Tíminn - 19.10.1982, Blaðsíða 12
12
Hitaveita Reykjavíkur
óskar eftir verkamönnum til starfa.
Upplýsingar hjá verkstjóra Grensásvegi 1.
Breiðfirðinga-
heimilið h.f.
Hluthafafundur í Breiðfirðingaheimilinu h.f.
verður haldinn í Breiðfirðingabúð (uppi)
miðvikudaginn 27. okt. 1982 kl. 20.30
stundvíslega.
Dagskrá: Sala á eignum félagsins.
Stjórnin
Jokker-skrifborðin
eru komin aftur.
Verð kr. 1.985,-
Húsgögn og
. . Suðurlandsbraut 18
mnrettmgar simi 86-900
1/2 lítri köld mjólk
1 RÖYAL búðingspakki.
Hrœrið saman.
Tilbúið eftir 5 mínútur.
Súkkulaði karamellu
vanillu jarðarberja
sítrónu.
20% nemenda í Fellaskóla þarf á sérkennslu að halda:
GÍFURLEGRAR SÉRKENNSLU
ÞÖRF í GRUN NSKÓLUN U M?
■ Um 300 nemendur í
Fellaskóla í Breiðholti
munu þurfa á sérkennslu
að halda í vetur, ef marka
má niðurstöður könnunar
sem gerð hefur verið á
sérkennsluþörfinni í skól-
anum. Könnun þessi var
gerð af Fellaskóla, sálfræði-
deild skólanna í Breiðholti
og útibúi Félagsmálastofn-
unar í Breiðholti. Sam-
kvæmt könnuninni þurftu
um 20% nemenda skólans
á sérkennslu að halda, en
til samanburðar má nefna
að 1220 nemendur eru í
skólanum í vetur. Niður-
stöður könnunarinnar hafa
vakið mikla athygli og af
fréttaflutningi hefur mátt
skilja að útlitið væri miklu
verra í Breiðholti en
nokkru öðru hverfi í
Reykjavík. Forráðamenn
Fellaskóla eru ekki alveg
sáttir við þessa afgreiðslu
og benda á að engin
könnun hafi farið fram í
öðrum skólum í borginni.
Því sé ekki hægt að draga
neina ályktun af þessum
niðurstöðum, aðra en þá
að gífurleg þörf sé fyrir
sérkennslu og aðstoð í
Fellaskóla, en það gæti allt
eins átt við marga aðra
skóla.
—ESE
Er ástandið í Fellaskóla verra en í öðrum skólum?
„HÉR FÆR MRDIIR VHBRÖGÐ VIÐ
SEM VERIÐ ER AÐ GERA
segja Arnfinnur Jónsson, skólastjóri og
Guðjón Einarsson, yfirkennari í Fellaskóla
■ -Þessi könnun sýnir svo ekki verður
um villst að það er gífurleg þörf fyrir
sérkennslu og aðstoð við nemendur í
Fellaskóla, en við bendum á að það er
erfitt að nefna nokkra ákveðna tölu í því
sambandi. Sumir nemendanna þurfa
aðeins smávægilegrar hjálpar við í
skamman tíma t.d. við lestur eða í
stafsetningu, en þeir eru samt sem áður
teknir með í heildamiðurstöðum könn-
unarinnar yfir þá sem þurfa á sérkennslu
að halda. Þessu hefur verið slegið upp
sem einhverju stórkostlegu vandamáli í
Breiðholti, en við bendum á að engin
sambærileg könnun hefur farið fram í
öðram skólum og því ekki hægt að vera
með neina viðmiðun í þessuni efnum.
Sá sem þetta segir er skólastjórinn í
Fellaskóla í Breiðholti, Arnfinnur Jóns-
son og yfirkennarinn, Guðjón Jónsson,
sem borið hefur veg og vanda af
skipulagningu sérkennslunnar í skólan-
um tekur í sama streng.
Guðjón: Það hafa um 20% nemend-
anna í Fellaskóla komið við sögu
sérkennslunnar í skólanum, en hvort
þessi tala er hærri en í öðrum skólum
miðað við nemendafjölda getum við
ekki fullyrt um fyrr en sambærilegar
kannanir hafa farið fram. Það eina sem
liggur fyrir á þessum vettvangi fyrir utan
könnun Fellaskóla, sálfræðideildar skól-
anna í Breiðholti og Félagsmálastofnun-
ar, er könnun sem var gerð að tilhlutan
menntamálaráðuneytisins á sérkennslu-
þörfinni í 15 skólum í Reykjavík árið
1975. Niðurstöður þessarar könnunar
voru þær að frá 4 og upp í 23% nemenda
í skólunum þurftu á sérkennslu að
halda, en þó að Fellaskóli hafi þá verið
þar efstur á blaði þá á það að mörgu
leyti sínar eðlilegu skýringar.
