Tíminn - 08.09.1982, Blaðsíða 5
MIÐVIKUDAGUR 8. SEPTEMBER 1982.
5
fréttir
Litið við í kartöfiugörðunum
við Korpúlfsstaði
„MJÖG GÓD
UPPSKERA”
■ Það er örugglega kartöflutími á
grænmetisalmanakinu. Grösin eru fallin
og í moldinni bíða kartöflumar bara eftir
því að verða teknar upp og borðaðar.
Milljónir af kartöflum og tegundimar
ótrúlega margar. Ólafs rauður og Helga,
Gullauga og Bentje em vafalaust þær
vinsælustu og útbreiddustu, en auk þess
er að flnna margar aðrar tegundir sem
menn hafa verið að gera tilraunir með.
Blaðamenn Tímans litu við í kartöflu-
görðunum við Korpúlfsstaði og þó að
ekki væri rúmhelgur dagur, vora samt
ótrúlega margir að taka upp.
Það var enginn tilraunabragur yfir
systrunum Theódóru og Erlu Steinþórs-
dætrum sem voru önnum kafnar við
kartöfluupptökuna ásamt bróðurnum
Agli og Árna Sigurðssyni, níu ára. Það
var helst Egill sem gerði tilraunir með
að notast við felgujárn við upptökuna
og var ekki annað að sjá en að það gæfist
vel.
- Þetta er bara ágætis uppskera í ár,
sögðu þær Theódóra og Erla í samtali
við Tímann.
Að sögn þeirra systra var uppskeran af
gullauga mjög góð, en rauð Helga
aðeins síðri. Þær systur voru búnar að
koma tvisvar til að taka upp, en efuðust
uní að þeim tækist að Ijúka við verkið
að þessu sinni.
Þetta var fyrsta árið sem systurnar
höfðu þennan garð, en áður höfðu þær
haft annan garð á Korpúlfsstaðasvæð-
inu. Kartöflurnar sögðu þær að myndu
trúlega duga fram í mars, en þess bæri
að geta að margir væru um garðinn,
enda væri þetta sannkallaður fjölskyldu-
garður. - ESE
Horfur á sæmilegri
kartöfluuppskeru
Kartöflubændur byrjuðu að taka
upp um síðustu helgi
■ Sæmilega horflr með kartöfluupp-
skem í haust. Kartöflubændur byrjuðu
almennt að taka upp um síðustu helgi,
en þá vom kartöflugrös fallin á flestum
stöðum fyrir nokkra síðan.
- Þetta lítur bara ágætlega út og ég
held að uppskeran verði vel í meðallagi,
sagði Guðjóna Friðriksdóttir á Eyrar-
landi í Þykkvabæ í samtali við Tímann.
Sagði Guðjóna að sérstaklega liti út
fyrir að uppskeran af gullauga yrði ágæt,
en Ólafs rauðurinn væri seinsprottnari
og uppskeran af þessari kartöflutegund
því ekki eins góð. Að sögn Guðjónu var
byrjað að taka upp í ár um svipað leyti
og undanfarin ár og það eina sem
eiginlega væri óvenjulegt væru þær
mörgu frostnætur sem verið hefðu í röð
í síðustu viku.
Frá Eyjafirði berast svipaðar fregnir,
en þar virðist uppskera ætla að vera í
meðallagi. Talað hefur verið um tífalda
uppskeru í því sambandi. Bændur í
Eyjafirði byrjuðu að taka upp fyrir
alvöru um síðustu helgi og mun
uppskeran vera nokkuð misjöfn eftir
svæðum. Best mun uppskeran hafa verið
hingað til í Grýtubakkahreppi.
- ESE
Innlánaauknmg bankanna
þriðjungi minni á þessu ári:
Sparnaður hefur
dregist sarnan
um 800
■ Þróun peningamála hefur verið
mjög óhagstæð á þessu ári. Innlána-
aukning ■ bankana var um þriðjungi
minni fyrstu 7 mánuði ársins en hún var
á sama tímabili árið áður. Hins vegar
dró ekki úr útlánum, að þvi er fram
kemur í frétt frá Seðlabankanum.
Þessi hlutfallslega minni sparnaður í
ár mun jafngilda 700-800 milljónum
króna, sem við höfum þá væntanlega
kosið að eyða umfram það sem við
gerðum á árinu áður, eða í kringum
10.000 krónum á hverja fjölskyldu í
landinu.
