Fréttablaðið - 15.12.2008, Blaðsíða 25
MÁNUDAGUR 15. DESEMBER 2008 3hvati ●
Fjórða hvert ár er Ólympíuár og strax að
loknum Ólympíuleikunum sjálfum tekur
við Ólympíumót fatlaðra. Í ár fór ungur og
óreyndur hópur íþróttamanna á vegum ÍF
yfir hálfan hnöttinn til þess að spreyta sig
í Peking.
Ísland tefldi fram fimm íþróttamönnum á Ól-
ympíumóti fatlaðra í Peking í september 2008.
Fjórir þeirra voru að keppa á sínu fyrsta Ól-
ympíumóti en reynsluboltinn í hópnum var
spretthlauparinn Jón Oddur Halldórsson sem
var að taka þátt í sínu öðru móti en hann vann
til silfurverðlauna í 100 metra og 200 metra
spretthlaupi á Ólympíumótinu í Aþenu 2004.
Sonja Sigurðardóttir, sundkona úr ÍFR, reið
fyrst á vaðið 8. september þegar hún synti í 50
metra baksundi. Sonja synti á tímanum 57,90
sekúndur sem er hennar besti tími í tæp tvö
ár. Sonja hafnaði í tíunda sæti í undanrásum
af fjórtán keppendum og það dugði því ekki til
þess að ná inn í úrslitin.
Næstur keppenda í röðinni var langstökk-
varinn Baldur Ævar Baldursson sem keppir
fyrir hönd Snerpu. Óhætt er að segja að Baldur
hafi farið á kostum í Peking þegar hann jafn-
aði sitt eigið Íslandsmet, 5,42 metra, og skilaði
kappinn af sér glæsilegri stökkseríu. Stökkser-
ía Baldurs var: 5,42; 5,22; 5,39. Úrslit: 5,29; 5,31
en síðasta stökkið var ógilt. Vindurinn í besta
stökki Baldurs var +0,1 en í keppninni var hann
nokkuð breytilegur. Baldur hafnaði í sjöunda
sæti af þrettán keppendum en keppt var sam-
eiginlega í tveimur fötlunarflokkum, F 37 og
F 38. Grenjandi rigning var í Fuglshreiðrinu
í Peking þegar langstökkskeppnin hjá Baldri
fór fram og aðstæður kunnuglegar fyrir Frón-
verja sem oft á frjálsíþróttamótum á Íslandi
hafa mátt sætta sig við válynd veður. Heims-
met var sett í flokki Baldurs á mótinu í Peking
(F37) en það gerði Kínverjinn Ma Yuxi þegar
hann stökk 6,19 metra.
Tæpara mátti það vart standa hjá Eyþóri
Þrastarsyni í 400 metra skriðsundinu en kapp-
inn stórbætti sinn persónulega árangur í und-
anrásum og varð áttundi og síðastur inn í úr-
slitasundið sem fram fór síðar um daginn 11.
september. Eyþór lauk sundinu í undanrásum
á 5:11,54 mínútum. Í úrslitasundinu kom Eyþór
í mark á tímanum 5:15,63 mínútum en bæting
hans í undanrásum var persónulegt met en
Eyþór synti á um 13 sekúndum undir sínum
besta tíma. Eyþór hefur þegar sagt að hann
ætli sér inn á Ólympíumót fatlaðra árið 2012
en þá fer mótið fram í Bretlandi.
Eyþór var eini íslenski keppandinn sem
keppti í tveimur greinum í Peking en hann
varð áttundi í 400 metra skriðsundi og keppti
einnig í 100 metra baksundi. Þar komst Eyþór
ekki í úrslit en synti á tímanum 1:20,12 mínútur
sem var glæsileg bæting því lágmark Eyþórs
inn á mótið var 1:25,90 mínútur.
Óhætt er að segja að 100 metra hlaupið í
flokki T35 á Ólympíumótinu í Peking verði hátt
skrifað í sögubókunum þar sem fjórir fyrstu
hlaupararnir hlupu undir ríkjandi heimsmeti.
Jón Oddur hafnaði í fimmta sæti hlaupsins og
kom í mark á tímanum 13,40 sekúndur sem er
hans besti árangur á þessu ári og næstbesti ár-
angur hans á ferlinum. Kínverjinn Sen Yang
bætti heimsmetið til muna þegar hann hljóp
á tímanum 12,29 sekúndur en heimsmetið var
12,98 og var sett í Assen í Hollandi árið 2006.
Lyftingamaðurinn Þorsteinn Magnús Sölva-
son hafnaði í tólfta sæti í bekkpressu í Peking
í -75 kíló flokki. Þorsteinn lyfti 115 kílóum í
fyrstu lyftu en næstu tvær lyftur hjá kappan-
um voru ógildar. Heimamaðurinn Liu Lei vann
yfirburðasigur í flokknum þegar hann lyfti 225
kílóum við mikinn fögnuð áhorfenda. Þorsteinn
fékk tvær lyftur sem voru 125 kíló dæmdar
ógildar. Fyrri tilraunin fór upp en dómarar sáu
eitthvað athugavert og þá vildi þriðja tilraun
ekki upp. Þorsteinn sagði eftir mót að keppn-
in hefði verið honum gríðarlega mikil reynsla
og að hann ætlaði sér að komast inn á Ólympíu-
mótið 2012.
