Fréttablaðið - 15.12.2008, Blaðsíða 2

2 15. desember 2008 MÁNUDAGUR
ÍÞRÓTTIR Íþróttakonan Katrín
Tryggvadóttir keppir fyrir
Íslands hönd á
alþjóðavetrar-
leikum Special
Olympics í Idaho
í Bandaríkjunum
á næsta ári.
Katrín, sem
þjálfað hefur
með listhlaupa-
deild Skautafé-
lagsins Bjarnar-
ins undir leiðsögn
Helgu Olsen
þjálfara, keppir í listhlaupi á
skautum á vetrarleikunum. Hún
fer út á vegum Íþróttasambands
fatlaðra.
Alþjóðavetrarleikarnir eru
haldnir fjórða hvert ár og munu
alls 2.500 keppendur frá 113
löndum taka þátt að þessu sinni.
- rve / sjá sérblaðið Hvata
Katrín Tryggvadóttir á SO:
Íslendingur
keppir í Idaho
Óskar, er þetta gæluverkefni?
Já, ég er með kattaofnæmi. Get ekki
átt alvöru gæludýr.
Óskar Jónasson kvikmyndagerðarmaður
er með nýja sjónvarpsmynd í bígerð sem
er byggð á skáldsögunni Gæludýrin eftir
Braga Ólafsson
VIÐSKIPTI „Nú verðum við að bretta
upp ermar og vinna saman, það
þýðir ekkert að pakka saman og
flytja burt,“ segir Jón Gerald Sull-
enberger athafnamaður en hann
hyggst stofna lágvöruverslun hér
á landi.
Hann segist vonast til þess að
fyrsta verslunin opni eftir tvo til
þrjá mánuði. „Þetta snýst ekkert
um það að fara í samkeppni við
einn eða neinn, þetta er heldur
ekki gert í sérstöku gróðaskyni.
Málið er það að vöruverð er ein-
faldlega alltof hátt hér á landi og
ég tel mig hafa möguleika á því að
flytja vöru beint inn og selja hana
í verslun þar sem ekki er verið að
tjalda öllu til
heldur einfald-
leikinn látinn
ráða.“
Hann segist
verða var við
breytt viðhorf
Íslendinga í
sinn garð. „Nú
sér fólk að það
sem ég er búinn
að vera að segja
í sex ár var
alveg rétt. Það sér núna hvernig
þessir viðskiptajöfrar hegðuðu
sér. Eins hafa margir haft sam-
band við mig frá því að ég sagði
frá þessu með lágvöruverslunina
í Silfri Egils og allir vilja leggja
hönd á plóginn, jafnvel vinna
kauplaust.“ - jse
Jón Gerald ætlar að opna lágvöruverslun á Íslandi til að lækka matarverð:
Fær betri viðtökur en áður
JÓN GERALD
SULLENBERGER
AÐ VERSLA Jón Gerald vill vinna að því
að vöruverð á Íslandi verði lægra en það
er í dag.
STJÓRNMÁL Árni Mathiesen
fjármálaráðherra vill að þjóðin
fái að kjósa um aðild að Evrópu-
sambandinu (ESB). Sagði hann í
þættinum Mannamáli á Stöð 2 í
gær að hann hefði skipt um
skoðun varðandi ESB. Hingað til
hefði honum ekki hugnast
innganga, þar sem það sam-
ræmdist ekki hagsmunum okkar
í sjávarútvegsmálum, en nú væri
hann þeirrar skoðunar að taka
ætti málið til ítarlegrar skoðun-
ar.
Árni er einn margra Sjálfstæð-
ismanna sem hafa tjáð sig með
jákvæðum hætti um hugsanlega
aðild Íslands að ESB en Sigurður
Kári Kristjánsson og Pétur
Blöndal eru á öndverðum meiði
líkt og lesa má í fréttskýringu
Fréttablaðsins í dag. -jse/ sjá síðu 12
Árni Mathiesen:
Vill að þjóðin
kjósi um ESB
KATRÍN
TRYGGVADÓTTIR
MYND/ÍF
HUGVIT Sex áður óþekktar
genastökkbreytingar sem tengjast
offitu hafa verið kortlagðar með
umfangsmikilli rannsókn sem
Íslensk erfðagreining leiddi.
Niðurstöður auka skilning á því
hvernig heilinn og taugakerfið
stjórna efnaskiptum í líkamanum.
