Tíminn - 08.06.1982, Blaðsíða 13

OMRON
M
OMRON búðarkassar fyrir minni og
stærri fyrirtæki fyrirliggjandi.
Verðfrá 6.670,- kr.
SKRIFSTOFUVÉLAR H.F.
Hverfisgötu 33
Simi 20560
Tjaldsvæðin
á Laugarvatni,
verða opnuð fimmtudaginn 10. júní með
afgreiðslu í Tjaldmiðstöðinni er hefur til sölu
fjölbreitt vöruúrval.
Tjaldmiðstöðin Laugarvatni.
Hverfisteinar
Rafdrifnir hverfisteinar 220 volt.
Steinninn snýst 120 snúninga á min. i báð-
ar áttir.
Verð kr. 1346.- m. söluskatti.
Sendum hvert á land sem er.
IVPTARA-OG
VÉIAMÓAUfTAA
fréttafrásögn
VEÐURBUÐAN SETTI
HÁTÍÐIRNAR
■ Reffilegar stúlkur i kappróðrínum,
en þar varð sveit ísbjamaríns hlut-
skörpust í kvennaflokki.
Smiðjuvegi 54, Kópavogi Sími 7-7740
■ Sjómannadagsins var minnst um
allt land með hefðbundnum hætti um
helgina og var víða bliðuveður og vel
mætt i hátíðahöldin af þeim sökum,
til dæmis sagði fréttaritari okkar á fs-
afirði Guðmundur Sveinsson að
heitasti dagur ársins, hingað til,
hefði verið sjómannadagurinn og af
þeim sökum allir úti við hátíðahöldin
sem á annað borð hefðu getað verið
úti.
í Reykjavík var ágætisveður og
því vel mætt á hátiðahöldin sem fram
fóru í Nauthólsvik. Ávörp fluttu þeir
Steingrímur Hermannsson sjávar-
útvegsráðherra, Haraldur Sturlaugs-
son útgerðarmður á Akranesi og
Guðjón Ármann Eyjólfsson skóla-
stjóri Stýrimannaskólans.
Kappróður
Að venju fóru fram kappróðrar1--
k eppnir í Nauthólsvikinni.í kvenna
flokki sigraði sveit ísbjarnarins og
tók þar með titilinn af sveit BÚR
sem unnið hefur þennan flokk
undanfarin ár. f róðrarkeppni
karlasveita sigraði Sendibilastöðin
hf. keppni landssveita i sjöunda
sinnið í röð en í keppni sjómanna
vann áhöfnin af Ásbirni RE-50 og
hlaut hún verðlaunaskjöld þann sem
gefinn var til þessarar keppni í fyrsta
sinn 1929.
Stakkasund
Nokkuð skemmtileg úrslit urðu í
stakkasundinu. Þar voru keppendur
sex talsins og þar af þrir bræður en
þeir gerðu sér Iitið fyrir og skipuðu
sér i þrjú efstu sætin, Jón Sigurðsson
sigraði, en i öðru sæti var Einar
bróðir hans og i þriðja sæti Pétur Sig-
urðsson.
Þá má og ge(,a þess að í tilefni af 25
ára afmæli Hrafnistu í Reykjavík
og 5 ára afmæli Hrafnistu i Hafnar-
firði voru kaffiveitingar á báðum
stöðum til styrktar starfinu og var að-
sóknin mjög góð á báðum stöðun-
um.
„Þær eru harðar af sér
stelpurnar“
Hátíðahöldin i Vestmannaeyjum
hófust á laugardag með kappróðri,
stakkasundi og koddaslag. Sigurveg-
arar i karlaflokki i kappróðrinum
voru sveit sem kallaði sig Gamlingja,
en í kvennaflokki voru það sveit
Sjóstangaveiðifélagsins og settu þær
jafnframt brautarmet kvenna.
í koddaslagnum var keppt i tveim-
ur flokkum, karla og kvenna og voru
10 i hvorum flokki, en eins og
Guðmundur Sveinbjörnsson formað"
ur Sjómannadagsráðs í Vestmanna-
eyjum sagði i samtali við Tímann
þá „eru þær harðar af sér stelpum-
ar“. Keppt var um sérstök verðlaun
í báðum flokkum.
Á laugardag kom þyrla Landhelg-
isgæslunnar i heimsókn og sýndi
björgunaræfingar og í framhaldi af
því sýndi björgunarsveitin i Vest-
mannaeyjum einnig slikar æfingar.
Á sunnudag voru hátíðahöldin svo
formlega sett, lúðrasveit lék og fór
siðan fyrir skrúðgöngu. Kirkjan var
troðfulí við messuna um daginn, eins
og ávallt, lagður var blómsveigur að
minnismerki drukknaðra og hrap-
aðra og vigt var minnismerki um
Oddar heitinn Kristjánsson
tónskáld.
