Tíminn - 02.09.1982, Blaðsíða 12

FIMMTUDAGUR 2. SEPTEMBER 1982
12
STfmhni
heimilistíminn
Umsjón: B.St. og K.L.
Örbylgjuofnar
■ Margar nýjungar ■ heimilistækjum
má sjá á sýningunni „Heimilið ’82“ sem
nú stendur í Laugardalshöll. Heimilis-
tíminn kynnti sér eina þeirra, það er hinn
svokallaði örbylgjuofn.
Dröfn Farestveit hússtjórnarkennari
kynnir TOSHIBA örbylgjuofninn.
Henni fórust orð á þessa leið:
„Þessi nýi ofn, sem við erum að kynna
hér, hefur upp á algjöra nýjung að bjóða
hvað viðkemur dreifingu á örbylgjunum
og hvernig þær dreifast meira hnitmiðað
á matinn í ofninum. Þetta kerfi er kallað
DELTAWAVE. Toshiba-Deltawave
ofninn er stórt skerf fram á við í þróun
örbylgjuofna og matreiðslan verður
auðveldari og fallegri."
Þegar fólk kaupir þessa örbylgjuofna
er ókeypis matreiðslunámskeið í kaup-
bæti. Dröfn sagði, að til að hafa fullt
gagn af þessum ágætu heimilistækjum
þyrfti að kynna sér vel alla þá fjölbreyttu
möguleika í matreiðslu sem þarna
bjóðast.
Þessir ofnai; eru mjög þægilegir og
öruggir, og eru þarna t.d. ofnar, sem
sérstaklega eru ætlaðir fyrir blint eða
sjónskert fólk. Ofnarnir slökkva á sér
sjálfir. Einnig er bent á það í
leiðbeiningum með Toshiba-örbylgju-
ofnunum, að jafnvel börn frá 6 ára aldri
geta notað hann til að hia sér upp mat,
búa til poppkorn, eða hita sér kakó.
Námskeiðin eru alveg nauðsynleg,
sagði Dröfn, þar er svo margt sem hægt
er að gera í sambandi við þessa ofna,
sem ekki liggur kannski í augum uppi
fyrir almenning að átta sig á tilsagnar-
laust. Má nefna að upplagt er að þurrka
blóm og jurtir í ofninum svo eitthvað sé
nefnt, og svo mörg smáatriði eru þannig
að það þarf að benda neytendum á þau,
svo þeir hafi fullt gagn af ofninum. Best
gagn sagði Dröfn að næðist af námskeið-
inu, ef neytendur væru búnir að reyna
ofninn sjálfir og hefðu átt hann einn eða
■ Dröfn Farestveit kynnir örbylgju-
ofninn á sýningunni í Laugardalshöll. Á
borðinu eru ýmsar krásir nýkomnar úr
ofninum.
tvo mánuði, því þá veit fólk um hvað
það er að spyrja og ef einhverjir
erfiðleikar hafa komið fram þá er gott
að fá ráðleggingar.
Blaðamaður Heimilis-tímans rakst á
kynningu á örbylgjuofnum, í norsku
blaði eftir þarlendan hússtjórnarkenn-
ara. Hún gat þess, að hún hefði fengið
örbylgjuofn um tíma til að prófa hann,
en ekki haft nauðsynlegar leiðbeiningar
með honum. Því hefði ýmislegt farið
úrskeiðis hjá sér við matreiðsluna fyrst
í stað. En eftir reynslutímann gæti hún
varla hugsað sér að vera án þessa tækis'
og hefði ákveðið að kaupa sér ofn fyrir
heimilið. Hún taldi helstu kosti þá, að í
fyrsta lagi gæti hún tekið mat tilbúinn úr
frystinum og matreitt hann á skömmum
tíma. Ekki væri nauðsynlegt að ákveða
að morgni dags eða jafnvel daginn áður,
hvað ætti að vera í matinn. Það væri
óneitanlega mikill kostur fyrir útivinn-
andi húsmóður. Eins er hægt að hafa
tilbúinn mat sem hver og einn getur
hitað upp fyrir sig, þegar heimilisfólk
kemur heim á mismunandi tímum, eins
og oft vill verða.
Kost ofnsins kvað hún aðallega vera
þennan. Einnig sparast rafmagn með
því að nota örbylgjuofn (allt að 75%
spamaður, sagði Dröfn), tími sparast
líka, lítið þarf að nota smjör og salt við
matreiðslu, engin matarlykt kemur í
húsið.
Dröfn Farestveit vill taka það fram,
að fólk þurfi að taka eftir því hvort
keramik-skálar og önnur leiríláf hitna
mikið í ofninum. Ef þau hitna á svo sem
einni mínútu, þá inniheldur glerungur-
inn blý - og þá má ekki nota þau undir
mat. Þetta þarf fólk að prófa, en það
verður að vera matur í ílátunum, því
ofninn má ekki ganga tómur.
Margir em ragir við að byrja að nota
örbylgjuofnana, en það er um að gera
að prófa sig áfram, sagði Dröfn. Hún
sagði, að komið hefði fyrir, að fólk hefði
ekki þorað að kveikja á ofninum, fyrr
en það hefði komið til sín á námskeiðið
- en það er oftast ekki fyrr en tveim
mánuðum eftir að ofninn var keyptur!