Tíminn - 24.06.1982, Blaðsíða 19

FIMMTUDAGUR 24 JUNI1982
19
og leikhús - Kvikmyndir og leikhús
kvikmyndahornid
Hljómsveitin The Police sem leikur fyrst og síðast í myndinni URGH.
„Þeir hafa
ekki pönk
í Afganistan”
Tónabíó
Tónlistarstrið/URGH, a music war
Leikstjóri Derek Burbridge
■ Meðal flytjenda The Police,
Gary Numan, Klaus Nuomi, Devo,
Toyah Wilcox, UB40, Dead Kenne-
dys, Joan Jett, The Cramps, Surf
punks, Alley Cats, Oingo Boingo,
Go, Go’s, Pere Ubu, Orchestral
Manuvers.
„Þeir hafa ekki pönk í Afganistan
eða Sovétríkjunum" segir Jello
Biafra söngvari Dead Kennedys i
lagi sínu i myndinni URGH, og
siðan heldur hann áfram... „oghætta
er á að við höfum það ekki lengur
hér“ en þar á hann við starfsemi
Moral Majority sem farið hefur i
taugarnar á mörgu skynsömu fólki.
Dead Dennedys eru ein af ný-
bylgjuhljómsveitunum i myndinni
URGH. í auglýsingu er myndin
kölluð Woodstock nýbylgjunnar sem
er nokkuð villandi því að segja að
URGH sé hrein nýbylgjurokkmynd
er álika fjarri sannleikanum og
tunglið er fjarri jörðinni. Að visu má
telja stóran hluta hljómsveitanna
sem koma fram til framangreindrar
tónlistarstefnu en Orchestral Manu-
vers, og brýnið Gary Numan verða
seint flokkuð undir það nafn svo
dæmi séu tekin.
Mikill fjöldi ólíkra hljómsveita á
lag i þessari mynd sem enginn
unnandi rokktónlistar ætti að láta
framhjá sér fara. Breiddin er mikil
eða allt frá Gary Numan og til The
Cramps en söngvari siðarnefndu
hljómsveitarinnar, Nick Knox, er
með ógeðslegri persónum sem ég hef
séð á sviði... raunar sem ég hef séð
yfirleitt. Hann er líkari einhverju
sem slapp úr dýragarðinum heldur
en mannlegri veru en tónlistin,
pönkað sýrurokk, er með þvi besta
i myndinni.
í myndinni koma fram margar
hljómsveitir sem eru algerlega
óþekktar hérlendis eins og til dæmis
Surf punks, Alley Cats og furðufugl-
inn Klaus Nuomi. Hin fyrstnefnda |
telst til stefnu sem rutt hefur sér til
rúms i Bandarikjunum að undan-
förnu og kallast Surf pönk. Helsta
skemmtunin á tónleikum hjá þessum
sveitum er að láta bera sig upp á
sviðið svo viðkomandi geti kastað sér
þaðan út í áheyrendaskarann, sér-
staklega eru stúlkur iðnar við þetta
eins og sést i myndinni URGH.
Myndin hefst á leik hljómsveitar-
innar The Police og siðan taka
sveitirnar við hver af annarri. Raunar
má líkja þessari mynd við það að
Rokk i Reykjavik hefði verið gerð i
Hollywood og viðtölunum sleppt.
Þeir sem vilja kynnast því sem er
að gerast í tónlistinni erlendis og þá
á ég við bæði i Evrópu og
Bandaríkjunum ættu ekki að missa
af þessari mynd því hún gefur
nokkuð góðan þverskurð af helstu
stefnum sem eru í gangi.
- FRI
Friðrik
Indriðason,
skrifar.
★★ Tónlistarstríð
★ Viðvaningurinn
★★★ Lola
0 Skæruliðar
★★ Huldumaðurinn
★★★ Ránið á týndu örkinni
★★★ Fram í sviðsljósið
gjöf Tímans
* * * * frábær ■ * + » mjög góö ■ * * góó • * sæmileg • O léleg