Fréttablaðið - 24.12.2008, Blaðsíða 8

8 24. desember 2008 MIÐVIKUDAGUR
NOREGUR Óslóarborg hefur ákveðið
að veita tugum milljarða norskra
króna í byggingaverkefni af ýmsu
tagi í Ósló á næsta ári, að sögn
NRK.
Borgin ætlar að byggja leik-
skóla, skóla, íþróttahús og
hjúkrunarheimili og fara í viðhald
fyrir samtals um 30 milljarða
norskra króna, eða sem samsvarar
tæpum 600 milljörðum íslenskra
króna. Þetta er gert til að halda
uppi atvinnustigi í borginni.
Fjárveitingin er ekki ný af
nálinni heldur er sveitarfélagið
mikið til að nota peninga sem
höfðu verið eyrnamerktir í
framkvæmdir en aldrei verið
notaðir. - ghs
Atvinnustigið í Ósló:
Milljarðar settir
í framkvæmdir
ALÞINGI Rúmlega 7,6 milljörðum
króna af heildarútgjöldum til heil-
brigðismála var varið til geðheil-
brigðismála á árinu 2007. Gera má
ráð fyrir að þetta sé eingöngu hluti
af útgjöldum til geðheilbrigðis-
mála þar sem þjónusta getur verið
fjármögnuð af félagsmálayfirvöld-
um og/eða sveitarfélögum, til
dæmis þjónusta við geðfatlaða.
Þessar upplýsingar koma fram í
svari heilbrigðisráðherra við fyrir-
spurn Sivjar Friðleifsdóttur, þing-
flokksformanns Framsóknar-
flokksins og fyrrverandi
heilbrigðis ráðherra.
Útgjöld Landspítalans til geð-
heilbrigðismála námu rúmum
þremur milljörðum króna á síðasta
ári en aðrar stofnanir sem nutu
hvað hæstra ríkisframlaga til
málaflokksins voru SÁÁ, Sogn,
Sjúkrahúsið á Akureyri, Heilsu-
gæsla höfuðborgarsvæðisins,
Reykjalundur og Dvalarheimilin
Ás og Fellsendi.
Útgjöld til sértækra forvarna-,
meðferðar- og greiningarúrræða
sem Heilsugæsla höfuðborgar-
svæðisins sér um hafa vaxið sem
hlutfall af heildarútgjöldum. Þá er
áætlað að um 30 prósent samskipta
heimilislækna tengist að meira eða
minna leyti geðrænum einkenn-
um, hvert svo sem tilefnið er.
Í svari ráðherra kemur fram að
tauga- og geðlyf eru kostnaðar-
samasti lyfjaflokkurinn sem
Tryggingastofnun ríkisins (TR)
greiddi til á árinu 2007. Námu
útgjöld til hans 2,2 milljörðum
króna. Hafa verður hugfast að í
lyfjaflokknum eru önnur lyf en
geðlyf, svo sem lyf sem notuð eru
vegna taugasjúkdóma, róandi lyf
og svefnlyf. Lyfjakostnaður TR
það ár nam rúmum sjö
milljörðum.
Þá kemur fram að árið 2007 voru
tæplega 38 þúsund komur til sjálf-
stætt starfandi geðlækna. Útgjöld
ríkisins vegna þeirra námu rúm-
lega 233 milljónum. Sjúklingar
greiddu sjálfir rúm 26 prósent af
heildarútgjöldum.
Samkvæmt svari ráðherra var
130 milljónum króna veitt til
menntunar og sérmenntunar fag-
fólks á geðsviði Landspítala árið
2007. bjorn@frettabladid.is
Tæpir átta milljarðar
til geðheilbrigðismála
Sex og hálfu prósenti af heildarútgjöldum til heilbrigðismála er varið til geð-
heilbrigðismála. Tauga- og geðlyf kostuðu ríkið rúma tvo milljarða árið 2007.
Það ár greiddi ríkið 230 milljónir fyrir þjónustu sjálfstætt starfandi geðlækna.
DEILD 31E Fram kemur í svari heilbrigðisráðherra við fyrirspurn fyrrverandi heilbrigðisráðherra að útgjöld LSH til geðheilbrigðis-
mála námu rúmum þremur milljörðum króna á síðasta ári. FRÉTTABLAÐIÐ/VILHELM
HRYÐJUVERKAVARNIR ÆFÐAR Indó-
nesískir sérsveitarmenn síga niður á
þak hótels úr þyrlu ásamt hundum
sínum í umfangsmikilli hryðjuverka-
varnaæfingu í höfuðborginni Djakarta.
FRÉTTABLAÐIÐ/AP
VIÐSKIPTI „Ég get lofað því að
þetta eru síðustu jólin þar sem
íslensku plöturnar eru prentaðar
í Austurríki,“ segir Páll Óskar
Hjálmtýsson, tónlistarmaður og
útgefandi. Hann gefur út plötu
sína Silfursafnið sem nú þegar
hefur selst í um 13 þúsund ein-
tökum eða meira en nokkur önnur
fyrir þessi jól.
„Ég fékk minn skerf af
kreppunni en hún kíkti í heim-
sókn til mín í því formi að ég lét
prenta plötuna mína í Austurríki
en þegar ég gekk frá því í sumar
var evran í 80 krónum. En svo
dundu ósköpin yfir og kostnaður
sem átti að verða 2,8 milljónir fór
í 5,8 milljónir.
