Tíminn - 25.06.1982, Blaðsíða 6
FÖSTUDAGUR 25.JÚNÍ 1982.
stuttar fréttirj
fréttir
Hússtjórnarskólinn á Varmalandi.
27 luku prófi
úr Hússtjórn-
larskólanum
áVarmalandi
■ Borgarfjörður: Hússtjórnar-
skólanum á Varmalandi var slitið 28.
maí s.l. Skólinn er annar tveggja
hússtjórnarskóla, sem gefa kost á
heilsvetrarnámi í hússtjórnarfræð-
um.
í vetur stunduðu 30 nemendur
nám við skólann, 27 luku prófum.
Hæstu einkunn hlaut Sigriður Birna
Birgisdóttir frá Eyrarbakka, aðal-
einkunn 8.81. Skólastarfið gekk með
ágætum og þakkaði skólastjóri kenn-
urum og nemendum gott samstarf á
liðnum vetri.
Höfuð áhersla er lögð á verk-
námskennslu þ.e. hússtjórn, sauma
og vefnað, en auðvitað fylgja
nokkrar bóknámsgreinar eins og
næringarfræði, heilsufræði og vöru-
fræði. Nám það er fram fer í
hússtjórnarskólum er nú orðið inn i
annað framhaldsskólanám, enda
unnið að þvi að samræma námsefni
hússtjórnarnáms.
Á s.l. vori heimsóttu eldri nemend-
ur skólann og færðu honum að gjöf
listaverk og fjárhæðir í listaverka-
sjóð til minningar um Guðbjörgu
Hafstað er starfaði við skólann um
árabil.
Orlofsfé
Vestfirðinga
framvegis
verðtryggt
■ Vestfirðir: Enn missir Póstgíró-
stofan spón úr aski sinum. Nú hefur
tekist samkomulag á Vestfjörðum
um að orlofsfé launþega þar verði
framvegis greitt inn á sparisjóði og
banka sem taka að sér innheimtu,
vörslu og ávöxtun fjárins á 3ja
mánaða verðtryggðum reikningum.
Samkomulag um þetta tókst nýlega
á milli. Alþýðusambands og Vinnu-
veitendafélags Vestfjarða og banka
og sparisjóða á Vestfjörðum.
Hér er um þríhliða samning að
ræða milli hvers og eins vinnuveit-
anda, viðkomandi verkalýðsfélags
og peningastofnunar. Stjóm Alþýðu-
sambands Vestfjarða brýnir það fyrir
verkalýðsfélögum innan sambands-
ins að þau hafi frumkvæði hvert á
sínu félagssvæði að undirritun og
staðfestingu samkomulagsins, og
fylgist með að framkvæmd þessa
mikla hagsmunamáls launþega og
allra Vestfirðinga komist strax til
framkvæmda. Gögn varðandi málið
eru sögð á leiðinni til félaganna.
Sem kunnugt er voru það Vest-
mannaeyingar sem riðu á vaðið með
svipað fyrirkomulag fyrir nokkrum
árum. Síðan hafa a.m.k. Borgnesing-
ar og aðrir Borgfirðingar fýlgt í
kjölfarið.
_____________________- HEl
Hörku-
kosningar
■ Rangárvallasýsla: Nýlega fóru
fram kosningar í stjórn Verkalýðs-
félagsins Rangæings, sem voru
óvenju líflegar af slíkum kosningum
að vera. Tveir listar voru í kjöri
A-listi stjórnar og trúnaðarráðs og
B-listi sem bauð fram á móti. Ekki
munu það þó hafa verið pólitískar
skoðanir sem tekist var á um eins og
oft vill verða, þar sem fyrst og fremst
sjálfstæðismenn munu hafa skipað
sæti á báðum listunum, eftir því sem
næst verður komist.
Atkvæðagreiðsla fór fram bæði
laugardag og sunnudag, en auk þess
hafði utankjörstaðakosning staðið
yfir i þrjá daga á undan. Kjörsóknin
varð líka nær 59%, eða 234 atkvæði
af 398 fullgildum félögum, sem mun
teljast góð kjörsókn í verkalýðs-
félagi. Úrslit urðu þau, að listi
fyrrverandi stjórnar hélt velli, hlaut
135 atkvæði á móti 96 atkvæðum
B-lista, en 3 seðlar voru auðir.
Munurinn er þó ekki meiri en svo,
að árangur mótframbjóðenda verður
að teljast nokkuð góður. Stjórn
Rangæings er að meginhluta óbreytt
frá því sem var. Formaður félagsins
verður áfram Hilmar Jónasson.
- HEI
KAUPfl JAPANIR
KINDAKJÖTIÐ?
