Tíminn - 09.07.1982, Blaðsíða 10

10
FÖSTUDAGUR 9. JULI1982.
TTeim ilistTm in n
tumsjón: B.St. og K.L.
ff
Þá kemur trú mín til”
■ í faðmi fjalla blárra, á fjórðum
vestur, nánar tiltckið á ísaflrði,
fæddist Agnes Sigurðardóttir að hausti
ársins 1954. Og þar ólst hún upp, gekk
í skóla, og lauk stúdentsprófi frá M.I.
1975. Gefum henni orðið: Foreldrar
minir eru Margrét Hagalinsdóttir,
Ijósmóðir og Sigurður kiistjánsson
fyrrverandi prófastur á ísafirði, sem
nú er látinn.
Til Reykjavíkur fór ég 1975 til að
læra guðfræði og píanóleik, en varð að
velja eftir skamman tima milli þessara
faga, þar sem ég hafði ekki orku til að
sinna hvorutveggju. Ég valdi guðfræð-
ina og lauk embættisprófi vorið 1981.
Um haustið sama ár fékk ég stöðu
æskulýðsfulltrúa þjóðkirkjunnar, en
samkvæmt lögum skal hann vera
prestvigður. Var ég því vigð til prests
í sept. 1981.
Auk þess að gegna embætti æsku-
lýðsfulltrúa er ég móðir hans Sigurðar,
sem er 2ja ára og eiginkona Hannesar
Baldurssonar, sem enn stundar nám.
Dagur í miðrí viku
Flestir dagar byrja þannig, að sonur
minn gerir ítrekaðar tilraunir til að vekja
mig, ýmist með því að hossa sér á
höfðinu á mér, eða toga mig fram úr.
Oftast sigrar sá stutti, því hann gefst
ekki svo glatt upp við það sem hann
ætlar sér. Siðan tekur við móðurhlut-
verkið, sem allar útivinnandi mæður
kannast við, en það er að klæða, gefa
að borða, tina til fylgihluti á dagheimilið
o.s.frv. En við mæðginin eigum gott.
Við þurfum sjaldnast að flýta okkur,
a.m.k. ekki nú þessa dagana, þvi ég
mæti ekki á skrifstofuna fyrr en eftir
hádegi þennan mánuðinn. Við tökum
þvi lífinu með ró, og sannfærum hvort
annað um það að bráðnauðsynlegt sé,
að hann fari á dagheimilið, þvi ég verði
að fara í vinnuna. Það eru ekki nema
nokkrir dagar siðan hann samþykkti
þessa skýringu, og þvílikur léttir fyrir
móður hans. sem sifellt er haldin
samviskubiti yfir því að þurfa að fara frá
honum, einkum þegar gráturinn heyrist
langar leiðir. En þessa tilfinningu
þurfum við konur yfirleitt að burðast
með því sálfræðin kennir jú að...
Þá er að huga að
predikunarefni næsta
sunnudags
En heim fer ég og tek til við störfin,
ekki sem húsmóðir, eiginkona eða
móðir, heldur sem æskulýðsfulltrúi. Ég
skipulegg það sem ég þarf að klára þann
daginn og nota tímann til að huga að
prédikunarefni næsta sunnudags, en þá
prédika ég í Hjarðarholtskirkju i
Dölum.
í þetta skipti er ég heppin. Ég fæ
hugmyndir fljótt, til að nota í predikun-
inni, og get byrjað að skrifa, en upphaf
slíkrar ritsmíðar er alltaf erfiðast, finnst
mér. Ég þarf þvi ekki að ganga um gólf,
klóra mér i höfðinu, né kaupa fullan
poka af sælgæti i þetta skiptið.
Hugmyndimar eru margar og mér tekst
að vinna úr þeim, þó aldrei sé ég alveg
ánægð með verk mitt, á þessu sviði.
■ Séra Agnes Sigurðardóttir hefur komist að sömu niðurstöðu og fjölmargar aðrar konur, að konur þurfa að vera helmingi
duglegri og hreint og beint frekari en karlmenn til að störf þeirra séu virt og tillit tekið til þess, sem þær hafa fram að færa.
