Fréttablaðið - 11.12.2008, Blaðsíða 16

16 11. desember 2008 FIMMTUDAGUR
nær og fjær
„ORÐRÉTT“
„Það er svona helst að frétta að lagið okkar, Sé
þig seinna, er eitt vinsælasta lag landsins,“ segir
Magni Ásgeirsson, söngvari hljómsveitarinnar Á
móti sól. „Svo erum við að fara að spila á balli í
Hvíta húsinu á Selfossi á laugardaginn en það er
svona einn af heimavöllum hljómsveitarinnar.
Á annan í jólum erum við svo að spila á
Egilsstöðum en það finnst mér eiginlega
skemmtilegasta ball ársins. Þá hittir maður
alla þá sem koma heim um jólin og ég má
í raun ekkert vera að því að syngja.
Núna er ég í prófum því ég fékk þá
frábæru hugmynd í haust að skrá mig aftur í
nám við Menntaskólann á Egilsstöðum.
Ég er í fjarnámi og er einmitt að
læra undir þýskupróf en þýska
er eiginlega það eina sem ég
á eftir til að verða stúdent.
Þar sem konan mín er
framhaldsskólakennari fæ ég smá aðhald heima
við. Hún kemur stundum fram við mig eins og
ég sé einn af krökkunum og skammar mig fyrir
að læra ekki nógu mikið heima.
Ég viðurkenni að ég var ekkert rosalega
duglegur að læra á menntaskólaárunum.
Var svolítið meira að hugsa um að vera
í hljómsveit og skemmta mér, eins og
maður á að gera þegar maður er í
menntaskóla. Ég vissi að þetta væru
skemmtilegustu árin en gleymdi
bara að maður ætti líka að vera
í skólanum. Ég kláraði ekki
námið heldur ákvað að elta
drauminn, fara til Reykjavíkur
og ganga í hljómsveit en hef nú
snúið aftur í skólann til að klára
þetta.“
HVAÐ ER AÐ FRÉTTA? MAGNI ÁSGEIRSSON TÓNLISTARMAÐUR
Fær skammir fyrir að læra ekki heima
En stofna hljómsveit?
„Nei, við erum ekki að
mynda ríkisstjórn við Össur
Skarphéðinsson.“
ÖGMUNDUR JÓNASSON Í VG UM
FUND SINN MEÐ IÐNAÐARRÁÐ-
HERRA UM HELGINA.
Fréttablaðið, 9. desember
Margt er líkt...
„Aldrei áður hefur það gerst
að slík ólæti og mótmæli eigi
sér stað þrjá daga í röð.“
KOSTAS KYRIAKOPOLOS BLAÐA-
MAÐUR UM ÓEIRÐIRNAR Í AÞENU.
Fréttablaðið, 9. desember
„Mér finnst mótmælin á Austurvelli eiga fyllilega
rétt á sér og vona að þau hafi tilætluð áhrif,“
segir Baldvin Esra Einarsson útgefandi. Hann
átti erindi til Reykjavíkur um þarsíðustu helgi og
skundaði á Austurvöll. „Ástandið og stemningin
er tvíþætt. Annars vegar finn ég fyrir því að fólk er
kvíðið og mikil óvissa í gangi. Einnig er ákveðinn
nýr hugsunarháttur að spretta upp. Í mínum hópi
er fólk farið að hugsa hlutina frá öðru sjónar-
horni, sjá aðra möguleika,“ segir Baldvin. Hann
segir þó fara í taugarnar á sér að áherslan í mót-
mælunum og fréttaflutningi af þeim, sé ítrekað á
það hversu reitt fólk sé. Tilfinningin reiði sé ekki
réttu rökin fyrir því að stjórnvöld eigi að fara frá.
„Þeir eiga að fara frá af því að þeir brutu af sér
og stóðu sig ekki í sínu starfi.“ Baldvin segist hafa
á tilfinningunni að heldur fari að draga úr mót-
mælum, og ekki síður áhuga fjölmiðla á þeim.
„Ég vona auðvitað að svo verði ekki og fólk haldi
áfram að láta í sér heyra.“
SJÓNARHÓLL
MÓTMÆLI
Örlar á nýjum hugsunarhætti
BALDVIN ESRA
EINARSSON
Eiríkur Erlingsson, nemandi í 9. bekk í Tjarnarskóla,
bar sigur úr býtum í fréttagetraun Stoðkennarans og
Fréttablaðsins.
Getraunin fór fram í sex lotum á jafn mörgum
vikum. Í hverri lotu þurftu þátttakendur að svara tíu
spurningum úr fréttum liðinnar viku og tengdust
spurningarnar fréttum af fyrstu sex síðum hvers
blaðs. Hugmyndin að baki keppninni var að hvetja
nemendur til að fylgjast með fréttum líðandi
stundar og mynda sér sjálfstæðar skoðanir á ýmsu
því sem hæst ber hverju sinni.