Íþróttasamband fatlaðra vill koma á fram-
færi innilegu þakklæti til starfsfólks íslenska
sendiráðsins í Peking og öðrum þeim sem lið-
sinntu sambandinu í þessu gríðarstóra verk-
efni.
Með frammistöðu sinni á Ólympíumótinu í
Peking sýndu fatlaðir íslenskir íþróttamenn
enn og aftur hvers þeir eru megnugir. Til ham-
ingju keppendur, til hamingju Ísland!
Frábær frammi-
staða á sterku móti
Jón Oddur Halldórsson var sáttur við árangurinn í Kína enda hljóp hann á sínum besta tíma síðan á Ólympíumót-
inu í Aþenu 2004. Á innfelldu myndinni er sundkonan Sonja Sigurðardóttir. Hún keppti í 50 metra baksundi og
synti þar á sínum besta tíma í tæp tvö ár.
Þorsteinn Magnús Sölvason sagði mótið mikla upplifun
og mikilvægt í reynslubankann.
Eyþór Þrastarson, sundmaður frá ÍFR, stórbætti sig á
Ólympíumótinu og ætlar sér stóra hluti í London 2012.
Baldur Ævar Baldursson frá Snerpu fór á kostum í lang-
stökkinu og jafnaði sitt eigið Íslandsmet. MYND/ÚR SAFNI ÍF
Íþróttasamband fatlaðra hefur
látið prenta sérstök sjálfboðaliða-
kort sem aðildarfélög ÍF geta pant-
að og afhent við ákveðin tækifæri.
Íþrótta-
hreyfing-
in hefur
ávallt
treyst á
framlag
sjálfboða-
liða en
eins og Ís-
lendingar hafa lært er ekkert sjálf-
gefið og aðstæður geta breyst.
Afhending sjálfboðaliðakorts ÍF
er ein leið til þess að sýna fram á
að framlag sjálfboðaliða er metið
að verðleikum í starfi íþróttahreyf-
ingar fatlaðra á Íslandi.
Panta má sjálf-
boðaliðakort ÍF
Rétt eins og síðustu Ólympíu-
mótsár sendi ÍF frá sér styrktar-
beiðnina „Í góðri trú“. Þar voru
hin ýmsu fyrirtæki beðin um að
styrkja íslensku keppendurna á
Ólympíumótinu 2008. Óhætt er
að segja að viðbrögðin við þessari
styrkbeiðni ÍF hafi farið fram úr
björtustu vonum. Íþróttasamband
fatlaðra vill af þessu tilefni koma
á framfæri innilegu þakklæti til
þeirra sem lögðu verkefninu lið.
Þá vill ÍF einnig ítreka þakklæti
sitt í garð samstarfs- og styrktar-
aðila sinna undanfarin ár, ykkar
framlag er ómetanlegt.
Í góðri trú
Undanfarin ár hafa sumarbúðir ÍF
á Laugarvatni notið góðs af styrk-
veitingum Pokasjóðs og árið 2008
var engin undantekning þar á.
Sumarbúðir ÍF eru ætlaðar öllum
einstaklingum með fötlun og hafa
notið mikilla vinsælda. Að til-
stuðlan Pokasjóðs hafa sumarbúð-
ir ÍF eflst og dafnað með hverju
árinu og framlag þeirra hefur
rennt enn styrkari stoðum undir
glæsta starfsemi sumarbúðanna á
Laugarvatni.
Sumarbúðir ÍF
njóta góðs af
Pokasjóði
Annað hvert ár er haldið til skiptis
á Norðurlöndunum Norrænt barna-
og unglingamót í íþróttum fatlaðra
og í sumar fer mótið fram í Eskils-
tuna í Svíþjóð. Mótið er fyrir börn
á aldrinum tólf til sextán ára þar
sem ÍF leitast eftir tilnefningum
íþróttamanna inn á mótið frá bæði
aðildarfélögum sínum og víðar. Í
ár mun ÍF leggja sérstaka áherslu
á það að tilnefnd verði börn á aldr-
inum tólf til sextán ára sem glíma
við hreyfihömlun en þessar sér-
tæku tilnefningar eru liður í nýlið-
unarstarfi ÍF.
Til gamans má geta að flest-
allt fremsta íþróttafólk lands-
ins úr röðum fatlaðra hefur stigið
sín fyrstu spor á Norræna barna-
og unglingamótinu og má þar til
dæmis nefna þau Kristínu Rós Há-
konardóttur, Hauk Gunnarsson,
Geir Sverrisson, Ólaf Eiríksson og
Jón Odd Halldórsson.
Norræna barna-
og unglinga-
mótið í sumar
w
w
w
.if
sp
o
rt
.is