Tíminn - 22.10.1982, Blaðsíða 3
FÖSTUDAGUR 22. OKTÓBER 1982
Samkomulagið um óbreytta skipan starfsmanna þings og nefnda
Alþingis:^
„SJALFSTÆÐISMENN HALDA
EKKI ÞETTA SAMKOMULAG”
— segir Páll Pétursson, formaður þingflokks Framsóknarmanna,
eftir að stjórnarandstaðan hefur rutt stjórnarsinnum úr tveimur
nefndarformannsstöðum
■ Formannaskipti hafa ordið í tveim
nefndum neðri deildar og sömuleiðis
voru kjörnir nýir varaformenn. Stjórnar-
liðar voru felldir úr formannssætum og
stjómarandstæðingar kosnir í þeirra
stað. Eggert Haukdal á sæti á báðum
þessum nefndum og réði atkvæði hans
úrslitum í báðum tilvikum. Með þessu
var brotið samkomulag sem formenn
þingflokka Framsóknarmanna og Sjálf-
stæðismanna höfðu gert með sér um
skipan starfsmanna þings og nefnda
skyldi standa óbreytt.
Stefán Valgeirsson var felldur sem
formaður landbúnaðarnefndar og Stein-
þór Gestsson kosinn í hans stað. Árni
Gunnarsson var kosinn varaformaður í
stað Skúla Alexanderssonar. { Allsherj-
arnefnd neðri deildar var Ólafur Þ.
Þórðarson felldur úr formannssæti og
Jósef H. Þorgeirsson kosinn formaður
og Vilmundur Gylfason varaformaður,
en Garðar Sigurðsson gengdi því starfi
áður.
Það kom mjög á óvart að svona var
brugðist við þar sem engar mikilsverðar
breytingar urðu á kosningum til nefnda
í byrjun þingsins nema hvað Eggert
Haukdal var felldur út úr fjár-
veitinganefnd. Að öðru leyti neyttu
stjórnarliðar ekki atkvæðamunar til að
kjósa í nefndir.
„Það var frágengið milli okkar Ólafs
G. Einarssonar, formanns þingflokks
Sjálfstæðismanna, í upphafi þings að
starfsmenn þings og nefnda skyldu vera
óbreyttir að því undanskildu að kosið
skyldi um fulltrúa í fjárveitinganefnd,“
sagði Páll Pétursson formaður þing-
flokks Framsóknarmanna í gær.“ Að
öðru leyti skyldi sjálfkjörið í öll önnur
störf þingsins. í því trausti liðum við
stjórnarliðar áframhaldandi setu Egg-
erts • Haukdal í atvinnumálanefnd
sameinaðs þings þar sem okkur var í lófa
lagið að fella hann út.
Sjálfstæðismenn halda ekki þetta
samkomulag sem við Ólafur G. gerðum
og hafa kosið stjórnarandstæðinga sem
formenn og varaformenn í þeim nefnd-
um sem Eggert á sæti í.
Hins vegar hefur samkomulagið verið
haldið í öðrum nefndum neðri deildar,
þar sem stjórnarandstæðingar eru þó í
meirihluta. Halldór Ásgrímsson for-
maður sjávarútvegsnefndar.
Á fundi sem haldinn var hjá forseta
gekk ég út frá,“ sagði Páll „að öll
embætti þingsins yrðu óbreytt og Ólafur
G. Einarsson mótmælti því ekki. Nú
segir hann hins vegar að hann sé að
halda gamla samkomulagið frá 1980
með því að endurkjósa þá Halldór og
Garðar sem nefndarformenn.
Ef við hefðum ekki treyst á þetta
samkomulag hefðum við heldur valið
hlutkesti er kjörnar voru nefndir í neðri
deild og hefðum náð einhverjum þeirra
með því. í sameinuðu þingi áttum við
alls kostar við að ná meirihluta í öllum
nefndum, en notfærðum okkur það ekki.
Þetta brot á samkomulagi setur
slæman svip á þingstörfin sem fóru
sæmilega af stað og við höfum ekki verið
að stíga ofan á tærnar á stjórnarand-
stöðunni. Við vildum gott samkomulag
og höfum unnið að því að svo mætti
verða og Framsóknarmenn hafa í
hvívetna staðið við sinn hluta samkomu-
lagsins."
Rétt er að rifja upp að eftir síðustu
kosningar var enginn meirihluti í
þingbyrjun þegar nefndir voru kosnar.
