Tíminn - 21.10.1982, Blaðsíða 3

FIMMTUDAGUR 21. OKTÓBER 1982
Skfðaskólinn f
KerBingarfjöllum
Haust-
skemmtun
á Hótel
Sögu
■ Haustskemmtun Skídaskólans í
. ,
I - >- '. ft ‘S, • -i ■ * ... *♦ • •
«4« >'Vr:4 W» ■•■-. -;%• • *-•••••> ‘ V ,,
’ l*. v ; t # i'*. >• •>;
»*• ■ *fr -., V•;■&:vM<
ú>: ‘ M
fL
VV^Yvte*-
_____ ________________________________________________________1
■ Á þriðja tímanum í gær varð það óhapp á Miklatorgi, þegar bíll frá Agli Vilhjálmssyni h/f var að aka út gosdrykkjum að hluti farmsins hrundi af pallinum
og nokkur þúsund flöskur brotnuðu á götunni. Kalla varð til menn frá hreinsunardeild borgarinnar og tepptist umferð um Miklubraut á annan tíma af þessum sökum.
Tímainynd GE
Alþingi:
LOKS RUKKAÐ UM
BRÁÐABIRGÐALÖG
■ Bráðabirgðalög bar fyrst á góma í
þingsölum á þessu hausti í gær er
Steingrímur Hermannsson sjávarútvegs-
ráðherra mælti fyrir frumvarpi um
olíusjóð fiskiskipa og hækkun fiskverðs.
Með frumvarpinu er leitað staðfesting-
ar Alþingis á bráðabirgðalögum frá 21.
sept. s.l. og er samhljóða þeim. Var það
lagt fram í neðri deild.
Steingrímur rakti í framsögu sinni
vandamál útgerðar sem aukist hafa
mjög á þessu ári vegna aflabrests og þau
átök er urðu síðla sumars er við lá að
allur flotinn yrði stöðvaður, en komið
var í veg fyrir það m.a. með aðgerðum
þeim er bráðabirgðalögin fela í sér.
Ráðherrann vék að mismun á olíuverði
hér og í höfnum Vestur-Evrópu og sagði
að verðið hafi hækkað verulega hérlend-
is, því hækkun dollarans veldur því að
við verðum að greiða hærra verð fyrir
olíu frá Sovétríkjunum, og þeir samn-
ingar sem gerðir voru við breskt
fyrirtæki um olíukaup hefðu síður en svo
reynst okkur hagkvæmir.
Dæmi um áhrif verðhækkunarinnar er
að árið 1973 var olíukostnaður 11% af
aflaverðmæti minni togaranna. í sept í
ár var olíukostnaðurinn kominn upp í
25% af aflaverðmæti.
Þótt þokast hafi í rétta átt er staða
útgerðarinnar enn slæm og lagði ráðherr-
ann áherslu á að ekki væri viðunandi að
reka útgerð með hallarekstri árum
saman eins og verið hefur og þyrfti að
athuga þau má mál á breiðum grund-
velli, en þær ráðstafanir sem nú voru
gerðar eru ekki hugsaðar til frambúðar.
Matthías Bjarnason þakkaði Stein-
grími fögrum orðum fyrir að leggja
bráðabirgðalögin svona snemma fyrir
þingið. Það væri öðru vísi farið með
önnur bráðabirgðalög, sem sé um
efnahagsráðstafanirnar, sem sett hefðu
verið fyrr og rædd alls staðar í
þjóðfélaginu nema á Alþingi. Matthías
talaði lengi um ríkisstjórnina og sjávar-
útveg og endaði mál sitt með því að hann
vildi fá hin bráðabirgðalögin á borð sitt
sem fyrst.
Karvel Pálmason og Vilmundur
Gylfason tóku undir áskorun Matthí-
asar um bráðabirgðalög um efnahags-
ráðstafanir.
Kerlingarfjöllum verður haldin annað
kvöld í Súlnasal Hótel Sögu. Þar koma
saman gamlir og nýir nemendur skólans
til þess að rifja upp gömul kynni og
skemmta sér á Kerlingarfjallavísu. Má
búast við miklu fjöri með söng og dansi
fram eftir nóttu.
Húsið verður opnað kl. 19 fyrir
matargesti og lagið að sjálfsögðu tekið
undir borðum. Aðalfjörið hefst svo um
hálf tíu þegar allir verða drifnir í
kokkinn. Þá verður fjöldasöngur með
Kerlingarfjallasöngvum og einnig sýnd
kvikmynd frá námskeiðunum í sumar.
Einn af nemendum skólans, Kjartan
Ragnarsson, leikari, kemur svo beint af
leiksýningu um miðnættið og flytur
skíðadrápu, sem sló í gegn í fjöllunum í
sumar.
Til þess að tryggja sér borð og miða
ættu menn að koma í dag milli kl. 17-19
á Hótel Sögu í forstofu Súlnasalarins.
Allir nemendur skólans, sem aldur hafa
til, og gestir þeirra eru velkomnir.
Sérstök skemmtun verður fyrir 17 ára
og yngri á sania stað á sunnudagskveld-
ið. Verður hún með svipuðu sniði að
slepptum kvöldmat.
