Fréttablaðið - 22.12.2008, Blaðsíða 34

26 22. desember 2008 MÁNUDAGUR
timamot@frettabladid.is
Nicolae Ceausescu, forseta
Rúmeníu, var steypt af stóli eftir
24 ára valdatíð á þessum degi
árið 1989.
Nokkrum dögum áður höfðu
hermenn skotið á mannfjölda
í bænum Timisoara þegar yfir-
völd ætluðu að handtaka erki-
klerkinn Laszlo Tokes. Fjöldi
saklausra borgara féll í skot ár-
ásinni og óljós orðrómur um
fjöldamorð yfirvalda á þús-
undum landsmanna barst um
heimsbyggðina. Eftir það breiddust út mótmælaað-
gerðir til annarra bæja með þeim afleiðingum að
forsetinn boðaði til útifundar 21. desember í mið-
borg Búkarest til að róa landsmenn og sýna heims-
byggðinni hversu dáður hann var. Mikill mann-
fjöldi beið ávarps Ceausescus og konu hans Elenu,
en öfugt við þær móttökur sem
forsetinn átti von á hrópaði lýð-
urinn: „Niður með Ceausescu.“
Þetta varð upphaf að byltingu
í Rúmeníu og samstundis voru
sjónvarps- og útvarpsútsendingar
frá viðburðinum rofnar.
Eftir að herinn hafði komið
Ceausescu í skjól hófst mikil
skothríð á almenning. Daginn
eftir ákvað rúmenski herinn að
snúa baki við forseta sínum og
ganga til liðs við mótmælendur,
sem búið höfðu við kúgun í áratugi. Saman réðust
herlið og almenningur í forsetahöllina til að hand-
taka Ceausescu, en á ögurstundu flúði hann burt
í þyrlu af þaki forsetahallarinnar. Á jóladag náðust
forsetahjónin og voru tekin af lífi eftir stutt sýndar-
réttarhöld.
ÞETTA GERÐIST: 22. DESEMBER 1989
Nicolae Ceausescu steypt af stóli
JOE STRUMMER LÉST ÞENNAN DAG
ÁRIÐ 2002.
„Maður lærir mest á því að kenna
sjálfum sér um. Það lærist ekkert
ef maður kennir öðrum um því þá
er sökin ekki lengur manns eigin,
heldur annars. Öll þessi ábyrgð er
streituvaldandi. Ég reyni að takast
á við hana með því að gefa henni
ekki gaum.“
Joe Strummer var söngvari og gítar-
leikari The Clash, sem ásamt Sex Pist-
ols var ráðandi á bresku pönksenunni.
Seinna sneri hann sér að kvikmynda-
leik, með góðum árangri. Hann lést af
hjartaáfalli fimmtugur að aldri.
MERKISATBURÐIR
1897 Stundaklukka sett upp
í turni Dómkirkjunnar í
Reykjavík.
1919 Dómar kveðnir upp í
Landsyfirrétti í síðasta sinn.
1963 Opinberu 30 daga sorgar-
tímabili í Bandaríkjunum,
vegna morðsins á John F.
Kennedy, lýkur.
1968 Julie Nixon giftist Dwight
David Eisenhower.
1984 Lag Madonnu, Like a Virg-
in, fer rakleiðis í fyrsta
sæti vinsældalista.
1987 Ný lögreglusamþykkt fyrir
Reykjavík staðfest í stað
samþykktar sem gilt hafði
í meira en hálfa öld.
1990 Lech Walesa settur í emb-
ætti forseta Póllands.
1994 Ríkisstjórn Silvio Berlus-
coni, forsætisráðherra Ít-
alíu, segir af sér.