Í rannsókninni tóku þátt þrjátíu
þúsund manns á Íslandi, í Hollandi
og Bandaríkjunum. Kári Stefáns-
son, forstóri ÍE, leiddi hóp
vísindamanna og segir í viðtali við
Reuters fréttastofuna að niður-
stöðurnar muni nýtast við þróun
lyfja gegn offitusjúkdómnum og
leggja beri jafna áherslu á að ná
tökum á matarlyst og hvernig
líkaminn vinnur úr fæðunni. - shá
Íslensk erfðagreining:
Ný rannsókn á
offituvanda
SKATTAMÁL Úttekt sem Indriði H.
Þorláksson, fyrrverandi ríkis-
skattstjóri, gerði bendir til þess að
eignarhaldsfélög, sem eiga í
íslensku útrásarfélögunum, hafi
komið sér undan skattgreiðslum
með skráningu í útlöndum.
Í þættinum Silfur Egils í gær
sagði hann að á árunum 2005-2007,
hafi um 80 milljarðar króna verið
greiddir út úr viðskiptabönkunum
þremur, sem arður eigenda, og
launagreiðslur til æðstu stjórn-
enda. En þar sem eignarhald
bankanna hafi að verulegu leyti
verið skráð erlendis hafi aðeins
hluti þeirrar upphæðar verið
skattskyldur hér á landi. -jse
Útrásarfyrirtækin:
Komu sér und-
an skattinum
MENNTAMÁL Stúdentaráð Háskóla
Íslands (SHÍ) er mjög óánægt með
þær tillögur ríkisstjórnarinnar að
skerða fjárframlög til Háskóla
Íslands og Lánasjóðs íslenskra
námsmanna (LÍN) á næsta ári.
Heimildir Fréttablaðsins herma að
menntamálaráðherra hafi viljað
þriðjungi minni niðurskurð á fram-
lögum til skólans en lagður er til í
fjárlögum.
Í endurskoðuðum fjárlögum er
gert ráð fyrir að framlög til Háskóla
Íslands skerðist úr tæpum tíu millj-
örðum í tæpa níu, eða alls um 951
milljón króna. Þá eru framlög til
LÍN skert um 1.360 milljónir, úr
rúmum 7,7 milljörðum í tæpa 6,4.
Björg Magnúsdóttir, formaður
SHÍ, segir niðurskurðinn skjóta
mjög skökku við í ljósi þess að fyrir-
séð sé að ásókn í nám muni aukast
til mikilla muna vegna efnahags-
ástandsins.
„Af hverju gera forsendur fjár-
laga ráð fyrir aðeins fimm prósenta
fjölgun náms-
manna á lánum
þegar fyrir ligg-
ur að þeim muni
fjölga um tut-
tugu eða jafnvel
þrjátíu prósent
þegar aukinn
fjöldi hefur nám,
atvinnutækifæri
gufa upp og
baklönd verða
ótryggari fjár-
hagslega? Af hverju hunsar ríkis-
stjórnin sína eigin stefnumörkun
um eflingu menntunarstigs þjóðar-
innar?“ segir í ályktun SHÍ, sem fer
fram á að stjórnvöld endurskoði
afstöðu sína.
„Við erum foxill,“ segir Björg.
„Þessar ákvarðanir eru ekki að
hjálpa neinum. Það er alveg á
hreinu.“ Hún segir að niðurskurð-
urinn muni óhjákvæmilega bitna á
næstu samningaviðræðum náms-
mannahreyfinganna við LÍN. Óða-
verðbólgan sé þegar farin að éta
upp hækkunina sem náðist fram
síðastliðið vor og erfitt sé að ímynda
sér hver staðan verði næsta vor.
„Þetta er reiðarslag fyrir okkur
öll. Hlutverk LÍN eykst í kreppunni.
Lánasjóðurinn og Háskólinn sjálfur
eru björgunarhringir í árferði sem
þessu,“ segir Björg, sem óttast
flótta námsmanna til útlanda ef
saumað verði að þeim með þessum
hætti. Hún segir að SHÍ hafi þegar
sett á fót viðbragðshóp vegna
málsins.