Myndabrengl
■ í Tímanum sl. laugardag birtist grein
eftir Jónas S. Guðmundsson, frétta-
ritara Tímans í Bandaríkjunum, um
áhrif Scandinavia Today á hinn venju-
lega Bandaríkjamann. Með greininni
átti að birtast mynd af greinarhöfundi,
en í þess stað birtist mynd af nafna hans
Jónasi Guðmundssyni, rithöfundi. Eru
þeir beðnir velvirðingar á þessum
mistökum.
Á FUNDUM MEÐ ÞEIM
PÁLI OG STEINGRÍMI
— athugasemd frá Ólafi Ragnari Grfmssyni, þingmanni
■ Léttlyndur blaðamaður á Tímanum
skrifar frétt í blaðið í dag, miðvikudag,
með fyrirsögninni „Ólafur Ragnar í
einkaviðræðum við stjórnarandstöð-
una.“ Síðan er því lýst á dramatískan
hátt að þessi voðalegi Ólafur Ragnar,
sem „er til alls vís“ eins og segir í
fréttinni, hafi setið á alls konar
umræðufundum með stjórnarandstöð-
unni! Blessaður blaðamaðurinn mátti
hins vegar ekki vera að því að spyrja
mig, svo mikið var írafárið. Það var leitt,
því þá hefði ég getað sagt henni að
merkasti fundurinn sem ég sat í gær var
viðræðufundur formanna Framsóknar-
flokksins og Alþýðubandalagsins og
formanna þingflokka þessara flokka, -
og hann var meira að segja haldinn á
skrifstofu Steingríms!.
Og fyrst Tíminn hefur svona gaman
af því að segja frá viðræðufundum
þingmanna þá er sjálfsagt að geta þess
að á þessum fundi okkar fjórmenn-
inganna - Steingríms, Páls, Svavars og
Ólafs Ragnars - var ákveðið að
Steingrímur og Svavar ræddu við
Gunnar Thoroddsen næsta dag og
skýrðu forsætisráðherra frá sameigin-
legri ósk Framsóknarflokksins og Al-
þýðubandalagsins um að nú þegar yrði
gengið til raunverulegra samninga við
stjórnarandstöðuna um hvenær kosning-
ar færu fram.
Við venjulegar aðstæður hefði ég ekki
skýrt frá þessum fundi með Páli og
Steingrími, en vegna fréttarinnar í
Tímanum er slíkt nauðsynlegt.
Þess má geta að við Páll Pétursson
áttum langan fund í gær með formönn-
um þingflokka stjómarandstöðunnar.
Fréttin í Tímanum hefði því frekar átt
að heita „Páll og Ólafur Ragnar í
viðræðum við stjórnarandstöðuna“.
Eða hvers á sómamaðurinn Páll á
Höllustöðum að gjalda að Tíminn vill
fela hlut hans í viðræðunum?
Ég gæti frætt Tímann um fleiri fundi
með Framsókn síðustu dagana. Þar ríkti
góður samstarfsandi, enda eðlilegt að
Framsóknarþingmenn séu hrifnir af
viðræðum við stjórnarandstöðuna því
það var sjálfur formaður Framsóknar-
flokksins sem í síðustu viku var
upphafsmaður að viðræðum við stjórn-
arandstöðuna um kosningar innan sex
mánaða. Og hvar birtist þessi tilkynning
um nauðsyn viðræðna við stjórnarand-
stöðuna? Jú, á forsíðu Tímans!!
Athugasemd frá blaðamanni:
■ Undirrituð ætlar að láta eigið
léttlyndi liggja á milli hluta í örfáum
svarurðum við athugasemd Olafs Ragn-
ars Grímssonar, formanns þingflokks
Alþýðubandalagsins, en benda honum á
nokkur atriði.
Þar er fyrst til að nefna að ÓRG fer
í kring um efni fréttaskýringar minnar
eins og köttur í kring um heitan graut.
Hann forðast að nefna á nafn einkavið-
ræður þær sem hann átti við foringja
stjómarandstöðunnar um helgina, auk
þess sem hann virðist engan greinarmun
gera á einkaviðræðum sínum annars
vegar og formlegum viðræðum á milli
stjórnmálaflokkanna.
Þá vill undirrituð bcnda ÓRG á að
skrif þau sem hann fettir svo mjög
fingur út í í athugasemd sinni, voro birt
undir hausnum „fréttaskýring“ en ekki
undir hausnum „frétt“ eins og ÓRG
nefnir tilskrifln í athugasemd sinni. Þar
að auki er ekki úr vegi að benda ÓRG
á að Tíminn mun sennilega seint leita til
hans þegar fréttamat er annars vegar, og
því verður það að skoðast sem fréttamat
ÓRG, en ekki Tímans, þegar hann
nefnir fund sinn með formönnum
Alþýðubandalagsins og Framsóknar-
flokksins, ásamt formanni þingflokks
Framsóknarflokksins „merkasta fund-
inn“ sem hann sat á þriðjudag. Það voro
ekki fundir ÓRG á þriðjudag sem voro
til umræðu í áðurnefndri fréttaskýringu,
heldur einkafundir hans með stjórnar-
andstööunni um sl. helgi.
Agnes Bragadóttir