Ég þurfti því að
selja 10 þúsund
plötur til að
koma út á
sléttu.“
Hann segist
því telja að
útgefendur
muni frekar
láta prenta
hljómdiskana á
Íslandi um næstu jól. „Það er
reyndar engin prentsmiðja hér
sem sérhæfir sig í prentun geisla-
diska en ég er viss um að ef
prentsmiðjurnar fá stórt upplag
geta þeir boðið gott verð.“ - jse
Páll Óskar þurfti að selja tíu þúsund diska:
Spáir íslenskri prentun
PÁLL ÓSKAR
HJÁLMTÝSSON
GRÆNLAND Umfangsmikil
sameining sveitarfélaga á
Grænlandi tekur gildi um áramót.
Fækkar sveitarfélögum úr átján í
fjögur.
Mörg sveitarfélög hafa verið
fámenn og veikburða sem hefur
aftrað flutningi margvíslegra
verkefna frá landsstjórninni til
sveitarfélaga.
Með sameiningunni er þess
freistað að styrkja sveitarstjórn-
arstigið og fjölga verkefnum
þess.
Um 57 þúsund manns búa á
Grænlandi. Lágmarksíbúafjöldi í
nýju sveitarfélögunum verður
átta þúsund. - bþs
Sveitarfélög á Grænlandi:
Fækkar í fjögur
um áramótin
STJÓRNSÝSLA Það kemur í hlut
kjararáðs að fjalla um ósk forseta
Íslands um að laun
hans verði
lækkuð.
Forseti sendi
nýverið fjármála-
ráðherra erindi
þar sem hann fer
fram á að laun
hans verði lækkuð
á sama hátt og
laun forsætisráð-
herra og forseta
Alþingis, sem eru handhafar
forsetavalds. Launalækkun þeirra
er byggð á sérstökum lögum sem
samþykkt voru á síðustu starfs-
dögum þingsins.
Samkvæmt upplýsingum úr
fjármálaráðuneytinu verður erindi
forsetans sent kjararáði til
afgreiðslu. - bþs
Beiðni um lækkun launa:
Kjararáð fjalli
um ósk forseta
ÓLAFUR RAGNAR
GRÍMSSON
LÍKAMSRÆKT Afgreiðslutími
sundlauganna í Reykjavík verður
lengdur um jól og áramót.
Í dag, aðfangadag eru allar
laugarnar opnar til klukkan 12.30.
Á morgun, jóladag eru laugarnar
lokaðar en á annan dag jóla getur
sundáhugafólk svo sótt Árbæjar-
laug eða Laugardalslaug sem
opnar eru milli klukkan 12 og 18.
Milli jóla og nýárs verður
opnunartími sundlauganna með
hefðbundnu sniði. Á gamlársdag
verður opið í öllum laugum til
klukkan 12.30 en á nýársdag er
opið í Laugardalslaug frá klukkan
12 til 18. - ovd
Opnunartími sundlauganna:
Sundlaugarnar
opnar um jólin
FRÁ LAUGARDALSLAUG Slakað á í heita
pottinum. FRÉTTABLAÐIÐ/GVA
MENNING Á vefsíðu Íþrótta- og
tómstundasviðs Reykjavíkur-
borgar er nú að finna texta um
íslenska jólasiði á fimm tungu-
málum. Það eru enska, litháíska,
pólska, spænska og taílenska.
Á vefnum segir að upplýsing-
arnar séu innlegg í starfsemi ÍTR
í jólamánuðinum og liður í að efla
þjónustu við innflytjendur á
Íslandi. Upplýsingarnar má finna
undir viðkomandi þjóðfána á
síðunni itr.is - ovd
Þjónusta við innflytjendur:
Upplýsa um
íslenska jólasiði
GLUGGAGÆGIR Íslensku jólasveinarnir
eru meðal annars kynntir á síðu ÍTR.
AUSTURRÍKI, AP Öryggis- og sam-
vinnustofnun Evrópu hefur ákveð-
ið að hætta starfsemi sinni í Georg-
íu vegna andstöðu Rússa. Ekki
hefur náðst samkomulag um fram-
hald verkefnisins, sem hefur verið
í gangi síðan 1992.
Allar ákvarðanir stofnunarinnar
eru háðar einróma samþykki allra
aðildarríkjanna, þannig að til þess
að koma í veg fyrir frekara starf í
Georgíu þurfti ekki nema að eitt
aðildarríkið væri á móti.
„Þetta snýst um það,“ segir Ian
Cliff, sendiherra Breta, „að Rússar
standa fastir á því að viðurkenna
þurfi sjálfstæði Suður-Ossetíu og
Abkasíu í framtíðarskipulagningu
starfsins.“ Alexander Stubb, utan-
ríkisráðherra Finnlands og formað-
ur ÖSE, segist vonast til þess að
hægt verði að hefja Georgíustarfið
að nýju eftir ár.
Um 200 starfsmenn hafa sinnt
þessu verkefni í Georgíu, bæði
heimamenn og útlendingar. Starfið
er fjölbreytt, ekki aðeins eftirlit
með stríðsátökum heldur er einnig
unnið að mannréttindamálum,
efnahagsmálum, umhverfismál-
um, stjórnsýslueftirliti og fjöl-
miðlafrelsi. Rússar hafa síðan í
sumar, í kjölfar nokkurra vikna
stríðs við Georgíu, einir ríkja stutt
sjálfstæði héraðanna Abkasíu og
Suður-Ossetíu. - gb
Rússar setja Öryggis- og samvinnustofnun Evrópu afarkosti:
Hætt við allt eftirlit í Georgíu
ÞUNGIR Á BRÚN Johan Verbeke, sendi-
fulltrúi Sameinuðu þjóðanna í Georgíu,
Pierre Morel, sendifulltrúi Evrópusam-
bandsins í Georgíu, og Heikki Talvite,
sendifulltrúi ÖSE, skýra blaðamönnum
frá niðurstöðunni. FRÉTTABLAÐIÐ/AP