-Arnfinnur: - Já á þessum tíma var
hverfið að byggjast og það var mikið rót
á fólki. Ymsa þjónustu vantaði og eins
komu nemendurnir hver úr sinni áttinni,
þannig að erfiðleikarnir voru miklir.
Þetta hafa öll ný hverfi gengið í gegn um
og það hefur verið þörf á sérkennslu í
öllum skólum, bæði á þessum erfiðu
tímum og öðrum.
Kennararnir höfðu
frumkvæðið
- Hver voru tildrögin að því að ráðist
var í þessa könnun'á sérkennslu við
Fellaskóla?
Arnfinnur: - Það var um 1980 að
kennarar við skólann voru spurðir hvað
þeir héldu að þörfin fyrir sérkennslu í
skólanum væri mikil. Hver kennari tók
saman yfirlit yfir sína nemendur og
mörgum þótti sú tala sem út kom ansi
stór. Það var svo ákveðið í framhaldi af
þessu að óska eftir fundi með sálfræði-
deild skólanna, félagsmálastofnun,
fræðslustjóra og borgaryfirvöldum og
eftir að máfin höfðu verið rædd var
ákveðið að gera þessa könnun.
Guðjón: Niðurstöðurnar liggja nú
fyrir og þó að ekki hafi verið gerð grein
fyrir þeim í smáatriðum, varniðurstaðan
sú að þörfin var mikil og þeir aðilar sem
að könnuninni stóðu hafa nú lagt fram
tillögur til úrbóta.
Arnfinnur: - Þessar tillögur hafa verið
kynntar í fræðslu- og félagsmálaráði og
þær hafa verið lagðar formlega fram til
afgreiðslu og við vonumst til að það
verði drifið í að fjalla um þetta mál,
þannig að hægt verði að afgreiða það og
taka tillit til þess við gerð fjárhagsáætlun-
ar Reykjavíkurborgar.
Tillögur til úrbóta
Guðjón: - Það er reyndar rétt að
nefna að stór hluti okkar tillagna er
þegar kominn til framkvæmda og ég er
viss um að ef okkur tekst að bæta
eitthvað þá greiðir það örugglega fyrir
því að farið verði af stað í öðrum skólum
og þörfin á sérkennslu og leiðir til úrbóta
verði kannaðar.
Að sögn Guðjóns Einarssonar,
yfirkennara þá hafa eftirfarandi tillögur
Fellaskóla þegar verið teknar inn í
skólastarfið:
1. Nákvæm og velútfærð skráning á allri
sérkennslu í skólanum og yfirlit um
sérkennsluna á hverjum tíma.
2. Starfsdeild í níunda bekk. Hugmyndin
með þessari deild er sú að sameina
starf og nám á þann hátt að þeim
nemendum sem hug hafa á að fara út
í atvinnulífið í stað framhaldsnáms,
veitist það eins auðvelt og framast er
kostur. Nemendunum er gerð grein
fyrir réttindum sínum og skyldum og
þeir undirbúnir undir flest það sem
kann að mæta þeim á vinnumarkaðn-
um. Þá er einnig leitast við að bæta
undirstöðu nemenda í ákveðnum
greinum, hafi henni verið áfátt áður.
3. Opið skólastarf. Hugmyndin að þessu
er sú að gefa meiri sveigjanleika í
námi, en taka má fram að þessari
kennsluaðferð hefur verið beitt í
Fossvogsskóla í fleiri ár með mjög
góðum árangri. Enn sem komið er þá
nær opna skólastarfið aðeins til
fjögurra áttundu bekkja, en þessir
bekkir hafa fimm kennara. Allar
þessar þrjár tillögur hafa sem sagt
verið teknar upp í Fellaskóla, en
meðal annarra tillagna tií úrbóta má
nefna:
4. Fjármagn verði veitt til að hægt sé
að auka sérkennslu og aðstoð við
nemendur við skólann um 40%.
5. Tímamagn til stjórnarstarfa verði
aukið þannig að yfirkennari og
skólastjóri þurfi ekki að sinna
kennsluskyldu, en geti þess í stað
einbeitt sér að stjórnun skólans. Að
sögn þeirra Arnfinns og Guðjóns er
ótrúlega erfitt að hafa þá yfirsýn yfir
þetta stóran skóla sem raunverulega
þarf og því hafa þeir ennfremur lagt
til að teknar verði upp stöður
árgangastjóra, sem hafi umsjón'með
hverjum árgangi og jafnframt verði
skipaðir sérstakir fagstjórar sem hafi
yfirumsjón með ákveðnum kennslu-
greinum.
