Tíminn - 08.10.1982, Blaðsíða 12

FÖSTUDAGUR 8. OKTÓBER 1982
Blómin mín veita
mér mikla ánægju
■ Gróa Sigurjónsdótt-
ir, húsmóðir, skrifar hér
um dag í lífi sínu. Gróa er
ekkja, en maður hennar
var Ásgeir Ásgeirsson,
kaupmaður. Gróa á þrjú
börn, Valgerði, Áslaugu
Dís og Ásgeir Má.
Gróa ástundar blóma-
rækt og heimili hennar
utan sem innan prýða
falleg blóm.
Ég byrja morguninn frekar
snemma. Ég vakna yfirlcitt um
sjöleytið. Ég sé til þess að börnin mín
komi sér á fætur og við borðum
morgunmat saman. Síðan fara börnin
í skólann, Áslaug Dís er í Kvenna-
skólanum og Ásgeir Már er í
Menntaskólanum í Kópavogi.
Eftir morgunverð taka við hjá mér
a;fingar eða þjálfun vegna bakveiki,
sem ég er búin að stríða við í mörg ár.
Æfingarnar taka um það bil eina
klukkustund, síðan fer ég í heitt bað
til að liðka vöðva líkamans, svo að ég
geti skrölt út daginn.
Eftir þetta veitir mér ekki af góðu
morgunkaffi. Síðan fer ég að huga að
blómunum mínum, sem veita mér
mikla ánægju. Ég hef ekki garð, en
rúmgóðan steyptan pall fyrir utan
íbúðina, og þar rækta ég blóm í
kerjum og pottum og þar hef ég
gróðurhús.
Gróðurhúsið var sett upp í fyrra-'
haust og í vor gat ég farið að sá og
planta. Margir gáfu mér líka plöntur
og í sumar kom þetta allt bærilcga til.
Ég hef mikla ánægju af blómarækt og
í sumar ræktaði ég aðallega begóníur,
petóníur, dalíur og gladíolur, einnig
stadíur, sem eru ákaflega fallegar
þurrkaðar.
En þetta er ú allt á byrjunarstigi hjá
v 't -
Gróa Sigurjónsdóttir
■ Gróa hugar að blóniunum í
gróðurhúsinu. Bak við hana sér í
dalíurnar hcnnar. Tímamyndir Anna
mér, mig langar nú seinna til að reyna
að rækta rósir.
Ég vökva blómin yfirleitt á morgn-
ana, áður en sólin fer að skína, en sólin
kemur ekki vel inn í gróðurhúsið fyrr
en eftir hádegi.
í dag hef ég samt ekki mikinn tíma
fyrir blómin, því að ég ætla að fara upp
á Akranes. Þar á ég góða vini, sem ég
heimsæki af og til. Eg bjó þar í 9 ár
og kunni vel við mig þar.
Ég legg af stað með Akraborginni
um hádegisbilið ásamt mágkonu
minni. Það er rigningarsuddi, en gott
í sjóinn og ferðin ánægjuleg, enda
Akraborgin gott skip. Við komum upp
á Akranes um tvöleytið og þar er tekið
vel á móti okkur.
í eftirmiðdaginn föruni við í heim-
sóknir til kunningja, þar á meðal
heimsæki ég vini á dvalarheimilinu
Höfða. Höfði er myndarlegt heimili
fyrir aldraða og það eru fá ár síðan það
tók til sarfa. Mér leist vel á, hvað vel
var búið að fólkinu þar og þetta fólk,
sem ég heimsæki, er mjög ánægt með
dvölina þar.
Síðan ekur vinkona mín mér um
bæinn og það er gaman að sjá, hve
miklar framfarir hafa orðið þar, síðan
við bjuggum þar.
Við fluttum þaðan 1954. Nú eru
allar götur steyptar, en þá voru þær
óskaplegar, því að ég man að mér
fannst góðar götur í Kópavogi, en við
fluttum þangað. Samt fannst nú
mörgum göturnar í Kópavogi ekki allt
of góðar.
Mörg af gömlu húsunum á Akranesi
standa enn og hafa verið gerð fallega
upp og garðar eru grónir og fallegir.
Eftir skemmtilega ökuferð um
gamlar slóðir erum við boðnar í góðan
kvöldverð hjá vinkonu minni og þar
fæ ég uppáhalds eftirréttinn minn,
bláber með rjóma.
Við vinkonurnar sitjum svo og
spjöllum saman fram eftir kvöldi og
fyrr en varði er komið miðnætti og tími
kominn til áð taka á sig náðir.