Af þessu hefur leitt mjög versnandi
lausafjárstaða innlánsstofnana gagnvart
Seðlabankanum og rýrnandi gjaldeyris-
staða. Ástæðu þessa telur Seðlabankinn
m.a. þá að óvissa í efnahagsmálum hafi
ýtt undir innflutning og dregið úr
sparnaði.
Að áliti Seðlabankans er nauðsynlegt
að bregðast við þessari þróun með því
að bjóða fólki hærri vexti á sparifé sitt
svo og að vextir óverðtryggðra inn- og
milljónir
útlána verði færðir til samræmis við
vaxandi verðbólgu. Telur Seðlabankinn
slíka vaxtabreytingu mikilvægan þátt í
heildaraðgerðum í efnahagsmálum.
Ríkisstjórnin hafi á hinn bóginn enn
ekki viljað fallast á tillögur bankans í
þessu efni. Bankastjórn Seðlabankans
hefur átt rækilegar viðræður við
viðskiptaráðherra um þetta mál að
undanförnu og mun væntanlega leggja
nýjar tillögur fyrir ríkisstjórnina síðar í
þessum mánuði.
Á fundi með fulltrúum viðskipta-
bankanna í gær ítrekaði stjórn Seðla-
bankans fyrrgreind sjónarmið og lagði
áherslu á að útlánastarfsemi bankanna
og þjónusta þeirra við atvinnuvegina í
landinu hljóti að takmarkast af þeirri
sparifjármyndun er á sér stað í landinu.
En til að draga úr mikilli skuldasöfnun
bankanna við Seðlabankann hefur sá
síðarnefndi nú ákveðið að lækka hina
sérstöku innlánsbindingu úr 5% í 2% af
heildarinnnlánum frá 10. sept. n.k.
-HEI
■ Systurnar Theódóra og Erla Steinþórsdætur, ásamt bróður sínum Agli Steinþórssyni og Ama Sigurðssyni á kafl í
kartöflugarðinum. Tímamynd Róbert
Snjóruðningstæki:
Framleiðum snjóruðnings-
tennur fyrir vörubíla og
dráttarvélar. Pantanir þurfa að
berast sem fyrst svo hægt
verði að afgreiða
þær fyrri part vetrar
>TALIÆKNI SF.
Síðumúla 27, sími 30662
eevKÍs
StOÐUM
HVER ER SKATTALEG
MEÐFERÐ VAXTA OG
VERÐBÓTA?
SVAR: Áður fyrr mátti draga vexti frá tekjum fyrir álagn-
ingu skatta. Gátu menn valið um að draga frá
reiknaða vexti eða greidda. Þegar vextirnir
hækkuðu vegna verðbólgunnar fór þessi frá-
dráttur að skipta verulegu máli þannig að þeir,
sem skulduðu mikið, greiddu nær enga skatta.
Nú er þessum frádrætti þannig háttað, að menn
geta áfram dregið frá skatti greidda eða reiknaða
vexti, en einungis greiddar verðbætur, og það
bara af fasteignaveðskuldum til lengri tíma en
tveggja ára. Þó er heimilt að draga frá skatti alla
vexti og verðbætur fyrstu þrjú árin eftir íbúðakaup
eða fyrstu sex árin eftir aö smiði íbúðarhúsnæðis
er hafin. Hinsvegar nýtist skattafrádrátturinn ekki
nema fáum, þar sem menn mega hvort sem er
draga 10% af tekjum frá skatti.
Dæmi: Maður tók verðtryggt lán 31.12.1979
að upphæð 3 milljónir gkr. til 25 ára. Fyrsta árið
greiddi hann 750 nýkr. í vextir, 1200 í afborgun og
1.005 í verðbætur. Frá skatti gat hann hugsan-
lega dregið 1.755 nýkr. Næsta ár greiðir hann
vexti 720, afborgun 1200 og verðbætur 2.393
nýkr. Frádráttur hugsanlega 3.113 nýkr. Á þessu
ári mun hann fyrirsjáanlega greiða vexti 770,
afborgun 1200 og verðbætur 4.650 nýkr. Frá-
dráttur hugsanlega 5.420 nýkr. Ofangreindar
tölur koma því aðeins til frádráttar tekjum, að þær
ásamt öðrum frádrætti fari yfir 10% af tekjum.
Gróft reiknað geta menn notfært sér skattafrá-
drátt vegna vaxta og verðbóta af skuldum, sem
eru umfram árstekjur þeirra.
SAMBAND ALMENNRA LANDSSAMBAND
LÍFEYRISSJÓÐA
LÍFEYRISSJÓÐA
4