Fréttablaðið - 24.12.2008, Blaðsíða 32

24. DESEMBER 2008 MIÐVIKUDAGUR6 ● fréttablaðið ● kirkjan
Í Landakirkju í Vestmannaeyj-
um fer fram blómlegt starf á for-
eldramorgnum. Umsjónarmað-
ur þeirra er Gíslína Dögg Bjarka-
dóttir, textíl- og fatahönnuður.
„Við hittumst einu sinni í viku
á fimmtudagsmorgnum,“ segir
Gíslína en starfið er ætlað fyrir
foreldra sem eiga von á barni eða
eru nýbúnir að eignast barn.
„Þarna geta þeir hist og átt góða
samveru,“ segir hún en ávallt er
kaffi í boði og eitthvað með því.
„Einu sinni í mánuði erum við svo
með Pálínuboð sem enda á því að
líkjast fermingarveislum,“ segir
hún hlæjandi. „Þá skiptumst við
á uppskriftum og smökkum hver
hjá annarri,“ segir hún en enn
hefur enginn faðir látið sjá sig á
foreldramorgnunum. Konurnar
á mömmumorgnunum í Landa-
kirkju halda meira að segja út
eigin Facebook-síðu þar sem þær
skiptast á uppskriftum.
Fjöldi mæðra á fundunum er
misjafn en yfirleitt mæta átta til
tólf konur en stundum allt upp í
sautján, auk þess fylgir hverri
konu eitt eða fleiri börn.
„Mömmurnar eru mjög dug-
legar að mæta hérna í Vest-
mannaeyjum, þetta eru frábærar
konur og rosa gaman hjá okkur,“
segir Gíslína, sem reynir yfirleitt
að skipuleggja eitthvað á fimmtu-
dagsmorgnum. „Ég fékk til
dæmis konu af bókasafninu til að
vera með bókakynningu um dag-
inn og svo kom kona til að kynna
fyrir okkur brjóstsykursgerð.
Þá hafa verið snyrtikynningar
og slíkt,“ upplýsir hún en segir
nauðsynlegt að gefa sér líka tíma
í kaffi og spjall. Þá er rætt um
börnin, daginn og veginn, heima
og geima.
„Það er nauðsynlegt að kom-
ast út, hitta aðrar mæður og ræða
málin,“ útskýrir Gíslína, sem
segir konurnar fá ráð hver hjá
annarri auk þess sem þær séu
duglegar að aðstoða hverja aðra.
- sg
Nauðsynlegt að komast út og hitta aðrar mæður
Konurnar á mömmumorgni í Landakirkju sitja ekki auðum höndum.
Jólastressið er algengur fylgi-
fiskur aðventunnar. Stressið
gerir þó engum gott og allra
síst börnunum.
Engum dylst að jólin verða með
öðru sniði á flestum heimilum
þetta árið. Mörgum getur þó
reynst erfitt að snúa við blað-
inu í neyslunni, sérstaklega
gagnvart börnunum. Elín Elísa-
bet Jóhannsdóttir, rithöfund-
ur, kennari og fræðslufulltrúi á
Biskupsstofu, segir að undan-
farin ár hafi í raun verið jól alla
daga og frekar bætt í neysluna
yfir hátíðarnar.
„Nú er önnur staða uppi hjá
mörgum og þá veit fólk jafnvel
ekki hvernig skuli bregðast við
gagnvart börnunum sínum sem
eru vön að fá mikið,“ segir Elín
Elísabet. „Margir munu eiga mjög
erfitt með að draga úr, jafnvel þó
fólk viti að ekki er raunsætt að
halda uppi sama dampi og áður.
Þeir fullorðnu fá samviskubit og
þá er erfitt að snúa við blaðinu.“
Elín segir mikilvægt að líta
jákvæðum augum á stöðuna og
í raun sé um tækifæri að ræða
til að koma viðmiðum barnanna
í eðlilegt horf og lækka gjafa-
stuðulinn. Nú skipti máli að finna
nýjan takt og ef rétt er haldið á
spöðunum gætu þetta orðið eftir-
minnilegustu jól barnanna.
„Samverustundirnar eru lang-
dýrmætasta gjöfin og við erum
að móta minningar barnanna.
