Tíminn - 21.08.1982, Blaðsíða 4

LAUGARDAGUR 21. ÁGÚST 1982
Tækjasalan hf
......tæki i takt viðtímann.
Pósthólf 21 202Kópavogi S 91- 46577 - 45500
„Met Vilmund
ekki þess
verðan að
deila við hann”
— segir Friðjón Guðröðarson,
sýslumaður Austur-Skaftfellinga
Heiðmörk:
Lúpínufræj-
um safnað
■ Landvernd stendur fyrir söfnun á
lúpínufræjum í Heiðmörk nú um helg-
ina. I frétt frá Landvernd segir: „Á
undanförnum árum hefur Landvernd
fengið skólanema úr Reykjavík og
Kópavogi til sjálfboðavinnu að safna
lúpínufræjum í Heiðmörk. Nú er lúpín-
an tilbúinog við megum ekkiv.era að bíða
eftir að skólar taki til starfa. Landvernd
biður því alla þá sem hafa tíma og
tækifæri, að koma í Heiðmörk í dag og
á sunnudag klukkan 13 til að aðstoða við
fræsöfnun."
Menn frá Landvernd verða við
Jaðarshliðið í Heiðmörk og munu þeir
leiðbeina við söfnunina.
- Sjo.
Tækjasalan hf.
tilkynnir
viðskiptavinum
sínum
Höfum flutt afgreiöslu okkar í Fífuhvamm Kópavogi
(hús Steypustöövarinnar).
Ath. höfum einnig fengiö nýtt símanúmer, 46577.
Veriö velkomin,
nú höfum viö næg bílastæöi.
Þingmaður krefst þess að sýslu-
manni verði vikið úr starfi:
■ „Það sem mestu máli skiptir í
málflutningi Vilmundar er að hann er
þama að gefa sögunni um eiturlyfja-
neyslu stúlknanna byr undir báða
vængi,“ sagði Friðjón Guðröðarson
sýslumaður, þegar Tíminn ræddi við
hann um grein Vilmundar Gylfasonar í
Helgarpóstinum í gær. I umræddri grein
lætur Vilmundur í Ijós þá skoðun að
lögfræðingar landsins séu mcnningar-
snauðir og viti lítið um tilgang og anda
laga, nánast að þeir væm haldnir
andlegri eymd og hugsuðu um fátt annað
en hversu háa þóknun þeir gætu tekið.
Aðalefni greinar Vilmundar er þó að
krefjast þess að Friðjón Þórðarson
dómsmálaráðherra setji nafna sinn
Guðröðarson sýslumann af, vegna
embættisglapa sem felast í að mati
Vilmundar, of miklum upplýsingum til
fjölmiðla um morðið á Skeiðarársandi.
Hann boðar að krafa muni koma fram
á Alþingi um að sýslumaður verði settur
af, hafi ráðherra ekki gert það áður.
Tíminn spurði Vilmund hvort ekki
kveði við nýjan tón í málflutningi hans,
sem hefði áður fyrr beinst að því að
skapa opnari umræðu um málin. „Það
sem spurningin innifelur er óskaplegt
rugl í þér,“ svaraði Vilmundur. „Ég hef
ævinlega gert algeran greinarmun á
opinberum athöfnum, sem blöð eiga að
fjalla um, annarsvegar og á einkamál-
um, sem eru allt annað. Rannsóknar-
blaðamennska snýst um rannsóknir á
opinberum málum. En ég hef miklar
áhyggjur af blaðamönnum, sem halda
að það sé opnun á kerfinu ef sýslumaður
kemur og blaðrar um fullkomna einka-
hagi.“
Hann var þá spurður hvort hann muni
bera fram tillögu um frávikningu
sýslumannsins, hafi dómsmálaráðherra
ekki gert það áður.
„Málið verður tekið upp á vettvangi
Alþingis," svaraði hann.
Vilmundur segir orðrétt í grein sinni:
„Þessum róg um hina látnu erlendu
konu er auðveldara að koma af stað en
bera til baka. Og það er rógur, hvort
sem það er satt eða logið.“
Um þetta segir Friðjón Guðröðarson:
„Ég sagði frá því í hádegisfréttum að við
fyrstu yfirheyrslu hefði sakborningur
borið að stúlkurnar hafi verið að reykja
hass. Síðar sama dag sagði ég fjölmiðl-
um að við rannsókn hefði ekkert fundist
í farangri stúlknanna, sem renndi
stoðum undir framburð sakborningsins.
Vilmundur lætur eins og hann viti ekki
af þessu og gerir því skóna að
framburðurinn geti verið sannur. Með
því lyftir hann sögunni á flug.
Annars vil ég ekki fara út í neinar
deilur við Vilmund, ég met hann ekki
þess verðan. Hann hefur reynt að
upphefja sig á því að níða niður marga
af ágætustu mönnum þjóðarinnar og ég
má vel við una að vera kominn í þeirra
hóp,“ sagði Friðjón Guðröðarson sýslu-
maður.
