Fréttablaðið - 09.12.2008, Blaðsíða 8
8 9. desember 2008 ÞRIÐJUDAGUR
DÓMSMÁL X-faktor stjarnan Inga
Sæland Ástvaldsdóttir fær ekki
dæmdar bætur vegna áverka sem
hún fékk á olnboga á bílastæði
Kringlunnar á Þorláksmessu fyrir
fjórum árum.
Í gögnum Héraðsdóms Reykja-
víkur kemur fram að Inga var ný-
stigin út úr bíl þegar hún hrasaði
um keðju sem sett hafði verið upp
milli tveggja stólpa og átti að varna
umferð þar um. Kvaðst Inga hafa
steypst fram fyrir sig og lent
harka-lega á malbikinu. Afleiðing-
ar slyssins séu varanlegar. Hún
hafi tognað á olnboga og blætt í
olnbogaliðinn.
Í kröfu Ingu kom meðal annars
fram að hún væri sjóndöpur.
Starfsmönnum Kringlunnar ætti
að vera ljóst að verslunarmiðstöð-
in er ekki aðeins opin þeim sem
hafa fullkomna sjón og ættu að
vita að sjóndaprir séu í meiri hættu
gagnvart leyndum hættum við
jörðina.
Kringlan hafnaði fullyrðingum
Ingu um að frágangur keðjunnar
hafi verið óeðlilegur. Inga sé veru-
lega sjónskert og nánast lögblind
og einmitt þess vegna hafi hún átt
að sýna sérstaka aðgæslu. Héraðs-
dómur tók undir þetta.
Þess má geta að Inga meiddist
illa á fingri þegar hún klemmdist í
bílhurð þegar upptökur á X-faktor
þáttunum á Stöð 2 stóðu yfir.
Tryggingafélag bílsins neitaði að
greiða bætur og Inga tapaði mál-
inu fyrir dómi. - gar
Verulega sjónskertur þátttakandi úr X-faktor sem hrasaði um keðju og slasaðist:
Engar bætur frá Kringlunni
INGA OG FÉLAGAR ÚR X-FAKTOR Inga
missti framan af fingri þegar X-faktor
var sýndur á Stöð 2. Fyrir fjórum árum
steyptist hún á höfuðið við Kringluna.
1. Hversu miklu fé þarf að
eyða í Reykjanesbæ til þess
að fá ókeypis gistingu á Hótel
Keflavík?
2. Við hvaða konu er nývígð
kirkja í Grafarholti kennd?
3. Hvað heitir ný plata Steed
Lord?
SVÖRIN ERU Á SÍÐU 30
SKIPULAGSMÁL Hafnarfjarðarbær
ætlar að leggja dagsektir á
eigendur húss í Lindarbergi ef
þeir fjarlægja ekki gervihnatta-
disk af lóð sinni. Forsaga málsins
er sú að íbúar í næsta húsi hafa
gert ítrekaðar athugasemdir við
gervihnattadiskinn sem er á
lóðarmörkunum.
Í júní gerði skipulags- og
byggingarfulltrúi eiganda disksins
að sækja um leyfi fyrir diskinum
því uppsetning hans væri bygg-
ingarleyfisskyld. Ella yrði hann að
fjarlægja diskinn. Þrátt fyrir
ítrekanir yfirvalda hefur ekki
verið sótt um leyfið. Hefja átti
dagsektir 1. nóvember síðastliðinn
yrði diskurinn ekki fjarlægður. Sá
frestur hefur nú verið framlengd-
ur til 1. janúar á nýju ári. - gar
Nágrannadeila í Hafnarfirði
Boða sekt fyrir
gervihnattadisk
Elduðu sprengiefni á hellu
Sprenging varð í potti á eldavélar-
hellu í íbúð á Njálsgötu skömmu eftir
hádegi í gær. Að sögn slökkviliðs voru
unglingar að fikta með heimagert
sprengiefni í potti þegar blandan
sprakk. Ekki urðu slys á fólki, en
slökkvilið reykræsti íbúðina.
LÖGREGLUMÁL
Samningar við Elkem
Kjarasamningur Verkalýðsfélags Akra-
ness við Elkem hefur verið samþykkt-
ur með 80 prósent greiddra atkvæða.
KJARASAMNINGAR
VIÐSKIPTI Viðræður um aðkomu
nýrra hluthafa að Árvakri,
útgáfufélagi Morgunblaðsins,
ganga þokkalega, en lítið er hægt
að segja á þessu stigi, segir Einar
Sigurðsson, forstjóri Árvakurs.
Hann segir marga hafa lýst
áhuga á því að eignast hlut í
félaginu, sem hefur átt í talsverð-
um greiðsluerfiðleikum, og er
mjög skuldsett.
