Tíminn - 17.10.1982, Blaðsíða 27
SUNNUDAGUR 17. OKTÓBER 1982
27
■ Charlie Haden
Fyrstu tónleikar Jazzvakningar
á þessum vetri:
CHARLIE HADEN’S
LIBERATION MUSIC
ORCHESTRA KEMUR
— mun leika í Háskólabíói
■ Sunnudagskvöldið 24. október nk.
efnir Jazzvakning til mikilla jazztónleika
í Háskólabíói þar sem ellefu manna
stórsveit bassaleikarans Charlie Hadens
leikur.
Petta eru fyrstu tónleikar Jazzvakn-
ingar á þessum vetri og jafnframt þeir
viðamestu er Jazzvakning hefur staðið
fyrir. Það má segja að Jazzvakning leggi
allt undir, enda er kostnaður við
tónleikana rúmar tvöhundruðþúsund
krónur. Miðaverð verður kr. 250.- og
þarf fullt Háskólabíó til að tónleikarnir
standi undir sér.
En svo einstakur tónlistarviðburður
er þessi för Liberation Music Orchestra
til Evrópu að Jazzvakning taldi það
skyldu sína að bjóða íslenskum tónlist-
arunnendum að hlusta á sveitina. Það
mun tæpast gefast aftur tækifæri til þess.
Það var þegar Víetnam stríðið geisaði
1969, að Charlie Haden kallaði á tólf
jazzmeistara sér til fulltingis og stofnaði
Liberation Music Orchestra. Sveitin
hljóðritaði eina skífu fyrir Impulse, þar
sem finna mátti auk frumsaminna verka
Hadens, Ornette Colemans og útsetjara
sveitarinnar, Cörlu Bley, verk eins og
Samfylkingarsöng Brechts og Eislers,
„We Shall Overcome" og söngva úr
spænsku borgarstyrjöldinni. Síðan var
hljómsveitin leyst upp og ekki kölluð
saman á nýjan leik fyrr en fyrir tveimur
mánuðum til að leika í fimm Evrópu-
löndum og hljóðrita skífu fyrir ECM (en
án mikillar aðstoðar frá þessu stórmerka
þýska útgáfufyrirtæki, hefðu tónleikarn-
ir aldrei komið til).
„Tónlist hljómsveitarinnar á að hjálpa
til að bæta heiminn, losa hann við stríð
og morð, kynþáttahatur, fátækt og
arðrán.“ Þetta er stefnuskrá hljómsveit-
arinnar og því fannst Haden nauðsyn
bera til þess nú að kalla sveitina saman
til stuðnings hinni geysivoldugu friðar-
hreyfingu sem fer eins og eldur í sinu
um heimsbyggðina.
Foringi sveitarinnar, Charlie Haden,
hefur lengi verið í hópi fremstu
jazzleikara heimsins og í ár var hann
kjörinn bassaleikari ársins hjá því virta
tímmariti Down Beat.
Með honum í sveitinni eru Don
Cherry, Dewey Redman, Carla Bley,
Michael Mantler, Paul Motian, Jim
Pepper, Gary Valente, Sharon Free-
man, Jack Jeffers og Mick Goodrich.
SPLIFF- ,
PÆLT EGO
Nýja platan Egó: ! Mynd kemur út
í lok nóvember
■ Vinnsla á hinni nýju plötu Egósins
er nú á lokastigi. Eru Tómas Tómasson
og upptökumeistarinn, Louis Austin,
nýfarnir til London þar sem síðasta hönd
verður lögð á hljóðblöndun plötunnar.
Þessi nýja Egó-plata sem mun
væntanlega heita Egó: ímynd, gæti
trúlega komið í búðir í lok nóvember.
Að sögn kunnugra hefur platan þróast
ári skemmtilega í vinnslunni, ekki síst
eftir að Louis Austin rak á fjörur
Egósins. Hafa þeir Egó-drengir og
Austin skipst á gagnlegum hugmyndum
um það hvernig best megi gera plötuna
úr garði og hefur það samstarf tekist vel.
