Tíminn - 28.10.1982, Blaðsíða 7
FIMMTUDAGUR 28. OKTÓBER 1982
7
erlent yfirlit
■ HINN nýi utanríkisráðherra Svía,
Lennart Bodström, hefur þegar vakið á
sér athygli. Hann gerði það á eftirminni-
legan hátt, þegar hann flutti jómfrúræðu
sína í almennum umræðum á þingi
Sameinuðu þjóðanna.
Henni var strax mótmælt af aðstoðar-
sendiherra Bandaríkjanna hjá Samein-
uðu þjóðunum, Kenneth Adelman.
Einnig mótmæltu sendiherrar Póllands
og Tyrklands.
Bandaríski fulltrúinn ceiddist vegna
þess, sem Bodström hafði sagt um
ástandið í Mið-Ameríku. Bodström lét
svo ummælt, að fjarstætt væri að halda
því fram, að bændur og verkamenn í
Nicaragua, E1 Salvador og Guatemala
hefðu risið upp vegna þess, að erlent ríki
hefði hvatt þá til þess. Hitt er hins vegar
ótvírætt, sagði Bodström, að Bandarík-
in styðja í Mið-Ameríku einræðisstjóm-
ir, sem riða til falls.
Kenneth Adelman lét svo ummælt í
svarræðu sinni, að ummæli sænska
utanríkisráðherrans um ástandið í Mið-
Ameríku hefði bæði verið röng og
móðgandi. Síðan lýsti hann undrun sinni
yfir því, að ríki eins og Svíþjóð, sem
létist bera mannréttindi fyrir brjósti,
veitti Víetnam árlega 50 milljónir
dollara óendurkræfan styrk, þótt stjórn-
arherrarnir í Víetnam bæði kúguðu sitt
eigið fólk og gerðu sig seka um
stórfelldan yfirgang í Kampútseu og
Laos.
Bodström svaraði því, að hann hefði
ekki verið að gagnrýna Bandaríkin,
heldur aðeins verið að segja frá þeim
staðreyndum, að ótraustar einræðis-
■ Bodström virðist ætla að verða eftirlætisgoð blaðateiknara. Myndin er úr Dagens
Nyheter.
Bodström hefur þegar
vakið á sér athygli
Þrjú ríki mótmæltu jómfrúræðurmi
stjómir í Mið-Ameríku misnotuðu sér
framlög Bandaríkjanna til að viðhalda
kúgun og ófrelsi.
f ræðu sinni gagnrýndi Bodström
einnig harðlega ofríki og ofbeldi, sem
verkalýðssamtök hefðu verið beitt í
Póllandi og Tyrklandi. Sendiherrar
þessara ríkja mótmæltu strax þessum
ummælum. Pólski sendiherrann kvaðst
undrast yfir að fulltrúi nágrannaríkis
skyldi viðhafa slík ummæli.
Þá gagnrýndi Bodström einnig fram-
ferði ísraelsmanna í Líbanon. Sendi-
herra ísraels lét það kyrrt liggja enda
orðinn vanur að heyra slíka gagnrýni,
því að nær undantekningarlaust allir
þeir, sem þátt tóku í almennu umræðun-
um höfðu látið slíka gagnrýni í ljós.
Sovétríkin og Suður-Afríka sluppu
ekki heldur við gagnrýni Bodströms.
Hann átaldi harðlega framferði Rússa í
Afganistan.
ÞAÐ VAKTI nokkra undrun, þegar
Olof Palme tilkynnti, að hann hefði
valið Lennart Bodström í utanríkisráð-
herraembættið. Ástæðan var einkum sú,
að Bodström hefur aldrei verið yfirlýstur
flokksbróðir Palmes. Hann gekk fyrst í
flokkinn eftir að hann varð ráðherra.
Bodström er þó ekki gagnrýndur fyrir
þetta. Það hefur verið opinbert leyndar-
mál, að hann hefur jafnan kosið
sósíaldemókrata. Þá vakti það umtal á
síðastliðnu sumri, að Bodström var
ákveðið fylgjandi launþegasjóðunum
svonefndu, sem var helsta deilumálið í
kosningabaráttunni.
Þótt menn ættu ekki von á, að Palme
skipaði Bodström í embætti utanríkis-
ráðherra, hefur það ekki mælzt illa fyrir.
Bodström hefur unnið sér mikið álit sem
formaður í samtökum opinberra starfs-
manna, sem ganga undir skammstöfun-
inni TCO. Hann hefur vegna þessa starfs
tekið mikinn þátt í alþjóðlegum samtök-
um og mótum og unnið sér traust á því
sviði. T.d. hefur hann verið einn af
fulltrúum sænsku launþegasamtakanna
hj á Efta og OECD. Hann hefur þar látið
viðskipta- og efnahagsmál til sín taka og
mun það ekki sízt ástæðan fyrir því, að
utanríkisverzlunin hefur verið lögð
undir utanríkisráðuneytið.
Þá hefur Bodström tekið mikinn þátt
í starfsemi alþjóðlegra verkalýðssam-
taka, t.d. Norðurlandasamtakanna og
Evrópusamtakanna. Hann hefur um
hríð átt sæti í stjórn Alþjóðsambands
frjálsra verkalýðssamtaka.
■ Palme og Bodström.
