Tíminn - 23.06.1982, Blaðsíða 3
MIÐVIKUDAGUR 23 JÚNÍ 1982.
3
fréttir
Samniraganefndir ASÍ og VSÍ: _
RÆDDUST EKKIVU ÞRATT FYR-
IR ÍTTfl KLUKKUSTUNDA FUND
— hugmyndir VSÍ um minni verðbætur vegna aflabrests ekki úrslitakostir
Það er ekki annað betra við skuttogarana að gera þessa dagana en mála þá.
Tímaraynd: Róbert
Björgunarvesti
bjargaði sex
ára dreng
■ „Ég held að það leiki enginn vafi á
því að það var björgunarvestið sem
bjargaði syni minum frá drukknun.
Hann var að leika sér á hjóli niðri við
hafnarkantinn og kikti út yfir sjóinn eftir
bróður sínum sem var væntanlegur inn
í höfnina á árabát. Strákurinn, sex ára
gamall, tefldi of djarft og missti
jafnvægið á kantinum, féll i sjóinn, en
tókst, vegna björgunarvestisins að kom-
ast á þurrt af sjálfsdáðum."
Það er Ingibjörg Sigfúsdóttir, hús-
móðir á Suðureyri við Súgandafjörð,
sem segir þessa sögu af sex ára gömlum
syni sinum, Njáli Jónssyni. En hann féll
í sjóinn s.l. miðvikudag án þess að
nokkur yrði vitni að.
„Það var óvenjumargt fólk við
höfnina, það var verið að landa úr
togaranum og fólk var að bóna bíla sína
í góða veðrinu, en þó varð enginn var
við strákinn þegar hann datt.“
- Hvað var pilturinn lengi i sjónum?
„Hann var nú ekki mjög lengi. En þó
datt hann nokkuð langt út og fór á
bólakaf, og ég er viss um að það hafa
verið nokkrir metrar sem hann þurfti að
svamla."
- Er strákurinn syndur?
„Nei. Það er nú varla. Það var bara
björgunarvestið sem bjargaði honum.
Og ég vil endilega koma þvi á framfæri
við forcldra, að þeir láti börn sín nota
vesti þegar þau eru að leika sér við
sjóinn," sagði Ingibjörg.
- Sjó.
■ „Ég hugsa að það megi fyrst og
fremst telja gagnlegt að menn skuli vilja
setjast niður aftur á morgun", svaraði
einn ASI-samningamanna, er spurður
var hvað sáttasemjari ætti við með þvi
að fundurinn i gær hafi verið gagnlegur.
A.m.k. kvað hann ekkert hafa þokast í
samkomulagsátt að neinu leyti. Að-
spurður kvað hann þó komið á daginn
að VSÍ setti aflabrestsfrádráttinn ekki
fram sem algera úrslitakosti.
Það má þó segja að þessi samninga-
fundur hafi gengið fyrir sig með friði og
spekt, þar sem samninganefndirnar
ræddust ekki við einu orði þrátt fyrir átta
tíma langan fund í Karphúsinu i gær.
„Menn bara bíða, bíða eftir laginu, auk
þess sem sáttasemjari kallar menn fyrir
sig til þreifinga öðru hverju", sagði
annar samninganefndarmaður, sem
Timinn spurði hvað menn væru að gera
á daglöngum fundum úr þvi þeir væru
ekki að ræða saman um samninga.
- HEI
Samþykkt borgarráds: ^
Fyrirkomulag Útimark-
aðarins endurskoðað
■ Borgarráð samþykkti á fundi sinum
. gær að endurskoðað yrði fyrirkomulag
svokallaðs Utimarkaðar á Lækjartorgi.
Þessi samþykkt var gerð i framhaldi af
erindi sem borginni barst frá blómasölu-
konu sem selt hefur vöru sina á
Utimarkaðnum, sótti hún um leyfi til
torgsölu, þar sem henni hafði verið
úthýst af fyrri stað sinum.
Endurskoðurnin snýr ekki að þvi að
draga úr þessari starfsemi á neinn hátt,
heldur þvert á móti að koma henni á
fastan grundvöll. Hefur þótt óeðlilegt að
aðstandendur Útimarkaðarins geti út-
hýst ákveðnum aðilum, og eins verður
gjaldtaka í þessu sambandi athuguð, en
dagssöluleyfi mun kosta nálægt 250 kr.
Þykir það nokkuð mikið miðað við leyfi
sem Reykjavíkurborg geíur t.d. til
kvöldsölu. Kemur til greina að borgar-
ráði verði falið úrskurðarvald ef ágrein-
ingur kemur upp á milli aðstandenda
Útimarkaðarins og seljenda og upphæð
dagsöluleyfa. Á meðan endurskoðunin
fer fram hefur blómasölukonunni verið
veitt bráðabirgðaleyfi til torgsölu á
Lækjartorgi. _ K-
Kubota
Japanskir traktorar
Komnir aftur!
Og núna beint frá Japan
Með beinum flutningi frá Japan hefur okkur tekist að fá einstakiega
hagstætt verð á vinsælu KUBOTA traktorunum.
KUBOTA traktorarnir eru fáanlegir með og án framdrifs. KUBOTA
traktorarnir eru gangvissir í kuldum, neyslugrannir og þýðgengir.
Verð og greiðsiuskilmálar, sem allir ráða við!
KUBOTA L245, 25 hö.........................verð frá kr. 60.390.-
KUBOTA L345, 35 hö.........................verð frá kr. 88.180.-
(verð miðað við gengisskráningu 21.6.1982)
Tryggið ykkur KUBOTA traktor tímanlega.
SÍMI B1500‘ÁRMÚLA11