Um innihald plötunnar er það að
segja að tónlistin er í beinu framhaldi af
fyrra verki, en að sögn eru lögin mun
„rokkaðri" eða a.m.k. ekki eins „popp-
uð“ og á „Breyttir tírnar". Fleiri
hugmyndir eru uppi um tónlistarstefn-
una á hinni nýju plötu og t.a.m. segir
Frikki (hinn eini og sanni) að það séu
greinilegar Spliff-pælingar í Egóinu. Og
þá vitið þið það.
Gott SATT-kvöld í Klúbbnum:
„BJART ER YFIR BETLEHEM,
BLIKAR ATÓMBOMBAN”
Tappinn frábær og blúsinn traustur
— Q4U í toppformi
■ SATT-kvöldið í Klúbbnum s.l.
þriðjudag var hið besta á þessum vetri,
en þar kommu fram hljómsveitirnar
Q4U, Tappi tíkarrass og Blús kompaní-
ið.
„Bjart er yfir Betlehem, blikar
atómbomban" eru fyrstu línurnar í nýju
lagi sveitarinnar Q4U en það heitir
PLO. Q4U hófu þessa tónleika af
miklum krafti, voru í toppformi, en
uppstillingin hjá þeim var nokkuð
óvenjuieg, aðeins þrjú léku, Gunnþór,
Árni og Ellý, sem sagt gott „tölvupönk“.
Q4U hefur þróast nokkuð langt frá
upphaflegu sveitinni, tóniistarlega séð,
en þau halda þó enn pönkstimplinum að
nokkru leyti, einkum í efnisvali og
framkomu. Þau þrjú komu bráð-
skemmtilega út í tónlistinni, þótt hún
væri í drungalegri kantinum, trommu-
heili, hljóðgervill, bassi og söngur og er
ég ekki frá því að sveitin nái bestum
árangri þannig skipuð.
Nokkrir erfiðleikar hrjáðu bassaleik-
arann, Gunnþór, þar sem strengur
slitnaði hjá honum snemma í prógramm-
inu, varð það nokkuð endasleppt af
þeim sökum og eftir uppklapp þurftu
þau að endurtaka lagið „Göring“.
Tappi tíkarrass var hreint frábær á
SATT-kvöldinu, tvímælalaust besta
sveit kvöldsins, en nýbylgjurokk þeirra
komst vel til skila í hljóðkerfinu enda
hljóðstjórn ágæt. Tappinn tók nokkur
lög af nýjustu plötu sinni, Bitið fast í
vitið, og segjast verður eins og er, að
útkoman hjá þeim „live“ miðað við
plötuna er eins og svart og hvítt, mun
meiri kraftur og hraði er í lögum þeirra
„live“ heldur en á plötunni, sem virkar
fremur mjúk og dauf í samanburðinum.
Tappinn hefur á undanförnum mán-
uðum sýnt það og sannað að hann er í
hópi bestu nýbylgjurokksveita hér-
lendis, enda hefur hann á að skipa
geysiskemmtilegum flytjendum, eink-
um bassaleikaranum, Jakobi og söng-
konunni Björk, sem einnig grfpur í
hljóðgervil í nokkrum lögum þeirra.
Hvað Blúskompaníið varðar, vissi ég
hvorki haus né sporð á þeirri sveit fyrir
SATT-kvöldið, annað en þetta væru
Magnús Ein'ks og félagar og að sveitin
hefði verið til í einni eða annarri mynd
undanfarinn áratug og gott betur.
Tónlist þeirra var traustur blús af mýkri
gerðinni og óhætt er að segja að
„úlpuliðið" sem mætti fékk eitthvað
fyrir sinn snúð.
- FRI
■ The Comsat Angels svívirða lista-
verk þjóðarinnar. Valhöll í baksýn.
