Tíminn - 28.08.1982, Blaðsíða 4

LAUGARDAGUR 28. ÁGÚST 1982
4
fréttir
Gras fór að spretta undir verslunarmannahelgi í Snæfjallahreppi:
„STÖNDUM HÉR VIB SÚTT f MEM
PEYSUM, MEB TVENNA VETTUNGA”
- „en skjótumst inn til kvennanna á milli og hlýjum
okkur”, segir Jens Guðmundsson, bóndi á Bæjum
■ „Sem belur fer hefur betur ræst úr
en á horfðist í júlí, þannig að heldur er
nú bjartara yfir hugum manna. Það fór
að spretta undir verslunarmannahelgina
og spratt þá nokkuð vel fram undir
miðjan ágúst þó víða hafi líka verið
ákaflega léleg túnstykki innan um. En
síðan hefur verið hálfgerður hraglandi,“
sagði Jens Guðmundsson bóndi á
Bæjum í SnxQallahreppi. En þegar
Tíminn rxddi síðast við Jens um miðjan
júlí voru þar öll tún sviðin og gróðurl íil
af margra vikna þurrki og kulda og
jafnvel útlit að lítið hey fengist af þeim
þetta sumarið.
Heyskapinn sagði .lens hafa byrjað
snemma í ágústmánuði og alls staðar
standa yfir ennþá. Víða yrðu hey þó
ekki næg handa þeim skepnum sem
menn eiga, en menn væru líka farnir að
kaupa hey, heyköggla og annað fóður
frekar en að fækka fénaðinum," sagði
Jens.
- Það lítur þá ekki út fyrir að neinn
flosni upp?
- Nei það held ég að menn geri hér
ekki fyrr en ekkert er eftir nema dauðinn
í kringum þá. Hér eru harðjaxlar sem
láta sér ekki allt fyrir brjósti brenna og
standa hér úti í hálfgerðum gaddi til að
kroppa einhvern andsk... ofan í rollurn-
ar.
Haust? Já það eru éljadrög hér niður
alla dali og norðan strekkingur. Ég held
að það sé ekki nema um 3ja stiga hiti
hérna núna um hádaginn og jaðrar við
frost á nóttunni. Við stöndum hér við
slátt í þrem peysum, með tvenna
vettlinga og kuldaúlpuna reyrða undir
kverk. En síðan skjótumst við inn til
kvennanna á milli og hlýjum okkur á
kaffi og pönnukökum. En þrátt fyrir allt
er þetta miklu betra líf en hjá ykkur með
helv.. pappírsdraslið allt milli handanna.
- í>að hefur þá verið stutt hjá ykkur
sumarið?
- Sumar, þetta er ekkert sumar. {
mesta lagi svona hálfur mánuður sem
kailast getur sumar.
- Er ekki gott berjaland í kringum
ykkur?
- Berin eru að vísu ósköp smá ennþá,
en það má ekki vanþakka guði og
náttúrunni sem er að reyna að útdeila
okkur af ávöxtum sínum. Fólk tínir af
fullum krafti, kemur heim með fjórð-
ungsfötu í hvorri hendi eftir að tína í
dagsstund. En það verður að hafa
vettlinga og berja sér á meðan það er að
tína.
„Jú, mikil ósköp saftin rennur hér í
hverju eldhúsi eins og í vínverksmiðju
þessa dagana. Og það verður ekki að
því að spyrja að menn verða miklir
fjörkálfar þegar allur þessi kraftur fer að
bera árangur,“ sagði Jens á Bæjum
léttur í máli að vanda.
- HEI
stuttar fréttir
„Þetta er ömurlegt
- steindauður bær”
■ VESTMANNAEYJAR: „Þctta
cr ömurlegt í einu orði sagt,
steindauður bær. Það er vonlaust að
það geti gengið svona til lengdar að
loka öllum stöðvunum í heilan
mánuð. Það væri í lagi að þær lokuðu
til skiptis, en alveg fráleitt að loka
öllu í einu. Það hafa t.d. ekki allir
cfni á því að fara í frí í heilan
mánuð“, sagði Bergvin Oddsson
skipstjóri á Glófaxa í Vestmanna-
eyjum þegar við röbbuðum við hann
rétt fyrir síðustu helgi, þ.e. rétt áður
en frystihúsin opnuðu aftur eftir að
hafa verið lokuð frá því í vikunni
fyrir þjóðhátíð.
