Fréttablaðið - 11.12.2008, Blaðsíða 8
8 11. desember 2008 FIMMTUDAGUR
EFNAHAGSMÁL Fjármálaeftirlitið og
skilanefndir bankanna, sem starfa
í umboði þess, settu tvö skilyrði
fyrir því að endurskoðunarfyrir-
tæki gætu rannsakað bankana og
gjörðir þeirra í bankahruninu: Að
þau hefðu ekki endurskoðað bank-
ana á sínum tíma og að þau kæmu
hlutlaus að verkinu.
Skilanefnd Glitnis mælti með
KPMG til að rannsaka Glitni og
Fjármálaeftirlitið lagði blessun
sína yfir það. Síðan varð kunnugt
að forstjóri KPMG er faðir fram-
kvæmdastjóra Stoða, sem var
stærsti hluthafi Glitnis. Einnig að
KPMG endurskoðaði og endur-
skoðar enn, eftir því sem næst
verður komist, fyrirtæki sem áttu
alls nærri helmingshlut í Glitni.
Fjármálaeftirlitið fellur undir
Björgvin G. Sigurðsson banka-
málaráðherra. Hann sjálfur segist
hafa vitað að KPMG hafi rannsak-
að Glitni en ekki að KPMG hafi
hugsanlega átt hagsmuna að gæta í
slíkri rannsókn. Hann svaraði ekki
fyrirspurnum Fréttablaðsins í
gær.
Eftir mikla umræðu um KPMG
og Glitni hefur það fyrrnefnda
horfið frá rannsókn sinni, eftir
tveggja mánaða starf. Óljóst er
hvort notast verður við þau gögn
sem KPMG hefur útbúið í rann-
sókn sinni, þegar nýtt fyrirtæki
tekur við henni.
Ágúst Ólafur Ágústsson, for-
maður viðskiptanefndar Alþingis
og varaformaður Samfylkingar-
innar, segist ekki geta séð að nokk-
ur skaði hafi orðið af því að KPMG
var falið verkið en málið sé þó
„bagalegt“. Það gefi ekki tilefni til
að neinn sæti ábyrgð og segi af sér.
Samflokksmaður hans í nefndinni,
Árni Páll Árnason, veit ekki hversu
ríkar kröfur er hægt að gera til
Fjármálaeftirlitsins um að endur-
skoðendur séu rannsakaðir. Afglöp-
in liggi fyrst og fremst hjá KPMG.
Jón Bjarnason, fulltrúi VG í
nefndinni, telur einnig að ábyrgð
KPMG sé mikil og veltir fyrir sér
hvort fyrirtækið styðjist ekki við
siðareglur.
Hins vegar telur sjálfstæðismað-
urinn Jón Gunnarsson að Fjármála-
eftirlitið og skilanefndin hafi gert
mistök. Hann leggur til manna-
skipti: „Til að endurvekja trúverð-
ugleika og til að halda trausti
almennings á þeirri vinnu sem
eftir er ættu forystumenn ríkis-
stjórnarinnar að gera þær breyt-
ingar sem þarf að gera. [...] Þetta
gæti átt við um Seðlabankann,
Fjármálaeftirlitið og skilanefndir
og klárlega inn í ríkisstjórnina.“
Hann nefnir þó ekki nöfn: „Það
ætti að vera auðlesið.“
Birkir J. Jónsson úr Framsókn
ætlar svo að leggja til að málið
verði tekið upp í nefndinni. Hann
hvetur einnig til mannabreytinga í
ríkisstjórn. klemens@frettabladid.is
FME krafðist
hlutleysis og
valdi KPMG
Annað tveggja skilyrða FME fyrir því að fyrirtæki
gætu rannsakað bankana var að þau væru hlut-
laus. KPMG hefur nú hætt tveggja mánaða langri
rannsókn á Glitni. Sumir í viðskiptanefnd Alþingis
kenna KPMG um, aðrir stjórnvöldum.
BJÖRGVIN GUÐNI SIGURÐSSON JÓNAS FRIÐRIK JÓNSSON
JÓN GUNNARSSON ÁGÚST ÓLAFUR ÁGÚSTSSON
Vinnumarkaðurinn
og atvinnuhorfur framundan
Opinn fundur á vegum BSRB í dag
kl. 16:30 – 18:00 í BSRB – húsinu Grettisgötu 89
Á fundinum verður fjallað um sérkenni íslenska
vinnumarkaðarins og úrræði fyrir þá sem standa frammi
fyrir atvinnumissi.
Framsögur hafa
Gylfi Dalmann dósent við Háskóla Íslands
Gissur Pétursson forstjóri Vinnumálastofnunar
Fundarstjóri
Helga Jónsdóttir framkvæmdastjóri BSRB
Að loknum framsöguerindum verður opnað fyrir fyrirspurnir úr sal
Klæddu þig vel
í skíðaferðina.
66°Norður auðveldar þér
undirbúninginn fyrir skíðaferðina.
Gildir fyrir alla sem panta
skíðaferð með Úrval Útsýn.
Sýnið staðfestingu á pöntun.
www.uu.is
www.66north.is
Auglýsingasími
– Mest lesið
LÖGREGLUMÁL Mikið magn af efnum
á vinnslustigi amfetamíns var
tekið í amfetamínverksmiðjunni í
Hafnarfirði á dögunum. Þar var
einnig sérhæfður glerbúnaður í
miklu magni. Slíkur búnaður er
ætlaður fyrir tilraunastofur, að
sögn lögreglu. Að auki var ýmis
annar búnaður tekin í húsnæðinu.
Við húsleitina tók lögreglan líka
um 18,2 kíló af hassi og tæplega
700 grömm af amfetamíni. Jafn-
framt var lagt hald á liðlega 3.500
millilítra af BMK, sem er þekkt
upphafsefni og/eða milliefni í
framleiðslu amfetamíns eða met-
amfetamíns. Þá voru 38 kíló af P-2-
NP sem er efni sem er notað í sama
tilgangi. Ekki liggja fyrir útreikn-
ingar á hversu mikið magn af
amfetamíni til götusölu hefði verið
hægt að búa til úr ofangreindu
magni. Tveir menn, þeir Jónas
Ingi Ragnarsson og Tindur Jóns-
son, voru handteknir. Þeir sátu um
tíma í gæsluvarðhaldi vegna rann-
sóknar málsins. Þeir afplána nú
dóma vegna annarra mála. - jss
Amfetamínverksmiðjan í Hafnarfirði:
Mikið magn amfeta-
míns á vinnslustigi