Dagur flífi Gróu Sigurjónsdóttur:
DALÍUR ERU VIN-
SÆL BLÓIVI TIL
RÆKTUNAR í
GRÓÐURHÚSUM
■ Dalíur eru vinsæl blóm, sem heita á
íslensku glitfíflar. Á haustin verður að
taka upp hnýði glitfíflanna, því að þeir
þola ekki frost. Hnýðin eru tekin upp
cftir að stönglar jurtanna hafa verið
skornir af í um 10 cm hæð. Margir rækta
glitfífla í garðgróðurhúsum óupphituð-
um og eru því um þesssar mundir að
ganga frá hnýðunum fyrir veturinn.
Upptöku hnýðanna verður að fram-
kvæma gætilega, því að þau eru stökk
og viðkvæm. Hnýðin eru síðan lögð á
þurran stað til þurrkunar. Gott er að
leggja þau á hvolf í nokkra
daga meðan vatn og safi er að renna úr
stöngulendunum. Hnýðin eru síðan sett
í geymslu til næsta vors. Geymslustaður
verður að vera algjörlega frostlaus, en
hitastig hans má þó ekki vera hátt, 4-5
gráður er ágætt. Hnýðunum er oftast
raðað í kassa og sáldrað á þau grófum
sandi eða mómylsnu til þess að verja þau
ofþornun. Gott getur verið að sáldra
smávegis Brassicoldufti á þau, en það
fyrirbyggir rotnun. Þarl að fylgjast vel
með þeim á geymslustað
Glitfíflar eru fjölærar jurtir frá
Mexícó, en þar vaxa þcit hátt til fjalla.
Hjá sunium afbrigðum glitfífla geta
blómin orðið um 30 crn í þvermál.
Glitfíflar eru viðkvæmar iurtir og þola
ekki frost. Ræktun þeirra er því nokkuð
erfið hér á norðurslóðum, samt hafa
margir ánægju af ræktun þeirra.
Hér á landi er starfandi dalíu-klúbbur
fyrir áhugafólk um ræktun a dalíum og
öðrum skrautjurtum. Formaður klú-
bbsins er Björgvin Gunnarsson og eru
félagsmenn um 50 talsins. Klúbburinn
hefur starfað í 15 ár og hefur á hverju
ári sýningu yfirleitt seinast í ágúst.
Sýningin í ár var í siðustu viku
ágústmánaðar og var í gróðurhúsi í
grasagarðinum í Laugardal. Það var
sýning á afskornum blómum. Stærsta
dalían á sýningunni var um 30 cm í
þvermál. Dalíuklúbburinn heldur fund
einu sinni í mánuði og félagsmenn hafa
samband við meðlimi dalíufélaga í
öðrum löndum. Farið hefur verið á
sýningar erlendis og var farið á mikla
dalíusýnngu í London árið 1977, en
stærsta dalíuskreytingin á þeirri sýningu
var 3 metrar á hæð og 12 metra breið.
Dalíur munu hafa fengið nafn eftir
sænska grasafræðingnum Gunnari Dahl,
sem fyrstur flutti þær til Evrópu frá
Mexíkó.
Hnýði þeirra munu fyrst hafa verið
ætluð til átu, en þóttu ekki góð. Aftur
á móti tóku þá ýmsir að rækta þessi
fallegu blóm, sem til eru í ótal
afbrigðum.
Stærstar verða skrautdalíur og
kaktusdalíur og eru þær í ýmsum
fallcgum litbrigðum.-
Hér á íslandi er erfitt að rækta daltur,
nema að hafa aðstöðu í gróðurhúsi. En
það er líka orðið nokkuð algengt hér að
fólk fái sér lítið gróðurhús í garðinn. Og
þeir sem ekki hafa garð geta náð
sæmilegum árangri í blómaræktun á
skjólgóðum svölum, sem snúa vel við
geislum sólarinnar.
■ Helstu blómgerðir glitfífla. — 1. Einföld blómagerð. 2. Anemónugerð. 3.
Kragagerð. 4. Bóndarósagerð. 5. Glæsi glitffflar. 6. Hnattdahlía. 7. Kúlugerð. 8.
Kaktusgerð. 9. Hálfkaktusgerð. 10. Brönugrasagerð. — Myndin er úr
Skrúðgarðabókinni, sem var gefin út af Garðyrkjufélagi íslands 1976.
■ Dalía (glitfífiU)