Samkvæmt heimildum Frétta-
blaðsins fól menntamálaráðherra
háskólaráði HÍ í byrjun desember
að vinna tillögur að hagræðingu og
niðurskurði innan veggja skólans
um sem næmi 650 milljónum króna,
eða um þriðjungi minna en síðan er
gert ráð fyrir í fjárlögum. Hvorki
náðist í Þorgerði Katrínu Gunnars-
dóttur menntamálaráðherra né
Kristínu Ingólfsdóttur rektor HÍ í
gær. stigur@frettabladid.is
Segja ríkisstjórnina
hunsa eigin stefnu
Stúdentar lýsa áhyggjum af væntanlegum milljarðaniðurskurði á framlögum
til Háskóla Íslands og Lánasjóðs íslenskra námsmanna. Reiðarslag, segir for-
maður Stúdentaráðs. Menntamálaráðherra vildi þriðjungi minni niðurskurð.
BJÖRG
MAGNÚSDÓTTIR UMFERÐ Nokkuð hefur borið á því
undanfarið að ökumenn hirði ekki
um að skafa snjó af rúðum bíla
sinna en með slíku háttalagi setja
ökumenn sjálfa sig og aðra
vegfarendur í talsverða hættu.
Lögreglan hefur haft afskipti af
mörgum ökumönnum fyrir
áðurnefndar sakir, meðal annars
við leik- og grunnskóla þar sem
lítið má út af bregða í skammdeg-
inu. Í tilkynningu frá lögreglunni
biður hún ökumenn að taka sig á
og skafa af bílrúðum en með því
sé öryggi allra betur tryggt. - ovd
Setja vegfarendur í hættu:
Ökumenn skafi
bílrúðurnar
TAKMARKAÐ ÚTSÝNI Þeir ökumenn sem
hirða ekki um að skafa snjó af rúðum
bíla sinna geta átt yfir höfði sér 5 þús-
und króna sekt. FRÉTTABLAÐIÐ/VILHELM
HÁSKÓLI ÍSLANDS Gert er ráð fyrir því að fjárframlög til Háskóla
Íslands verði skert um 833 milljónir á næsta ári og framlög í
Háskólasjóð um 118 milljónir. Sexföldun hefur orðið á fjölda
nýrra stúdenta á vormisseri í ár frá því í fyrra.
FR
ÉTTA
B
LA
Ð
IÐ
/R
Ó
SA
BRETLAND Gordon Brown hefði ekki
beitt hryðjuverkalögum á þýska
eða franska banka, og jafnvel ekki
banka frá Liechtenstein. Þetta er
mat bresks blaðamanns frá The
Sunday Times, sem skrifaði langa
grein um ástandið á Íslandi í gær.
Blaðamaðurinn A.A. Gill líkir
Brown við skólastrák í greininni,
og segir að hann hafi sparkað
harkalega í minna barn. Hann hafi
sent bandamann á gjörgæslu til
þess eins að fá blaðaumfjöllun og
örlítið meira fylgi í skoðanakönn-
un. Íslendingar hafi varla fangelsi,
og engan her. Þeir séu meðal ann-
ars frjálslyndasta, skynsamasta,
duglegasta, skemmtilegasta og
best menntaða fólk í heimsálfunni,
og séu langt frá því að vera hryðju-
verkamenn.
Blaðamaðurinn segir í greininni
að Ísland hafi verið þriðja ríkasta
land heims fyrir hálfu ári en sé nú
gjaldþrota. Þá segir hann frá
ókláruðum byggingum og gífur-
legum fjölda af innfluttum bílum
sem standi óhreyfðir við Sunda-
höfn. Hann fer fögrum orðum um
Íslendinga en segir þá bitra og
ofboðslega drykkfellda.
Gill segir að það sé eitthvað
hressandi við Ísland um þessar
mundir, það sé eins og fólk sé að
vakna. Þá segir hann að kreppan
nú sé ekki það versta sem íslensk
þjóð hafi mátt þola, þjóðin sé hörð
og muni standa hremmingarnar af
sér.
Hægt er að lesa grein Gills á vef
Times, timesonline.co.uk.
- þeb
Breskur blaðamaður skrifar um Gordon Brown og íslensku þjóðina:
Brown níddist á minni máttar
REYKJAVÍK Blaðamaðurinn A.A. Gill var hér á landi og skrifaði um upplifun sína á
íslenskri þjóð. FRÉTTABLAÐIÐ/HEIÐA
SPURNING DAGSINS