Tíminn - 29.10.1982, Blaðsíða 3

FÖSTUDAGUR 29. OKTÓBER 1982
fréttir
Hagnaður ÍSAL síðastlidin sex ár samkvæmt lokaskýrslu Coopers & Lybrand:
536 MILUÚNUM MEIRI EN
BÓKHALD GAF TIL KYNNA!
- Endurmeta má framleiðslugjald á ÍSAL samkvæmt nýju lögfræðiáliti
■ Yfirverð á aðföngum til ísal árin
1975-81 er samtals um 31.5 miUj.
dollara. Þar af er yfirverð á súráli 17.6
millj. dollarar og á rafskautum 13.8
millj. dollarar. Endurskoðunarfyrir-
txkið Coopers & Lybrand hefur skUað
fyrirvaralausum niðurstöðum tU iðn-
aðarráðuneytisins og er endurskoðun
þar með að fullu lokið. Skýrslurnar eru
dagsettar 7. okt. s.l.
Þetta kom fram í ræðu Hjörleifs
Guttormssonar iðnaðarráðherra á Al-
þingi í gær, er rædd var tillaga
sjálfstæðismanna um skipun nefndar til
viðræðna við Alusuisse, þar sem ráð er
fyrir gert að samningar um raforkuverð
og annað varðandi samskipti íslenskra
stjórnvalda og Alusuisse verði ekki
lengur í höndum iðnaðarráðherra og
álviðræðunefndar, heldur sérstakrar
þingskipaðrar nefndar.
Iðnaðarráðherra sagði einnig að við
endurskoðun á ársreikningum fyrir árin
1980 og 1981 hafi reikningar ísal
ennfremur verið leiðréttir vegna af-
skrifta um samtals 4.4. millj. dollara.
Samkvæmt mati Coopers & Lybrand
hafi hagnaður ísal verið um 35.8 millj.
dollara meiri en bókhaldið hafi gefið til
kynna. Á gengi 15. okt. s.l. jafngildir
þetta 536 millj. ísl. kr.
Ef tímabilið 1975-80 er skoðað
sérstaklega kemur í ljós að vantalinn
hagnaður nemur því sem næst sömu
upphæð og allar raforkugreiðslur lsal til
Landsvirkjunar á sama tímabili, eða
32.2 millj. dollarar í raforkugreiðslur á
móti 32.9 millj. dollara í vantalinn
hagnað. Niðurstaðan er sú að ísal hefði
getað greitt tvöfalt hærra raforkuverð án
þess að sú hækkun hefði þurft að hafa
áhrif á bókhaldslega afkomu fyrir-
tækisins.
Lögfræðiálit
Óvissa hefur ríkt um hvort ís-
lendingar geti krafist réttar síns vegna
yfirverðs á fyrrgreindu tímabili, þar sem
ekki hefði farið fram sérstök endurskoð-
un á þeim árum. En nú liggur fyrir traust
lögfræðiálit, sem tekur af öll tvímæli um
að endurmeta megi framleiðslugjald á
ísal. Samkvæmt lauslegu mati gæti
viðbótarskattur í formi framleiðslu-
gjalds numið um 6 millj. dollurum eða
nær90 millj. ísl. kr.
Framleiðslugjald hefur numið um 9
millj. dollurum á tímabilinu, svo að
samkvæmt þessu er um 65% hækkun að
ræða. Niðurstöður sérfræðinga benda til
mun hærra yfirverðs á aðföngum, ekki
síst rafskautum.
Hjörleifur var harðorður í garð
Alusuisse og sagði að engar viðræður
hafi farið fram síðan í maí og
samningsvilii enginn af hálfu auð-
hringsins. íslendingum væri skylt að
sækja rétt sinn eftir þeim leiðum sem
fullvalda ríki eru tiltækar og tíminn til
samninga væri að renna út og hlytu
einhliða aðferðir að vera á dágskrá fyrr
en varir.
Óþolandi raforkuverð
Birgir ísleifur Gunnarsson mælti fyrir
tillögu sjálfstæðismanna og rakti gang
mála síðustu ár um viðskiptin við
Alusuisse og sagði iðnaðarráðherra vera
í sífelldum bófahasar við fyrirtækið en
hefði týnt niður aðalatriði málsins, sem
'væri hækkun á raforkuverði. Hefði hann
lagt alla áherslu á skattamál og væri
málið allt í eins vonlausri stöðu og hægt
væri að hugsa sér. Yrði því að taka það
úr höndum ráðherra.
Guðmundur G. Þórarinsson sagði
óþolandi að islendingar fái aðeins um
6.5 mill fyrir orkueiningu frá álverinu á
meðan meðalverð í löndunum kringum
okkur væri þrisvar sinnum hærra. Um
viðræðurnar sagði hann að framkoma
Alusuisse væri þannig að forystumenn
þess virtust engan áhuga hafa á að leysa
málin og semja við íslendinga, en draga
alla umræðu á langinn, en meginhags-
munir okkar væru að fá orkuverðið
hækkað.