Hvort verður það sem þau koma
til með að minnast, þegar þau líta
til baka, stóri pakkinn undir trénu
eða samverustundirnar?“
Foreldrar vilja síst valda
börnunum vonbrigðum en Elín
segir mikilvægt að þeir veigri
sér ekki við að útskýra hlutina
fyrir þeim. Þau leyni á sér og séu
skynsemisverur í eðli sínu jafn-
vel þó þau eigi það til að vera
frekjudósir af og til.
„Það er vel hægt að útskýra og
sætta börn við hlutina. Börn vilja
alltaf meiri tíma með foreldr-
um sínum svo við skulum horfa
á hvað við getum gert í staðinn
fyrir neysluna. Ég man að þegar
ég var barn var stundum raf-
magnslaust um jólin. Okkur syst-
kinunum fannst það frábært því
þá slokknaði á sjónvarpinu og
ekkert var hægt að gera nema
taka upp lúdóið og spila saman.“
Á heimasíðunni www.kirkjan.
is má finna jóladagatal kirkjunn-
ar og þar má finna góðverkadaga-
tal, sögur, föndur og leiki sem
fjölskyldan getur gert farið í á
jólum. Þótt aðfangadagur sé í dag
eru gluggarnir allir opnir enn. - rat
Samveran er dýrmætust
Elín Elísabet Jóhannsdóttir segir gott að minna sig á að minningar barna mótast ekki endilega af gjöfunum undir trénu. Krist-
mundur Sörli Kristmundsson sonur hennar er hjartanlega sammála því. FRÉTTABLAÐIÐ/ARNÞÓR
Undanfarin ár hefur verið boðið
upp á barnastundir í þó nokkrum
kirkjum landsins. Barnastundir
eru sérstaklega ætlaðar óþreyju-
fullum litlum sálum á aðfanga-
dag. Í Grafarvogskirkju hefst
barnastundin Beðið eftir jólum
klukkan 15.
„Við munum syngja, kveikja
á aðventukertunum, segja sögur
og gefa krökkunum glaðn-
ing,“ upplýsir Gunnar Einar
Steingrímsson, æskulýðsfull-
trúi kirkjunnar, en hann segir
barnastundirnar vel sóttar.
„Biðin eftir því að klukkan slái
sex getur verið börnum erfið og
er markmiðið að reyna að stytta
þeim stundir.“
Gunnar segir að í sumum til-
fellum komi öll fjölskyldan prúð-
búin með börnunum en stund-
um séu það afinn og amman sem
fylgi þeim á meðan foreldrarn-
ir geri klárt á heimilinu. „Sumir
láta þessa stund í kirkjunni duga
og hlusta svo á útvarpsmess-
una en einhverjir koma þó aftur
í messu.“ Gunnar segir sífellt
fleiri kirkjur bjóða upp á stundir
sem þessar og að þær hafi mælst
vel fyrir.
„Fyrir tveimur árum byrjuð-
um við svo með sams konar stund
á gamlársdag en þá kveikjum við
á blysum og syngjum áramóta-
lög. Sú stund hefst einnig klukkan
15.“ - ve
Stund fyrir óþreyju-
fullar litlar sálir
Barnastundin Beðið eftir jólum hefst í Grafarvogskirkju klukkan 15 en sams konar
stundir eru haldnar víða um land. FRÉTTABLAÐIÐ/STEFÁN
● BARNASTUNDIR Á AÐFANGADAG:
Keflavíkurkirkja: Barnastund klukkan 16.
Landakirkja, Vestmannaeyjum: Barna- og fjölskylduguðsþjónusta
klukkan 14.
Lágafellskirkja: Helgistund fyrir börn klukkan 13.
Grafarvogskirkja: Beðið eftir jólum klukkan 16.
Guðríðarkirkja: Jólabarnastund klukkan 15.
Lindakirkja: Jólastund fjölskyldunnar klukkan 16.
Hjallakirkja: Jólastund fjölskyldunnar klukkan 16.
Grensáskirkja: Jólastund barnanna klukkan 16.
Háteigskirkja: Jólasöngvar barnanna klukkan 16.
Laugarneskirkja: Fjölskyldusamvera klukkan 16.