Tíminn - 02.09.1982, Blaðsíða 13
FIMMTUDAGUR 2. SEPTEMBER 1982
13
íþróttirl
Umsjón: Sigurður Helgason
■ Á myndinni sést Schoenaker skora jöfnunarmark Hollendinga í landsleiknum í gærkvöldi.
Timamynd EUa.
Aftur jaf ntef li 1-1
■ í gærkvöldi léku íslendingar annan
leik sinn í Evrópukeppni landsliða í
knattspymu. Leikið var á Laugardals-
velli og voru andstæðingarnir Hollend-
ingar. Leiknum lauk með jafntefli bæði
liðin skoruðu eitt mark og urðu
Islendingar fyrri til að skora. Laugar-
dalsvöllurinn var glerháll í gærkvöldi
eftir mikla rigningu í gærdag og kom það
nokkuð niður á leik liðanna og áttu
Jnenn oft á tíðum í örðugleikum með að
stýra knettinum í rétta átt.
Leikurinn byrjaði fremur rólega og
liðin virtust vera að prófa sig áfram.
Hollendingamir voru mun meira með
knöttinn og á 9. mínútu átti Rud Gullit
skalla yfir mark íslands. Einni mínútu
síðar átti Wijnstekers skot að markinu
sem Þorsteinn Bjamason markvörður
varði og skömmu síðar átti Schoenaker
skot eftir að hafa fengið knöttinn eftir
klaufaskap hjá varnarleikmönnum ís-
lands.
Á 14. mínútu varð Janus Guðlaugsson
að yfirgefa völlinn vegna meiðsla og í
hans stað kom Gunnar Gíslason KA.
Hollendingar sóttu mun meira í fyrri
hálfleiknum og raunar allan leikinn, en
íslendingar áttu á milli góðar skyndi-
sóknir, en ekki gekk nógu vel að brýna
sóknarleikinn. Þó má nefna hornspyrnu
sem Karl Þórðarson tók og sendi mjög
fasta sendingu inn að marki Hollendinga
og varð markvörðurinn að slá knöttinn
í horn til að koma í veg fyrir að hann
færi í netið.
Sá yngsti
sigradi
■ Á sjöunda tug keppenda mættu á
golfvöllinn á Ólafsfirði um helgina er
Norðurlandsmótið í golfi fór þar fram.
Þessir keppcndur komu frá Siglufirði,
Sauðárkrók, Akureyri og Húsavík og að
sjálfsögðu heimamenn. Leiknar voru 36
holur með og án forgjafar í karlaflokki,
kvennaflokki og unglingaflokki.
Kristján Hjálmarsson frá Húsavík
varð öruggur sigurvegari í karlaflokki.
Hann hafði tvö högg í forskot eftir fyrri
keppnisdag á þá Þórhall Pálsson og
Einar Guðnason frá Akureyri, og hann
jók það forskot sitt síðari daginn.
Inga Magnúsdóttir varð öruggur
sigurvegari í kvennaflokknum, og er
nánast ósigrandi í mótum norðanlands.
Jónína Pálsdóttir sem einnig er frá
Akureyri varð önnur og Sigríður B.
Ólafsdóttir frá Húsavík þriðja.
í unglingaflokknum sigraði yngsti
keppandinn með yfirburðum, en Krist-
ján H. Gylfason frá Akureyri er aðeins
11 ára. Keppendur frá Akureyri hirtu öll
verðlaunin í þessum flokki, og þyrfti að
gera átak í öðrum golfklúbbum norðan-
lands til þess að hæna fleiri unglinga að
golfinu. En þá eru það úrslitin.
