Fréttablaðið - 27.12.2008, Blaðsíða 14
14 27. desember 2008 LAUGARDAGUR
Sigurganga Baracks Obama sem
sverja mun embættiseið sem Banda-
ríkjaforseti í janúar vakti heimsat-
hygli og Íslendingar voru engir
eftirbátar í því að fylgjast vel með
kosningabaráttunni. Áhugafólk um
stjórnmál, hvar sem í flokki stendur,
kepptist líka við að lýsa stuðningi og
aðdáun á Obama sem eftir spennandi
baráttu við Hillary Clinton í upphafi
forkosninganna sigldi örugglega til
sigurs í forvali Demókrataflokksins.
Eftir sigur á John McCain í forseta-
kosningunum sjálfum hefur hann
verið hylltur sem boðberi nýrra tíma.
Eftir að efnahagshrunið hér á landi
reið yfir skrifuðu margir bloggarar að
rík þörf væri á hinum íslenska Obama
sem koma ætti þjóðinni á réttan kjöl
eftir að því hefði verið siglt í kaf af
misvitrum stjórnmálamönnum og
útrásarvíkingum. Enn bólar ekki á
þeim bjargvætti en nýtt ár er rétt
handan við hornið. Það er líka árið
sem téður Obama þarf að sanna fyrir
heiminum að hann standi undir þeim
væntingum sem til hans eru gerðar.
Hinn 24. ágúst verður lengi í minnum hafður. Þá sat þjóðin límd fyrir framan
sjónvarpstækið og fylgdist með Íslendingum etja kappi við Frakka í handbolta í
úrslitaleik Ólympíuleikanna í Peking. Þó að sigur Frakka væri öruggur þá var
stoltið yfir silfri hreint rosalegt og víst er að eftir því var tekið, árangur
íslenska landsliðsins rataði til dæmis á forsíðu The New York Times.
Handboltaliðið byrjaði vel í keppninni og brátt var þjóðin sem límd við tækin
til þess að fylgjast með framgangi liðsins en góð stemning í landsliðshópnum
vakti einnig mikla athygli og átti Ólafur Stefánsson fyrirliði þar ekki sístan
hlut. Eftir að landsliðið kom heim og fékk móttökur eins og þjóðhöfðingjum
sæmir var haft á orði að sannkallað handboltaæði ríkti á landinu.
Iðkendum greinarinnar fjölgaði til muna og meira að segja var farið að
stunda handbolta á Ísafirði og í Reykjanesbæ þar sem aðrar íþróttir hafa verið
hafðar í hávegum til þessa. Þó að tölur liggi ekki fyrir þá er mat þeirra sem til
þekkja að handboltaspilurum hafi fjölgað mjög. Áhorfendum á handboltaleiki í
meistaraflokkum karla og kvenna hefur einnig fjölgað og því má segja að
frammistaða liðsins í ágúst hafi haft mikil áhrif.
Árið 2008 er örugglega metár í framleiðslu
íslenskra sjónvarpsþátta. Lengi höfum við litið
frændur okkar Dani öfundaraugum er kemur að
framhaldsþáttagerð og danskir þættir notið
óhemju vinsælda hér á landi. En í ár bar svo við
að hver þátturinn á fætur öðrum var framleidd-
ur og flestir voru sýndir við miklar vinsældir.
Kannski má segja að æði þetta hafi hafist með
Næturvaktinni haustið 2007 en framhaldið var
ekki síður vinsælt.
Þátturinn Pressa sem sýndur var á Stöð 2
síðastliðið vor naut einnig vinsælda og þá ekki
síður spennuþátturinn Svartir englar sem
sýndur var í Ríkissjónvarpinu. Upphaflega hefði
sýningartími Svartra engla og Dagvaktarinnar
skarast en vegna óánægju áhorfenda með það
var þáttunum hnikað til og allir undu glaðir við
sitt, ekki síst áhorfendur sem hafa lengi beðið
eftir ári þar sem boðið væri upp á margar og
fjölbreytilegar íslenskar þáttaraðir.
Óhætt er að segja að Íslendingar hafi
tekið Facebook með trompi árið 2008.
