Tíminn - 26.05.1982, Blaðsíða 10

10
Miðvikudagur 26. mai 1982
heimilistTm in n I
■ Þetta er léttur og þægilegur
sumarfatnaður, sem gott er aö
gripa til á góðviörisdögum, sem
vonandi verða sem flestir hjá
okkur i sumar. Samfestingurinn
er gefinn upp i 116 centilong (5-6
ára) og kjóllinn 1128 centilong (7-
8 ára). En það á að vera auðvelt
aö stytta eða sikka þau að vild.
Saumaskapurinn er einfaldur og
á færi jafnvel mestu klaufa.
umsjón: B.St. og K.L.
■ ....og svo fæ ég að eiga rjóm-
ann, sem eftir er i skálinni",
sagði Hanna litla, þegar mamma
hennar hafði lokið við að búa til
súkkulaðibúðinginn
Kjóllinn:
Efni: 2,50 m af 90 cm breiðu eða
1,50 m af 1,40 m breiðu efni.
Aðferð:Stækkið sniðiðmeð þvi að
teikna það yfir á rúðustrikaðan
pappir, rúðurnar 2x2 cm að stærð.
Reikniö með 1 cm saumfari við
hálsinn. í efri brún vasans skuluö
þið reikna með 3 cm saumfari.
Leggiö sniðin á efniö og klippið
eftir þeim. Saumið berustykkin
Svalur sumarfatnaður
fyrir ungu dömurnar
saman á öxlunum, rétta á móti
réttu, og saumið kantinn niður i
hálsmálið. Saumið vasann á pils-
ið, þar sem ykkur finnst hann
fara best. Það er auðveldast, þeg-
ar efnið liggur slétt. Nú saumið
þið hliðarsaumana og siöan
sauminn að framan, upp að
hnappalistanum. Brjótið nú inn á
ermavængina, eins og sýnt er á
sniðteikningunni. Saumið saman
á röngunni og pressið vel.
Saumið með stungusporum
u.þ.b. 2,5 cm frá brún allt i kring-
um ermavængina. Saumið nú
saman pilsið og blússuna. Brjótið
hnappalistann saman, réttu á
móti réttu, eftir ystu punktalin-
unni á sniðteikningunni. Saumið á
röngunni við hálsmál og neðri
brún. Mælið heppilega sidd og
faldiö. Saumið f hnappa og
hnappagöt.
Samfestingurinn:
Efni: 1,20 m af 1,40 m breiðu eða
1,90 m af 90 cm breiðu bómullar-
efni.
Aðferð:Stækkið sniðið með þvi að
teikna það á rúðupappir með 2x2
cm rúðum. Leggið sniðið á efnið
og sniðið eftir þvi (berustykkið á
að sniða fjórfalt). Þegar allir
hlutarnir, hafa verið sniðnir,
„teygið” þá ofurlitið á bakstykk-
inu á þeim stöðum, sem merktir
eru með smákrossum á sniða-
teikningunni. Það gefur buxunum
betra form.
Saumið framstykkin saman i
miðju, frá klofi og upp úr. Þá eru
bakstykkin saumuð saman á
sama hátt. Leggiö nú fram- og
bakstykki saman, rétta á móti
réttu. Saumið hliðarsauma og
siðan innanfótarsaumana. Það
fer best, ef saumað er frá klofi
niður úr.
Saumið tvo rykkingarsauma i
efri brún buxnanna (bæði að aft-
an og framan). Hafið u.þ.b. 3 mm
á milli þráðanna. Rykkið saman
þar til buxurnar passa við beru-
stykkið. Leggið tvo og tvo beru-
stykkjahluta saman, rétta á móti
réttu. Saumið þá á þrjá vegu.
Snúið þeim við, svo að réttan snúi
út, og pressið. Saumið berustykk-
in föst við efri brún buxnanna,
bæði að aftan og framan.
Hlýrarnir eru nú saumaðir sam-
an og snúið við, þannig- að réttan
snúi út. Pressið þá vel. Mælið,
hvar þeir fara best á berustykk-
inu og saumið þá fasta á fram-
stykkin. A bakstykkin gerið þið
hnappagöt. Saumið hólka fyrir
teygjubönd neðst á skálmunum
og þræðið teygjur þar i. Þá er
samfestingurinn tilbúinn, en til að
setja punktinn yfir i-ið er gaman ’
að skreyta berustykkið með ein-
hverju munstri. Þaö má hvort
heldur er sauma i eða mála á, nú
eða applikera.

Hátíóa
súkku-
laði
búðingur
■ Þessi súkkulaðibúðingur, sem
hér er gefin uppskrift að er mjög
ljúffengur, en þó ekki mjög sætur,
þvi að ekki er bætt neinum sykri
út i. Suðusúkkulaðið er auðvitað
svolitið sætt og það er látið duga.
Fyrir almestu sælkerana getur
veriðgottað bæta eins og tveimur
matskeiðum af flórsykri (sigtuð-
um) út i brætt súkkulaðið með
eggjarauðunum, en það er hreinn
óþarfi.
Efnið i súkkulaðibúðinginn:
80-100 gr suðusúkkulaði
4 egg
2 1/2 dl rjómi
Brjótið súkkulaðið i smábita og
bræðið i potti yfir sjóðandi vatni.
Siðan á að hræra út i bráðið
súkkulaðið einni og einni eggja-
rauðu i senn. Eggjahviturnar sem
eru stifþeyttar eru svo settar út i
og að siðustu stifþeyttum rjóma.
Svolitið er tekið frá af rjómanum
til að skreyta skálarnar með.
Skemmtilegast er að bera
búðinginn fram i' smá-ábætisskál-
um.
Góð ráð i sambandi við rjóma:
Rjómi á að vera vel kaldur til
þess að hann þeytist vel, og betra
er að hann sé eins og tveggja
sólarhringa gamall (auðvitað
geymdur i kæliskáp).
Ef nota á þeyttan rjóma með
kökum, eða niðursoðnum ávöxt-
um, er hægt að bragðbæta hann
t.d. með vanillusykri og flórsykri,
eða muldum makkarónu-kökum
og sherry. Rjóminn þarf að vera
vel þeyttur áður en bragðefnum
er bætt i.
■ Skemmtilegast er að bera
súkkulaðibúðinginn fram I
ábætisskálum, skreyttan með
þeyttum rjóma og rifnu súkku-
laði.