Tíminn - 19.08.1982, Síða 3
FIMMTUDAGUR 19. ÁGÚST 1982
fréttir
Árásarmaðurinn fannst í gærmorgun í
hlíðum Hafrafells neðan við lllukletta:
„ÉG ÆTIA Nð EKKI AÐ
NOTA ÞETTA A VKKUR”
- sagði hann þegar hann afhenti leitar-
mönnum vopn sín, riffil og haglabyssu
■ „Ég ætla nú ekki að nota þetta á ykkur, strákar
mínir,“ sagði Grétar Sigurður Arnas, maðurinn sem
leitað var að í sólarhring eftir ódæðið á Skeiðarársandi,
þegar leitarmenn fundu hann og báðu hann að afhenda
vopnin, sem hann hafði. Snorri Magnússon frá
Hjálparsveit skáta í Hafnarfirði varð fyrstur til að koma
auga á manninn, þar sem hann var í grjótbyrgi sem hann
hafði gert sér.
„Fyrstu orðaskiptin voru að ég spurði
hann hvort honum væri ekki kalt,“ sagði
Snorri í viðtali við Tímann. „Svo sagði
ég að ég ætlaði að fá hjá honum riffilinn.
Hann sagði mér að vara mig á honum,
því hann væri hlaðinn og rétti mér hann
mótmælalaust. Síðan afhlóð hann hagla-
byssuna sjálfur og rétti okkur hana svo.“
- Sýndi hann engan vott af andspyrnu
við að afhenda vopnin?
„Nei,nei.“
- Höfðuð þið orð á ódæðinu við hann?
„Nei, en hann sagði „Ég ætla nú ekki
að nota þetta á ykkur strákar mínir,“ og
bætti svo við að þetta hefði verið
óviljaverk, eða eitthvað í þá áttina, en
ég man ekki nákvæmlega orðalagið."
- Hvernig var ástand hans, þegar þið
funduð hann?
„Hann var kaldur, líkamlega, en
andlega var hann bara sljór."
Leitarmennirnir fundu Grétar Sigurð
neðarlega í hlíðum Hafrafells, neðan við
Illukletta. Þeir voru að skoða nánar
slóðina, sem hundurinn hafði farið
kvöldið áður og dreifðu sér svolítið út
frá henni. Grétar Sigurður hafði hlaðið
sér þar byrgi þannig að hann hlóð fyrir
svolitinn hellisskúta undir stórum steini.
Hann var einnig byrjaður á öðru birgi
ofan við steininn.
„Ég sá þetta af því að ég tók eftir að
hlaðið hafði verið við steininn. Þess
vegna fór ég að gæta nánar að þessu,"
sagði Snorri.
- Varðstu hræddur, þegar þú stóðst
andspænis manninum alvopnuðum?
„Eiginlega ekki. Þetta skeði svo
snöggt, ég sá hann ekki fyrr en ég kíkti
inn í byrgið og þá stóð ég augliti til
auglitis við hann, þar sem hann var í
seilingarfjarlægð. Ég varð bara ósköp
feginn að hann skyldi vera fundinn."
-Kom hann svo mótþróalaust með
ykkur?
„Við vorum í talstöðvarsambandi við
hjálparsveitarbílinn og kölluðum hann
upp og sögðum frá að hann væri
fundinn. Þá kom sýslumaður og fleiri
menn á móti okkur, en Grétar Sigurður
sýndi engan mótþróa," sagði Snorri
Magnússon. SV.
■ Snorri Magnússon, hjálparsveitar-
niaður, sem fyrstur kom að árásarmann-
inum í byrgi sínu í hlíðum Hafrafells. -
Tímamynd: ARI.
■ Staðurinn þar sem (íretar Sigurö-
ur Arnas gerði ser bsrgi ng dialjji i
þegar hann fannst er merktur inn a
imndina. Ilann hefur getað fylgst
með ferðuin þeirra sem yiru sið bil
hans og leitarniannanná. EfTil rill
'ar það lan leitarmannanna að linna
hann ekki lýrr en honiim \ar runninn
mesti moðurinn. þ»i hann hafði i :
forum sinuni l\ö hlaðin skotsopn.
Cjungrmnri \ri.
Farið með
árásarmann-
inn á
vettvang
■ „Fólk var mjög hátt stemmt hér í
Skaftafelli í dag meðan við vorum hér
með fangann,“ sagði Friðjón Guðröðar-
son sýslumaður við Tímann í gærkvöldi.
Hann bætti við að sér hefði helst dottið
í hug galdrabrennumar til foma af
framferði fólksins.