-SV
■ Ómar og Jón keppa á BMW bO í Ljómarallinu. Þeir voru í fjoröa sæti um miðjan dag í gær.
Ljómarallið ’82:
■ „Ljómarallið er alveg rosalega jafnt
og spcnnandi,“ sagði Eh'n Bjarnadóttir,
á stjómstöð Ljómarallsins á Hótel
Loftleiðum, þegar Tíminn leitaði frétta
hjá henni í gær.
Að lokinni sjöundu sérleið er staðan
þannig, að Eggert og Guðmundur á
Ford Escort voru fyrstir með 5,55
refsistig. Hafsteinn og Birgir Viðar á
Ford Escort voru í öðru sæti með 5,58
refsistig. Ómar og Jón voru með 8,57
refsistig, en þeir bræður aka nú BMW
315, í þriðja sæti. í fjórða voru Jóhann
og Jóhanna á Ford Escort 2000, með
9,05 í refsingu. Þá koma Birgir og
Sveinn á Ford Cortina með 9,17 í
refsingu. í sjötta sæti eru þeir Óskar og
Árni á Ford Escort, en fyrir þessa
keppni stóðu þeir næst íslandsmeistara-
titlinum.
Að sögn Elínar hefur rallið gengið
sérstaklega vel. Hefur samvinna með
keppnismönnum og lögreglu verið mjög
góð. „Blönduóslögreglan og Sauðár-
krókslögreglan hafa gert allt til að greiða
götu okkar. Þeir komu meira að segja
alla leið upp að Hveravöllum til að taka
á móti keppendum og bjóða þá
velkomna,“ sagði Elt'n.
Aðeins einn bíll var dottinn úr
keppni, þegar Tíminn spjallaði við
Elínu í gær. Var þar bíll þeirra Bjarna
og Braga, en vélin í honum sprakk þegar
þeir voru að byrja á áttundu sérleið.
Allar upplýsingar um stöðuna í rallinu
og hvar bílarnir eru hverju sinni eru
gefnar á stjórnstöð Ljómarallsins á
Hótel Loftleiðum. Rallinu lýkur á
sunnudag, en þá renna bílarnir í hlað
Laugardalshallar, þar sem sýningin
HEIMILIÐ ’82 fer fram.
-Sjó
Þýfi fannst
í f jöruborðinu
■ Stálborðbúnaður, tuttugu og tveir
hnífar, þrettán stórir bakkar og sitthvað
fleira, fannst í fjöruborðinu neðan við
Skúlagötuna í Reykjavík á miðvikudag-
inn. Það var lögreglan í Reykjavík sem
fann búnaðinn, en grunur leikur á að hér
sé um þýfi að ræða.
Rannsóknarlögregla ríkisins sagðist
ekki hafa sérstaka ástæðu til að tengja
þennan fund innbrotum í skartgripa-
verslanir, sem tíð hafa verið undanfarið.
Biður rannsóknarlögreglan þá sem
einhverjar upplýsingar geta gefið um
hvaðan borðbúnaðurinn er kominn að
láta sig vita.
- Sjó.
Tveir úrskurð-
aðir í gæslu
■ Tveirmennumfertugtvoruúrskurð-
aðir í gæsluvarðhald að kröfu rannsókn-
arlögreglu ríkisins nú í vikunni. Hafa
mennirnir orðið uppvísir að innbrotum
og þjófnuðum úr íbúðarhúsum í Reykja-
vík. Meðal þess sem þeir eru grunaðir
um að hafa stolið, eru ávísanahefti.
Grunur leikur á að þeir hafi síðan falsað
ávísanir úr heftunum.
Mennirnir hafa báðir komið við sögu
hjá rannsóknarlögreglunni áður. - Sjó.
Stuðmerm
í Árseli
á tónleikum
til heiðurs
Lars
Himmelberg
■ Tónleikar til heiðurs Lars Himmel-
berg, rythmagítarleikara, verða haldnir
í félagsmiðstöðinni Árseli n.k. þriðju-
dag.
Hljómsveitin Stuðmenn leikur, og eru
þetta einu tónleikar sveitarinnar í
félagsmiðstöðvum borgarinnar að þessu
sinni. Á dagskrá verður tónlist samin af
finnska djassgítarleikaranum Pakkii
Riikmekkkii.
Segir í fréttatilkynningu frá Árseli að
ekki sé að efa að hinir fjölmörgu
aðdáendur rythmagítarsins muni fjöl-
menna til leiks, enda fari vegur
rythmagítarsins vaxandi með hverjum
deginum og augu almennings beinist í
ríkara mæli að hinum ókönnuðu
möguleikum sem hljóðfærið bjóði uppá.
Húsið opnar kl. 20, og aðgangseyrir
er 80 kr. Bent er á að leið 10 gengur frá
Hlemmi á hálftíma fresti upp að Árseli.
-SVJ
VÉLIN SPRAKK HJÁ
BRAGA OG BJARNA