Karlaflokkur:
Kristján Hjálmarsson........ GH 159
Þórhallur Pálsson ............. GA 163
Haraldur Friðriksson .......GSS 166
með forgjöf:
Haukur Hilmarsson...........GÓ 138
Grímur Þórisson............... GÓ 138
Arnór Þorgeirsson..............GA 139
(Haukur sigraði í bráðabana)
Kvennaflokkur:
Inga Magnúsdóttir..............GA 171
Jónína Pálsdóttir............. GA 182
Sigríður B. Ólafsdóttir .... GH 201
með forgjöf:
Sigríður B.Ólafsdóttir .... GH 143
Inga Magnúsdóttir..............GA 145
Jónína Pálsdóttir............. GA 148
Unglingaflokkur:
Kristján H. Gylfason........GA 159
Ólafur Þorbergsson..........GA 166
Ólafur A. Gylfason..........GA 169
með forgjöf:
Kristján H. Gylfason........ GA 119
Ólafur Þorbergsson.......... GA 130
Ólafur Sæmundsson...........GA 137
Verðlaun til keppninnar gáfu Flug-
félag Norðurlands, Dagur og Spari-
sjóður Ólafsfjarðar. Þá gaf Tak h.f. á
Akureyri aukaverðlaun þeim sem voru
næstir holu á 8. braut báða dagana og
hlaut þau Amór Þorgeirsson GA og
Kristján Guðjónsson GH. Einnig gaf
verslunin Álfhóll á Siglufirði aukaverð-
laun fyrir bestan 9 holu hring með
forgjöf síðari keppnisdaginn og urðu þar
jafnir unglingamir ólafur Þorbergsson
og Kristján Gylfason og sigraði Ólafur í
bráðabana.
gk-Akureyri
Á 32. mínútu átti Karl svo hörkuskot
á hollenska markið sem Breukelen
markvörður varði vel í horn. En Breukel*
en þessi er nýbyrjaður að leika með
Nottingham Forest í Englandi og á þar
að feta í fótspor Peter Shilton.
Hollendingar áttu nokkur önnur skot
á mark íslands, en ekkert þeirra olli
verulegri hættu. Staðan í hálfleik var því
0-0 og sannast sagna var hálfleikurinn
ekki skemmtilegur á að horfa enda þótt
oft brygði fyrir skemmtilegum köflum.
Og barátta var í fyrirrúmi hjá báðum
liðum, þannig að það hefur áreiðanlega
komiðeitthvað niður á knattspyrnunni.
íslenskum hjörtum á Laugardalsvelli
hlýnaði dálítið t nepjunni á 5. mínútu
síðari hálfleiks. Þáskoraði Atli Eðvalds-
son fyrsta mark leiksins eftir góðan
undirbúning Arnórs Guðjohnsen. Hon-
um tókst að leika á nokkra hollenska
varnarmenn laglega og renndi knettin-
um á Atla sem var á auðum sjó og
skoraði af öryggi og staðan orðin 1-0
fyrir íslendinga.
En aðeins tveimur mínútum síðar
jöfnuðu Hollendingar. Marteinn Geirs-
son braut á Hollendingi utan við vítateig
út undir hliðarlínu og upp úr aukaspyrn-
unni sem dæmd var skoraði Schoenaker
gott mark með skatla. Þar var vörnin alls
ekki nógu vel vakandi og nánast leikur
einn fyrir Schoenaker að athafna sig og
senda knöttinn í netið framhjá Þorsteini
sem kom engum vörnum við.
Bestu færin eftir mörkin áttu Godee
hjá Hollendingum, en hann tók auka-
spyrnu á 42. mínútu og varði Þorsteinn
hana snilldarlega. Skömmu síðar komst
hann einn á auðan sjó og skaut framhjá.
Besta færi íslendinga eftir þetta átti
Karl Þórðarson, eftir undirbúning
Lárusar, en markvörðurinn varði.
Þessi leikur var eins og fyrr er sagt
ekki ýkja skemmtilegur á að horfa.
Hollendingarnir eiga greinilega marga
mjög snjalla leikmenn í sínu liði, en þá
vantar mikla samæfingu til að geta talist
sannfærandi liðsheild. Erfitt er að nefna
að einhver hafi verið öðrum betri, en þó
er rétt að nefna miðverðina tvo, cn þeir
héldu Lárusi Guðmundssyni í skefjum
og það liggur við að óhætt sé að segja í
orðanna fýllstu merkingu. Wijnstekers
virtist oft á tíðum komast upp með
nokkuð grófan leik gegn Lárusi.
Það er greinilegt, að Arnór Guðjohn-
sen er að verða einn okkar besti
knattspyrnumaður fyrr og síðar.
Drengurinn lék mjög vel í gær og flestir
þeir hlutir sem hann framkvæmir eru vel
gerðir. Hann ásamt Karli Þórðarsyni
voru bestu menn íslenska liðsins og þá
er einnig ástæða til að hrósa Þorsteini
Bjarnasyni, sem sýndi öryggi í markinu.
