Fréttablaðið - 16.12.2008, Blaðsíða 8

8 16. desember 2008 ÞRIÐJUDAGUR
Byggð á
samnefndri
kvikmynd
ÍRAK, AP Þúsundir Íraka gengu í gær
um götur Bagdad og kröfðust þess
að sjónvarpsfréttamaðurinn Munta-
dar al-Zeidi, sem á fréttamanna-
fundi á sunnudagskvöldið kastaði
skóm sínum að George W. Bush
Bandaríkjaforseta, yrði látinn laus
úr varðhaldi.
„Þetta er kveðjukoss frá írösku
þjóðinni, hundur,“ sagði al-Zeidi
áður en hann kastaði skóm sínum í
átt að forsetanum sem náði að víkja
sér undan þeim.
Athæfi mannsins vakti strax
blendin viðbrögð í Írak. Á meðan
sumir fordæmdu verknaðinn báru
aðrir lof á al-Zeidi. Meðal hinna
síðarnefndu eru þeir sem kalla hann
hetju sem sagt hafi hug írösku þjóð-
arinnar. Þá sýndu íraskar sjón-
varpsstöðvar skókastið ítrekað í
fréttatímum sínum í gær og öll
helstu dagblöðin sögðu frá því.
Fréttamaðurinn er starfsmaður
sjónvarpsstöðvarinnar Al-Baghda-
dia sem er starfrækt í Kaíró í
Egyptalandi en í eigu íraskra aðila.
Írösk stjórnvöld fordæmdu verkn-
aðinn og kröfðust opinberrar afsök-
unar frá sjónvarpsstöðinni. Að kalla
einhvern hund þykir í Írak afar
niðrandi. Þá þykir það að kasta
skóm að einhverjum merki um van-
virðingu.
Bush hélt í gær í opinbera heim-
sókn til Afganistans. Með heim-
sóknum sínum til Íraks og Afganist-
ans vill forsetinn leggja áherslu á
minnkandi átök í löndunum. - ovd
Fréttamaður í varðhaldi eftir að hann kastaði skóm sínum að Bandaríkjaforseta:
Vilja skókastarann lausan
KALDAR KVEÐJUR Kveðjur Muntadar
al-Zeid til Bandaríkjaforseta hafa vakið
blendin viðbrögð í Írak en hann kallaði
Bush hund áður en hann kastaði skóm
sínum að forsetanum. FRÉTTABLAÐIÐ/AP
NOREGUR Norski rithöfundurinn
Anne-Cath. Vestly, stundum kölluð
Amma Noregs, er látin. Vestly
varð 88 ára gömul og skrifaði
meira en 50 barnabækur, að sögn
NRK. Hún er meðal annars
höfundur bókarinnar Óli Alexand-
er Fili-bomm-bomm-bomm sem
kom út hér á landi.
Anne-Cath. Vestly fæddist árið
1920 í Åmot í Noregi. Hún reyndi
fyrir sér í leiklist í Osló og var
meðal annars með barnatímann í
sjónvarpinu. Hún vakti mikla
athygli á sjötta áratugnum þegar
hún sagði í útvarpinu að storkur-
inn kæmi ekki með börnin heldur
kæmu þau úr maga mömmunnar.
Hún fékk morðhótanir í kjölfarið.
- ghs
Amma allra Norðmanna:
Vestly er látin
Húsnæði Notandi Eigandi
Köllunarklettsvegur 4 Minjasafn Reykjavíkur Sport ehf.
Vatnagarðar 28 Borgarskjalasafn Reykjavíkur Xco ehf.
Vatnagarðar 28 Innri endurskoðun Xco ehf.
Landnámsskáli, Aðalstræti 16 Minjasafn Reykjavíkur Landic Property hf.
Braggar Þórðarhöfða 6-10 Borgarbókasafn og ýmis starfsemi Árland ehf.
Hraunbær 115 Velferðarsvið Miðjan hf og Eignarhaldsfélagið Ögur ehf.
Borgartún 12-14 Ýmsar skrifstofur borgarinnar Höfðatorg ehf.
Kirkjustétt 2-6 v. frístundaheimilis Íþrótta- og tómstundaráð Smáragarður ehf.
Frostaskjól 2 v. félagsmiðstöðvar Íþrótta- og tómstundaráð KR
Gufunes - smíðavellir Íþrótta- og tómstundaráð Rjáfur ehf.
Pósthússtræti - Hitt húsið Íþrótta- og tómstundaráð Landic Property
Seljavegur - brettafélagið Íþrótta- og tómstundaráð Seljavegur ehf.
Egilshöll Íþrótta- og tómstundaráð Borgarhöllin hf.
