Fréttablaðið - 27.12.2008, Blaðsíða 2

2 27. desember 2008 LAUGARDAGUR
VM Stórhöfða 25 110 Reykjavík sími 575 9800 www.vm.is
Hótel KEA, Akureyri,
mánudaginn 29. desember kl. 17
Grand Hóteli, Reykjavík,
þriðjudaginn 30. desember kl. 17
PERSÓNUVERND Persónuvernd
hefur synjað fyrirtækinu
Lánstrausti um leyfi til að safna
og miðla persónuupplýsingum
um greiðsluhegðun einstaklinga.
Þetta er í þriðja sinn sem
umsókn fyrirtækisins er hafnað.
Lánstraust hefur í hyggju að
safna saman kröfum á hendur
einstaklingum, um gjalddaga,
eindaga og greiðsludag, og vinna
með þær án tillits til þess hvort
vanskil verði. Upplýsingar yrðu
nýttar til að reikna út meðal-
greiðslutíma hvers einstaklings
og seldur yrði aðgangur að
þeim.
Persónuvernd telur þetta ekki
samrýmast lögum um persónu-
vernd. - kóp
Persónuvernd úrskurðar:
Lánstrausti synj-
að í þriðja sinn
LÖGREGLAN Sextán innbrot voru
framin á höfuðborgarsvæðinu frá
aðfaranótt aðfangadags til annars
dags jóla. Þar af voru sex innbrot
framin í gær. Að öðru leyti var
fremur rólegt.
Aðallega var brotist inn í
fyrirtæki, söluturna og skóla en
lítið í heimahús. Brotist var inn í
Varmárskóla í Mosfellsbæ og þar
teknar tölvur og dvd-spilari. Í
Laugarnesskóla var skjávarpa og
tölvuskjám stolið. Öll brotin eru
óupplýst.
Þremur vélsleðum var stolið
aðfaranótt jóladags. Sjö voru teknir
fyrir ölvunarakstur og einn fyrir
akstur undir áhrifum fíkniefna. - vsp
Erill hjá lögreglunni um jólin:
Sextán innbrot
á jólunum
STJÓRNMÁL Ljóst er að Samfylking-
in mun ekki gera breytingar á ráð-
herraliði sínu fyrr en eftir lands-
fund Sjálfstæðisflokksins, sem
haldinn verður í lok janúar.
Ingibjörg Sólrún Gísladóttir,
formaður Samfylkingarinnar,
sagði um miðjan mánuðinn að
ríkisstjórnin yrði að svara kalli
almennings um mannabreytingar
í ríkisstjórn, Seðlabanka og Fjár-
málaeftirlitinu og hún væri að
skoða þessi mál hvað Samfylking-
una varðaði. Á
Þorláksmessu
sagði hún hins
vegar að engar
breytingar yrðu
á ráðherraliði
flokksins fyrir
áramót og
hverfandi líkur
væru á breyt-
ingum á næst-
unni.
Samkvæmt
heimildum
Fréttablaðsins þykir ekki ráðlegt
að fara í breytingar á ráðherralið-
inu svo skömmu fyrir landsfund
Sjálfstæðisflokksins.
Samfylkingarfólki sé full alvara
með að endurskoða stjórnarsam-
starfið hafni Sjálfstæðisflokkur-
inn Evrópusambandsaðild. Því sé
rétt að bíða niðurstöðu landsfund-
ar; lítil ástæða sé til breytinga
verði stjórnarslit í febrúarbyrjun.
Þingmenn Samfylkingar sögð-
ust fæstir hafa búist við því að
gerðar yrðu breytingar í bráð,
þrátt fyrir yfirlýsingar formanns-
ins. Þær hefðu verið útspil í innri
valdabaráttu flokksins, jafnvel
orðaðar til að taka bitið úr gagn-
rýni óbreyttra þingmanna; væri
von á ráðherrastól héldu menn sig
á mottunni.
Helst hefur verið nefnt til sög-
unnar að þau Björgvin G. Sig-
urðsson viðskiptaráðherra og
Þórunn Sveinbjarnardóttir
umhverfisráðherra hverfi úr ráð-
herrastóli. Þórunn er gömul vin-
kona og samstarfskona Ingibjarg-
ar, meðal annars úr R-listanum,
og ljóst er að ekki verður sárs-
aukalaust að víkja henni til hliðar.