„Ég man þegar ég tók við Fjarðar-
póstinum, með innan við viku fyrir-
vara, að ég settist inn í bíl og keyrði
í ofboði um bæinn í leit að einhverju
fréttnæmu til að fylla heilt blað. Síðan
hefur ekki verið skortur á fréttaefni
í Firðinum og reyndar svo mikið að
gerast að ég hef ekki getað sinnt
nema broti af því,“ segir Guðni Gísla-
son, ritstjóri Fjarðarpóstsins, sem ný-
verið stóð á aldarfjórðungs tímamót-
um, en fyrsta tölublaðið kom út 29.
dag septembermánaðar árið 1983.
„Mér bauðst að taka við blaðinu
árið 2001 en neitaði í fyrstu þar sem
mér þótti starfið of bindandi. Eftir
nánari umhugsun ákvað ég að slá til
og hef síðan skrifað 345 blöð, eða 48
blöð á ári,“ segir Guðni sem var rit-
stjóri Skátablaðsins áratuginn áður
en hann tók við Fjarðarpóstinum og
hefur með einum eða öðrum hætti
vasast í útgáfu frá unglingsaldri.
„Það er óskaplega gaman að vinna
að Fjarðarpóstinum en stundum spyr
maður sjálfan sig hvað maður sé að
gera í þessu. Starfið ýtir undir for-
vitni og með myndavél og penna að
vopni kemst maður alls staðar inn
til að svala henni,“ segir Guðni sem
flutti til Hafnarfjarðar á fimmta ári
og þekkir lungann af bæjarbúum og
bæinn sinn vel.
„Metnaður fyrir hönd bæjarfélags-
ins rekur mig áfram og ég kaupi ekki
að blaðamenn séu hlutlausir, þótt ég
reyni vitaskuld að segja hlutlaust frá
því sem ég sé og heyri í bænum, þrátt
fyrir sterkar skoðanir,“ segir Guðni,
sem í upphafi tók ákvörðun um að
skrifa ekki leiðara en fann í fyrsta
blaðinu engan stað betri fyrir þakk-
ir til fyrrum ritstjóra.
„Ég setti þá mynd í leiðarann til
að menn gætu séð hvernig ég liti
út og bar á henni hatt sem fljótlega
varð einkenni mitt. Ég hef nú gengið
með sixpensara í nokkra mánuði en
reglulega velt því fyrir mér að taka
upp hattinn, en miðað við hvað gerst
hefur með ritstjóra með hatta yrði
sennilega óvinsælt að taka upp hatt-
inn á ný,“ segir Guðni og skellir upp
úr.
Fjarðarpóstinum er dreift frítt
inn á öll heimili og fyrirtæki í Hafn-
arfirði og á Álftanesi, auk þess sem
lesa má blaðið á www.fjardarpostur-
inn.is.
„Framtíðin er björt, þótt trúlega
verði timburmenn í vor. Hingað til
hefur gengið vel og burtséð frá efna-
hagsástandinu og framtíð fréttamiðla
á netinu held ég að nostalgían liggi
einmitt í því að fá Fjarðarpóstinn inn
um lúguna til að blaða í í rólegheit-
um heima. Fjarðarpósturinn er mál-
pípa bæjarbúa og lesinn spjaldanna á
milli hér heima og víða um heim af
Hafnfirðingum. Bæjarblað er feikna
sterkur miðill fyrir bæjarbúa, því í
því stendur það sem þeim er ætlað.
Og menn sem efast hafa um mikinn
lestur Fjarðarpóstsins og fengið birta
mynd af sér á tímamótum hafa orðið
undrandi á þeim miklu viðbrögðum
sem þeir hafa fengið eftir að hafa
sést í blaðinu,“ segir Guðni um Fjarð-
arpóstinn sem í gegnum tíðina hefur
haft mismunandi áherslur, en er ekk-
ert óviðkomandi.
„Það er stundum sagt að Hafnfirð-
ingar séu sér þjóðflokkur og þannig
viljum við hafa það. Að segja frá
ómerkilegum hlutum á landsvísu en
hampa því sem við höfum. Hér ríkir
mikill bæjarbragur, þótt pólitíska lífið
hafi verið þunglamalegt undanfarið.
