Fréttablaðið - 24.12.2008, Blaðsíða 16

16 24. desember 2008 MIÐVIKUDAGUR
UMRÆÐAN
Stjórn Félags eldri borgara á Akureyri skrifar
Félag eldri borgara á Akureyri telur að í þeim þrengingum sem nú mæða á okkar þjóð sé nokk-
ur hætta á að hópar eins og aldrað fólk lendi á hlið-
arlínu og gleymist í því fáti og umróti sem því fylg-
ir að greiða úr óráðsíuflækju liðinna daga. Af þeim
sökum vill félagið vekja athygli á nokkrum þáttum
sem hafa þarf í huga og ekki mega gleymast.
Rétt er þó að minnast á í upphafi að á liðnu ári
hafa verið gerðar nokkrar úrbætur þeim eldri til
hagsbóta og ber ekki að vanþakka það en í flestum
tilvikum er þar við sama heygarðshorn og einkenn-
andi hefur verið í okkar þjóðfélagi undanfarin ár að
mest er hugað að þeim sem betur mega en minna og
ekki þeim sinnt sem þó helst þurfa.
Enn finnast því miður allt of margir sem aðeins
hafa til sinnar framfærslu grunnellilífeyri og þær
lögbundnu tekjutryggingar sem til boða eru. Þess-
um hóp má ekki gleyma enn á ný heldur tryggja
nokkra úrbót. Og nú er lag að nota þá einföldustu
aðgerð sem finnst í stöðunni og kemur þar að auki
öllu láglaunafólki til góða að hækka skattleysis-
mörk þannig að allir þeir tekjulægstu greiði engan
tekjuskatt. Til þess að bæta upp tekjutap ríkissjóðs
yrði skattprósenta hækkuð á móti. Vinnst þá tvennt
þeir tekjulægstu fá launabót og þeir tekjuhæstu
lækka í launum. Sýnist að hér einnig sé komin ein-
faldasta lausnin á þeim stóra vanda ríkisstjórnar
sem felst í því að þeir ágætu herrar og frúr geti
lækkað laun sín og þeirra ósk um að aðrir með há
laun geri slíkt hið sama en fyrir þessu hafa þeir bar-
ist með litlum árangri þó síðustu daga.
Eldri borgarar hafa lengi barist fyrir þeirri sann-
gjörnu kröfu að skattleysismörk verði hækkuð og
þær tekjur sem þeir ellilífeyrisþegar sem minnst
hafa verði skattlausar, enda með öllu siðlaust að
skattleggja tekjur sem sannanlega eru langt undir
þeim mörkum sem sómasamlegt er talið til fram-
færslu. Opinberir aðilar hafa lengst af ekki ljáð
máls á því að hækka skattleysismörk og raunar
neitað að eðlilegt væri að þau fylgdu verðhækkun-
um. Þær smáu lagfæringar á þessum mörkum und-
anfarið eru alls ófullnægjandi. Þar sem nú hefur
verið upplýst, að réttmætt hafi verið hjá þeim er
töldu að eðlilegt væri að skattleysismörkin fylgdu
meir verðlagi en opinberir aðilar vildu viðurkenna,
ætti þetta einfalda ráð og örugga réttarbót að ná
fram að ganga.
Annað sem aldraðir óttast er að umönnun og
aðbúnaður þeirra sem aðhlynningar og hjúkrunar
þurfa með verði skert. Nærtækast í því efni fyrir
okkur á Akureyri er að benda á lokun hjúkrunar-
heimilis á Seli og að skerða aðbúnað verulega að
einstaklingum sem mikillar hjúkrunar þurftu.
Hvernig sem því reiðir af þá er ljóst að þegar að
sverfur þá er hættan að þeir sem erfiðast eiga með
að berjast verði fyrir barðinu á niðurskurði. Því er
það krafa Félags eldri borgara á Akureyri að allt
verði gert til þess að ekki verði skert sú þjónusta og
aðhlynning sem nú er veitt öldruðum. Gæta verður
að því að öldruðum fjölgar í þjóðfélaginu og enn
heldur meðalaldur áfram að hækka – því er sá
kostnaður sem að opinberum aðilum snýr vegna
þessa hóps ekki að minnka heldur augljóst að á kom-
andi mjög næstu árum verður að taka stór skref í að
byggja hjúkrunarhúsnæði fyrir þennan hóp.