Verði svo, er líklegast að Stein-
unn Valdís Óskarsdóttir, einnig úr
R-listanum, fái embættið. Óljóst
er hver yrði eftirmaður Björg-
vins, hverfi hann á braut. Lúðvík
Bergvinsson hefur lengi keppt
við Björgvin og þeir Árni Páll
Árnason og Gunnar Svavarsson
hafa einnig verið nefndir til sög-
unnar.
Björgvin hefur lengi haft hug á
embætti varaformanns, en Ágúst
Ólafur Ágústsson þykir valtur í
þeim sessi. Talið er að Ingibjörg
Sólrún sé því mótfallin og brott-
hvarf Björgvins af ráðherrastóli
gæti orðið hluti af stærri fléttu
sem lyki með því að Dagur B.
Eggertsson, enn einn samstarfs-
maður formannsins úr R-listan-
um, yrði varaformaður flokksins.
Landsfundur Samfylkingarinnar
er fyrirhugaður 13. til 15. nóvem-
ber. kolbeinn@frettabladid.is
Samfylkingin bíður
Sjálfstæðisflokksins
Samfylking bíður niðurstöðu landsfundar Sjálfstæðisflokksins áður en ákvörð-
un verður tekin um hrókeringar ráðherra. Niðurstaða í Evrópumálum ræður
miklu um framhald stjórnarsamstarfsins. Innanflokksdeilur hjá Samfylkingu.
BREYTINGAR Í VÆNDUM? Ljóst er að margir ásælast ráðherrastóla og þeir sem í
þeim sitja eru ekki endilega tilbúnir til að standa strax upp. Samfylkingin mun bíða
niðurstöðu landsfundar Sjálfstæðisflokks með mögulegar breytingar.
FRÉTTABLAÐIÐ/EYÞÓR
DÝRAHALD „Sextán hross eru dauð
og sex til átta alvarlega veik,“
segir Gunnar Örn Guðmundsson
héraðsdýralæknir Gullbringu- og
Kjósarumdæmis.
Salmonellusýking kom í ljós í
hestastóði á Kjalarnesi á sunnu-
dag þegar fólk bar að garði. Eitt
hross hafði þá dáið. Samtals hafa
sextán látist síðan þá af því 41
hrossi sem var í stóðinu. Stóðið
var allt á sama fóðri.
„Við erum ekki búnir að finna
orsökina, hvort hún kemur frá
fóðri eða annars staðar frá. Við
teljum hins vegar að salmonellu-
sýking sé í yfirborðsvatni þeirra.
Skoðun á þeim sýnum er reyndar
ekki fulllokið,“ segir Gunnar.
Hestarnir eru meðhöndlaðir
kvölds og morgna og hvenær sem
þurfa þykir í hesthúsahverfinu í
Mosfellsbæ af nokkrum dýra-
læknum að sögn Gunnars. Reynt
er að styrkja vökvakerfi þeirra en
það er það sem brenglast þegar
þarmarnir hætta að starfa eðli-
lega. Ekki þorir Gunnar að segja
til um hvort hrossin muni lifa af
eða deyja. Hann segir alls engan
grun um vanrækslu á hrossunum.
„Hestarnir eru í góðu standi og
vel feitir,“ segir Gunnar. -vsp
Sextán hross hafa látist úr salmonellusýkingu úr einu stóði af Kjalarnesi:
Sýking líklega í yfirborðsvatni
HESTHÚSAHVERFIÐ Hrossin eru meðhöndluð í hesthúsahverfinu í Mosfellsbæ kvölds
og morgna af nokkrum dýralæknum.
Sigríður, fórstu í jólaköttinn?
„Nei, en margir fengu jólaketti í ár.“
Meteftirspurn var eftir köttum í Kattholti
fyrir jólin og tugir katta fengu ný heimili.
Sigríður Heiðberg er formaður Kattavina-
félagsins og forstöðukona Kattholts.
ÚKRAÍNA, AP Að minnsta kosti 26
manns hafa látist og yfir 20 er
enn saknað eftir mikla spreng-
ingu í stóru íbúðarhúsi í Yevpat-
oriya í Úkraínu á miðvikudag.
Óttast er að fjöldi fólks sé fast í
rústum hússins, sem eyðilagðist í
sprengingunni á aðfangadag.