Fólk hefur skoðanir, vill koma þeim á
framfæri og þannig er umræða lífleg
um bæinn, hvort sem það er á kaffi-
stofum eða í túnfætinum. Við látum
svo Hafnarfjarðarbrandarana öðrum
eftir að hlæja að, en gerum vitaskuld
grín að sjálfum okkur líka.“
thordis@frettabladid.is
FJARÐARPÓSTURINN Í HAFNARFIRÐI: FAGNAR ALDARFJÓRÐUNGS AFMÆLI
Málpípa allra Hafnfirðinga
INN UM LÚGUNA Guðni Gíslason ritstjóri skrifar greinar, tekur myndir, selur auglýsingar og brýtur um bæjarblað Hafnfirðinga, en ber það aldrei
út sjálfur, þótt hann smeygi jólablaðinu inn um lúguna hér. Hann segir menn alltaf eiga eftir að njóta þess að fá blaðið heim til að lesa í ró og
næði. FRÉTTABLAÐIÐ/GVA
Verkmenntaskólinn á Ak-
ureyri hlaut tveggja millj-
óna styrk frá LÍU. Hann á
að styrkja vélstjórnarbraut
VMA, eina skólans utan höf-
uðborgarsvæðisins sem út-
skrifar 4. stigs vélstjóra.
Afhendingin fór fram við
brautskráningarathöfn VMA
fyrir helgi. Hjalti Jón Sveins-
son skólameistari VMA
ræddi þá um mikilvægi þess
að skólinn sé í góðu sam-
bandi við atvinnulíf á svæð-
inu og tilgangur hans sé ekki
síst að styrkja það með því að
mennta fólk til að taka þátt í
því.
Kristján Vilhelmsson,
framkvæmdastjóri hjá Sam-
herja, afhenti styrkinn og
ræddi um upphaf Útvegs-
mannafélags Norðurlands
sem er 100 ára á árinu og
vitnaði í fundargerð frá þeim
tíma þar sem komið er inn á
hagsmunamál útgerðarinnar.
„Í fyrsta lagi vantar tilfinn-
anlega menn sem geta gert
við bátavélar og var fyrir-
liggjandi tilboð frá Jóni Sig-
urðsyni á Hellulandi sem
bauðst til að taka að sér verk-
ið ef hann fengi 600 krón-
ur í fastakaup og 50 aura á
tímann þegar hann væri að
starfi. Fundurinn samþykkti
að taka þátt í kostnaði við að
koma verkstæði á fót, stað-
settu í Hrísey.“ Svo sagði:
„Einnig er áríðandi að stjórn-
endur hreyfivéla læri að nota
þær og hirða.“ Fyrir afhend-
inguna sagði Kristján að út-
vegsmenn vissu og skildu
að kennsla í fræðunum væri
jafn brýn og fyrir öld þegar
framansagður texti var skrif-
aður.
Sjá www.liu.is.
LÍU styrkir VMA
VMA hlaut tveggja milljóna króna styrk frá LÍÚ.
Fæðingardeild Landspít-
ala Íslands áskotnaðist óm-
tæki nýlega ásamt fylgihlut-
um eins og prentara. Það var
Kvennadeild Reykjavíkur-
deildar Rauða kross Íslands
sem kom færandi hendi og
afhenti tækið sem er það
lítið um sig að auðvelt er að
flytja það milli herbergja.
Tækið notast við ýmsar að-
stæður á fæðingardeildinni
til dæmis við tvíburafæð-
ingar, við að kanna legu fóst-
urs, staðsetningu fylgju og
fleira. Myndgæði eru mikil
og tækið hentar vel fyrir
starfsemina. Það leysir af
hólmi eldra tæki sem gefið
var fyrir um átta árum.
Kvennadeild RKÍ
gefur ómtæki
Stjórnarkonur í kvennadeildinni og starfsfólk fæðingardeildar Land-
spítalans.