(Timamynd Ari).
Vinnudagur æskulýðsfull-
trúa getur teygst fram á
kvöldið
Meira kemst ég ekki yfir þennan
morguninn, og er mætt á skrifstofunni
upp úr eitt. Ég þarf að hringja á marga
staði i dag. Það er misjafnlega auðvelt
verk. Ég þarf t.d. að hringja og boða til
fundar, sem ég hef reynt í 3 mánuði, en
ekki tekist enn, vegna þess að 5 manns
virðast aldrei geta mætt á sama tima. En
i dag er ég heppin. Allir geta mætt á
þeim tíma, sem ég legg til. Ég geri
margítrekaðar tilraunir til að hringja i
einn landsbyggðarprestinn og næ loks
sambandi kl. 11 um kvöldið, og er þá að
sjálfsögðu komin heim til min. Og ég
hringi í tollstjóraembættið til að kynna
mér tollalög varðandi innflutning hluta,
sem notaðir eru i kirkjum landsins, og
fæ svarið. Jú, það er 3. grein 15. Hringdu
í fjármálaráðuneytið, það getur skorið
úr um það, hvort það sem ég talaði um,
fellur undir þessa grein laga eða ekki.
Og einhver fleiri simtöl hringi ég.
Einnig er hringt í mig. Kona sem ég
kannast ekkert við spyr hvort ég geti
skirt barnið hennar, og við komum
okkur saman um tima, sem báðum
hentar. Síminn hringir oftar, spurt er
t.d. um sumarbúðir o.fl.
Ég athuga póst, sem borist hefur. Og
svara þeim bréfum, sem svara þarf.
Verst þegar þau eru á þýsku, því þó hún
Bryndis Schram hafi barið málfræðina
vel inn i hausinn á okkur nemendum
sínum á sínum tíma, þá er orðaforðinn
af skornum skammti, því miður.
Prestur utan af iandi kemur á
skrifstofuna og við tölum saman lengi
vel um æskulýðsstarf kirkjunnar i hans
söfnuði og hvemig æskulýðsfulltrúarnir
og skrifstofa æskulýðsstarfsins, geti
komið að bestum notum fyrir söfnuði
landsins.
En nú er klukkan allt í einu orðin
fimm. Tíminn líður hratt. Nú get ég ekki
verið þekkt fyrir það að láta litla
drenginn minn vera lengur á dagheimil-
inu. Pabbi hans vinnur þessa dagana til
kl. sex, og kemur það því í minn hlut
að sækja hann. Og fagnaðarfundir eru
miklir, þegar ég birtist. Það er engu
líkara, en við höfum verið aðskilin svo
dögum skiptir. Og heim förum við, en
Dagur ur lífi séra Agnesar Sigurðardóttur
Fryst
rúlluterta
Fryst rúlluterta
■ Mjög góð og „öðm vísi“ rúlluterta.
Skorin og borin fram beint úr frystikist-
unni eða ísskápnum, þar sem hún er
geymd. Sé óskað eftir að gera tertuna
veislulegri, má skreyta hana með
þeyttum rjóma og ristuðum möndlu-
flögum.
3egg
1 1/2 dl sykur
100 g malaðir heslihnetukjamar
1 msk. kartöflumjöl
2 tsk. lyftiduft.
Fylling:
75 g smjör
1 102 dl flórsykur
1 eggjarauða.
2 tsk. vanillusykur
2 msk. kakó
1 tsk. kaffiduft
Stillið ofninn á 250 stiga hita.
Þeytið egg og sykur þar til það er létt.
Bætið hnetunum, hveitinu og lyftiduft-
inu út í. Fóðrið ofnskúffuna með
smjörpappír og hellið deiginu í. Bakið i
u.þ.b. 6-7 min. Hvolfið kökunni á
sykristráðan smjörpappír.
Hrærið nú saman öll efnin í fyllinguna
og dreifið henni á kökuna, þegar hún er
orðin köld. Vefjið hana saman. Geymið
kökuna í ísskáp eða frysti.
komum við í búðinni á horninu áður.