Um kvöldið voru svo veittar viður-
kenningar fyrir frammistöðuna deg-
inum áður svo og fyrir velunnin störf
i þágu sjómannastéttarinnar, fyrir
björgunarstörf, auk þess sem
aflakóngar hlutu viðurkenningar.
„Allir tóku þátt“
Svipaða sögu er að segja viðast hvar
af landinu. Guðmundur Sveinsson
fréttaritari okkar á ísafirði sagði að
aldrei hefði annar eins fjöldi fylgst með
hátíðahöldunum þar og nú enda veður
einstaklega gott, 20 stiga hiti og bliða og
allir úti við sem það gátu á annað borð.
Blómasveigur var lagður á minnisvarða
sjómanna en letrað var á borða
blómsveigsins „Til heiðurs þeim sem
horfnir eru, til heilla þeim er halda á
mið“.
Hefðbundnar keppnir sjómann-
adagsins voru siðan á höfninni á ísaf-
irði.
Bliðaskaparveður var á sjómann-
adaginn á Siglufirði, hitinn þetta 20-
22 stig og setti það svip sinn áhátíða-
höldin eins og viðast annarsstaðar á
landinu. Hátíðahöldin á Siglufirði
voru með nokkuð öðrum hætti en
undanfarin ár, því i stað þess að hafa
keppnir í höfninni eins og áður var
hátiðasvæðið flutt upp á íþróttavöll-
inn. Þar var keppt i reiptogi, boð-
hlaupi og knattspyrr.uleikur var, svo
dæmi séu nefnd, en að öðru leyti voru
hátiðahöldin með hefðbundnu sniði.
Þar eins og annars staðar var mjög
góð aðsókn að hátíðahöldunum.
- FRI.
i
11% 3 íinfi'ri % n'm Fs'a » a“» a ss íi *
rtw
rf!!i.láa¥I"f'ii"lia'
Frá róðrarkeppninni i Vestmannaeyjum.
Tímamynd: Sigfús Vestmannaeyjum. dóttir.
■ Þau sem hlutu viðurkenningar fyrir vel unnin störf í þágu sjómanna
stéttarinnar í Reykjavík eru hér með Pétri Sigurðssyni formanni sjómann-
adagsráðs (t.v.) en þau eru Jónas Böðvarsson skipstjóri, Einar Bjarna-
son loftskeytamaður, Siguriaugur Sigurðsson vélstjóri og Stefania Jakobs
var mikið fjör i koddaslagnum
Timamyndir: Ari.
■ Keppt var
Sigluflrði.
reiptogi á íþróttavellinum á Sigluflrði. Tímamynd: R.G.
■ Mikill fjöldi fylgdist með hátíðahöldunum
Isafirði.
Isafirði. Tímamynd:
FISKINN VERÐIIM VW AB SÆKIA A
GÓDUM OG FULLKOMNUM SKIPUM
Ávarp Steingríms Hermannssonar á sjómannadaginn
ungir strákar tuskast
flxðarmálinu i Nauthólsvik.
Tímamyndir: Ari.
■ Sjómannadaginn höldum við
íslendingar hátíðlegan, m.a. til þess
að leggja áherslu á mikilvægi
sjómennskunnar í íslensku þjóðlifi
og islenskum þjóðarbúskap. Á þeim
degi minnumst við þeirra, sem látið
hafa lífið á sjónum við skyldustörf
sín. Við vottum aðstandendum
þeirra okkar samúð.
S.l. ár var því miður ekki laust við
sjóslys. Á þvi ári var jafnframt
mörgum mönnum bjargað úr sjávar-
háska. Þessar staðreyndir minna
okkur á það, hve vakandi auga ber
að hafa með öryggisbúnaði á sjó. Á
þvi sviði hafa, sem betur fer orðið
miklar framfarir.ekki síst fyrir til-
stuðlan íslenskra hugvitsmanna. Á
meðan slysin verða, hljótum við þó.
að vera minnug þess, að stöðugt er
nauðsynlegt að bæta öryggisbúnað.
Á undanförnum áratugum hafa
orðið gífurlegar breytingar í ís-
lensku þjóðlífi; líklega meiri en hjá
flestum öðrum þjóðum. íslenska
þjóðin var fátæk. Brauðstrit var
almenn lýsing á lífi manna. Nú erum
við íslendingar orðnir á meðal hinna
auðugustu í heimi. Samkvæmt
skýrslum Efnahags- og framfara-
stofnunarinnar í París, voru þjóðar-
tekjur ísiendinga á hvern ibúa á s.l.
ári þær sjöttu hæstu i heiminum.
