Fréttablaðið - 11.12.2008, Blaðsíða 78
54 11. desember 2008 FIMMTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. varsla, 6. frá, 8. örn, 9. sönghóp-
ur, 11. á fæti, 12. bolur, 14. nes, 16.
snæddi, 17. kvabb, 18. sigti, 20. í röð,
21. flatormur.
LÓÐRÉTT
1. strit, 3. samtök, 4. umhverfis, 5. að,
7. pedali, 10. stormur, 13. framkoma,
15. dugnaður, 16. kerald, 19. tveir
eins.
LAUSN
LÁRÉTT: 2. vakt, 6. af, 8. ari, 9. kór,
11. il, 12. stofn, 14. skagi, 16. át, 17.
suð, 18. mið, 20. mn, 21. agða.
LÓÐRÉTT: 1. baks, 3. aa, 4. kringum,
5. til, 7. fótstig, 10. rok, 13. fas, 15.
iðni, 16. áma, 19. ðð.
Framleiðslufyrirtækið True North mun að
öllum líkindum taka þátt í framleiðslu vík-
ingamyndar sem Baltasar Kormákur er
að hamast við að koma á koppinn. Leif-
ur Dagfinnsson, framleiðandi hjá True
North, hefur átt fundi með væntan-
legum framleiðendum og Baltasars
úti í Los Angeles að undanförnu.
„Þetta lítur bara mjög vel út. Verk-
efnið er náttúrlega gríðarlega flott og
stórt og ég held ég geti fullyrt að þetta
verði stærsta verkefnið sem hefur verið
gert hingað til á Íslandi,” segir
Leifur í samtali við
Fréttablaðið.
Víkingmyndin
sem um ræðir
hefur vakið
mikla athygli
hér á landi
frá því Fréttablaðið sagði frá henni á dög-
unum. Efasemdaraddir hafa þó
heyrst um að hægt verði að
koma svona stóru verkefni á
koppinn á svo skömmum tíma
en kvikmyndin hefur verið
sögð kosta rúma sex milljarða.
Leifur er hins vegar nokkuð
bjartsýnn. „Já, ég held að það
sé alveg raunhæfur möguleiki,
handritið er klárt og mér finnst
vera mikill
hugur í fólki
hérna
úti,” segir Leifur og bætir því við
að ef allt gengur að óskum þá sé
verkefnið algjör draumur fyrir
íslenska kvikmyndagerð. „Og
ekkert síður íslenska
hagkerfið.“
Leifur bætir því við að menn
hafi sýnt Íslandi meiri áhuga
eftir að flestum varð ljóst að
hér væri ekki allt á köldum klaka
eftir bankahrunið. „Menn ætla að
sjá í hverju dollarinn helst og svo er
víst loks búið að skipa nefnd hjá
iðnaðarráðuneytinu sem á að
skoða hækkun á endur-
greiðslu-prósentunni.
Ef hún hækkar af ein-
hverju viti þá erum
við í góðum málum.“
- fgg
True North til liðs við víkinga Baltasars
„Já, nú var myndin mín að koma
til landsins. Og búið að dreifa í
búðir. Ég er að vona að jólasveinn-
inn gefi hana jafnvel sem „splæs-
gjöf“ í skóinn,“ segir Árni Bein-
teinn Árnason, hinn ungi og
skeleggi kvikmyndagerðarmaður.
Árni Beinteinn fagnar fjórtán
ára afmæli sínu á morgun og
sjálfsagt eru ekki margir á þeim
aldri sem hafa gert mynd sem
sýnd hefur verið í kvikmynda-
húsum og á kvikmyndahátíðum
og að auki gefin út á DVD. Um er
að ræða stuttmyndina Auga fyrir
auga í leikstjórn Árna Beinteins
sem jafnframt fer með bæði aðal-
hlutverk myndarinnar. Ef sala
myndarinnar gengur vel mun
Árni Beinteinn einhenda sér í
framhald sem mun heita Tönn
fyrir tönn. DVD-diskurinn var
unninn í Þýskalandi og mátti litlu
muna að illa færi. Árni Beinteinn
fékk kápuna til yfirlestrar og var
við að senda hana á Myndir mán-
aðarins. Þar átti að standa: Árni
Beinteinn kynnir: Auga fyrir
auga. „Þegar ég er að skrolla yfir
þetta sé ég að það er bara eitt „n“
í Beinteinn. Beintein. Ég vissi
ekki hvað ég átti til bragðs að
taka. En hringdi í Myndform og
svo var haft samband út til Þýska-
lands og þessu tókst að bjarga
með góðra manna hjálp eins og
þar stendur. En þetta stóð tæpt.