Landkynning í erlendum ritum:
STELUÞJÖFAR OG
KALDIR LÆKIR
— frásögn blaðabarns frá Bretlandi
úr íslandsferð með The Comsat Angels
■ Það er greinilegt að þeir hafa ekki
skánað hætishót þarna úti í hinum stóra’
heimi sl. tvö hundruð ár eða svo, a.m.k.
ef miðað er við skrif ýmissa „ritlistar-
manna“ sem farið hafa um ísland, ýmist
í huganum, á hestum, tveim jafnfljótum
eða í rútu. Frægar eru sóðasögur karla
eins og Blefken um hörmungarnar,
lauslætið og óþrifnaðinn hér á ísa köldu
landi, en satt að segja hélt ég að þessa
sögur heyrðu fortíðinni til. Svo virðist
þó ekki...
Hljómleikaför bresku hljómsveitar-
innar The Comsat Angels hingað til
lands er nú farin að bera árangur, þó að
sá árangur geti ekki talist ýkja hagstæður
vorri þjóð. í för með „Englunum" var
eitthvert blaðabarn frá breska popprit-
inu SOUNDS og nýlega gerði hann
grein fyrir íslandsförinni á síðum
blaðsins í máli og myndum. Reyndar er
nærri hvergi vikið að íslandsförinni, sem
þó er tilefni greinarinnar, sem birtist á
heilli opnu, néma í smá klausu inni í
miðri greiþj en þar segir blaðabarnið,
sem nefnist Johnny Waller, eitthvað á
þessa leið:
- Bölvaðir bastarðarnir plötuðu mig út
úr þægilegu hótelherberginu í tveggja
tíma rútuferð. „Englarnir" leiddu okkur
um fjöll og firnindi og við þurftum að
vaða ískalda fjallalæki (ó, það var svo
kalt). Ég meina það. Við vorum „miles
from anywhere“ og reyndar virðist allt
vera langt frá hvort öðru á íslandi. Ég
var kaldur og blautur og mér leið
ömurlega (gott - innskot Nútíminn) og
það eina sem helvítis englarnir gátu gert,
var að hoppa hlæjandi og skríkjandi
fyrir neðan einhvern foss. (Oxarárfoss -
innsk. Nútíminn).
Og síðar: - Landslagið er bara fjöll
og hraun og þrátt fyrir þjóðsöguna þá sá
ég engan ís. Fólkið er óþolandi kurteist
og sljótt, (kannski ganga allir á pillum -
innsk. Nútíminn) nema á föstudögum
þá drekka allir sig drullufulla og fara á
hljómleika með hljómsveitum eins og
Comsat Angels og stela glösunum úr
höndunum á þér. Mik trommuleikari
segist geta farið þangað aftur í frí -
sjálfan langar mig ekki til að líta þetta
pláss aftur.
Það var og, og það var nú það. ESE
Nýstofnaður
í tengslum víð nyja verslun
Hljómplötudeild Karnabæjar auglýsir stofnun
plötuklúbbs í tengslum viö nýja hljóm-
plötuverslun að Rauðarárstfg 16, Reykjavfk.
Með þessu viljum við auka þjónustu fyrirtæk-
isins við tónlistarunnendur um allt land.
Sérstaklega getur fólk utan Reykjavíkurnú
frekar fylgst með því sem gerist í tónlistar -
heiminum og fengið nýjar og gamlar plötur
og kassettur án tafar á kynningar og
klúbbsverði.
NAFN
Við munum mánaðarlega senda félögum
fréttablað með upplýsingum um nýjar og
væntanlegar hljómplötur.Ekki skiptir máli hvar
á landinu menn búa, við sendum f póstkröfu
eða afgreiðum meðlimi beint f búðinni.
Sendið inn umsóknareyðublað, komið eða
hringið.
Plötuklúbbur Karnabæjar
Rauðarárstíg 16, R vík,
S. 11620
I 16 I
l__________________I
HLEMMUR
Rauöamrstiffu r
HEIMILISFANG
r
- ESE