Allir og amma þeirra líka skráðu sig á
Facebook sem naut vinsælda meðal
Íslendinga árið 2007 en varð að
algjöru æði árið 2008. Í grein í
Fréttablaðinu sem birtist í september
kom fram að tæplega sextíu þúsund
Íslendingar væru skráðir á Facebook
sem var slegið upp á forsíðu. Nú í
árslok eru 115 þúsund Íslendingar
skráðir notendur, þar af 99 þúsund
átján ára og eldri. Sem eru 36%
Íslendinga.
„Ég sá það á Facebook“ er orðin
viðurkennd útskýring í samtölum á
meðal manna og alls konar fólk er
duglegt að segja frá því á Facebook
hvað það er að aðhafast þá stundina.
Heyrst hefur að þeir fáu sem enn hafa
ekki skráð sig séu annars vegar að reyna að gera þann leik að sérviskulegu og sjarmerandi persónu-
einkenni eða þori ekki inn á vefinn af ótta við að rekast á ekkert nema fyrrverandi kærasta eða kær-
ustur í þessum netheimi.
Söngvamyndin sem byggð er á sam-
nefndu leikriti byggðu á lögum sænsku
snillinganna Björn Ulvæus og Benny
Andersson úr Abba sló í gegn svo um
munaði á Íslandi árið 2008. Hún var
vinsælasta myndin svo mánuðum
skipti hér á landi og sérstakar sýning-
ar þar sem efnt var til fjöldasöngs við
lög myndarinnar seldust upp á
örskömmum tíma.
Ekki er hægt að skýra vinsældir
myndarinnar með því að Íslendingar á
vonarvöl í fjármálum hafi þurft að
flýja raunveruleikann með því að
horfa á stórleikara á borð við Meryl
Streep og Pierce Brosnan bresta í
söng, myndin var frumsýnd um mitt
sumar, áður en kreppan skall á. Tónlist
Abba hefur hins vegar lengi skipað
ríkan sess í hugum Íslendinga og
myndin spurðist vel út meðal fólks á
öllum aldri, ellilífeyrisþegar hópuðust
á sýninguna og leikskólabörn söngluðu
lögin.
Mamma mia mun vera tekjuhæsta
kvikmynd í íslenskum kvikmyndahús-
um frá upphafi, alls sáu 119.000 manns
myndina, sem er vel rúmur þriðjung-
ur Íslendinga, hún náði þó ekki að slá
stórmyndinni Titanic við, vantaði
fimm þúsund áhorfendur upp á það.
Abba-ævintýrið var í raun enn víð-
tækara, diskurinn með lögum úr mynd-
inni seldist í bílförmum og sama má
segja um diskinn með bíómyndinni
þegar hann var gefinn út í nóvember.
Abba-æðið er svosem ekki séríslenskt,
en líklega eru ekki margar þjóðir sem
geta státað af því að hafa gengið svona
langt í því.
Mamma mia!
Það eru allir á
Facebook
Íslendingar flykktust í bíó til að horfa á kvikmyndina
Mamma mia, skráðu sig á Facebook og tóku íslenskum
sjónvarpsþáttum opnum örmum. Sigríður Björg Tómas-
dóttir skoðaði æðin sem runnu á landann árið 2008.
MAMMA MIA
FACEBOOK
BARACK OBAMA
HANDBOLTI
ÍSLENSKIR SJÓNVARPSÞÆTTIR
HAGSÝNI
Þegar í september bárust af því fréttir að frystikistur seldust vel, spár um samdrátt
fengu íslenska neytendur til þess að huga að sláturgerð og bakstri, nokkuð sem hafði
verið sett til hliðar í góðæri undanfarinna ára. Meira seldist af
slátri en undanfarin ár og svo þegar efnahagsáföllin
dundu yfir brugðust sumir við þeim með því að hamstra
matvæli. Nýkeyptu frystikisturnar voru því fljótt
orðnar fullar. Versnandi ástand í
efnahagslífinu hefur almennt
skilað sér í hagsýni og voru
kaupmenn sammála um það í
nýafstaðinni jólaverslun
að fólk hefði hagsýn-
ina meira að
leiðarljósi en
fyrr.