Ekki hefur enn tekist að greiða
öllum starfsmönnum laun. Einar
segir að rúmlega níu tíundu
hlutar launanna hafi þegar verið
greiddir og vonir standi til þess
að fljótlega takist að greiða það
sem upp á vanti. - bj
Áfram viðræður um Árvakur:
Hluti launa er
enn ógreiddur
ÍS
L
E
N
S
K
A
/S
IA
.I
S
/U
T
I
39
98
6
11
/0
7
Húfur og vettlingar
1.990kr.Verð frá
í jólapakkann
HOLTAGÖRÐUM GLÆSIBÆ KRINGLUNNI SMÁRALIND SÍMI 545 1500
Lögregluyfirvöld greina frá atburðinum þannig, í gríska dagblaðinu Ta Nea,
að um klukkan níu á laugardagskvöld hafi þrjátíu manna hópur ungmenna
gert atlögu að lögreglubíl með því að kasta að honum grjóti og spýtum. Eftir
að hafa lagt bílnum skammt frá komu lögreglumennirnir tveir að hópnum
og var þá kastað að þeim steinum og öðru. Annar lögreglumaðurinn var við
það að kasta táragassprengju en hinn hleypti af tveimur skotum upp í loft
en síðan einu á götuna í þeim tilgangi að fæla hópinn burt. Segist hann ekki
hafa vitað að síðasta skotið hæfði hinn 15 ára Alex Grigoropoulos fyrr en
yfirmenn hans sögðu honum frá því í talstöðinni nokkrum mínútum síðar.
Vitni sem sögðu frá atburðinum í dagblaðinu Ta Nea og eins á sjón-
varpsstöðinni Mega Channel segja hins vegar að þarna hafi verið um tíu
manna hópur sem vissulega hafi látið ófriðlega. Þegar hann stóð andspænis
lögreglumönnunum tveimur, og um 10 til 15 metrar voru á milli, þá kom til
snarpra orðaskipta með ögrunum á báða bóga. Segja þeir hópinn ekki hafa
kastað grjóti að lögreglu. Annar lögreglumaðurinn miðar svo byssu sinni að
drengnum og hleypir af tvívegis, drengurinn fellur niður en lögreglumenn
skeyta engu um það að sögn vitna. Í fyrirsögn forystugreinar blaðsins segir:
Morð af ásettu ráði. Eitt vitnanna segir á Mega Channel um lögreglumann-
inn: „Þessi kom til að drepa.“ - jse
ATBURÐARÁSIN Á LAUGARDAGSKVÖLD
ALEX GRIGOROPOULOS Forsætisráðherra Grikklands hefur beðið foreldra drengs-
ins sem var 15 ára afsökunar á framferði lögreglu.
GRIKKLAND „Aldrei áður hefur það
gerst að slík ólæti og mótmæli eigi
sér stað þrjá daga í röð,“ segir
Kostas Kyriakopolos blaðamaður
á Eleftheritypia en mikil ólga
hefur verið í
stærstu borgum
Grikklands frá
því að 15 ára
nemandi var
skotinn til bana
af lögreglu-
manni á laugar-
dagskvöld. „Um
400 til 500 versl-
anir í Aþenu
hafa orðið fyrir
miklu tjóni og
bera sig að sjálfsögðu ekki vel nú
þegar kaupmenn eru að búa sig
undir jólaannir. Miðbær Aþenu er
hulinn reyk og allt er á tjá og
tundri“
Fjöldi fólks slasaðist í átökum
gærdagsins og 20 voru handteknir.
„En það jákvæða er að hér hafa
farið fram mótmæli ungs fólks um
allt land, jafnvel í minnstu þorp-
um, þar sem fólk vill láta óánægju
sína í ljós. Unga fólkið hefur ærna
ástæðu til að láta í sér heyra og
það er alls óskylt ólátunum þar
sem öfgamenn fara fram með
miklu of-forsi, sá hópur er í raun
alltaf að leita að ástæðu til að fara
gegn yfirvöldum.“
Samkvæmt nýrri rannsókn sem
The London School of Economics
gerði í samvinnu greiningafyrir-
tækið Kapa Research býr þriðji
hver Grikki undir eða nálægt
fátæktarmörkum sem miðast við
470 evrur á mánuði. Frá þessu
greinir IPS fréttastofan. Í könnun
sem gerð var samhliða rannsókn-
inni kemur fram að um 60 prósent
landsmanna hafa áhyggjur af því
að þurfa aðstoð til þess að sjá
fyrir sér. Fyrir nokkrum árum
fékk almenningur í Grikklandi
mun meira aðgengi að lánsfé en
hann hafði áður haft en síðustu ár
hefur verðlag hækkað mikið
meðan laun hafa nánast staðið í
stað.
Kostas hefur verið blaðamaður
í 20 ár. Spurður hvort þetta séu
mestu umbrot sem hann hafi
skrifað um segir hann: „Nei, ekki
ennþá. En það gæti hæglega farið
svo að þau yrðu það. Þetta er
þriðji dagurinn og það liggur
mikið í loftinu, enginn veit hvaða
enda þetta tekur. Fólk er reitt,
þarna lætur drengur lífið í átök-
um sem virðast satt að segja
kjánaleg, það var engu líkara en
lögreglan væri þarna í tilgangs-
lausum götubardaga.“
Lögreglumaðurinn sem skaut
drenginn er í gæsluvarðhaldi.
jse@frettabladid.is
Miðbær Aþenu hulinn reyk
á þriðja degi mikilla óeirða
Mótmæli og óeirðir voru í Grikklandi þriðja daginn í röð síðan lögreglan skaut 15 ára nemanda. Enginn
veit hvernig þetta endar, segir grískur blaðamaður. Engu líkara en lögreglan hafi staðið í götubardaga.
Í AÞENU Í GÆR Nemandi lætur óeirðarlögreglumenn hafa rauðar rósir til marks um
það að allir ættu að syrgja drenginn sem lét lífið eftir útistöður við lögreglu.
FRÉTTABLAÐIÐ/AP
KOSTAS
KYRIAKOPOULOS
VEISTU SVARIÐ?