Tíminn - 01.10.1982, Blaðsíða 4

4______
fréttir
FÖSTUDAGUR X. OKTÓBER 1982
Breska blaðid The Standard:
FISCHER VILL TEFLA AÐ NYJU
— stendur Karpov hvergi að baki, segir einn vina hans
Snýr Bobby Fischer, fyrrum heimsmeistari í skák sér aftur að
taflmennskunni? Þetta er spurning sem brunnið hefur á vörum allra
skákáhugamanna í tæpan áratug og af og til hafa verið gefnar góðar
vonir um að svo gæti orðið, en sá orðrómur hefur hingað til aldrei
haft við rök að styðjast. Og enn berast fréttir af því að Fischer ætli
að tefla á nýjan leik og nú ma. vegna sárra peningavandræða.
■ Samkvæmt upplýsingum breska dag-
blaðsins The Standard, sem hafðar eru
eftir Ronald Gross, einum af fáum
vinum Fischers, þá er Fischer nú tilbúinn
til að hefja taflmennsku að nýju. Er
þetta m.a. vegna fjárhagsörðugleika, en
einu tekjur Fischers í langan tíma hafa
MÁLÞING HJÁ
LÖGFRÆÐINGUM
■ Lögfræðingafélag íslands hefur nú
um nokkurra ára skeið efnt til málþings
á hausti hverju um ýmis lögfræðileg
álitaefni, er ofarlega hafa verið á baugi
hverju sinni eða haft hafa sérstaka
þýðingu fyrir lögfræðinga í störfum
þeirra. Málþing þessi hafa að jafnaði
verið haldin utan Reykjavíkur og þótt
vel takast.
Á laugardaginn efnir Lögfræðinga-
félagið til málþings um bótaábyrgð
sjálfstætt starfandi háskólamanna.
Verður málþingið haldið að Fólkvangi á
Kjalarnesi og hefst kl. 9.45 árdegis.
Umræðustjóri á málþinginu verður
prófessor Sigurður Líndal.
Á málþinginu munu eftirtaldir flytja
erindi:
1) Benedikt Sigurjónsson, fyrr-
verandi hæstaréttardómari, flytur erindi
um ábyrgð lögmanna.
2) Logi Guðbrandsson, hrl., flytur
erindi um ábyrgð ráðgefandi verk-
fræðinga, tæknifræðinga og arkitekta.
3) Othar Örn Petersen, hrl., flytur
erindi um ábyrgð ráðgefandi verkfræð-
inga, tæknifræðinga og arkitekta.
4) Ragnar Aðalsteinsson, hrl., flytur
erindi um ábyrgðartryggingar sjálfstætt
starfandi háskólamanna.
í lok málþingsins mun prófessor
Arnljótur Björnsson ræða helstu niður-
stöður framangreindra erinda.
STOR
GLÆSI-
LEG
DAIHATSU
Dreginn
út
Dregin
út
2. des.
□□□□□□
verið tekjur þær sem hann hefur haft af
bók sinni „Sextíu eftirminnilegustu
skákir mína“. Systir heimsmeistarans
fyrrverandi hefur og veitt honum
fjárhagslega aðstoð eftir að leiðir hans
og „Kirkju guðs“ skildu, en sértrúar-
söfnuður þessi kom á sínum tíma
höndum yfir nær allar eigur Fischers
gegn því að veita honum ókeypis
húsaskjól. Þrátt fyrir fjárhagsörðugleika
sína hefur Fischer neitað að láta gera
nafn sitt að féþúfu í auglýsingaskyni og
samkvæmt heimildum The Standard þá
hafnaði hann nýlega um 750 þúsund
krónum sem honum buðust fyrir að
auglýsa hárvatn í bandarískri sjónvarps-
auglýsingu.
Ronald Gross segir að Fischer sé nú
reiðubúinn að tefla að nýju, en aðeins
ef ákveðnir skilmálar eru uppfylltir.