Stefna opinberra aðila er að aldraðir geti dvalið
heima hjá sér sem lengst og sú er einnig stefna
félaga eldri borgara en það er hér eins og í fleiri
málefnum þjóðfélagsins ekki gott að verða katólsk-
ari en páfinn og eldri borgarar hafa stundum á til-
finningu að forsjárhyggja þeirra er eina telja sig
hafa vit á málefnum aldraðra ríði ekki við einteym-
ing þegar kemur að málefnum þessa hóps – aldraðir
séu hreint ekki færir um að taka sjálfstæða
ákvörðun.
Við sem í forsvari erum fyrir eldri borgara lítum
svo á að það eigi að vera réttur þessa fólks að geta
sjálft tekið ákvarðanir og hafa val um það hvort það
búi á dvalarheimili eða hugsanlega á einhverju sam-
býli, stóru eða smáu, þó ekki séu orðnir hjúkrunar-
sjúklingar og að þjóðfélagið treysti sér til að veita
þá þjónustu.
Munið þá sem minnst mega sín
Enn finnast því miður allt of margir sem
aðeins hafa til sinnar framfærslu grunnellilíf-
eyri og þær lögbundnu tekjutryggingar sem til
boða eru. Þessum hóp má ekki gleyma enn á
ný heldur tryggja nokkra úrbót.
Af hverju styður
þriðjungur VG?
UMRÆÐAN
Jan Eric Jessen skrifar
um stefnu VG
Góð útkoma Vinstri grænna í skoðana-
könnunum þarf ekki að
koma á óvart. VG
varaði við því árum
saman að hér stefndi í
óefni. Þingmenn VG
hafa lagt fram fjöldann
allan af frumvörpum um
úrbætur, t.d. um eflingu
fjármálaeftirlitsins, aðskilnað
fjárfestingabanka og viðskipta-
banka og að efnahagsstofnun
verði sett á laggirnar. Eins vildi
VG að Alþingi beindi þeim
tilmælum til fjármálaeftirlits-
ins að huga þyrfti vandlega að
áhættumati í bankakerfinu með
tilliti til áhrifa af snöggri
gengislækkun krónunnar eða
lækkun fasteignaverðs og að
fram færi heildstætt mat á
arðsemi stóriðju- og virkjana-
framkvæmda sökum ruðnings-
áhrifa og þenslu. Síðastliðið vor
lagði VG til að gjaldeyrisvara-
forðinn yrði efldur. Ef ríkis-
stjórnin hefði hlustað á tillögur
VG værum við mun betur sett í
dag.
Hinn 6. desember sendi
flokksráð VG frá sér áætlun
um endurreisn íslensks
þjóðarbúskapar. Þar eru
margar góðar tillögur um
næstu skref stjórnvalda, til
dæmis að sett verði þak á
hækkun höfuðstóls verð-
tryggðra húsnæðislána; að
vaxtabætur verði hækkaðar; að
nauðungaruppboð verði
stöðvuð næstu 2-3 mánuðina; að
umtalsverðu aukafjár-
magni verði strax
veitt til sveitarfélag-
anna; og að opinber-
um bönkum og
lánastofnunum verði
gert að styðja atvinnu-
fyrirtæki gegnum
yfirstandandi erfið-
leika með skuldbreyt-
ingum og nauðsyn-
legri rekstrar- eða
endurfjármögnun.
Sú ríkisstjórn sem fær það
verðuga verkefni að leiða
endurreisnarstarfið á Íslandi
verður að njóta trausts
þjóðarinnar. Það gerir sitjandi
ríkisstjórn ekki. Það væri ekki
einungis siðlaust af ríkisstjórn-
inni að endurnýja ekki umboð
sitt með kosningum við fyrsta
tækifæri, heldur skýr skilaboð
um að ríkisstjórnin berjist
gegn lýðræðislegum stjórnar-
háttum.
Á þessum tímamótum gefst
okkur einstakt tækifæri til
þess að byggja þjóðfélagið upp
á nýjum grunni. Byggjum upp
velferðarþjóðfélag með
jöfnum aðgangi að menntun og
heilbrigðisþjónustu óháð
fjárhag. Tökum upp lýðræðis-
lega stjórnarhætti þar sem
ráðamenn starfa fyrir þjóð
sína. Tryggjum félagslegt
réttlæti, jafnrétti og sjálfbæra
þróun. Stuðlum að friðsamlegri
sambúð þjóða. Gerum öllum
kleift að lifa með reisn alla ævi
og byggjum Ísland þannig upp
á gildum sem raunverulega
skipta máli.
Höfundur er varaformaður
Ungra vinstri grænna.
JAN ERIC JESSEN
um jólin!
Aðfangadagur: opið ti
l kl. 16:00
Jóladagur: lokað
Annar í jólum: opið 12
:00 -23:00
Gleðileg jól!
Opnunartími