Tíminn - 10.07.1982, Blaðsíða 5

5
LAUGARDAGUR 10. JULI 1982.
erlent yfírlit
■ Hans Dietrich Genscher og Helmut Schmidt.
Schmidt mun reyna
að semja við Reagan
Treystir á vináttuna við George Shultz
■ ANNAN þriðjudag (20. júlí) mun
Helmut Schmidt kanslari Vestur-Þýzka-
lands leggja upp í ferðalag til Bandaríkj-
anna. Tilgangur ferðar hans er að ræða
við Reagan forseta og aðra forustumenn
Bandaríkjanna um þann efnahagslega
ágreining, sem hefur risið í sambúð
Bandaríkjanna og Vestur-Evrópu og
haft getur mjög óhagstæð áhrif á
vestrænt samstarf, ef ekki tekst að jafna
hann.
Margir leiðtogar Vestur-Evrópu hafa
viljað mæta með hörðum gagnráðstöfn-
unum þeirri ákvörðun Bandarikjastjóm-
ar að leggja sérstakan toll á innflutt stál
frú Evrópu og banna notkun bandariskr-
ar hönnunar við smíði véla i gasleiðsluna
miklu, sem á að leggja frá Sovétríkjun-
um til Vestur-Evrópu. Brezka jámfrúin,
Margaret Thatcher, hefur m.a. látið
falla orð í þá átt.
Helmut Schmidt er hins vegar þeirrar
skoðunar, að slíkt viðskiptastríð milli
Bandaríkjanna og Vestur-Evrópu muni
verða til hins verra. Hann vill þvi reyna
til þrautar að leysa þessa deilu með
samkomulagi, sem komi i veg fyrir
viðskiptastrið. í þeim tilgangi ætiarhann
að ræða við bandaríska ráðamenn í ferð
sinni.
Fyrst og fremst mun hann ætla að
ræða þessi mál við gamlan og góðan
félaga sinn, George Shultz, sem er i
þann veginn að taka við embætti
utanrikisráðherrans. Formlega tekur
hann að vísu ekki við því fyrr en eftir
að öldungadeildin hefur staðfest tilnefn-
ingu hans, en ekki er víst, að það verði
fyrr en seint í mánuðinum. Sennilega
starfar Shultz þó orðið sem fullgildur
utanrikisráðherra á bak við tjöldin.
Schmidt var fjármálaráðherra Vestur-
Þýzkalands á sama tima og Shultz var
fjármálaráðherra Bandaríkjanna. Þá
hófst kunningsskapur þeirra og hefur
hann haldizt síðan. Schmidt hefur
heimsótt Shultz til Kaliforniu og dvalizt
sem gestur á heimili hans. Shultz hefur
einnig heimsótt Schmidt og dvalizt á
heimili hans.
Ferðaáætlun Schmidts er við það
miðuð, að hann fari til Kalifomiu og
dveljst sem gestur Shultz þar.
SCHMIDT getur haldið ánægður i
þetta ferðalag sökum þess, að honum
tókst í síðustu viku að leysa eftir langa
mæðu deilu, sem hafði risið milli
stjórnarflokkanna um. fjárlög næsta
árs. Um skeið var talið, að þessi deila
gæti hæglega orðið til að rjúfa stjómar-
samstarfið.
Samkvæmt nýlegum skoðanakönnun-
um em báðir stjómarflokkarnir að missa
fylgi, sósialdemókratar þó meira. Frjáls-
lyndir demókratar mega hins vegar
■ George Shultz.
síður við þvi að tapa fylgi, þvi að fái
þeir minna en 5% af greiddum atkvæð-
um, falla þeir alveg út úr þinginu. Þeir
em nú óðum að nálgast 5%markið
samkvæmt skoðanakönnunum.
Talsvert af því fylgi, sem frjálslyndir
demókratar hafa misst, virðist hafa farið
yfir til kristilegra demókrata. Margir
ieiðtogar þeirra telja, að þessi flótti
verði ekki stöðvaður, nema þeir hætti
samstarfinu við sósialdemókrata.
Meðal þeirra, sem halda þessu fram,
er Walter Scheel, fyrrverandi forseti
og fyrrv. formaður Frjálslynda flokks-
ins.
Það er einmitt Scheel, sem hafði
fomstu um það á sinni tið, að flokkurinn
kaus heldur samvinnu við sósíaldemó-
krata en kristilega demókrata. Nú
telur Scheel að þetta þurfi að breytast.
Það þarf ekki að koma á óvart, þótt
stjómarflokkarnir séu heldur að tapa.
þeir eru búnir að fara með stjórn
samfleytt í 13 ár og sósíaldemókratar
em búnir að vera samfleytt i stjóm í 16
ár, þar af þrjú fyrstu árin í samvinnu við
kristilega demókrata.