Sem betur fer var ekki búið að
setja kápurnar í hulstrið þannig
það var ekki mikið mál að kippa
þessu í liðinn.“
Árni Beinteinn segir Senu hafa
verið duglega við að dreifa diskn-
um og það sé óneitanlega sérstök
tilfinning að sjá mynd sína í
búðum. „Það er ólýsanleg gleði og
mikið stuð að fara um Kringluna
og sjá sína eigin mynd í öllum
hillum,“ segir þessi efnilegi kvik-
myndagerðarmaður. - jbg
Fjórtán ára gefur út DVD-disk
ÁRNI BEINTEINN Segir það ólýsanlega
gleði og mikið stuð að sjá sína eigin
mynd í öllum hillum. FRÉTTABLAÐIÐ/GVA
TÖKUR Á NÆSTA ÁRI?
Vonir standa til að
hafist verði handa við
víkingamynd Baltasars
Kormáks á næsta ári.
TIL LIÐS VIÐ BALTASAR Að sögn Leifs
Dagfinnssonar hjá True North kemur
vel til greina að fyrirtækið taki þátt í
gerð víkingamyndar Baltasars Kormáks.
„Ég var alltaf karl sem byrjaði
að borða í hádeginu. En undan-
farið hef ég fengið mér lifrar-
pylsubita, nýkreistan ávaxtasafa
og sykurlaust KEA-skyr.“
Eyjólfur Kristjánsson söngvari.
Félagarnir Jóhann Aðalsteinn
Árnason og Bergur Líndal Guðna-
son hafa stofnað eina alvöru ruðn-
ingsliðið á Íslandi. Ef til vill er það
nokkuð kaldhæðnislegt að liðið
hefur aðsetur í knattspyrnubæn-
um Akranesi en lið bæjarins, ÍA,
féll niður um deild í sumar og
leikur í 1.deildinni næsta sumar.
Liðið hefur hlotið nafnið
Stormþursarnir.
Harkan í amerískum fótbolta er
mikil og Jóhann Aðalsteinn telur
hópinn vera samansafn af hörku-
nöglum. Og gefur lítið fyrir ísbaða-
stemningu knattspyrnuliðsins sem
Guðjón Þórðarson innleiddi, sællar
minningar. „Við erum náttúrlega
miklu meiri hörkutól og þurfum
ekkert að leggjast í einhver ískör
til að teljast heljarmenni. Þessir
fótboltahnakkar eru náttúrlega
bara eins og litlar stelpur,“ segir
Jóhann og skorar á knattspyrnulið
ÍA í einn leik. Sem gæti orðið ansi
fróðlegur kappleikur. „Við mynd-
um bara tuska þá til,“ bætir Jóhann
við.
Sagt var frá ruðningsliðinu á vef
Skessuhorns í vikunni en Jóhann
segir í samtali við Fréttablaðið að
hugmyndin hafi verið lengi í gerj-
un. „Maður hefur verið að horfa á
þetta í sjónvarpinu og svo spilað
Madden á Playstation,“ útskýrir
Jóhann en Madden er leikur sem
byggir á bandarísku atvinnu-
mannadeildinni NFL. Ruðningslið-
ið hefur aðsetur í Akraneshöllinni
og segir Jóhann að þeim hafi verið
vel tekið þegar þeir báðu um
æfingatíma. Amerískur fótbolti
hefur ekki átt upp á pallborðið hér
á landi undanfarin ár. Einhver
virkni er á höfuðborgarsvæðinu og
hefur Fréttablaðið haft spurnir af
einhverjum æfingum í Risanum í
Hafnarfirði. Fyrir tæpum tveimur
áratugum var nokkur gróska í
þessari harðskeyttu íþrótt og eftir
því sem Fréttablaðið kemst næst
var Stjarnan úr Garðabæ krýnd
fyrsti Íslandsmeistarinn í ruðningi
1990.