Íþrótta- og sýningahöllin Íþrótta- og tómstundaráð Íþrótta- og sýningahöllin hf.
Hraunbær 119 - Borgarbókasafn - útibú Menningar- og ferðamálasvið Bréfabær
Hólmaslóð 4 - Listasafn Reykjavíkur - geymsla Menningar- og ferðamálasvið Gómur ehf. (Slétt ehf.)
París - Frakkland - Listasafn Reykjavíkur - geymsla Menningar- og ferðamálasvið Miotto
Austurstönd 1 - Höfuðborgarstofa - geymsla Menningar- og ferðamálasvið Hlér ehf.
Aðalstræti 2 - Rvk.borg, Höfuðborgarstofa og UMFR Menningar- og ferðamálasvið Landic Property
Aðalstræti 10 Sýningarhúsnæði Menningar- og ferðamálasvið Minjavernd
Álfabakki 12 - þjónustumiðstöð Breiðholt Velferðarsvið Álfabakki ehf og Axel Eiríksson
Skúlagata 21 - þjónustumiðstöð Miðb. & Hlíða Velferðarsvið Sætún ehf.
Langarimi 21 - Miðgarður þjónustumiðstöð Velferðarsvið KS fasteignir ehf.
Hjarðarhagi 47 - Vesturgarður þjónustumiðstöð Velferðarsvið Stoðir ehf.
LEIGUSAMNINGAR REYKJAVÍKURBORGAR (VIÐ EINKAAÐILA)
REYKJAVÍK Óformlegar viðræður
hafa verið á milli Borgarhallar-
innar hf., rekstraraðila Egils-
hallarinnar, og Reykjavíkurborg-
ar um að sveitarfélagið komi á
einhvern hátt að rekstri hússins.
Nýsir, eigandi Borgarhallarinn-
ar, stendur illa. Borgin leigir tíma
fyrir íþróttastarfsemi í höllinni.
Hrólfur Jónsson, sviðsstjóri
framkvæmda- og eignasviðs,
staðfestir að menn hafi kastað á
milli sín hugmyndum. Það hafi þó
allt verið óformlegt. „Borginni
hefur ekki verið boðið húsið til
kaups með formlegum hætti.
Þetta er eitthvað sem menn verða
að skoða,“ segir Hrólfur.
Rekstraraðilar sendu fyrir
nokkru erindi
til borgarráðs
með ósk um að
borgin leigði
fleiri tíma í
húsinu. Það mál
er til skoðunar.
„Það er klárt
mál að það er
áhugi hjá borg-
inni fyrir því að
tryggja rekstur hússins. Verið er
að skoða sameiginlegar hug-
myndir um hvernig hægt er að
gera það.“
Reykjavíkurborg leigir tölu-
vert af húsnæði af einkaaðilum.
Þar er ýmist um fasteignafélög,
félagasamtök, góðgerðastofnanir
eða jafnvel fyrirtæki í eigu borg-
arinnar að ræða. Á listanum hér
að neðan eru einkaaðilar tíndir
til.
Hrólfur segir borgaryfirvöld
ekki óttast um samningana nú í
kreppunni. Það sé helst Egilshöll-
in sem þurfi að skoða. „Við höfum
í sjálfu sér ekki áhyggjur af
þessu. Ef félög eru tekin í þrot
tekur við skiptastjóri og hann
reynir að tryggja að tekjur ber-
ist, þar með talið leigutekjur.
Húsnæðið er áfram til staðar og
ekkert til vansa með leigu borg-
arinnar. Hugsanlega gætu þá
skapast tækifæri varðandi
kaup.“
kolbeinn@frettabladid.is
Vilja að Reykjavík
kaupi í Egilshöllinni
Óformlegar viðræður hafa átt sér stað á milli rekstraraðila Egilshallar og
Reykjavíkurborgar um kaup sveitarfélagsins á hluta rekstursins. Reksturinn
yrði ekki óbreyttur ef af verður. Borgin leigir töluvert húsnæði af einkaaðilum.
HRÓLFUR JÓNSSON
EGILSHÖLL Eigendur hússins hafa leitað óformlega til Reykjavíkurborgar til að kanna flöt á því að borgin komi nánar að rekstri
hússins. FRÉTTABLAÐIÐ/ARNÞÓR
VEISTU SVARIÐ?
1 Hverju kastaði íraskur
blaðamaður í áttina að George
W. Bush Bandaríkjaforseta á
blaðamannafundi á sunnudag?
2 Hversu mörg ár hefur lækna-
vaktin á höfuðborgarsvæðinu
farið í húsvitjanir?
3 Hvaða sundkona kvaddi
Fjölni með tveimur Íslandsmet-
um á EM í Króatíu?
SJÁ SVÖR Á SÍÐU 38