Haustið eftir stjórnarmyndunina voru
nefndir þingsins endurskipulagðar. Þá
vildi Gunnar Thoroddsen og hans menn
ekki bjóða fram með Framsóknarflokki
og Alþýðubandalagi og leitaði sérsam-
komulags við Sjálfstæðismenn. Gunnar
stillti þá sjálfum sér upp í nefndir ásamt
ráðherrunum Friðjóni og Pálma og
Albert Guðmundssyni og Eggert Hauk-
dal. Þeir voru þá báðir stuðningsmenn
stjórnarinnar, og hefur nefndaskipan
verið að mestu óbreytt síðan þar til nú
að Eggert hefur látið af stuðningi við
ríkisstjórnina en Albert hefur verið að
linast í stuðningum í lengri tíma. QÓ
Þjóöleikhúsid frumsýnir gaman -
leikinn „Hjálparkokkarnir”:
„Hefur þann til-
gang að skemmta”
— segir Sveinn Einarsson,
Þjóöleikhússtjóri
■ „Þetta er elskulegt og notalegt
leikrit sem hefur þann eina tilgang að
skemmta fólki. Það gerist í milljónera-
húsi í Kaliforníu og fjallar um fúlk sem
stendur í skugganum af heimsfrægu
fólki; það á það sameiginlegt að eiga
einhvern nákominn sem er heims-
frægur.“
Þetta sagði Sveinn Einarsson, Þjóð-
leikhússtjóri, á blaðamannafundi sem
haldinn var í gær vegna frumsýningar á
leikritinu „Hjálparkokkarnir“, eftir
ameríska höfundinn George Furth.
Leikritið verður frumsýnt á stóra sviði
Þjóðleikhússins föstudaginn 29. október
n.k. „The Supporting Cast“ heitir
leikritið á frummálinu og var það
frumsýnt á Broadway í fyrra og fékk
ipjög góðar undirtektir:
Islensk þýðing leikritsins er eftir Óskar
Ingimarsson, leikstjóri er Helgi Skúla-
son, leikmyndin er eftir Baltasar, en
búningana gerir Helga Björnsson, lýs-
mgu annast Kristinn Daníelsson.
Leikendur í þessum gamanleik eru
fimm og fara allir með stór hlutverk:
Edda Þórarinsdóttir, Helga Bachman,
Herdís Þorvaldsdóttir, Margrét Guð-
mundsdóttir og Róbert Arnfinnsson.
„Hreinn gamanleikur“
í frétt Þjóðleikhússins um leikritið
segir: „Hjálparkokkarnir eru hreinn
gamanleikur og tilgangur verksins ein-
ungis að skemmta fólki og koma því í
gott skap í skammdeginu sem fram
undan er. Þess vegna er ekki rétt að gefa
upp allt of mikið af því sem gerist í
atburðarásinni, en forsaga málsins gefur
ef til vill ofur litla hugmynd úm glensið.
Ein persónan, Ellen, hefur alveg óvænt
tekið sig til og skrifað bók sem er í þann
veginn að koma út. Af því tilefni hefur
hún boðið fjórum vinum sínum í
glæsihúsið sitt á Malibuströnd í Kali-
forníu, en það er einmitt í Kaliforníu
■ Frá æfingu á Hjálparkokkunum, leikritinu
eftir viku.
sem frumsýnt verður í Þjóðleikhúsinu
sem fjöllin eiga að flytjast úr stað og
jörðin gengur í bylgjum eins og á
Kröflusvæðinu okkar. Vinirnir mæta
hjá Ellen og hafa mikið fyrir því, en úr
þessari heimsókn verður ekkert þægilegt
matarboð - bókin sér fyrir því. Upphafs
orð bókarinnar eru:
„Mamma sagði mér alltaf að halda
mig að þeim sem voru ofan á í lífinu, en
hefði ég gert það hefði ég aldrei hitt
þessa fjóra vini mína.“ Bókin verkar
eins og minniháttar jarðhræringar á þá
sem aldrei hafa upplifað slíkt; um stund
virðist heimurinn vera að farast og
skelfingin grípur um sig, en - heimurinn
ferst ekki, enginn skaðast og allt
óðagotið verður fáránlegt og hlægilegt. “
-Sjú
FLUTT FISKINN”
„GETUM EKKI
■ - Við höfum heyrt ávæning af þessu
máli og það hefur verið lítillega rætt við
okkur af hálfu þessara þýsku aðila, en
við höfum gert þeim grein fyrir að við
getum ekki tekið þessa flutninga að
okkur, sagði Einar Hermannsson hjá
hinu nýstofnaða skipafélagi Farskip,
sem gera mun út ferju á milli íslands og
meginlands Evrópu, er hann var spurður
hvort skipafélagið gæti flutt ferskan flsk
á markaði í hafnarbæjum Þýskalands.
Eins og fram kom í upplýsingum
Steingríms Hermannssonar í Ttmanum,
þá hefur hann átt viðræður við þýska
útgerðaraðila og fiskkaupmenn, auk
stjórnmálamanna um möguleika á því
að íslendingar geti tryggt þessum aðilum
jafnt og þétt magn af ferskum fiski, gegn
því að íslendingar fengju ákveðið
lágmarksverð fyrir vöruna og slyppu
þannig við fiskuppboðin. Varðandi
þessar vangaveltur um hugsanlegar
fisksölur, hafa þær hugmyndir vaknað
að nýja ferjan, sem hefja mun áætlunar-
siglingar á milli íslands og Bremerhaven
næsta sumar gæti annað þessum flutn-
ingum að einhverju leyti og jafnvel flutt
fiskinn að einhverju leyti verkaðann í
kæligámum
Einar Hermannsson hjá Farskip sagði
í samtali við Tímann að ferjan væri fyrst
og fremst ferð fyrir farþega- og
bílaflutninga og það væri lítið spennandi
fyrir þá að fara út t fiskflutninga. Bæði
myndi rými skipsins nýtast mun verr og
eins væri ekki verjandi að halda úti
slíkum' siglingum á Atlantshafinu á
vetrum. Einar sagði að eðlilegra væri að
skipafélögin sem fyrir væru í landinu
aðlöguðu siglingar stnar þessum nýju
þörfum.