Bergvin sagðist bara fiska í net -
fer ekki á troll - og auk þess veiða
síld á haustin. Hann kvaðst því hafa
notað sumarið til að mála bátinn og
gera við. En byrjað svo aftur á netum
þegar netaveiðibanninu lauk hinn
15. ágúst.
„Við fáum fyrst og fremst ufsa.
Það er bara ágætt við erum búnir að
fá um 25 tonn eftir að hafa dregið 4
sinnum. Fjórir aðrir bátar eru
byrjaðir og það er líka þolanlegt
kropp hjá þeim.
Já, það virðist greinilega vaxandi
ufsi á miðunum. Á vertíðinni var
mikill ufsi á haustin fyrir nokkrum
árum. Hann hvarf svo og hefur varla
sést í svona 4-6 ár, en er sem fyrr
segir að aukast aftur,“ sagði Bergvin.
Hann taldi að 5 Eyjabátar myndi
verða á netaveiðum nú næstu
vikurnar eða þar til hringnótabátar
mega fara að veiða síld þann 20.
september. _ hEI
Þrír verka-
mannabú-
stadir af-
hentir í Vlk
■ VÍK í MÝRDAL: Stjórn verka-
mannabústaða í Hvammshreppi af-
henti mánudaginn 16. ágúst þrjár
íbúðir af fjórum, sem byggðar hafa
verið samkvæmt lögum frá 1980.
Formaður stjórnar, Birgir Hinriks-
son, afhenti hinum nýju eigendum
lykla að íbúðunum.
íbúðir þessar eru í tveim húsum,
tvær í hvoru húsi, um 120 fermetrar
hver á tveim hæðum. Húsin eru
byggð úr timbri á steyptum grunni og
kla’dd utan með stáli. íbúðunum er
skilað fullbúnum með frágenginni
lóð. Teiknistofan Óðinstorg sá um
hönnun húsanna. Verktakar voru
tveir, Kaupfélag Skaftfellinga og
Byggingarfélagið Klakkurh.f. Heild-
arkostnaður á íbúð var um 736 þús.
kr. auk vaxta og verðbóta á
byggingartímanum.
Málverka-
sýning í
Skálholti
■ ARNESSÝSLA: í gær opnaði
Hjálmar Þorsteinsson málverkasýn-
ingu í Skálholti. Á sýningunni eru 15
málverk og 25 vatnslitamyndir.
Sýningin er opnuð í tengsjum við
orgarnistanámskeið sem Haukur
Guðlaugsson sér nú um í Skálholti
þessa dagana. Sýningin sem er
sölusýning verður opin daglega til 2.
september.
Haukur Þorsteinsson er frá Akra-
nesi, en dvaldi í Danmörku s.l.
vetur. Síðast hélt hann sýningu í
Listasafni alþýðu í mars s.l. - HEI
■ Einar Birnir, formaður FÍS og
Torben Friðriksson, framkvæmdastjóri
félagsins, ásamt starfsfólki á hinni nýju
skrifstofu félagsins á 5. hæð Húss
verslunarinnar.
Tímamynd: Eila
Stórkaupmenn:
Flytja í
hús
verslun-
arinnar
r
■ Skrifstofa Félags íslenskra stórkaup-
manna opnaði í nýju húsnæði í Húsi
verslunarinnar.
Eigendur hússins eru auk félagsins;
Verzlunarbanki íslands, Lífeyrissjóður
verslunarmanna, Kaupmannasamtök ís-
lands, Verzlunarráð íslands, Verzlunar-
mannafélag Reykjavíkur og Bílgreina-
sambandið, en arkitektar hússins eru
Ingimundur Sveinsson og Einar Þor-
steinn Ásgeirsson.
Skrifstofa Félags íslenskra stórkaup-
manna var áður til húsa að Tjarnargötu
14, en skrifstofan er nú staðsett á 5. hæð
Húss verslunarinnar.
-SVJ
■ Hús verslunarinnar í Kringiumýri,