Tíminn - 21.08.1982, Blaðsíða 8

8
LAUGARDAGUR 21. ÁGÚST 1982
LAUGARDAGUR 21. ÁGÚST 1982
fréttafrásögn
fréttafrásögn
Tímamyndir: ELLA.
■ Ekki tckst allt sem skyldi i limbóinu, en þá er bara að reyna aftur.
■ Sjáðu þennan! gætu þær verið að segja, stelpumar á myndinni. Allavega er það
eitthvað spaugilegt, sem þær vinkonumar era að virða fyrir sér.
■ Sumarnámskeiði fyrir börn, sem haldið var í
félagsmiðstöðinni Bústöðum er nýlega lokið, en
námskeið þetta er haldið í öllum félagsmiðstöðvum
borgarinnar á vegum Æskulýðsráðs. í lok nám-
skeiðsins var börnunum og fjölskyldum þeirra boðið
á fjölskyIduhátíð í Bústöðum, þar sem farið var í
leiki og þegnar veitingar.
Námskeiðið er fyrir börn á aldrinum 6-12 ára, og
stendur hvert námskeið í viku, en mörg börn eru
allt sumarið. Mest áhersla er lögð á íþróttir, farið er
á söfn og sýningar, skoðuð atvinnufyrirtæki,
slökkvistöðin og lögreglustöðin er heimsótt.
Börnin fara í sund einu sinni í viku, sigla í
Nauthólsvíkinni vikulega og síðan er föndrað og
leikið innandyra ef eitthvað er að veðri.
Fyrir sex árum síðan var fyrsta námskeiðið af
þessu tagi haldið í Bústöðum, en hugmyndina átti
Hermann Ragnar Stefánsson, danskennari og
forstöðumaður Bústaða, sem kynntist svipuðum
sumarnámskeiðum í Bandaríkjunum, þar sem hann
var við nám. Síðan hafa hinar félagsmiðstöðvarnar
komið inn í myndina, og var námskeiðið í sumar
haldið í öllum félagsmiðstöðvum borgarinnar, eins
og áður sagði, en þær eru fímm talsins.
í lokahófinu, sem haldið var þann 18. ágúst sl.
var farið í ýmsa útileiki, svo sem kartöfluboðhlaup
og limbó, en síðan var farið inn og foreldrunum
sýndur árangur sumarstarfsins, krakkamir sýndu
leikrit sem þau höfðu æft, og héldu tískusýningu.
Eftir að allir höfðu þegið veitingar var haldið heim
á leið, og ef til vill hefur sú hugsun hvarflað að
einhverju bamanna að nú er stutt þar til skólinn
byrjar. Sum þeirra em að fara í fyrsta skipti, en önn-
ur í síðasta bekk bamaskólans. Eflaust er það hjá
þeim eins og gengur og gerist, að sumir hlakka til,
en aðrir ekki, en víst er ,_að gaman verður að ylja
sér í vetur við minningar frá skemmtilegu sumri.
-SVJ.
■ Jæja, þá fer ég af stað, við skulum
bara vona að þessi kartafla lialdi sig á
réttum stað, annars er mér að mæta......
■ Það er vanaasamt að halda kartöfl-
unni á sínum stað á skeiðinni, enda skín
einbeitnin úr svip þessa keppanda í
kartöfluboðhlaupinu.
■ Það getur oft munað litlu að þátttakendur missi jafnvægið, en í þetta skiptið
endaði hann þó á réttum kili.
■ .... og það gerði hún, og nú komst hún undir rána.
■ Er hún að taka myiid af mér: ....jú, hún er að því... kannski kem ég í blöðunum!
FJOLSKYLDU HATIÐ
BUSTODUM