Fréttablaðið - 15.12.2008, Blaðsíða 26

15. DESEMBER 2008 MÁNUDAGUR4 ● hvati
Ávarp Jóhönnu Sigurðardótt-
ur, félags- og tryggingamála-
ráðherra:
Kjörorðið íþróttir fyrir alla í raun-
verulegri merkingu á sér ekki
ýkja langa sögu þegar litið er til
þess hvenær farið var að vinna
að skipulögðu íþróttastarfi fatl-
aðra hér á landi. Segja má að það
hafi fyrst hafist árið 1972. Fyrstu
íþróttafélög fatlaðra voru stofn-
uð hér á landi árið 1974 en á næstu
árum bættust mörg ný félög í hóp-
inn. Árið 1979 var Íþróttasamband
fatlaðra stofnað sem er eitt margra
sérsambanda innan Íþrótta- og Ól-
ympíusambands Íslands. Aðildar-
félög Íþróttasambands fatlaðra
eru nú 22 og starfa víðs vegar
um landið sem sýnir að gróskan í
íþróttastarfi fatlaðra er mikil.
Hæfileg hreyfing og þar með
íþróttaiðkun er öllum holl þannig
að kjörorðið íþróttir fyrir alla á
svo sannarlega rétt á sér, enda
stuðla íþróttir ekki aðeins að aukn-
um líkamlegum styrk, heldur efla
þær líka andlegan styrk, sjálfs-
traust og félagsþroska. Ég held
raunar að íþróttaiðkun sé jafnvel
mikilvægari fötluðum en ófötluð-
um því þær hafa reynst kjörin leið
fyrir fólk með fötlun að finna og
uppgötva ýmsa styrkleika sína. Þá
eru íþróttir fyrir fatlaða oft mik-
ilvægt framhald endurhæfingar
hjá þeim sem fatlast hafa í kjölfar
slysa eða annarra áfalla.
Íþróttir eru stórkostlegar þegar
litið er til þess að allir sem taka
þátt og leggja að sér uppskera ár-
angur erfiðisins. Það sannaðist
svo ekki verður um villst hjá þeim
efnilegu íþróttamönnum sem tóku
þátt í hinum stórkostlegu Ólympíu-
leikum fatlaðra í Peking í Kína nú
í sumar. Það var mér mikill heiður
og mikil upplifun að vera viðstödd
leikana og sjá með eigin augum
hvers íþróttafólkið okkar var
megnugt. Það var út af fyrir sig
afrek að öðlast þátttökurétt á leik-
unum, því hart er barist um þessi
sæti og þau eru fá í samanburði
við allan þann fjölda góðra íþrótta-
manna sem um þau keppa. Árang-
urinn á leikunum var jafnframt
góður og það var stórkostlegt að
fylgjast með íslensku keppendun-
um uppskera árangur þrotlausra
æfinga og margra ára undirbún-
ings − að sigrast á hindrunum,
bæta sig frá ári til árs, að sigrast
á sjálfum sér og ná persónuleg-
um árangri. Allt þetta geta íþróttir
gefið íþróttafólki þegar það hefur
kraft og kjark til að taka þátt, setja
sér markmið og vinna að þeim.
Það gildir um allt íþróttafólk
að til að ná góðum árangri skipt-
ir miklu að hafa sterkan stuðning
á bak við sig. Fatlaðir eiga sinn
sterka bakhjarl í Íþróttasambandi
fatlaðra, ásamt íþróttafélögum,
þjálfurum, aðstandendum og fjöl-
mörgum öðrum sem hafa veitt
stuðning sinn og uppskorið að
launum að sjá íþróttahreyfingu
fatlaðra eflast og vaxa. Það er von
mín og trú að áframhaldandi vöxt-
ur verði í íþróttastarfi fatlaðra
þannig að allir fatlaðir, sem löng-
un hafa, geti tekið þátt og notið alls
þess góða sem íþróttir hafa upp á
að bjóða.
Íþróttir fyrir alla - ert þú með?
Special Olympics Internation-
al (SOI) eru samtök stofnuð árið
1968 af Kennedy-fjölskyldunni.
Markmið þeirra er að bjóða upp á
íþróttatilboð fyrir þroskaheft fólk
og aðra þá sem eiga við námserf-
iðleika að stríða.
Helstu verkefni á vegum sam-
takanna eru íþróttaviðburðir fyrir
þroskahefta auk þess sem síaukin
áhersla er lögð á samstarfsverk-
efni á sviði heilsuræktar, heil-
brigðis- og menntamála. Alþjóða-
skrifstofa samtakanna er í Was-
hington en árið 1997 var sett á fót
skrifstofa í Brussel sem starfar
að málefnum Special Olympics í
Evrópu. Aðildarlönd SOI í Evrópu
eru 58 en alls eru aðildarlönd 200.
Skráðir iðkendur hjá SOI eru 2,25
milljónir manna. Samtökin reka
skrifstofur í Afríku, Asíu, Evrópu,
Suður-Ameriku, Miðausturlöndum
og Norður-Ameríku.