BODSTRÖM er 54 ára að aldri,
fæddur í Gautaborg 1928. Hann lauk þar
háskólaprófi í þjóðfélagsfræðum 1961
og gerðist síðan lektor í þeirri fræðigrein
við háskólann. Því starfi gegndi hann þó
ekki lengi. Hann gekk í þjónustu TCO
og hefur unnið þar síðan, enda hlaut
hann þar sívaxandi frama. Árið 1970 var
hann kosinn formaður samtakanna. Á
síðastliðnu sumri var hann endurkosinn
til sex ára.
TCO hefur vaxið mest allra sænskra
launþegasamtaka í stjómartíð Bod-
ströms, enda meiri fjölgun orðið í stétt
opinberra starfsmanna en öðrum stétt-
um. Bodström hefur þótt reynast
traustur stjórnandi, einbeittur, en þó
laginn. Hann þykir starfsmaður í bezta
lagi.
Þeir Bodström og Olof Palme hafa
verið góðkunningjar um langt skeið.
Líklegt þykir að Pálme hafi valið hann
í utanríkisráðherraembættið vegna þess,
að skoðanir þeirra fara saman og Palme
treysti Bodström öðrum betur til að
fylgja þeim fram. Palme mun vafalaust
ætla sér að hafa hönd í bagga við mótun
utanríkisstefnunnar og það hefur Bod-
ström vafalaust gert sér ljóst áður en
hann tók við embættinu.
Skipun Bodströms í embætti utanrík-
isráðherra skapar sósíaldemókrötum
visst vandamál. Það er nefnilega alveg
óráðið hver eftirmaður hans verður sem
formaður TCO. Sósíaldemókratar eru
alls ekki vissir um að geta ráðið því.
Fyrir þá væri það nokkurt áfall, ef valið
félli á mann, sem heyrði til einhverjum
borgaralegu flokkanna. Ef til vill verður
reynt að leita að manni, sem allir flokkar
geta sætt sig við, en það gilti um
Bodström áður en hann gerðist ráð-
herra.
Meðan Palme var í stjórnarandstöðu
lét hann alþjóðamál verulega til sín taka.
Hann var. formaður sérstakrar alþjóð-
legrar nefndar, sem fyrr á þessu ári
skilaði merku áliti um afvopnunarmál.
Framkvæmdastjóri Sameinuðu þjóð-
anna fól honum að reyna að koma á
sáttum milli íraks og írans. Eflaustlætur
hann ekki minna til sín taka á þessu sviði
eftir að hann er orðinn forsætisráðherra.
Palme og Bodström eiga vafalítið eftir
að koma verulega við sögu alþjóðamála
næstu árin.
Þórarinn Þórarinsson,
ritstjóri, skrifar
Forstöðukona
Ölfushreppur óskar eftir að ráða forstöðukonu við
leikskólann í Þorlákshöfn.
Fóstrumenntun áskilin.
Umsóknarfrestur er til 30. okt. n.k.
Æskilegt er, að viðkomandi geti byrjað sem fyrst.
Allar nánari upplýsingar veitir undirritaður í síma
99-3800 og 99-3895.
Sveitarstjóri Ölfushrepps.
Kjarnaborun
Tökum úr steyptum veggjum fyrir hurðir, loftræstingu, glugga,
og ýmisskonar lagnir, 2", 3", 4", 5", 6" og 7" borar.
HLJÓÐLÁTT OG RYKLAUST. Fjarlægum múrbrotið, önnumst
ísetningar hurða og glugga ef óskað er. Hvert á land sem er.
Skjót og góð þjónusta.
Kjarnaborun sf.
Símar 38203-33882
Raflagnir
Fyrsta flokks
þjónusta
Ef þú þarft að endurnýja, gera við, bæta við
eða breyta raflögnum, minnir Samvirki
á þjónustu sína með harðsnúnu liði rafvirkja,
sem ávallt eru tilbúnir til hjálpar.
samvirki
SKEMMUVEGI 30 - KÓPAVOGI - SÍMI 44(566
Laus staða
Staða skólastjóra Lelklistarskóla Islands er laus til umsóknar.
Samkvæmt 3. gr. laga um Leiklistarskóla Islands skal skólastjóri
„settur eða skipaður af ráðherra til fjögurra ára í senn“ og miðast
ráðningartími við 1. júní, en gengið skal frá ráðningu hans fyrir 1.
febrúar. „Skólastjóri getur sá einn orðið, sem öðlast hefur menntun
og reynslu I leiklistarstörfum".
Laun samkvæmt launakerfi rlkisstarfsmanna.
Umsóknir, ásamt upplýsingum um menntun og starfsreynslu, sendist
Menntamálaráðuneytinu, Hverfisgötu 6, fyrir 10. desember n.k.
Menntamálaráðuneytið
25. október 1982
Við köllum hann
Hann er framleiddur úr stáli og er með stillanlegu sæti og baki.
Þegar hann er ekki f notkun, þá geymirðu hann samanbrotinn.
Tilvalinn á verkstæðið, teiknistofuna og hvar sem þú þarft að
tylla þér. Sendum í póstkröfu.
_ rm
H "SM S ^/^.. VÉLAVERSLUN
Ármúli 8, 105 Reykjavík. S: 8-5840
TYLLISTÓLINN