Fischer vill gera skákina að meiri
einstaklingskeppni og vill t.a.m. ekki
taka þátt í fjölmennum skákmótum,
sérstaklega ekki þeim þar sem margir
Sovétmenn eru meðal þátttakenda.
Gross segir ennfremur að eitt af
skilyrðum Fischers sé að teflt skuli til
þrautar og helst engar biðskákir verði
leyfðar. Vill Fischer með þessu koma í
veg fyrir að heill hópur sovéskra
skákmanna geti legið yfir biðskákum
nótt sem nýtan dag og með því jafnvel
unnið skákir fyrir keppendur. Sam-
kvæmt upplýsingum Gross er Fischer nú
engu síðri í skákbyrjunum og flóknum
miðtöflum en heimsmeistarinn Karpov,
en mun betri tæknilega séð og í
endatöflum. -ESE
Radaraðflugsstjórn fyrir
Reykjavík frá Keflavíkurflugvelli:
HEFST FORM-
LEGA í DAG
■ í dag hefst formlega radaraðflugs-
stjórn fyrir Reykjavíkurflugvöll frá
stjórnstöð Keflavíkurflugvallar, eftir
vandlegan undirbúning undanfarna tvo
mánuði.
Nú munu flugvélar er fljúga um
Reykjavíkurflugvöll njóta aukins
öryggis er felst í notkun radars en með
honum er unnt að fylgjast nákvæmlega
með ferðum flugvélanna og leiðbeina
þeim ef á þarf að halda og þannig greiða
og flýta fyrir umferðinni til hagræðis og
öryggis öllum flugrekstri.
Starfsmenn Flugmálastjórnar annast
þessa þjónustu samkvæmt sérstöku
samkomulagi milli utanríkis- og sam-
gönguráðherra. Flugmálastjórn fagnar
þessum áfanga og harmar jafnframt að
þessi þjónusta skyldi ekki hefjast eins og
áformað var sumarið 1979.
Islenska járnblendifélagið:
Mikid fjármagn fengið
að láni hjá hluthöfum
■ Hluthafar fslenska járnblendifélags-
ins h.f., íslenska ríkið og Elkem als í
Osló, greiddu í gær inn til félagsins
jafngildi 32,6 millj. norskra króna sem
hluthafalán til að bæta eiginfjárstöðu
félagsins.
Þörfin fyrir þessa ráðstöfun er til orðin
vegna þess að til viðbótar við yfirstand-
andi rekstrarerfiðleika félagsins vegna
sölutregðu og lágs afurðaverðs hefur
orðið stórfelld breyting á gengi norskrar
krónu gagnvart bandaríkjadollar frá því
á s.l. vori, bæði vegna gengisfellignar á
norsku krónunni og styrkingar dollarans
undanfarið.
Hefur þessi gengisþróun leitt til þess,
að skuldir félagsins, mældar í norskum
krónum, hafa vaxið að mun og hlutfall
eigin fjár þar með rýrnað. Var
fyrirsjáanlegt, að eiginfjárhlutfallið færi
að óbreyttu í septemberlok niður fyrir
þau mörk, sem um hafði verið samið við
viðskiptabanka fyrirtækisins og fleiri
lánstofnanir. Við þessu hefur nú verið
brugðist á þann hátt, sem að framan er
lýst.
Allt það fé, sem hér um ræðir og
raunar meira, sem félagið lagði til, hefur
verið notað til að greiða niður rekstrar-
lán félagsins og rétta þannig af efnahag
þess og minnka vaxtagreiðslur. Eru
þessar aðgerðir í samræmi við þá
endurskipulagningu á fjármögnun fé-
lagsins, sem ákveðin var á s.l. vori og
heimiluð á Alþingi, en þurftu nú að
koma til framkvæmda fyrr en þá var
ætlað.
Gert er ráð fyrir, að á næstunni fari
frekari viðræður milli félagsins og
eignaraðila um málefni íslenska járn-
blendifélagsins h.f. og þann fjárhags-
vanda, sem þar verður við að fást næstu
mánuði og misseri.