Viðar Halldórsson kom inn t' liðið á
síðustu stundu fyrir Örn Óskarsson sem
á við meiðsli að stríða og lék hann
ágætlega, barðist vel og skilaði sinni
stöðu eins og til er hægt að ætlast. Sævar
lék vel, sérstaklega er líða tók á leikinn,
en Marteinn Geirsson hefur oft leikið
betur og geröi nokkrar skyssur.
Dómarinn McGinley er ekki besti
dómari sem hér hefur sést. Voru margir
dóma hans vafasamir í meira lagi og
komust menn upp með ljót brot og það
kom á óvart hversu mjög Hollendingarn-
ir beittu grófum leik í vörninni, einkum
gegn Lárusi eins og fyrr er nefnt.
Kannski eru íslensku dómararnir alls
ekki svo slæmir þegar allt kemur til alls.
Frekar fáir áhorfendur sáu þennan
leik og voru þeir um 4000 talsins.
Það hlýtur að teljast mjög viðunandi
árangur hjá landsliði íslands að ná
jafntefli gegn stórþjóð á knattspyrnu-
sviðinu eins og Hollendingar hafa verið,
en á góðum degi hefði íslenska liðið
áreiðanlega getað unnið þá án teljandi
erfiðleika.
sh
Sagt efiir ieikinn:
■ Janus Guðlaugsson varð að
yflrgefa völlinn í gærkvöldi eftir
aðeins 13 mínútur vegna meiðsla.
Burst hjá
Everton
■ Leikið var í ensku knattspyrnunni á
þriðjudagskvöld og urðu úrslit leikja þá
nokkuð óvænt. Mesta athygli vakti sigur
Watford á Southampton, en leikið var í
Southampton og lauk leiknum með 4-1
sigri gestanna. Gerry Armstrong og
Ross Jenkins skoruðu eitt mark hvor og
Niegel Callaghan gerði sér lítið fyrir og
sendi knöttinn tvívegis framhjá Peter
Shilton í markinu hjá Southampton. Þá
sigraði Everton Aston Villa 5-0 á
Goodison Park í Liverpool. Liverpool
náði aðeins jafntefli gegn Birmingham,
og fór sá leikur fram á heimavelli
Birmingham. Hvorugu liðinu tókst að
skora í þeim leik.
Á Highbury í London fengu Arsenal
Norwich og lið Arsenal, sem margir álíta
að komi til með að verða sterkt í vetur
gerðu jafntefli, bæði liðin skoruðu eitt
mark.
Swansea sigraði Coventry með 2
mörkum gegn einu og West Ham sigraði
Luton á útivelli 2-0. Tottenham sigraði
loks Ipswich með tveimur mörkum gegn
einu og eru markamaskínur Lundúna-
liðsins þeir Archibald og Crooks nú
komnir í fullan gang, en þeir skoruðu
mörkin fyrir Tottenham. Alan Brazil sá
hins vegar um að skora fyrir Ipswich.
Hann kvaðst hafa fengið spark og
ekki treyst sér til að leika lengur.
„Það var barátta í þessu“ sagði Janus
og við áttum skilið að fá annað stigið.
Það vantaði meiri einbeitingu eftir
að viðskoruáum markið og þess
vegna náðu þeir að jafna.“
■ Karl Þórðarson sýndi góðan leik
í gærkvöldi og þegar hann var
spurður álits um leikinn sagði hann.
„Ég er ánægður með að við fengum
annað stigið. Það var mikil barátta í
þessu, en við duttum ansi mikið
niður eftir markið. Það var þá full
mikil deyfð yflr liðinu.“
■ „Hollendingar mega þakka fyrir
jafnteflið,“ sagði EUert B. Schram
formaður KSÍ er blaðamaður Tím-
ans hafði tal af honum eftir leikinn.
„Það var fín barátta í þessu og mér
finnst stórkostlegt að við skulum
geta teflt fram tveimur liðum tvo
daga í röð og náð jafntefli i þeim
báðum gegn HoUandi. Það sem ég
held að hafl vantað tU að við gætum
unnið þessa leiki er dálítið meira
sjálfstraust hjá leikmönnunum.“