Fréttablaðið - 15.12.2008, Blaðsíða 4

4 15. desember 2008 MÁNUDAGUR
EFNAHAGSMÁL Stefnt er að því að
dráttarvextir verði lækkaðir um
áramótin. Björgvin G. Sigurðsson
viðskiptaráðherra hefur lagt
fram frumvarp þess efnis sem
vonast er til að hljóti samþykki
Alþingis fyrir áramót, að því er
fram kemur í tilkynningu frá
ráðuneytinu.
Með frumvarpinu er gert ráð
fyrir að dráttarvextir miðist
framvegis við sjö prósenta álag
ofan á algengustu skammtímalán
Seðlabankans, í stað ellefu
prósenta áður. Auk þess er lagt til
að Seðlabankinn missi heimild
sína til að ákveða annað
vanefndaálag. - sh
Stefnt að lækkun dráttarvaxta:
Dráttarvextir
lækki á nýju ári
BRETLAND, AP Gordon Brown,
forsætisráðherra Bretlands, varð
það á í fyrir-
spurnartíma í
breska þinginu
á miðvikudag
að segja að
ríkisstjórnin
hefði „ekki
bara bjargað
heiminum,“ en
leiðrétti sig
síðan og sagði
hana hafa
„bjargað bönkunum“.
Stjórnarandstaðan hefur sakað
Brown um að ýkja úr hófi eigin
áhrif á alþjóðavettvangi í
fjármálakreppunni.
Mismæli Browns urðu Nick
Clegg, formanni Frjálslyndra
demókrata, tilefni til að segja að
forsætisráðherrann „héldi að
hann væri Atlas, sem ber heiminn
á herðum sér“. - aa
Vandræðaleg mismæli:
Gordon Brown
„bjargar heimi“
GORDON BROWN
FJÁRMÁL Íslenski lífeyrissjóður-
inn, sem Landsbankinn rekur,
kappkostaði sölu á innlendum og
erlendum hlutabréfum til að lág-
marka áhættu sjóðsfélaga mánuð-
ina fyrir bankahrunið. Fénu var
að stórum hluta varið til kaupa á
skuldabréfum viðskiptabankanna
sem urðu nær verðlaus við setn-
ingu neyðarlaganna í október.
Þetta varð reiðarslag fyrir sjóðs-
félaga; ekki síst fyrir eldri borg-
ara sem höfðu valið ávöxtunarleið
sem nær alfarið samanstóð af
skuldabréfum. Niðurstaða
lífeyrissjóðs í vörslu Kaupþings
var mun betri þar sem áhersla var
lögð á kaup á ríkistryggðum
skuldabréfum.
Í bréfi til sjóðfélaga harma for-
svarsmenn Íslenska lífeyrissjóðs-
ins niðurstöðuna og boða
óhjákvæmilega skerðingu
lífeyrisgreiðslna á næsta ári. Þar
segir að stórum hluta þeirra fjár-
muna sem losnuðu við sölu hluta-
bréfa hafi verið varið til kaupa á
skuldabréfum viðskiptabankanna
„enda lítið framboð á ríkistryggð-
um skuldabréfum á sama tíma“.
Arnaldur Loftsson, fram-
kvæmdastjóri Frjálsa lífeyris-
sjóðsins, sem rekinn er af eigna-
stýringu Kaupþings, segir að
öruggasta ávöxtunarleiðin hafi
skilað 23,1 prósents nafnávöxtun.
Ástæðan er að Kaupþing lagði
meiri áherslu á kaup á ríkis-
skuldabréfum en skuldabréfum
fjármálastofnana og fyrirtækja.
Nafnávöxtun Íslenska lífeyris-
sjóðsins var neikvæð um tuttugu
prósent á fyrstu ellefu mánuðum
ársins óháð ávöxtunarleið. Leiðin
sem ber mesta áhættu skilaði 20,4
prósenta neikvæðri ávöxtun sam-
anborið við 20,1 prósent þar sem
áhættan átti að vera lítil sem
engin. Ef litið er til tímans frá
bankahruninu er rýrnunin enn
meiri eða rúm þrjátíu prósent
eins og gögn eins sjóðfélaga
Íslenska lífeyrissjóðsins sýna
glöggt.