Stærsta þáttinn í þessari hagsæld á
aukinn sjávarafli. Sérstaklega var
það áberandi síðasta áratuginn, með
nýjum og glæsilegum togurum og
útfærslu fiskveiðilögsögunnar i 200
sjómílur.
Á sama tima hafa orðið stórstigar
framfarir í farskipum landsmanna.
Fullkomin og hagkvæm skip hafa
bæst í flotann. Það er ekki siður
mikilvægt fyrir þjóð, sem byggir svo
mjög á útflutningi og innflutningi
eins og við Islendingar. Þessar
framfarir má m.a. rekja til hæfi-
legrar samkeppni í flutningum.
Um fiskiskipaflotann i heild sinni
verður hins vegar ekki hið sama
sagt. Togaramir eru að vísu margir
nýir og fullkomnir og vinnuaðstaða
þar hin ágætasta. Mikill hluti
bátaflotans er hins vegar gamall og
úteltur orðinn. Það er að vísu
aðdáunarvert, hvernig harðduglegir
sjómenn sækja jafnvel út á ystu
landgrunnsbrún á litlum og gömlum
bátum, jafnvel við ógæftir, eins og
voru á s.I. vertið. Það hlýtur þó að
vera þjóð, sem við allsnægtir býr,
umhugsunarefni.
Ég tek undir það, að fiskiskipa-
flotinn er fullstór orðinn. Það
breytir hins vegar ekki þvi, að
fiskinn verðum við að sækja á
góðum og fullkomnum skipum og
mikið af eldri bátunum er orðið
úrelt. Þá þarf að taka úr notkun. Á
þessum bátum mörgum eru dugandi
menn, sem hafa gert sjómennskuna
að sínu ævistarfi. Á að neita þeim,
sem ekki vilja hætta sjómennskunni,
um levfi til þess að endurnýja sinn
bát? Á að neyða slíka menn til þess
að fara annað hvort i land eða sækja
sjóinn áfram á gömlum, úreltum og
jafnvel ótryggum bátum? Stað-
reyndin er vitanlega sú, að á þessu
sviði eins og á svo mörgum öðrum
er nauðsynlegt að rata hinn gullna
meðalveg. Hann er oft vandrataður,
það er rétt, en hans verður stöðugt
að leita.
S.l. ár var að ýmsu leyti gott. Þá
var sjávarafli mikill. Gjaldeyristekj-
ur af útfluttum sjávarafurðum námu
78 af hundraði heildargjaldeyris-
tekna þjóðarinnar. Það lýsir vel
mikilvægi fiskveiða í íslenskum
þjóðarbúskap. í ár eru horfur að
þessu leyti þvi miður ekki jafn
góðar. Loðnan hefur brugðist og
verður að öllum líkindum lítil sem
engin í ár. Þorskafli hefur til þessa
einnig orðið minni en gert var ráð
fyrir. Eins og aukinn afli skapar
aukna velmegun og hagsæld, finnur
þjóðin óðar fyrir samdrætti í afla.
Að sjálfsögðu bera sjómenn ekki
einir þá skerðingu. Hana hlýtur öll
þjóðin að bera. Við slíkar aðstæður
er nauðsynlegt að gæta varúðar,
draga úr eyðslu og herða mittisólina
um sinn. Þótt margt gott hafi fylgt
aukinni hagsæld, óttast ég, að því
miður hafi skilningur manna á
nauðsyn þess að rifa seglin, þegar á
móti blæs, sljóvgast. Ef við látum
forsjálni ráða í okkar veiðum gætum
þess að eiga inni frá góðu árunum
til þeirra mögru og jöfnum þannig
þær sveiflur, sem ætið verða ein-
hverjar, m.a. af nátúrunnar völdum.
>efa ég ekki, að sjávarútvegur mun
um langa framtið verða áfram megin
máttarstólpi okkar efnahagslifs og
þjóðfélags og hagur lands og þjóðar
góður.
í fáum orðum hef ég leitast við að
lýsa því mikla hlutverki, sem
islenskir sjómenn, bæði fiskimenn
og farmenn, gegna í íslensku
þjóðfélagi. Ég hef lagt áherslu á þá
skoðun mina, að svo muni verða
áfram. Þessir menn vinna oft við
erfið skilyrði. Þeir eru meira háðir
duttlungum náttúrunnar en flestir
aðrir landsmenn. Þeir þurfa oft að
vinna störf sín, jafrivel á litilli fleytu,
í ólgusjó. Þjóðin á íslenskum
sjómönnum mikið að þakka. Þeirra
störf ber að launa vel.
Ég lýk þessum orðum með þvi að
flytja íslenskum sjómönnum þakkir
og árnaðaróskir frá ríkisstjóm lands-
ins. Megi starfsaðstaða fara jafnt og
þétt batnandi á góðum og fullkomn-
um skipum, öryggið vaxandi og afli
glæðast.