Tíminn - 29.05.1982, Blaðsíða 5
Laugardagur 29. mal 1982
erlent yfirlit
■ EF SÚ spá Breta rætist að þeir
muni fljótlega yfirbuga herlið
Argentlnu á Falklandseyjum, er
þess sennilega ekki langt að biða
að stjórnarskipti verði i Argen-
tinu.
Margt bendir orðið til þess, að
Galtieri forseti sé ekki fastur i
sessi. Þetta myndi þó breytast ef
Argentinumenn ynnu hernaðar-
sigur á Falklandseyjum. Það gæti
tryggt honum völdin i náinni
framtið. Slikur sigur virðist hins
vegar ekki liklegur.
Þriðji möguleikinn er ef til vill
liklegastur en hann er sá að hvor-
ugur aðilinn vinni lokasigur að
sinni og styrjöldin haldi þvi á-
fram um ófyrirsjáanlega framtið.
Það myndi hún raunar einnig
gera, þótt Bretar yfirbuguðu her-
lið Argentinumanna á Falklands-
eyjum.
Argentinumenn myndu þá
halda áfram að áreita Breta á
Falklandseyjum. Fyrr eða siðar
myndu Bretar neyðast til að gef-
ast upp jafnt af efnahagslegum og
hernaðarlegum ástæðum.
En fari svo, að Bretar sigri
fljótlega á Falklandseyjum eða
styrjöldin dragist á langinn,
bendir flest til þess, að Galtieri
verði að láta af völdum. Dýr
styrjaldarrekstu'r mun þá bætast
við hina miklu efnahagsörðug-
leika sem voru fyrir. Galtieri
verður talinn sökudólgurinn.
Dæmið mun þó ekki snúast við
■ Isabel Pcron
Galtieri orðinn
valtur í sessi
Komast Peronistar til valda?
þannig, að krafizt verði stjórnar
sem semji við Breta. Þvert á móti
verður krafizt stjórnar, sem sam-
eini þjóðina enn betur gegn Bret-
um og Bandarikjunum.
Hugsanlegt þykir að hershöfð-
ingjarnir reyni að halda völdum á
þann hátt að láta annan hershöfð-
ingja taka við af Galtieri. Þvi
fylgir sú áhætta fyrir þá að slikur
arftaki yrði ekki neitt vinsælli en
Galtieri nema siður væri.
Sú krafa er sögð hafa sivaxandi
fylgi i Argentinu að lýðræðistjórn
verði endurreist að nýju. Það hef-
ur veriðvani hershöfðingjanna að
láta undan slikri kröfu þegar
henni hefur vaxið nægilegt fylgi.
Þvi hafa eftir siðari heimsstyrj-
öldina ýmist verið lýðræðis-
stjórnir eða hershöfðingjastjórnir
i Argentinu.
Núverandi hershöfðingjastjórn
kom til valda 1976, þegar Isabel
Peron var steypt af stóli. Stjórnin
hefur verið að boða að undan-
förnu að ætlun hennar væri sam-
kvæmt fyrri venju að endurreisa
lýðræðislegt stjórnarfar. Galtieri
hefur siðan hann varð forseti i
desember i vetur losað um ýmsar
hömlur á starfsemi flokkanna.
SIÐAN Falklandsstyrjöldin
hófst hafa flokkarhir stöðpgt látið
meira til sin taka. Mest hefur bor-
ið á Peronistum enda hafa þeir
mest -'fylgi og yrðu sennilegast
sigurvegarar I kosningum.
Isabel Peron sem er nú i útlegð
á Spáni, hefur lagt á ráðin að þvi
taliðer. Hún er sögð hafa lýst yfir
stuðningi sinum við Italo Luder
fyrrverandi forseta öldungadeild-
ar þingsins, sem forsetaefni Per-
onista.
Það mun ekki talið hyggilegt af
henni eða ráöunautum hennar, að
hún reyni að sinni að komast i for-
setaembættið. Sennilega hugsar
hún til þess siðar.
Það er sagt að það hafi einnig
veriðað ráðum Isabel, að um 2000
forustumenn Peronista komu ný-
lega saman i Buenos Aires. Sam-
koma þeirra var haldin undir þvi
yfirskyni ab þeir kæmu aðeins
saman til bænagerðar, sem væri
helguð argentinska hernum.
Hernaðaryfirvöldin treystu sér
ekki til að banna slika bænagerð,
enda þótt þeim hafi verið ljóst að
fleira bjó hér undir.
■ Galtieri forseti.