Hann er 63 ára karlmaður sem
hefur greitt í séreignarsparnað
frá árinu 1999. Hann átti tæplega
sjö og hálfa milljón í október en
eign hans hafði rýrnað um tvær
og hálfa milljón króna þegar
honum barst bréf forsvarsmann-
anna. Sparnaðarleiðin sem hann
valdi er hugsuð fyrir sjóðfélaga
sem ekki mega við því að taka
mikla áhættu, aðallega fólk 65 ára
og eldra. svavar@frettabladid.is
Höggið þungt fyrir
elstu sjóðfélagana
Eldra fólk sem valdi öruggustu sparnaðarleið Landsbankans fyrir séreignar-
sparnað sinn fer illa út úr hruni bankanna. Hið gagnstæða á við um sjóðfélaga
Kaupþings sem völdu áþekka leið. Munur leiðanna er sláandi mikill í raun.
VEÐURSPÁ
HEIMURINN
Vindhraði er í m/s.
Hitastig eru í °C.
Gildistími korta er um hádegi.
Alicante
Amsterdam
Basel
Berlín
Billund
Eindhoven
Frankfurt
Friedrichshafen
Gautaborg
Kaupmannahöfn
Las Palmas
London
New York
Orlando
Osló
París
Róm
Stokkhólmur
11°
4°
6°
5°
4°
3°
4°
5°
3°
5°
20°
7°
16°
24°
0°
3°
12°
2°
1
0
0
-1
0
4
3
6
4
2
-4
8
10
8
6
6
8
6
13
10
8 13
Á MORGUN
Breytileg átt, 3-8 m/s
MIÐVIKUDAGUR
5-10 m/s
-3 -5
-6
-2-2
-4 -10
-10
-5-4
FROSTLAUST
SUNNAN TIL Í DAG
Enn ein lægðin er
í dag að pota sér
yfi r norðvestanvert
landið. Það gerir það
að verkum að áttin er
breytileg, norðaust-
læg á Vestfjörðum
annars suðvestlæg.
Vindur vex síðdegis
í dag um allt land
og verður víða 13-18
m/s í kvöld. Þessari
lægð fylgir úrkoma
og þar sem frostlaust
verður sunnan til
verður hún blaut þar.
Úrkomuminnst verður
á Norðausturlandi.
Sigurður Þ.
Ragnarsson
veður-
fræðingur
GRIKKLAND Þrjátíu manns voru
handteknir í fyrrinótt í einum
mestu óeirðum sem brotist hafa út
í Aþenu frá því að hinn 15 ára Alex
Grygoropoulos var skotinn til
bana af lögreglumanni á laugar-
daginn í síðustu viku. Þetta kom
fram í gríska dagblaðinu Ta Nea í
gær.
Í fyrradag voru haldnar minn-
ingarathafnir um piltinn víða um
landið. Þær fjölmennustu voru á
Stjórnarskrártorginu í miðborg
Aþenu og svo í hverfinu Exarheía
þar sem hann var skotinn.
Um nóttina fóru svo hópar
manna um miðborgina með eld-
sprengjur og kveiktu í bílum,
verslunum, bönkum og fleiru sem
fyrir varð.
Í dag tekur gildi rýmri opnunar-
tími verslana í Grikklandi í
aðdraganda jóla en verslunar-
menn eru afar svartsýnir og telja
að viðskiptin í ár geti orðið allt að
70 prósentum rýrari en í fyrra.
