einnig Ólafi hjá FH og Haukar
fengu aukakastið til þess að reyna
að knýja fram framlengingu. Gísli
Jón Þórisson tók skotið en það fór
hátt yfir markið og 29-28 sigur FH
því í höfn í háspennu handbolta-
leik.
Sigurbergur var allt í öllu í sókn-
arleik Hauka og skoraði 10 mörk
en reynsluboltinn Guðmundur
Pedersen var atkvæðamestur hjá
FH með sjö mörk.
„Við vorum ákveðnir í að sýna
að þetta var ekki neinn heppnis-
sigur hjá okkur síðast. Haukar eru
með frábært lið og við hljótum því
að vera með frábært lið líka,”
segir Guðmundur.
Birkir Ívar var eðlilega svekkt-
ur í leikslok en hrósaði FH fyrir
góðan leik.
„Þetta féll þeirra megin í þetta
skiptið og ég óska þeim bara til
hamingju með það. Við lendum
dálítið í því að elta í síðari hálfleik
en sýndum karakter með því að
koma aftur inn í leikinn og vorum
óheppnir að ná ekki að jafna í lokin
en svona er þetta stundum,“ segir
Birki og Aron Kristjánsson, þjálf-
ari Hauka, tekur í sama streng.
„Við ætluðum okkur stóra hluti í
bikarnum en það hafðist ekki og
við verðum nú bara að sleikja
sárin og koma sterkari til baka,“
segir Aron. omar@frettabladid.is
FH-ingar unnu bæjarslaginn
FH-ingar komust í undanúrslit Eimskipsbikars karla í handbolta eftir 29-28 sigur gegn erkifjendum sínum
í Haukum í miklum háspennuleik. Haukar fengu þrjár sóknir til þess að jafna metin á spennuþrungnum
lokamínútunum en allt kom fyrir ekki. Tvö rauð spjöld fóru á loft í hópslagsmálum í blálok leiksins.
STEMNING Áhorfendur létu vel í sér
heyra í Kaplakrika í gær þótt ekki hafi
verið húsfyllir. FRÉTTABLAÐIÐ/STEFÁN
ALLT Í HÁALOFT Dómararnir reyna hér að skakka leikinn eftir að Sigurbergur Sveins-
son hjá Haukum stuggaði við Ásbirni Friðrikssyni hjá FH í blálok leiksins í gær. Sigur-
bergur fékk svo rautt spjald, líkt og Ólafur Guðmundsson hjá FH. FRÉTTABLAÐIÐ/STEFÁN
GAMAN FH-ingar fagna eftir að
hafa lagt Hauka að velli í annað
skipti á skömmum tíma.
FR
ÉT
TA
B
LA
Ð
IÐ
/S
TE
FÁ
N