Nú hef ég hvorki taugar né orku til að
gera neitt nema vera með syni minum
þangað til hann sofnar. Að vísu elda ég
matinn, en að öðru leyti geri ég ekkert
á heimilinu þann daginn. Annað er
eftirlátið elskulegum eiginmanni.
Eftir kvöldmatinn verð ég að fara á
fund. Áður en ég kveð feðgana segist
ég vera u.þ.b. U/2 klukkustund i burtu,
en viti menn,-fundurinn stóð aðeins 1'
hálftima. Örugglega með stystu fund-
um, sem um getur i sögunni.
Þegar ró er komin á í húsinu, tek ég
til við verkefni í sambandi við vinnu
mína, sem hefur legið dálítið þungt á
mér undanfarið, en ég ekki komist til
að gera. Ég verð að einbeita mér mikið
við það, og tekst ekki að klára það, þó
miklum tima sé ég búin að eyða í það.
Kl. eitt gefst ég upp og fer að sofa.
Konan, ég.
En þó ég hafi ekki beint fundið fyrir
því í dag að ég er kona, þá er ekki ætíð
svo. Sem kona finn ég greinilega fyrir
því karlaveldi, sem i þjóðfélaginu er.
Vitleysa, segja sumir, viðkvæmnishjal,
segja aðrir. En konur, sem gegna
ábyrgðarmiklum stöðum segja: Rétt,
þetta er einnig mín reynsla. Við konur
erum uppaldar i þjóðfélagi, sem ekki
beint gerir ráð fyrir því, að jafnrétti ríki,
þ.e.a.s. að karlar og konur hafi sömu
aðstöðu til að vinna við það sem þau
langar til.
Það er staðreynd, það vitnar reynsla
min og annarra kvenna um, að við konur
þurfum að verahelmingi duglegri og
hreint og beint frekari en karlmenn, til
að störf okkar séu virt og tillit tekið til
þess sem við höfum fram að færa. Og
verst er að þurfa allt að þvi að beita
hörku, sem maður á ekki til, til að
hlustað sé á skoðanir manns. Það er
ekkert skritið þó að talað sé um að
konur sem gegna vvaldamiklum stöðum
séu nokkurs konar „járnfrúr". •Þær
verða hreint og beint að vera það til að
„lifa af“ i starfinu. Á þessu sést að
jafnrétti á langt í land, þó sumir telji það
vera til staðar nú þegar.
En allt um það, ég verð að segja það
að stundum langar mig til að vinna
þannig vinnu, eins og var í bankanum,
forðum daga á fjörðum vestur, að
þeim verkefnum sem Ijúka þarf, sé
lokið þann daginn, og síðan farið
heim. Þvílikur léttir hugsa ég. Það
iiggur við að ég geti tekið undi| orð
Jeremía spámanns, þegar hann var
kallaður til spámanns, „Æ herra
Drottinn. Sjá, ég kann ekki að tala,
þvi að ég er enn svo ungur.“ Hreinlega
að hætta því sem ég er að gera en þá
kemtfl trú min til. Án hennar gæti ég
ekki verið, og án hennar gegndi ég
ekki þessu starfi sem ég er í. Ég trúi
því hreinlega að þetta sé allt Guðs vilji
og að hann muni vel fyrir sjá, bæði
hvað starf mitt varðar og uppeldi sonar
míns. Þó að sálarfræðin kenni að
mæður eigi ekki að fara frá bömum
sinum innan viss aldurs, trúi ég ekki
öðru, en að það sé Guðs vilji að ég
gegni þessu starfi, sem ég er i, og að
hann muni ekki líta bamið mitt bíða
tjón af.
Hvernig
hreinsa
má mjóa
blóma-
■ Það er erfitt að hreinsa hálsmjóa
blómavasa, en nú höfum við rekist á gott
ráð. Látið renna vatn i vasann, en hellið
því síðan úr. Hellið nú sterku hreinsi-
efni, sem notað er til að hreinsa
klósettskálar, í vasann. Látið standa í
10 min. Skolið síðan vel.