Farið var með Grétar Sigurð á
vettvang á Skeiðarársandi, þar sem
óhappaverkið var unnið og hann
yfirheyrður þar. Friðjón sagði að í sumu
beri sögu hans saman við sögu stúlk-
unnar, sem lifði af, nóg til þess að komin
væri nokkuð heilleg mynd af því sem
gerðist, þótt margt vanti enn í hana.
Fanginn var fluttur til Reykjavíkur í
gærkvöldi. gy
Frumyfirheyrslur yfir árásarmanninum í Skaftafelli í gær:
Játaði að hafa
banaðstúlkunni
— og veitt systur hennar höfuðáverka
■ Friðjón Guðröðarson, sýslumaður
Austur-Skaftfellinga, stjóroaði leitinni
að árásarmanninum í Öræfum.
Ttmamynd:Ari
■ Grétar Sigurður Arnas, maðurinn
sem leitað var að vegna morðmálsins í
Öræfasveit, fannst lifandi í gærmorgun,
um klukkan hálftíu. Hafði hann falið sig
undir kletti í nágrenni Illukletta í
Hafrafelli, skammt frá þeim stað sem
hann skildi við bflinn, sem lík Yvette
Marie Bahuaud var í þegar það fannst.
Þegar Grétar Sigurður fannst var hann
vopnaður riffli og haglabyssu.
Við frumyfirheyrslur, sem fram fóru í
Skaftafelli í gær, gekkst Grétar Sigurður
við því að hafa orðið Yvette Marie
Bahuaud að bana. Einnig játaði hann að
hafa veitt systur hennar, Marie Luce
Bahuaud, mikla höfuðáverka með
byssuskefti.
Kveðst hann hafa átt leið um
Skeiðarársand vegna vinnu sinnar í
fyrrakvöld. Þegar hann hafi komið að
skýli því sem stúlkurnar ætluðu að gista
í um nóttina hafi lagt frá því mikinn
hassþef. Segist hann þá hafa kvatt dyra,
kynnt sig sem yfirvald og beðið
stúlkurnar að koma með sér til Hafnar
í Hornafirði. Þær hafi brugðist ókvæða
við málaleitan hans og önnur þeirra
ráðist á sig að fyrra bragði. Hin hafi
hlaupið út um dyr skýlisins og í því hafi
skot hlaupið úr haglabyssu, sem hann
var vopnaður. Segist hann þá hafa orðið
mjög skclkaður, slegið til eldri stúlkunn-
ar með haglabyssunni og náð svo þeirri
yngri og komið henni fyrir í farangurs-
geymslu bíls síns meðan hún var enn á
lífi.
Laugarvatns-
fundi stjórnar-
skrárnefndar
var frestað
■ Vegna umræðna um væntanlegar
efnahagsaðgerðir hefur orðið aö fresta
fyrirhuguðum fundi Stjórnarskrár-
nefndar sem hefjast átti aðLaugarvatni
í dag. En margir nefndarmanna eru
bundnir við umræður unt lausn
núverandi efnahagsvanda. Ekki er
búið að boða annan fundartíma, en
þess vænst aö það geti orðið á
næstunni. _ ||g|_
Varð fyrir bíl
og fótbrotnadi
■ Niu ára gömul stúlku fótbrotnaði
þegar hún varð fyrir bil á tengivegi
milli Drottningargötu og Hafnar-
strætis á Akureyri á sextánda tímanum
i gær. Mun stúlkan hafa hlaupið út á
götuna eftir að hún kom út úr bfl sem
lá kyrrstæður við gangstéttarbrúnina.
Ökumaður bflsins, sem hún varð fyrir,
sá ekki til hennar fyrr en orðið var of
seint að stöðva.
1 -Sjó
Leiörétting
■ í blaðinu í gær var ekki rétt farið
með nafn aðstoðarmanns Rainier
fursta við veiðar í Laxá í Kjós. Sagði
í frásögninni að hann hefði hcitið
Þórólfur Magnússon, en rétt er að
hann heitir Þórólfur Halldórsson.
Biðjum við Þórólf vclvirðingar á þessu.
Að sögn Friðjóns Guðröðarsonar,
sýslumanns, gætir talsverðs misræmis í
framburði Grétars Sigurðar og eldri
stúlkunnar, sem nú liggur á Borgar-
sjúkrahúsinu eftir höfuðuppskurð.
Þórir Oddsson, vararannsóknarlög-
reglustjóri ríkisins, sagði í samtali við
blaðið í gær að enn ætti eftir að yfirheyra
þann grunaða mikið áður en hægt yrði
að tjá sig frekar um málið. Verður
gæsluvarðhaldsúrskurðar krafist yfir
honum í dag að öllum líkindum. - Sjó.