Fréttablaðið - 16.12.2008, Blaðsíða 6
6 16. desember 2008 ÞRIÐJUDAGUR
VIRKJANIR Stjórn Þeistareykja hefur
samþykkt að hefja viðræður við
aðra aðila um mögulega nýtingu
orku á svæðinu. Tómas Már Sig-
urðsson, forstjóri Alcoa, segir að
verði það gert verði ekki næg orka
fyrir álver á Bakka.
Franz Árnason, forstjóri Þeista-
reykja, segir að stjórnin hafi ákveð-
ið að hefja viðræður við fleiri aðila
vegna orkunnar á svæðinu. Fyrir-
tækið muni koma beint að þeim
viðræðum, en hingað til hefur
Landsvirkjun samið fyrir þess
hönd. „Engar viðræður hafa verið
hafnar. Við samþykktum þetta á
mánudag [fyrir viku] og ekki hefur
náðst að koma mönnum saman. Það
gerist ekkert hér eftir fyrr en upp
úr áramótum geri ég ráð fyrir.“
Franz segir tvö fyrirtæki í sólar-
kísilframleiðslu hafa lýst yfir
áhuga á orkunni og verið í viðræð-
um við Landsvirkjun. Þá hafi ýmsir
aðilar lýst yfir áhuga á orkunni, en
óljóst sé hvort fjármagn sé þar á
bak við.
Spurður segir Tómas að verði
orka seld annað sé grundvöllur
fyrir álveri brostinn. „Jú, það er
augljóst og allir gera sér grein
fyrir því. Ef menn fara að selja
orku núna af þessu svæði þá eru
mjög litlar líkur á að álverið verði
þarna, það er bara staðreynd.“
Franz segir hins vegar að menn
viti ekki hve mikil orka er á svæð-
inu. Ekkert útiloki að næg orka sé
fyrir álver og aðra starfsemi. „Það
er ekkert sem segir að það sé ekki
mögulegt, en líkurnar hafa þá
minnkað.“
Í frétt Fréttablaðsins í gær var
sagt að Alcoa hefði ákveðið að
fresta framkvæmdum á Bakka í
nokkur ár. Tómas segir hins vegar
engan tímaramma vera varðandi
framkvæmdir. Viljayfirlýsingin
hafi ekki verið endurnýjuð 1. nóv-
ember vegna slæmra horfa í efna-
hagsmálum sem síðan hafi komið
á daginn.
Hann segir óljóst hvenær
aðstæður breytist. „Við viljum sjá
heimsmarkað og sérstaklega fjár-
magnsmarkaði jafna sig aðeins.
Til lengri tíma litið erum við vissir
um að menn muni halda áfram að
byggja álver á Íslandi. Það er
engin spurning. Það er því engan
bilbug á okkur að finna og við
höfum mikla trú á þessu verk-
efni.“
Þorsteinn Hilmarsson, upplýs-
ingafulltrúi Landsvirkjunar, segir
að ekki þurfi sérstakar rannsókn-
arboranir hyggist minni aðilar
nýta sér orku á svæðinu.
kolbeinn@frettabladid.is
Alcoa segir orkuna
ekki til skiptanna
Alcoa telur að verði samið við aðra um orku af háhitasvæðum í Þingeyjarsýslum
verði ekki næg orka eftir í álver. Þeistareykir hf. hafa samþykkt að hefja viðræð-
ur við aðra. Alcoa bíður betra efnahagsástands með frekari framkvæmdir.
FRANZ
ÁRNASON
TÓMAS MÁR
SIGURÐSSON
ÞEISTAREYKIR Eftir áramót mun Þeistareykir ehf. hefja viðræður við aðra aðila en Alcoa um mögulega nýtingu orku á svæðinu.
Forstjóri Alcoa segir grundvöll fyrir álveri þá brostinn. Skálinn sem sést á myndinni er í eigu sveitarfélagsins. Hann er um 150
metrum frá bornum, sem heitir Jötunn. FRÉTTABLAÐIÐ/VÖLUNDUR
IÐNAÐARMÁL Össur Skarphéðinsson
iðnaðarráðherra segir Jacynthe
Côté, forstjóra Rio Tinto Alcan, ekki
hafa tilkynnt sér í símtali að hætt
hafi verið við stækkun álversins í
Straumsvík, eins og kom fram í for-
síðufrétt Fréttablaðsins í gær. Côté
kom þeim skilaboðum jafnframt á
framfæri í gegnum upplýsingafull-
trúa fyrirtækisins á Íslandi að fyr-
irætlanir um stækkun standi sam-
kvæmt áætlun þótt mögulegt sé að
tímasetningar verkþátta breytist.