Íþróttasamband fatlaðra gerð-
ist aðili að Special Olympics-sam-
tökunum árið 1989. ÍF fékk und-
anþágu til að innleiða starfsemi
Special Olympics í starfsemi
Íþróttasambands fatlaðra en gerð
er krafa um sjálfstæða skrifstofu,
fjárhag og starfsemi í hverju að-
ildarlandi. Gildistími samnings
er eitt ár og árlega þarf að skila
til SOI ítarlegri skýrslu um starf-
semina. Standi ÍF ekki við sínar
skuldbindingar áskilja samtök-
in sér rétt til að færa starfsemina
frá ÍF.
Með aðild Íslands að Special Ol-
ympics-samtökunum hafa opnast
ný tækifæri fyrir hinn almenna
iðkanda og fjölmargir Íslendingar
hafa tekið þátt í glæsilegum leik-
um samtakanna. Á leikum Speci-
al Olympics eiga allir jafna mögu-
leika á verðlaunum og keppnis-
form er gjörólíkt því sem gerist
á Ólympíumótum fatlaðra (Para-
lympics). Þar keppa aðeins þeir
allra bestu eins og á hefðbundnum
Ólympíuleikum.
Special Olympics og ÍF
Íþróttasamband fatlaðra sem er
umsjónaraðili Special Olympics á
Íslandi sendir einn keppanda á al-
þjóðavetrarleika Special Olymp-
ics 2009 en leikarnir eru haldnir
fjórða hvert ár.
Katrín Tryggvadóttir, sem æft
hefur með með listhlaupadeild
Skautafélagsins Bjarnarins, hefur
verið valin til keppni í listhlaupi
á skautum á leikunum sem fara
fram 7.–13. febrúar næstkomandi.
Þjálfari Katrínar hefur verið
Helga Olsen sem þjálfaði íslenska
keppendur fyrir alþjóðaleikana í
Japan 2005.
2.500 keppendur frá 113 lönd-
um taka þátt í leikunum; 6.000
sjálfboðaliðar aðstoða við fram-
kvæmd og 800 starfsmenn hafa
umsjón með keppnisgreinum.
Þúsundir aðstandenda, áhorfenda
og fjölmiðlafólks víða að úr heim-
inum verða á leikunum.
Íslenskur keppandi á
alþjóðavetrarleikana
Katrín Tryggvadóttir er á leið til Idaho i
Bandaríkjunum. MYND/ÚR ÍF
Jóhanna Sigurðardóttir, félags- og tryggingamálaráðherra, var heiðursgestur ÍF á Ólympíumótinu 2008. Hér er hún ásamt for-
manni ÍF og íslensku keppendunum í Peking. MYND/ÚR SAFNI ÍF
Sundfólkið Eyþór Þrastarson og
Sonja Sigurðardóttir úr ÍFR voru
fyrr í desembermánuði útnefnd
Íþróttamaður og Íþróttakona ÍF
fyrir árið 2008. Við sama tilefni
fékk Harpa Björnsdóttir afhent-
an Guðrúnarbikarinn fyrir gott
starf í þágu fatlaðra íþróttamanna
en Harpa er formaður Ívars á Ísa-
firði.
Bæði Eyþór og Sonja kepptu
á Ólympíumóti fatlaðra í Pek-
ing og stóðu sig þar með miklum
myndarbrag. Sonja synti á sínum
besta tíma í tæp tvö ár og Eyþór
stórbætti sig í 100 metra baksundi
og 400 metra skriðsundi. Þá voru
þau einnig dugleg á öðrum vett-
vangi og víða um heim unnu þau til
fjölda verðlauna sem og hér inn-
anlands. Bæði stefna þau Eyþór
og Sonja á þátttöku á Ólympíumóti
fatlaðra í London árið 2012.
Sonja og Eyþór voru
valin íþróttafólk ársins
Frá vinstri: Handhafi Guðrúnarbikarsins Harpa Björnsdóttir ásamt íþróttafólki ársins
þeim Eyþóri og Sonju.. MYND/ÚR SAFNI ÍF
Frá vinabæjarheimsókn íslenska hópsins á Alþjóðaleikum Special Olympics í Shang-
haí 2007. MYND/ÚR SAFNI ÍF
Lokahátíð Alþjóðaleika Special Olympics
2007. MYND/ÚR SAFNI ÍF
Ú t g e f a n d i : Í þ r ó t t a s a m b a n d f a t l a ð r a l H e i m i l i s f a n g : Í þ r ó t t a -
m i ð s t ö ð i n n i L a u g a r d a l 1 0 4 , R e y k j a v í k V e f s í ð a : w w w . i f s p o r t . i s
Sími: 514 4080 l Ritstjóri: Sveinn Áki Lúðvíksson l Ábyrgðarmaður: Sveinn Áki Lúðvíksson For-
síða: Íþróttasamband fatlaðra l Auglýsingar: Fréttablaðið/Bjarni Þór Sigurðsson Sími: 512 5471.