6-7. Ráðgefandi aðili varðandi félagsleg
og tilfinningaleg mál verði ráðinn til
skólans, auk þess sem auknu fjár-
magni verði veitt til félagsstarfs við
skólann, en varðandi þetta síðast
nefnda atriði tók Guðjón Einarsson
sérstaklega fram að þessum þætti í
skólastarfinu hefði ekki verið sinnt
■ Fellaskóli í Breiðholti.
sem skyldi í skólunum undanfarin
ár. Þær raddir hefðu heyrst að þetta
væri hrein ónauðsyn, en því sagðist
Guðjón vilja mótmæla harðlega.
Markvisst félagsstarf sem unnið hefði
verið að við skólana hefði gefið mjög
góða raun og nauðsynlegt væri áð efla
þennan þátt skólastarfsins.
Mjög gott samstarf
En hvað segja þeir Arnfinnur og
Guðjón svo um reynsluna af því að
starfa við Fellaskóla, þar sem þeir hafa
báðir verið í þrjú ár, en þeir hafa áður
starfað í þrem mismunandi grunnskól-
Guðjón: - Mín reynsla er sú að mér
hefur fundist það miklu meira gefandi
að starfa við þennan skóla en nokkurn
þann skóla sem ég hef unnið áður við.
Hér fær maður viðbrögð við því sem
verið er að gera og andrúmsloftið er allt
annað.
Arnfinnur: - Við höfum leitast við að
ná til foreldra og fólks í hverfinu og fyrir
nokkru stofnuðum við t.a.m. félag
kennara og foreldra nemenda við
skólann. Mér finnst ég aldrei áður hafa
upplifað jafn gott samstarf og einmitt við
þessa foreldra og þar hefur næstum
engan skugga borið á.
- Hvað með skólann sjálfan er hann
nægilega vel útbúinn og mannaður til
■ Arnfinnur Jónsson skólastjóri og Guðjón Einarsson, yfirkennari í Fellaskóla. Með þeim á myndinni era Áraý Hulda,
Herdís, Kristín, Pálína og Ingibjörg, allar úr 6.bekk E.
'
■
að standa undir nafni sem stærsti
grunnskóli landsins?
Arnfinnur: - Það er áberandi hvað
skólar, ekki’ bara Fellaskóli, eru
vanbúnir tækjum. Það eru gerðar til
okkar ákveðnar kröfur af ýmsum aðilum
úti í þjóðfélaginu, bæði réttlátar og
ranglátar, en það er merkjanlegt að það
verður alltaf erfiðara og erfiðara að
uppfylla þessar kröfur.
Guðjón: - Nú upplifum við t.a.m. að
verið er að setja á fót einkatölvuskóla,
en vitaskyld ætti að sinna þessum þætti
innan þeirra skóla sem eru fyrir. En til
þess læst ekki fjármagn né tæki og því
drögumst við óhjákvæmilega aftur úr. í
þessu sambandi get ég nefnt bæði tölvu-
og myndbandaþróunina, en hvorugu
þessu getum við sinnt þó að ýmsum þyki
það kannski eðlilegt.
Arnfinnur: - Það kemur skólunum
líka ákaflega illa hvað ríkisvaldið býr illa
að Námsgagnastofnuninni. Fjárveiting-
arvaldið skammtar þessari stofnun svo
naumt að henni er ómögulegt að sinna
öllu því sem henni er lögum samkvæmt
ætlað að gera. Ég get nefnt það í
sambandi við myndbandaþróunina að
engum skóla er gert kleift að hafa svona
tæki, en við getum fengið 50 ára
Chaplin-myndir og aðrar álíka myndir
sem fengist hafa gefins frá erlendum
sendiráðum og þcss háttar aðilum.
Guðjón: - Það ætti tvímælalaust að
færa aukin völd inn í skólana, og þar
með talið ákveðið fjárhagslegt vald og
framkvæmdarvald í stað þess að þurfa
að hlýta einhverri miðstýringu úti í bæ.
En það er einhver tregða í kerfinu og
það er hægara sagt en gert að fá þessi
mál í réttar skorður.
Arnfinnur: - En við höfum á afbragðs
starfsliði að skipa hér við skólann og vel
menntuðu. Hér eru viðhöfð mjög vönd-
uð vinnubrögð og það á ekki síst við
um sérkennsluna. Þar sem annars staðar
við skólann er unnið mjög samviskusam-
lega og ég held að við getum sagt' að
árangurinn hafi verið góður, þrátt fyrir
að þörfin fyrir aukið starfslið sé mjög
aðkallandi. -ESE