Aðrir flokkar eru þegar farnir
að hiígsa sér til hreyfings. Ný
samtök sem einkum styöjast við
menntamenn hafa á orði að bjóða
fram Oscar Camilión sem var ut-
anrikisráðherra þangaö til fyrir
ári.
Róttæki flokkurinn sem hefur
gengið næst Peronistum að stærð,
hefur hreyft þeirri hugmynd að
flokkarnir allir sameinuðust um
Aturo Illia sem var lýðræðislega
kjörinn forseti 1963 og gegndi for-
setaembættinu til 1966, er herinn
rak hann frá völdum. Illia er orð-
inn 82 ára en sæmilega ern.
ÞAÐ þykir nokkurn veginn vist,
að ekki myndi það auka sam-
komulagshorfur i Falklandsdeil-
unni, ef stjórnmálaflokkarnir
fengju völdin. Allir hafa þeir það
á oddinum að Argentina haldi til-
kalli sinu til Falklandseyja til
streitu. Lengst ganga Peronistar.
Fyrrverandi utanrikisráðherra
þeirra, Federico Robledo, hefur
lýst yfir þeirri stefnu þeirra, að
það eigi að vera skilyrði fyrir við-
ræðum við Breta að þeir viður-
kenni yfirráð Argentinu á Falk-
landseyjum.
Hin harða afstaöa stjórnmála-
flokkanna veldur þvi að það yrði
dauðadómur fyrir hvaða hers-
höfðingastjórn sem væri að semja
um einhverja tilslökun við Breta i
Falklandseyjadeilunni.
Bandarikjamenn munu telja
það allt annað en æskilegt að fá
Peronistastjórn i Argentinu. Þeir
óttast aðslik stjórn gæti tekið upp
samskipti við Kúbu. Ef styrjöldin
héldi áfram, myndu Peronistar
sennilega ekki hika við að hefja
framleiðslu kjarnavopna, en Arg-
entinumenn eru komnir langt á
þvi sviði. Brasilia myndi þá ekki
vilja verða eftirbátur.
Nýlendustyrjöld Breta i Suður-
höfum getur þannig átt eftir aö
draga örlagarikan dilk á eftir sér.
Hún er á góðum vegi að sam-
fylkja Rómönsku Amerikurikjun-
um gegn Vestur-Evrópu og
Bandarikjunum. Hún er aö stuðla
að þvi, að rikin þar verði ákveðn-
ari i þvi en áður að hefja fram-
leiðslu kjarnavopna. Loks getur
hún stuðlað að þvi að ryðja Per-
onismanum ekki aðeins braut i
Argentinu heldur viðar i Suður-
Ameriku.
Það er eins og Bretar hafi ekk-
ert hugsað um afleiðingarnar áð-
ur en þeir hófu innrásina á Falk-
landseyjar. Það er raunar ekki i
fyrsta sinn, sem þeir hafa setið
lengur en sætt var i nýlendum
sinum.
Þórarinn Þórarinsson,
ritstjóri, skrifar
á hestaslóðum
Fjórir f ram-
kvæmdastjórar
á landsmóti
■ Landsmót hestamanna verður
haldið í sumar, dagana 7.-11. júlí,
á Vindheimamelum í Skagafirði.
Framkvæmdanefnd mótsins hefur
tekið til starfa og er hún skipuð
níu mönnum, fimm Skagfirðing-
um og sínum tveim úr hesta-
mannafélögum austan við og vest-
an við Skagafjörð. Sveinn Guðm-
undsson á Sauðárkróki er forma-
ður framkvæmdanefndarinnar en
framkvæmdastjórar eru ekki færri
en fjórir, allir Skagfirðingar.
Fram að mótinu verður aðstaða
stjórnendanna á skrifstofu Bún-
aðarsambands Skagfirðinga á
Sauðárkróki.
Forráðamenn mótsins búast við
miklu fjölmenni gesta, bæði inn-
lendra og útlendra. Tjaldstæði eru
mjög góð á Vindheimamelum og
allar aðstæður til útilegu fjöl-
skyldna jafnt sem einstaklinga eru
þar ákjósanlegar.
Tekið verður á móti hestum
langferðamanna frá 3. júlí. SV
Evrópumót á íslandi
■ fþróttaráð LH stendur fyrir
svokölluðu „Tilrauna E.M. ’82” í
tengslum við landsmótið á Vind-
heimamelum í sumar. Mótið
verður haldið að kvöldi dagana 8.
og 9. júlí. Öllum þjóðum, sem að-
ild eiga að Evrópusambandi eig-
enda íslenskra hesta gefst kostur á
að taka þátt í keppninni og má
hver þjóð senda tvo knapa. Hins
vegar geta keppendur ekki komið
með hesta sína með sér, vegna
þess að ekki má flytja dýr til
landsins. Sá háttur verður hafður
á að leitað verður eftir hestum að
láni til að keppa á og þegar á
hólminn er komið verður dregið
um hvaða hest hver knapi fær.