DEILAN um fjárlögin spratt af þvi,
að frjálslyndir demókratar vildu draga
nokkuð úr útgjöldum, einkum til
félagsmála, og hafa minni halla á
fjárlögum en sósíaldemókratar gerðu
ráð fyrir. Þeir töldu sér þetta nauðsyn-
legt sökum samkeppninnar við kristi-
lega demókrata.
Eftir mikið þóf tókst Schmidt loks að
finna milliveg, sem báðir flokkarnir gátu
sætt sig við.
Eftir að þetta samkomulag náðist,
hafa aftur glæðzt nokkuð þær vonir, að
samvinna flokkanna gæti haldizt út allt
kjörtímabilið eða til haustsins 1984.
Fjarri fer þó þvi, að þetta þyki öruggt.
Sumir telja, að ný óvissa geti skapazt
varðandi framtíð stjómarsamstarfsins
strax í iok september. Þá fara fram
fylkiskosningar í Hessen. Þar fer nú
með völd samstjóm sósialdemókrata
og frjálslyndra demókrata. Fylkisstjóm
frjálslyndra demókrata hefur ákveðið að
rjúfa þetta samstarf og leita heldur
samstarfs við kristilega demókrata, ef
enginn einn flokkur fær meirihluta.
Kristilegir demókratar hafa látið sér
fátt finnast um þetta tilboð og segjast
stefna að því að fá einir hreinan
meirihluta. Það er ekki talið útilokað að
þeim takist það.
Takist kristilegum demókrötum þetta,
eru mestar líkur á þvi, að þeir fái
meirihluta í efri deild sambandsþingsins
í Bonn, en hún er valin af fylkisþingun-
um. Þar með fá þeir stöðvunarvald i
þinginu og verður erfitt fyrir núverandi
rikisstjórn að sitja eftir það.
Þótt merkilegt sé, virðast kristilegir
demókratar hafa takmarkaðan áhuga á
að hraða falli stjómarinnar og þingkosn-
ingunum. Ástæðan er ekki sizt sú, að
þeir hafa enn ekki orðið ásáttir um
kanslaraefni, en það getur haft meginá-
hrif á úrslit kosninganna. Sigur sósial-
demókrata i siðustu kosningum er ekki
sízt þakkaður þvi, að Helmut Schmidt
var miklu vinsælli en flokkurinn og dró
fylgi að honum i kosningunum.
Hins vegar var talið, að Franz Josef
Strauss, sem var kanslaraefni kristilegra
demókrata, hefði spillt fyrir þeim.
Það myndi ekki draga úr fylgi
Schmidts, ef hann fengi sæmileg erindis-
lok í væntanlegri Bandaríkjaferð sinni.
Þórarinn Þórarinsson,
ritstjóri, skrifar mfíI
S.AJVIVINNUTRVGGINGAII
Ármúla 3 - Reykjavík
Tilboð óskast í eftirtaldar bifreiðar sem
skemmst hafa í umferðaróhöppum:
Datsun 220 D. árg. 1977
Daihatsu Charmant. árg. 1979
Isuzu. árg. 1981
Saab96 árg. 1973
Wartburg árg. 1978
B.M.W.316 árg. 1982
Galant1600 árg. 1981
Chevrolet Blazer. árg. 1973
Datsun180B. árg. 1972
Daihatsu Charmant. árg. 1979
ToyotaCrown árg. 1977
Willys Jeep CJ5 árg. 1981
Dodge árg. 1974
Mazda929 árg. 1975
Blazer árg. 1976
Bifreiðarnar verða til sýnis að Skemmuvegi 26,
Kópavogi, mánudaginn 12/7 1982 kl. 12-17.
Tilboðum skal skilað til Samvinnutrygginga g.t.
fyrir kl. 17, miðvikudaginn 13/7 1982.
Fiölbrautaskóli Suóumesja
Kórstjóra vantar í hlutastarf við skólann.
Umsóknarfrestur er til 25. júlí. Nánari upplýsingar
hjá aðstoðarskólameistara Ingólfi Halldórssyni, í
síma 92-1857.
Skólameistari.
HEYHLEÐSLUVAGNAR
Stærðir: 24 rúmm. og 30 rúmm.
Mikil sporvídd.
Hagstætt verð.
ö
£ ÁRMÚLi
Verktakar -
Húsbyggjendur
Geri tilboð i stór og smá verk J
Ákerman beltagrafa gj,
-,23 tonn
H 12-
Up.plýsing
i sima 434
ar
84
Samtök gegn
astma og ofnæmi
Sumarferð félagsins
verður að þessu sinni farin upp í Borgarfjörð
sunnudaginn 18. júlí. Lagt verður af stað frá
Suðurgötu 10 kl. 9 og frá Norðurbrún 1 kl. 9:30.
Borðað verður í Munaðarnesi og kaffiveitingar í
sumarhúsi í Skorradal.
Tilkynnið þáttöku sem fyrst í síma 32269 eða
skrifstofu samtakanna mánud. og fimmtud. kl. 2-5
sími 22153. Takið með ykkur gesti.
Skemmtinefndin