— ,,Hafa sýnt því nokkurn áhuga’% segir
Pálmi Jónsson, landbúnaðarráðherra
■ „Ég ræddi þarna stöðuna í markaðs-
málum landbúnaðarins og þær tilraunir
sem í gangi eru með útvegun nýrra
markaða, þar á meðal að það væri að
hefjast athugun á möguleikum á sölu
kindakjöts til Japan. En japanskir
viðskiptaaðilar hafa sýnt á því nokkurn
áhuga. Allt er þetta þó í frumathugun
en aðeins umræður á milli viðskiptaaðila
eins og er, en ég á von á þvi að fulltrúar
frá Japan komi hingað í sumar til að
athuga þetta mál frekar", sagði Pálmi
Jónsson, landbúnaðarráðherra. En Tim-
inn hafði fregnað að Pálmi hafi rætt
hugsanleg Japansviðskipti á landbún-
aðarráðstefnu norður í Skagafirði fyrir
skömmu.
Eins og staða okkar er nú i
markaðsmálum sagðist Pálmi telja skylt
að athuga alla möguleika sem til greina
geta komið
Hann gat þess að Danir selja verulegt
magn af nauta- og svinakjöti til Japans
fyrir hærra verð en gerist annarsstaðar,
En kindakjöt kaupa þeir frá Nýja
Sjálandi á heldur lágu verði, eða á milli
15 og 20 kr. danskar. „En kannski er
hægt að ná við þá sérsamningum við
Japani vegna þess að við kaupum mikið
af þeim, en seljum þeim lítið og því mjög
æskilegt að geta jafnað þá reikninga
eitthvað" sagði Pálmi.
Japanir hafa árum saman keypt af
okkur hvalkjöt sem kunnugt er, og fóru
m.a. 600 tonn af því kjöti þangað fyrstu
fjóra mánuði þessa árs fyrir að meðaltali
um 14,27 kr. isl. kílóið. Til samanburðar
má geta að 17.32 kr. ísl. höfðu þá fengist
fyrir þau 812 tonn sem flutt voru út af
kindakjöti á sama tima, samkvæmt
Hagtíðindum.
Pálmi telur nauðsynlegt að í næstu
sláturtíð verði reynt að selja eins mikið
og mögulegt er af ófrystu kjöti úr landi,
bæði vegna þess að hærra verð fæst fyrir
kjötið þannig og einnig til að spara
vaxta- og geymslukostnað.
Einnig telur hann nauðsynlegt að
athugað verði með breyttar vinnu-
aðferðir í þvi sambandi, bæði umbúðir
og hvernig kjötið er bútað niður fyrir
markaðinn. „En á þessu sviði hefur sem
kunnugt er engin þróun orðið á mörgum
áratugum, öfugt við t.d. mjólkurvörurn-
ar, að ég tali nú ekki um fiskiðnaðinn",
sagði Pálmi.
-HEI
Sparaksturskeppni Bifreiðalþróttaklúbbsins og
Orkusparnadarnefndar:
Suzuki, Opel og
Volvo hlutskarpastir
■ Árleg sparaksturskeppni Bifreiðaí-
þróttaklúbbs Reykjavikur fór fram sl.
sunnudag og var hún að þessu sinni
framkvæmd í samvinnu Orkusparnaðar-
nefndar, sem gaf viðurkenningu til þess
umboðs er átti bil þann sem komst
lengst. Fimmtán bílar frá fjórum
umboðum kepptu um hver kæmist
lengst á fimm lítrum af bensini, og var
þeim skipt í fjóra flokka eftir vélarstærð.
Úrslit voru þau að í 0-1000 cc. flokki
sigraði Úlfar Hinriksson á Suzuki,
Vilhjálmur Sigurðsson var efstur í fjokki
1001-1003 cc. á Opel Kadett, í fíokki
1301-1600 cc. var Sigurður Kristófersson
efstu á Volvo og í 2001-3000 cc flokki
sigraði Guðmundur Kristófersson, einn-
ig á Volvo.
Ekið var helming keppninnar innan
Stór-Reykjavíkursvæðis, en síðan ekin
Krýsuvíkurleið til Reykjaness, snúið við
og ekið til baka sömu leið.
Athygli vakti að Suzuki bilar voru í
fjórum efstu sætunum í flokki 0-1000 cc.
Afhending viðurkenninga fór fram að
Hótel Loftleiðum á mánudagskvöldinu,
að viðstöddum keppnishöldurum og
ökumönnum, sem tóku við viðurkenn-
ingum fyrir árangurinn. SVJ
Bensinskammturinn mældur nákvæmlega, ekki mátti muna dropa til eða frá.
VAKA Á VEGI Á NÓTTU SEM DEGI
Gerum tilboð I að sækja bila hvert á land sem er. Siml 33700, Reykjavik.
Lokað á laugardögum í sumar @
KAUPMANNASAMTOK
ISLANDS
Verzlunarmannafélag Reykjavíkur og Kaupmannasamtök islands vilja vekja athygli á aö samkvæmt kjarasamningum milli aöila, þá
veröa verzlanir lokaöar á laugardögum í sumar, frá 20. júní til ágústloka. Geriö því innkaupin tímanlega.
Verzlunarmannafélag Reykjavíkur Kaupmannasamtök íslands.