Össur brást við fréttinni í ræðu á
Alþingi í gær. „Varðandi það sem
háttvirtur þingmaður sagði og vís-
aði til fregna í dag eru þær fregnir
ekki alls kostar réttar. Til dæmis er
þar vísað í samtal sem ég átti við
forustukonu Alcan í Kanada, Jac-
ynthe Côté, og úr því samtali er haft
að hún hafi tilkynnt mér að fyrir-
tækið hafi hætt við tiltekin áform.
Það er hugsanlegt að enskukunn-
átta mín sé svona slök en ég skildi
ekki samtalið á þann veg og þessar
upplýsingar voru ekki bornar undir
mig til staðfestingar þannig að þær
hafa með einhverjum öðrum hætti
komist á flot.“
Ólafur Teitur Guðnason, fram-
kvæmdastjóri samskiptasviðs
Alcan á Íslandi, fékk þær upplýs-
ingar frá Jacynthe Côté í gær að
hún hefði ekki tilkynnt ráðherra að
hætt hefði verið við stækkun álvers-
ins í téðu samtali þeirra. Frétta-
flutningur blaðsins sé því rangur;
haldið verði áfram með fram-
kvæmdir í Straumsvík eins og áætl-
un gerir ráð fyrir en tímasetningar
einstakra verkþátta geti breyst.
- shá
Iðnaðarráðherra segir frétt um álverið í Straumsvík ekki rétta:
Ekki hætt við stækkun álvers
ÖSSUR
SKARPHÉÐINSSON
Sagði á Alþingi í
gær frétt Frétta-
blaðsins ekki vera
alls kostar rétta.
Hefur þú skilning á aðhalds-
aðgerðum stjórnvalda?
Já 34,5%
Nei 65,5%
SPURNING DAGSINS Í DAG:
Vilt þú breytingar á skipan
ráðherra í ríkisstjórn Íslands?
Segðu skoðun þína á vísir.is
SJÁVARÚTVEGUR Vinnslustöðin í Vestmannaeyj-
um byrjaði að vinna síld til manneldis í
fyrradag en það er í fyrsta sinn sem það er
gert síðan að sýkingarinnar af völdum
Ichthyophonus sníkjudýrsins.
Ichthyophonous er ekki hættulegt mönnum
en getur valdið slíkum útlitsgalla á síldarflök-
unum að það sé ekki seljanlegt til manneldis.
Vinnslustöðin lætur nú tína slíka flök úr í
vinnuferlinu og setja þau í bræðslu. „Það er
erfitt að segja til um það hversu mikið hlutfall
þetta er sem við þurfum að tína úr en það er
tiltölulega lítið,“ segir Sigurgeir Brynjar
Kristgeirsson, framkvæmdastjóri Vinnslu-
stöðvarinnar. Hann segir enn fremur að þetta
sé gert í samkomulagið við kaupendur og að
viðbrögðin frá þeim hingað til séu góð.
Friðrik Arngrímsson, framkvæmdastjóri
Landssambands Íslenskra útvegsmanna, sagði
þegar sýkingarinnar varð vart að tekjuskerð-
ingin við það að bræða síldina sem þá var eftir
að kvótanum í stað þess að vinna hana til
manneldis væri líklega um 2,5 milljarðar.
Aðspurður hvort útgerðarmenn hafi verð of
fljótir á sér að ákveða að ekki mætti vinna
síldina til manneldis segir hann, „það tel ég
ekki. Menn hafa verið að meta þetta, einir
hafa komist að þeirri niðurstöðu að það
borgaði sig ekki að fara þessa leið og aðrir eru
enn að skoða þetta.“ Hann segir að mörgum
þáttum að huga, bæði hvað varðar markaði og
vinnslu, svo það komi honum ekki á óvart þó
allir komist ekki að sömu niðurstöðu.
HB Grandi kláraði síldarkvóta sinn í gær en
allur aflinn hefur farið í bræðslu frá því að
sýkingin kom upp. - jse
Vinnsla á síld er hafin á ný í Vestmannaeyjum þrátt fyrir sýkingu:
Lítill hluti aflans ótækur í frystingu
SÍLDIN KOMIN OG KERIN KLÁR Silfur hafsins rann í
kerin í Vinnslustöðinni í gær. MYND/ÓSKAR FRIÐRIKSSON
KJÖRKASSINN