Val á knöpum til þátttöku í
þessari keppni fyrir íslands hönd
fer þannig fram að gjaldgengir til
keppninnar eru þeir sem hafa náð
á þessu ári 135 stigum í íslenskri
tvíkeppni á móti sem íþróttadeild
eða nefnd heldur. Síðan verða
tveir valdir úr þeim hópi, sem
sannað hefur ágæti sitt, annar með
keppni í 5-gangtegundum og hinn
í 4-gangtegundum í huga og báðir
keppa í töiti. SV
Kappreiðar:
Þátttökugjald
og af rek
■ Nú kostar 200 krónur að fá hest
skráðan. til keppni í kappreiðum
á landsmóti. Það verður ekki svo
lítil upphæð samanlagt, þegar
gera má ráð fyrir að kappreiða-
hross verði hátt í 150 talsins.
Það er þ ó ekki nóg að eigendur
I.afi 200 kall aflögu, til að fá hest
sinn skráðan í þennan leik,
heldur þurfa viðkomandi hross
einnig að hafa unnið afrek á
sannanlegan hátt, til þess að fá að
vera með. Afrekin þurfa að vera
minnst þessi: I 150 m skciði, 16,5
sek. í 250 m skeiði, 20,0 sek. í 250
m folahlaupi, 20 sek. í 350 m
stökki, 25,0 sek og í 800 m stökki,
63,5 sek. í 300 m brokki verður
einnig keppt, en þar hefur ekki
verið ákveðinn lágmarkstími.
Þátttaka í gæðingakeppni og
kappreiðum þarf að vera ákveðin
fyrir 1. júní, vegna prentunar sýn-
ingarskrár o.fl.
SV
Mikill f jöldi
■ Um þátttöku gæðinga í lands-
móti hefur verið ákveðið að hvert
hestamannafélag hafi rétt til að
sýna einn hest í hvorum flokki,
fyrir hvert byrjað hundrað félags-
manna, samkvæmt félagatölu
uppgefinni til LH á árinu 1981.
Fámennustu félögin hafa þannig
rétt til að sýna aðeins einn gæðing
í hvorum flokki, en Fákur, sem er
fjölmennasta félagið getur sent 11
til keppni í hvorum flokki. Ef öll
félögin nýta rétt sinn að fullu, geta
gæðingar í keppninni þannig orð-
ið 93 í hvorum flokki, eða samtals
186.
Fjöldi unglinga í keppni ræðst
af sömu formúlu og fjöldi gæð-
inga, með þeirri breytingu þó að
litið er á alla unglinga sem einn
flokk, enda þótt þeir keppi í tveim
aldursflokkum. Félögin verða því
að velja hvort þau senda keppend-
ur í yngri eða eldri flokk, þau sem
aðeins mega senda einn. Þau sem
senda fleiri, ráða reyndar einnig
hvernig þau skipta sínum kepp-
endum milli aldursflokka.
Þrír stóðhestar reyna
við heiðursverðlaun
■ Kynbótahross á landsmóti
skulu uppfylla eftirfarandi skil-
yrði. Stóðhestar og hryssur með
afkvæmum nái 1. verðlaunum,
samkvæmt reglum sýningarnefnd-
ar. Stóðhestar og hryssur, 6 v. og
eldri hafi einkunnina 8,00. Stóð-
hestar 5 v. hafi einkunnina 7,90.
Hryssur 5 v. hafi 8,00 og stóðhest-
ar og hryssur 4 v. hafi 7,80.
Kynning á hrossaræktarstarfinu
í landinu verður á landsmótinu, í
svipuðum stíl og gert var á fjórð-
ungsmótinu í fyrra, þannig að
ræktendum gefst kostur á að sýna
hópa einstakra stofna, sem rækt-
aðir hafa verið frá þekktum for-
eldrum.
Búist er við að 17 stóðhestar
verði sýndir með afkvæmum á
mótinu, þar af muni þrír keppa til
heiðursverðlauna. Þá er ætlað að
afkvæmasýndar hryssur verði 14
og ræktunarhópar, eins og lýst var
hér á undan verði 6-8.
SV