Eiríkur, sem sigraði í keppninni, er greinilega með
gott fréttanef því hann skoraði fullt hús stiga, eða 60
stig alls. Hann segist ávallt lesa blöðin eftir skóla og
reynir að fylgjast vel með fréttum. Starkaður
Barkarson, afhenti Eiríki sigurlaunin fyrir hönd
Stoðkennarans, bókina Maðurinn – Leiðsögn í máli
og myndum. Fast á hæla Eiríki fylgdu tvær stúlkur,
Unnur Karen Guðbjörnsdóttir úr Breiðholtsskóla og
Halldóra Þóra Birgisdóttir úr Varmárskóla, sem
báðar skoruðu 59 stig af 60.
Stoðkennarinn er námsvefur sem býður skólum og
einstaklingum upp á gagnvirk námskeið í íslensku,
ensku, dönsku, stærðfræði og tölvunámi. Námsefnið
er einkum sniðið að þörfum elstu grunnskólanna og
fyrsta árs nema framhaldsskólanna.
Getraunakeppni Stoðkennarans og Fréttablaðsins:
Sigurvegarinn úr Tjarnarskóla
SIGURLAUNIN AFHENT Starkaður Barkarson afhendir Eiríki
Erlingssyni bókaverðlaun, en Eiríkur skoraði fullt hús stiga í
fréttagetrauninni. FRÉTTABLAÐIÐ/GVA
■ Alfræðisafnið Wikipedia hefur
verið á Netinu síðan 2001 og vex
jafnt og þétt. Í ensku útgáf-
unni, sem er stærst, eru nú 2,6
milljónir flettiorða, en alls eru
til 240 útgáfur á jafnmörgum
tungumálum. Íslensk útgáfa af
Wikipediu hefur verið á Netinu í
fimm ár og nú eru þar rúmlega
23 þúsund greinar, en margar
þeirra eru reyndar ekki annað en
stubbar. Orðið „Wiki“ er fengið
frá Havaí og þýðir „hratt“. Forveri
Wikipediu, WikiWikiWeb, var
reyndar orðinn að veruleika strax
árið 1995.
FRÓÐLEIKUR
WIKIPEDIA
Svokölluð Þjóðarskúta
hefur verið smíðuð fyrir
Mæðrastyrksnefnd en nú
vantar aðeins skipstjóra
sem mun róa til fjár en ekki
fiskjar.
Starfsmenn Víkurvagna hafa und-
anfarið bjástrað við smíðar á nýrri
þjóðarskútu og fengu þeir sér til
aðstoðar gesti sem komu við og
völdu sinn bút til að þekja kjölinn.
„Nú er skútan tilbúin en það vant-
ar bara skipstjórann,“ segir
Jóhannes V. Reynisson frá Víkur-
vögnum. Þessi þjóðarskúta mun
gera út fyrir Mæðrastyrksnefnd
sem fær hana afhenta í Smáralind
á föstudag en skipstjórans bíður
það verkefni að róa til fjár fyrir
útgerðina.
„Skútan er þannig hönnuð að
hún verður lokuð að ofanverðu
með tvöföldu gleri,“ útskýrir
Jóhannes. „Hins vegar verður
rauf á glerinu þar sem fólk getur
sett pening inn. Það kemur svo í
hlut skipstjórans að róa á góð mið
þannig að hann komi helst með
fullfermi fjár til Mæðrastyrks-
nefndar þegar hann kemur að
landi,“ segir hann og brosir við.
Ekki er ólíklegt að bátasmiðurinn
atarna verði á höttunum eftir skip-
stjóra í Smáralindinni á föstudag.
„Ég varð alveg orðlaus þegar
þeir hringdu og sögðu mér frá
þessu,“ segir Ragnhildur G. Guð-
mundsdóttir, formaður Mæðra-
styrksnefndar. „Okkur hér finnst
þetta alveg frábært ekki síst fyrir
þær sakir að það er svo mikil hug-
sjón á bakvið þetta. Þannig að
þetta er okkur mikil hvatning.“
Hún segist ekki í nokkrum vafa
um að góður skipstjóri finnist.
jse@frettabladid.is
Skipstjóra vantar á skútu
SKÚTAN Í SMÍÐUM Starfsmenn Víkurvagna setja þjóðarskútuna saman. Það er eins gott að hún haldi í veðrum og vindum í
títtnefndum ólgusjó.
JÓHANNES V. REYNISSON OG SVEINN
RÚNAR ÞÓRARINSSON FRÉTTABLAÐIÐ/STEFÁN
Smiðjuvegi 5 + Höfðabakka 3
Borgartúni 29 + Glerárgötu 34
sala@a4.is + www.a4.is
Sími: 515 5100
Leggðu spilin
á borðið um þessi jól!
Mikið úrval af vönduðum spilum frá Learning Resources,
Monopoly, Trivial Disney o.fl.
20%
AFSLÁT
TUR
af öllum
ferðatös
kum og
snyrtitös
kum í de
sember