Viktor Yushchenko forseti og
Yulia Tymoshenko forsætisráð-
herra eru í Yevpatoriya og hafa
skoðað slysstaðinn. Yushchenko
lýsti yfir þjóðarsorg í landinu í
gær og Tymoshenko lofaði að
öllum þeim sem komust lífs af
verði tryggt húsnæði fyrir
áramót. Þá bauðst Dmitry
Medvedev, forseti Rússlands, til
þess að senda hermenn úr sjóher
Rússlands, sem eru í Úkraínu, til
þess að hjálpa til við björgunar-
aðgerðir. Það var þó afþakkað.
Allt að 700 manns hafa unnið að
björgunaraðgerðum og 21 manns
hafa fundist á lífi í rústunum.
Talið er að sprengingin hafi
orðið vegna leka í súrefniskútum,
sem geymdir voru í kjallara
hússins. - þeb
Á þriðja tug lést í sprengingu:
Þjóðarsorg ríkir
í Úkraínu
RÚSTIRNAR Miðhluti hússins hrundi
niður í sprengingunni en þar voru 35
íbúðir. FRÉTTABLAÐIÐ/AP
INGIBJÖRG
SÓLRÚN
GÍSLADÓTTIR
BRETLAND, AP Útsölur í Bretlandi
og Bandaríkjunum nú eftir jól eru
þær mestu sem nokkurn tíma hafa
sést. Sala fyrir jól olli miklum von-
brigðum á báðum stöðum og var
einhver sú lélegasta í mörg ár.
Útlitið er því dökkt hjá mörgum
verslunum og ekki einu sinni víst
að mikil sala á útsölunum muni
bjarga þeim.
Í Bretlandi tóku neytendur vel í
útsölurnar og er talið að um 500
þúsund manns hafi verið í mið-
borg London í gærdag. Vonast er
til þess að metsala verði á jólaút-
sölunum í ár en verð á útsölum
hefur verið lækkað um allt að níu-
tíu prósent. Verslanir eins og John
Lewis og Marks og Spencer hófu
útsölur á vefsíðum sínum á jóla-
dag og mældist það vel fyrir. Í
Bandaríkjunum tóku neytendur
útsölunum af meiri ró, þrátt fyrir
um 50 til 75 prósenta afslátt á
flestum stöðum. Endanlegar tölur
úr jólaversluninni og jólaútsölun-
um munu ekki liggja fyrir fyrr en
í janúar.
Jólaverslun á Íslandi gekk betur
en í Bretlandi og Bandaríkjunum,
og var framar vonum. Andrés
Magnússon, framkvæmdastjóri
Samtaka verslunar og þjónustu,
segist ekki vita til annars en að
útsölur verði með eðlilegum hætti
hér á landi í ár. - þeb
Verslanir í Bretlandi og Bandaríkjunum halda brunaútsölur:
Reynt að bjarga búðunum
ÖRTRÖÐ Í LONDON Um tvö þúsund
manns biðu fyrir utan verslun Selfridges
á Oxford Street í London í gærmorgun.
Ekið á dreng á Sæbraut
Ekið var á dreng á reiðhjóli við
Sæbraut klukkan rúmlega þrjú í
gærdag. Drengurinn er ekki talinn
alvarlega slasaður. Að sögn lögreglu
segist ökumaðurinn hafa keyrt á eðli-
legum hraða. Það verði síðan skoðað
út frá ummerkjum, bremsuförum og
bremsuskilyrðum.
LÖGREGLUFRÉTTIR
FR
ÉT
TA
B
LA
Ð
IÐ
/A
P
VIÐSKIPTI „Við ætlum að fara í
alþjóðlegt hlutafjárútboð á
öðrum ársfjórðungi næsta árs
og reynum að standa við það,
hvort sem það verður í íslensku
eða erlendu félagi,“ segir
Vilhjálmur Þorsteinsson,
stjórnarformaður CCP, sem
framleiðir tölvuleikinn Eve
Online.
Sögusagnir hafa verið á kreiki
að CCP flytji starfsemi sína úr
landi. Ástæða er sögð vera
gjaldeyrishöft á erlendum
gjaldeyri hér á landi.
Gjaldeyrisreglunum var
breytt í síðustu viku þannig að
fyrirtæki sem hafa yfir 80
prósent tekna í erlendri mynt fá
undanþágu. Vilhjálmur segist
vona að CCP falli þar undir og
vonar að ekki komi til neinna
breytinga hjá CCP.
„Við viljum helst hafa félagið
skráð á Íslandi,“ segir Vilhjálm-
ur. -vsp
CCP vill helst vera á Íslandi:
Hlutafjárútboð
á næsta ári
SPURNING DAGSINS