Jóhann og félagar hafa keypt sér
alvöru ruðningsbúninga frá Banda-
ríkjunum en þeir hækkuðu nokkuð
í verði eftir að gengi krónunnar
hrundi. Kostnaðurinn varð þó ekk-
ert óyfirstíganlegur því hver og
einn þurfti að punga út 20 þúsund
krónum fyrir alklæðnað. Jóhann
gerir sér töluverðar vonir um að
það sé einhver framtíð í ruðningi
hér á landi og horfir þar meðal
annas til ísknattleiks sem hefur
vaxið ásmegin undanfarin ár. „Ég
hef allavega heyrt af einhverjum
strákum í bænum sem hafa verið
að æfa og vona bara að við getum
endurreist Íslandsmótið áður en
langt um líður.“ freyrgigja@frettabladid.is
JÓHANN AÐALSTEINN: RUÐNINGSMENN HARÐARI EN FÓTBOLTASTRÁKAR
Stofna ruðningslið á Akranesi
HARÐSKEYTTIR Stormþursarnir hafa æft reglulega síðan um mitt sumar og festu kaup á alklæðnaði til þess að geta stundað
íþróttina af enn meiri þrótti. MYND/GUÐNI JÓHANNESSON
Kjartan Gunnarsson, fyrrum
formaður bankaráðs Landsbankans,
var stórtækur á uppboði sem haldið
var í Galleríi Fold á mánudagskvöld.
Kjartan er annálaður
listunnandi og einn
afkastamesti listaverka-
safnari landsins. Hann
festi meðal annars kaup
á grænum leirplatta eftir
Guðmund Einarsson
frá Miðdal. Gripurinn
er sagður í uppboðs-
skránni vera afar
fágætur og metinn á 200 til 250
þúsund. Kjartan gerði hins vegar
kjarakaup og eignaðist gripinn fyrir
aðeins 90 þúsund krónur. Gripurinn
er ef til vill merkilegastur fyrir það
að hann prýðir vangamynd af Jóni
Sigurðssyni forseta.
Heitar umræður eru nú uppi á
póstlista femínista í tengslum við
hugsanlega aðild Íslands að ESB
– ekki síst í ljósi þess að Vinstri
grænir túlka það sem svo
að aðild geti reynst ógn
við kynjajafnrétti á Íslandi.
Þótt Vinstri grænir hafi
tekið femínista undir
sinn verndarvæng er ekki
þar með sagt að allir
femínistar séu Vinstri
grænir. En það er Sóley
Tómasdóttir sem
leggur orð í belg og gengur svo langt
að segja bandalag sem slíkt vera
karllægt í sjálfu sér.
Götulistamaðurinn Jójó er kominn
langt með plötu sem hann hyggst
gefa út um miðjan janúar til styrktar
Hjartavernd. Í ljósi nýjustu vendinga
hefur hann nú afráðið að tileinka
Rúnari Júlíussyni plötuna og er það
ekkert smágengi sem kemur við
sögu á plötunni sem heitir „Að vera
vitur eftir á“: Gunnar Þórðarson, Páll
Rósinkranz, Bjartmar Guðlaugsson,
Guðmundur Jónsson, Jóhann Hjör-
leifsson og Friðrik Sturluson
úr Sálinni, Egill Ólafsson og
Valgeir Guðjónsson, Magnús
Eiríksson, Pálmi
Gunnarsson, Daníel
Ágúst og Krummi
Björgvinsson.
- fgg, jbg
FRÉTTIR AF FÓLKI