Fréttablaðið - 11.12.2008, Blaðsíða 40

11. DESEMBER 2008 FIMMTUDAGUR6 ● fréttablaðið ● veljum íslenskt
Vörur frá fyrirtækinu Kötlu
hafa fyllt íslensk eldhús af bök-
unarilmi í meira en hálfa öld.
Kökudropar, púðursykur og
kakó er kjarni framleiðslunnar
sem hefur aldrei verið öflugri.
„Það er greinilega orðinn meiri
áhugi fyrir heimabakstri en áður og
það skemmtilega er að eftirspurnin
eftir íslenskum vörum hefur aukist
mikið á síðustu vikum,“ segir Hall-
dór Sævar Grímsson, sölustjóri
hjá Kötlu, þegar kíkt er í heimsókn
þangað.
Katla var stofnuð 1954 og hefur
verið í höndum sama eiganda frá
1986. Þar eru seldar um 2.000 vöru-
tegundir fyrir bökunariðnað, kjöt-
iðnað, fiskiðnað og almenna neyt-
endur. „Við erum með góðan mann-
skap og gott kerfi þannig að við
getum brugðist hratt við eftir-
spurn,“ segir Halldór og tekur sem
dæmi að sami maður geti pakkað
salti, súpujurtum og kartöflumjöli á
einum degi í sömu vélasamstæðu.
Fyrirtækið er í nýlegu og sér-
hönnuðu húsnæði. Þar starfa átján
manns og í vinnslusalnum eru þrjár
vélasamstæður með sílóum sem
taka frá 30 kílóum upp í tvö tonn.
Verið er að tappa hinum vel
þekktu vanilludropum í glös og ljúfa
angan þeirra leggur að vitum. Að
sögn sölumannsins eru þeir langvin-
sælastir bökunardropanna, næstir
koma kardimommu, þá sítrónu og
möndludroparnir reka lestina. Auk
þessara fjögurra eru rommdropar
og piparmyntudropar aftur komnir
á markað eftir hlé, vegna þrýstings
frá markaðinum að sögn Halldórs.
„Við gátum talið kvörtunarsímtölin
í hundruðum í fyrra. Húsfreyjurnar
gátu ekki gert rommpúnsið og jóla-
búðinginn eins og þær höfðu gert
árum saman en ég vona að þær taki
gleði sína nú,“ segir hann og kveðst
sjálfur hafa gaman af hefðum. - gun
Heimsókn í köku-
dropalandið Kötlu
Marcin Ujex pakkar púðursykrinum í rennilásapoka. FRÉTTABLAÐIÐ/ANTON
Erna Arnardóttir
rekur fyrir-
tækið Assan og
býður upp á fjöl-
marga skemmtilega
hluti sem henta sérstaklega vel
sem tækifærisgjafir, jólagjaf-
ir og sængurgjafir. Eitt af aðals-
merkjum Assan eru samfellur á ný-
bura sem eru merktar. Merkingin dregur dám
af „eign þvottahúss spítalanna“ sem sjá má á fötum frá Spítölum
höfuðborgarsvæðisins.
Vörurnar má panta í
gegnum netið en einnig
tekur Erna að sér að kynna
vörur sínar fyrir hópum
bæði í heimahúsum og fyr-
irtækjum.
Nánari upplýsingar á
www.assan.is.
Christopher K. Mellev
blandar púðursykur-
inn uppi á efri hæð.
Halldór Sævar Grímsson er
sölustjóri Kötlu. FRÉTTABLAÐIÐ/ANTON
Vél sem sér um að
setja tappa og miða á
glösin.
Eign mömmu
og pabba