Tíminn - 04.08.1982, Qupperneq 1

^ 7
Videoson annar hæsti tekjuskattsgreiðandinn! - bls. 4
TRAUST OG
FJÖLBREYTT
FRÉTTABLAÐ!
Miðvikudagur 4. ágúst 1982
174. tbl. - 66. árgangur
„HAHÐAHOLDIN ERII STORT
ATAK HJA FAMENNRIÞJÓD”
— sagði Vigdís Finnbogadóttir, forseti Islands, f viðtali við blaðamann Tímans í Bröttuhlíð
■ Þessa mynd tók fréttaritari Tímans af tignum gestum Grænlendinga í gær, er þeir stigu á land í Bröttuhlíð til þess að votta minningu Eiríks rauða virðingu sína, en þar var afhjúpaður minnisvarði um hann.
Lengst til vinstri á myndinni er Henrik prins, en aftar má m.a. sjá þau Vigdísi Finnbogadóttur, forseta íslands og Ólaf Noregskonung. Úti á firðinum eru bátar sem fluttu gestina frá Narssassuaq og eins og sjá má
er ísinn á ferð „milli Grænlands köldu ldetta“ þótt hásumar sé. (Tímamynd FRI)
Frá Friðriki Indriðasyni, fréttamanni
Tímans á Grænlandi.
■ „Skipulagningin vegna hátíðahald-
anna er til einstakrar fyrirmyndar og það
er stórt átak hjá fámennri þjóð að safna
til sín hundruðum gesta vegna þeirra“,
sagði Vigdís Finnbogadóttir, forseti
(slands, í viðtali við blaðamann Tímans
í gær eftir minningarathöfn í Bröttuhlíð
þar sem Eiríkur rauði settist að fyrir
þúsund árum.
Veðurguðirnir á Grænlandi skörtuðu
sínu fegursta þegar tignir gestir, þar á
meðal þjóðhöfðingjar íslands, Dan-
merkur, og Noregs komu til Bröttuhlíð-
ar. Voru gestirnir fluttir á skipum frá
Narssassuaq í heimahaga landnáms-
mannsins, en nú er talið að þúsund ár
séu liðin frá komu hans til Grænlands.
Er gestir höfðu hlýtt á messu í
Bröttuhlíð var afhjúpað minnismerki
um Eirík rauða en síðan heimsóttur
bóndinn í Bröttuhlíð, Hans Christian
Motsfeldt. Þá var haldið til Narsassuaq
á ný og setinn kvöldverður í boði
Narsaq-bæjar.
í dag heimsækja hinir tignu gestir söfn
og ýmsar stofnanir í Narsaq. Sjá frásögn
og myndir frá fréttaritara Tímans,
Friðrik Indriðasyni á bls. 10-11.
Portúgalar kvarta aftur yfir gæðum íslenskrar saltfisksendingar:
„KVARTANIRNAR RÉTTMÆTAR”
■ „Þessi farmur, sem er frá
Reykjavík, Akranesi, Hafnar-
firði og stöðum austan fjalls, átti
að vera sérstaklega vel út
tekinn,“ sagði Valgarð J. Ólafs-
son framkvæmdastjóri SÍF í
viðtali við Tímann. Farmurinn,
sem um er rætt er 800-900 tonna
farmur, af saltfiski sem Portú-
galir hafa nú kvartað undan að
hafi verið rangt flokkaður og
ekki nógu góður.
„Þeir Einar Jóhannsson frá okkur og
Njáll Mýrdal frá Framleiðslueftirlitinu
eru úti núna og þeir segja að
kvartanirnar séu fyllilega réttlætanleg-
ar,“ sagði Valgarð og bætti því við að í
þetta sinn væri málið auðveldara
viðfangs en síðast, þar sem farmurinn
væri miklu minni.
Einnig sagði Valgarð að þessir gallar
virtust vera nokkuð gegnumgangandi í
vertíðarfiskinum og taldi hann ástæður
þess einkum tvær, að hráefnið væri ekki
nægilega gott og að framleiðendur væru
að innleiða hjá sér vinnusparandi
aðferðir við verkunina, með þessum
misjafna árangri.
Friðrik Pálsson, hinn framkvæmda-
stjóri SÍF, er einnig farinn til Portúgai,
meðal annars vegna þessa máls.
Valgarð sagði að náðst hefði fullt
samkomuiag um farminn, sem kvartað
var undan fyrr í sumar og væri það mál
nú að fullu frá gengið og upp gert. Þegar
Valgarð var spurður hvort þessar
endurteknu kvartanir hafi ekki áhrif á
markaðinn, svaraði hann: „Hvenær veit
maður hvenær mælirinn fyllist, en við
vonum það besta. En þrátt fyrir þessi
óhöpp og að þeim frátöldum, teljum við
að við bjóðum besta fiskinn á þessum
markaði.“ gy