Fréttablaðið - 09.12.2008, Blaðsíða 17
Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
Vilma Bacianskaite er fædd og
uppalin í Litháen, en settist að hér
á landi ásamt fjölskyldu sinni árið
2000. Margt kom henni undarlega
fyrir sjónir eftir komuna til lands-
ins, þar á meðal jólaundirbúning-
urinn og jólin sem eru að ýmsu
leyti frábrugðin því sem hún var
vön.
„Ég gleymi aldrei fyrstu jólun-
um á Íslandi. Ég bjó þá hjá góðri,
íslenskri fjölskyldu og vissi ekki
við hverju átti að búast en hlakk-
aði mikið til,“ segir Vilma og rifj-
ar upp fyrstu kynni sín af íslensk-
um jólasiðum. „Ég hafði aldrei
heyrt að jólasveinninn setti gjafir
í skóinn. Þegar ég sá svo skó í
glugganum í fyrsta sinn skilaði ég
honum á sinn stað í forstofuna.
Jólasveinninn varð ekki par
ánægður og daginn eftir var þetta
útskýrt fyrir mér,“ segir hún og
hlær.
Vilma segir fleira ólíkt með
jólahaldi þjóðanna. „Áður en jólin
renna upp er til dæmis hefð fyrir
því að fólk reyni að gera upp
skuldir sínar og fyrirgefi svo
þeim sem hafa gert á þeirra hlut.
Meirihluti þjóðarinnar eða í
kringum 80 prósent er kaþólskur
og sækir messu á aðfanga- og
jóladag. Að messu lokinni hefst
veisluhald þar sem fjölskyldan
sest að snæðingi. Yfirleitt eru
ekki bornir fram færri en tólf
réttir sem tákna mánuði ársins;
þeirra á meðal eru síld og alls
kyns fiskréttir, trönuberjasafi og
kuciukai, sem eru brauðbollur, og
svo guðsbrauð, eða kalédaites eða
plotkelé,“ segir hún.
„Fólk verður að fá nóg að borða
þar sem talið er að það færi þeim
aukið fé árið eftir,“ útskýrir
Vilma og bætir við að skömmu
eftir að börnin hafi opnað gjafir
fari fólk í leiki. „Menn taka svo á
sig náðir seinna um kvöldið án
þess að ganga frá, svo sálir lát-
inna ættingja geti gætt sér á
veislukrásunum. Við gefum dýr-
unum svo afgangana næsta dag
til að þau verði sterkari á árinu
sem fer í hönd,“ útskýrir hún.
Vilma heldur í hluta þessara
hefða og hefur svo tileinkað sér
nokkra íslenska. „Ég bakaði til
dæmis piparkökur með stráknum
mínum í fyrra og honum fannst
það rosalega gaman. Svo förum
við fjölskyldan yfirleitt í messu í
Hallgrímskirkju, þar sem fallegt
er og róandi andrúmsloft.“
roald@frettabladid.is
Jólasveinninn ekki sáttur
Vilma Bacianskaite flutti frá Litháen til Íslands árið 2000 og gleymir seint fyrstu jólunum hérlendis.
Vilma ætlar að verja jólunum í Litháen í ár og hlakkar til að hitta alla fjölskylduna á ný. FRÉTTABLAÐIÐ/GVA
GERVIJÓLATRÉ geta verið til alveg jafn mik-
illar prýði og lifandi tré ef þau eru falleg og kost-
ur að geta notað sama tréð ár eftir ár. Þeir sem
eru sæmilega handlagnir geta jafnvel smíðað
sitt eigið jólatré.
Minnum á vefverslunina
kristy.is
Kristy sf | Skúlagötu 13 | 310 Borgarnesi | tel/fax. 437 1234
t í ö
Dugguvogi 2 / s: 557 9510 / www.patti.is
Opnunartími : Mánudaga - Föstudaga frá 9 til 18 og Laugardaga frá 11 til 16
50%
AFSLÁTTUR
90 x 200 cm
120 x 200 cm
150 x 200 cm
180 x 200 cm
Verð frá kr. 44.450,-
Verð frá Kr. 55.950,-
Verð frá Kr. 67.450,-
Verð frá Kr. 80.950,-
Verðdæmi með afslætti:
af öllum rúmum
út nóvember
VERÐHRUNPatti lagersala