Þar við bætist að verslunarhverfi
borgarinnar eru illa farin eftir
óeirðirnar sem staðið hafa í rúma
viku og bjóða margar verslanir
upp á allt að 50 prósenta afslátt til
þess að reyna að ýta við kaupend-
um. Kostas Karamanlis forsætis-
ráðherra hefur þó sagt að reynt
verði að bæta tjón verslunareig-
enda eftir fremsta megni. - jse
Óeirðirnar halda áfram í Grikklandi og verslunarmenn sjá fram á gífurlegt tjón:
Einar mestu óeirðir til þessa
Í LJÓSUM LOGUM Hópar manna fóru
um miðborg Aþenu í fyrrinótt með báli
og brandi. FRÉTTABLAÐIÐ/AP
LÖGREGLUMÁL Rannsókn lögregl-
unnar á höfuðborgarsvæðinu á
umfangsmiklu fíkniefnamáli sem
kom upp á Seyðisfirði í júní er
lokið. Hefur það verið sent
embætti ríkissaksóknara til
meðferðar.
Í umræddu máli fannst mikið
magn fíkniefna í sérútbúnum
húsbíl sem kom til landsins með
Norrænu. Um var að ræða 190
kíló af hassi, 1,6 kíló af marijúana
og 1,3 kíló af kókaíni.
Tónleikahaldarinn Þorsteinn
Kragh ásamt Hollendingi á
áttræðisaldri hafa setið í gæslu-
varðhaldi vegna málsins. Rann-
sókn málsins var mjög viðamikil
en að henni komu lögregluyfir-
völd í fimm löndum og einnig
Europol. - jss
Lögreglan lýkur rannsókn:
Stóra hassmálið
til saksóknara
HASSIÐ ÚR NORRÆNU Gríðarlegt magn
var falið í húsbílnum.
SAMANBURÐUR AVÖXTUNARLEIÐA 30. NÓVEMBER 2008
12
,8
%
23
,1
%
-2
0,
6%
-2
0,
4%
-3
,7
%
-1
1,
6%
-1
9,
2%
-2
,2
%
-1
4,
0%
19
,3
%
-5
,4
%
-2
0,
1%
30
25
20
15
10
5
0
-5
-10
-15
-20
-25
% Vægi hlutabréfa
60-80%
Vægi hlutabréfa
45-50,5%
Vægi hlutabréfa
15-22,5%
Engöngu skbr. og
innlán
Íslenski lífeyrissjóðurinn Almenni lifeyrissjóðurinn Frjálsi lífeyrissjóðurinn
Áhætta mikil Áhætta lítil
Milli Úkraínu og Svíþjóðar
Skáli Íslands á heimssýningunni í
Sjanghaí í Kína árið 2010 verður á
milli skála Úkraínu og Svíþjóðar.
HEIMSSÝNING
Skýrist í vor
Lítið hefur þokast varðandi áætlanir
Elkem um að reisa kísilflöguverk-
smiðju hér á landi eða erlendis. Einar
Þorsteinsson, framkvæmdastjóri
Elkem á Íslandi, segir að Elkem starf-
ræki litla tilraunaverksmiðju í Noregi
og velti fyrir sér staðsetningu nýrrar
verksmiðju. Málið skýrist vonandi
næsta vor.
KÍSILFLÖGUVERKSMIÐJA
GENGIÐ 12.12.2008
GJALDMIÐLAR KAUP SALA
HEIMILD: Seðlabanki Íslands
204,102
GENGISVÍSITALA KRÓNUNNAR
116,72 117,28
174,22 175,06
155,33 156,19
20,847 20,969
16,889 16,989
14,608 14,694
1,2934 1,3010
176,91 177,97
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
RÚSSLAND, AP Að minnsta kosti 25
manns voru handteknir þegar
lögregla í Rússlandi stöðvaði
mótmæli stjórnarandstæðinga í
Moskvu í gær.
Einnig voru tíu manns hand-
teknir í mótmælum í Sankti
Pétursborg. Skipuleggjendum
mótmælanna hafði verið neitað
um leyfi fyrir þeim.
Það var fyrrum skákmeistarinn
Garry Kasparov sem stóð fyrir
mótmælunum. Hann tilkynnti um
stofnun nýrrar stjórnarandstöðu-
hreyfingar á laugardag.
Hreyfingin vill vekja athygli á
efnahagsvandræðum Rússa og
mótmæla áformum um að lengja
kjörtímabil forseta. - þeb
Mótmæli í Rússlandi:
Lögreglan
handtók fjölda
mótmælenda