Ferja Farskips sem sigla mun undir
nafninu Edda verður í áætlunarferðum
á tímabilinu frá því í lok maí, fram til
20. september og sagði Einar að skipið
væri um 78oo brúttólestir að stærð op
gæti flutt 150-170 bíla. -ESE
Varðskýli reist
vid innkeyrslur
A næstunni er væntanlegur til
landsins 40 tonna gámalyftari sem
Eimskip hefur fest kaup á. Er lyftari
þessi keyptur vegna nokkurra breytinga
á aðstöðu og vinnuháttum hjá vöruaf-
grciðslu Eimskips við Sundahöfn.
Þegar hinn nýi lyftari verður tekinn í
notkun mun umferð stórra lyftara á
svæði Eimskips í Sundahöfn leggjast
niður að mestu leyti en lyftararnir verða
þess í stað notaðir til að lyfta og flytja
gáma minni vegalengdir, svo og við
afgreiðslu. Jafnframt þessu verður
önnur umferð um svæðið takmörkuð við
flutningatæki viðskiptamanna og Eim-
skips og annarra sem eiga brýnt erindi
inn á svæðið. Vcrður í þessu skyni
komið upp tveim hliðum við aðkeyrsl-
urnar að Sundahöfn og verður hliðvarsla
þar allan sólarhringinn.
Eiga þessar breytingar að stuðla að
bættri þjónustu og betra skipulagi innan
athafnasvæðis Eimskips, jafnframt því
sem þær eiga að stuðla að stórauknu
öryggi á svæðinu.
-ESE
„Átt þú
barn í
um-
ferðinni”
■ „Reynsla undanfarinna ára hefur
sýnt okkur að jafnan rís gífurleg
slysaalda í umferðinni í svartasta
skammdeginu. Þess vegna höfum við
gefið út þennan límmiðá til að minna á
börnin í umferðinni," segir í frétt frá JC
Vík í Reykjavík.
Á morgun, 23. október, er JC
dagurinn og í tilefni af honum hefur
verið ákveðið að dreifa 10.000 límmið-
um sem bera yfirskriftina „Átt þú barn
í umferðinni?“. Miðinn er ætlaður á
afturrúðu bifreiða og vonast JC félagar
til að ökumenn taki við honum og komi
honum fyrir eins og til er ætlast.
Ferða-
kynning
á Esju-
bergi
■ Esjuberg verður með ferðakynningu
og skemmtun tileinkaða ferðum til
Puorto Ricó og Jómfrúreyja í Karabíska
hafinu laugardagskv. 23. okt. og í hádegi
sunnudaginn 24. okt.
Á boðstólum eru Ijúffengir réttir að
hætti Jómfrúreyja. Matseðillinn er
karabískt túnfisksalat, suðræn sælkera-
steik, kókoshnetuís og börnin fá ókeypis
hamborgara. Hljómsveitin Starlights
frá Jómfrúreyjum leikur fyrir matargesti
og í Vídeóinu verða kvikmyndir frá
Karabíska hafinu.
Skálafell verður opið laugardags og
sunnudagskvöld Haukur Morthens og
hlómsveitin Starlights skemmta.
Farþegum
frá Hollandi:
Fjölgað
um
11.6%
■ Þó að farþegum frá meginlandi
Evrópu til íslands hafi fækkað í sumar
þá fjölgaði farþegum frá Hollandi um
11.6%. Þetta kom fram á fundi sem þeir
Halldór Sigurðsson, markaðsstjóri Arn-
arflugs og Stefán Halldórsson, markaðs-
fulltrúi héldu með fréttamönnum í gær.
Sagði Halldór að þeir Arnarflugs-
menn þökkuðu þessa farþegaaukningu
því að mikil áhersla hefði verið lög- á
íslandskynningu í Hollandi, þá greindi
Halldór frá því að Arnarflug hefði nú
skipulagt stuttar haust- og vetrarferðir
frá Amsterdam til íslands og greindi
hann frá því að þegar hefðu selst um 200
sæti í þessar ferðir, þó að skammt væri
síðan sala í þær hefði hafist.
- AB
Guðjón rangfeðraður
■ Þau leiðu mistök áttu sér stað í
viðtali við yfirmenn Fellaskóla í Breið-
holti um sérkennslu í skólanum, að
Guðjón yfirkennari var sagður Einars-
son. Það er alrangt, en hið rétta er að
Guðjón er og hefur verið Ólafsson. Eru
hlutaðeigandi beðnir velvirðingar á
þessum mistökum.