Ef ekki semst sagðist Guðmundur
ekki vilja útiloka þann möguleika að
íslendingar hækki raforkuverðið em-
hliða, þótt vonandi þyrfti ekki til þess
að koma. Hann kvaðst þeirrar skoðunar
að einfalda yrði ákvæði um skatt-
greiðslur til að erfiðara væri að koma við
undanbrögðum.
Hann taldi tillöguna um nefndarskip-
an óheppilega og ekki þjóna íslenskum
málstað, þar sem við þurfum að sýna
sem besta samstöðu um málið allt út á
við. O.Ó
Rádist á
lögreglu-
þjón
í gær-
kvöldi
■ Ráðist var á gangandi lögregluþjón
í Breiðholti milli kl. níu og tíu í
gærkvöldi og hann þannig leikinn að
flytja varð hann á Slysavarðstofu. Var
m.a. talið að hann væri nefbrotinn, en
rannsókn þar var ekki lokið þegar
Tíminn ræddi við lögregluna. Lögreglu-
þjóninn, sem um þessar mundir er nemi
í lögregluskólanum, var á gangi í Skógar-
seli þegar fjórir unglingar réðust á hann
og slógu m.a illa í andlit.
Rannsókn málsins var á frumstigi
þegar Tíminn ræddi við lögregluna í
gærkvöldi. Tveir piltanna - um 15 ára
gamlir - náðust fljótlega, en hinir tveir
voru þá ófundnir. Um ástæður árásar-
mannanna fyrir árásinni var ekki vitað,
en einna helst álitið að þeir hafi talið sig
eiga lögreglunni eitthvað grátt að gjalda.
- HEI
Athugasemd
vid ummæli
forstöðu-
manna Al-
mannavarna
■ í tilefni ummæla forstöðumanns
Almannavarna ríkisins í fjölmiðlum um
frétt Tímans s.l. þriðjudag um flugslysa-
æfingu á Keflavíkurflugvelli, þar sem
birting fréttarinnar er gagnrýnd, er rétt
að upplýsa eftirfarandi:
1. Frétt þessi var birt í fullu samráði
við áðurnefndan forstöðumann og með
samþykki hans.
2. Dreifing þriðjudagsblaðs Tímans til
kaupenda og söluaðila hófst ekki fyrr en
eftir klukkan sex um morguninn. Hafi
einhverjir fengið umrætt tölublað til
lestrar fyrr, hafa þeir hinir sömu orðið
sér úti um blaðið eftir öðrum leiðum.
-Ritstjúri.
■ Gömul möstur voru fjarlægð af þaki Pósts og símahússins við Austurvöll í
gærmorgun. Að sögn Sigurðar Þorkelssonar, yfirverkfræðings Pósts og síma voru
möstrin orðin ryðguð og úr sér gengin, enda orðin mjög gömul. Að auki mun
flugmálastjóri hafa kvartað yfir að möstrin kynnu að vera hættuleg flugumferð.
Þau voru beint í stefnu á eina flugbrautina á Reykjavíkurflugvelii. Tímamynd GE
Prentarar
með lausa
samninga
— frá 1. desember næstkomandi
■ „Við ákváðum að segja upp kaup-
liðum kjarasamninganna frá og með 1.
desember n.k.“, sagði Þórir Guðjóns-
son hjá Félagi bókagerðarmanna eftir
stjórnar - og trúnaðarráðsfundi í
félaginu í gær. En fyrri uppsögn
félagsins var sem kunnugt er dæmd ógild
af Félagsdómi í gær.
„Dómurinn fer að okkar mati út á
ansi vafasama braut og manni virðist
ýmislegt stangast þar illilega á“, sagði
Þórir og vitnaði orðrétt í forsendur
varðandi hið umdeilda ákvæði í
samningum bókagerðarmanna um heim-
ild til uppsagnar samninga. Þar segir:
„Verður merking hins umrædda
samningsákvæðis túlkuð á þá leið að
hvor samningsaðili um sig hafi mátt
segja upp kaupliðum kjarasamningsins
hvenær sem var frá setningu bráða-
birgðalaganna með minnst mánaðar
fyrirvara, þannig að samningar yrðu
lausir að þessu leyti í fyrsta lagi frá og
með 1. des. 1982. Leiðir þessi skýring til
þeirrar niðurstöðu að dæma ber upp-
sögn stefnda á kaupliðum framan-
greindra kjarasamninga ólögmælta og
því ógilda".
„Þetta finnst okkur alveg óskiljanleg
vitleysa í dómnum. Ur því að þeir
komust að þessari niðurstöðu, því í
ósköpunum voru þeir þá að dæma
uppsögnina ógilda þegar hægast hefði
verið fyrir þá, og eðlilegast, að
framlengja uppsögnina, þ.e. að hún tæki
ekki gildi fyrr en frá og með 1. desember
n.k., í stað þess að dæma hana ógilda",
sagði Þórir. „það er alveg forkastanlegt
að alþýðusamtök þessa lands skuli eiga
þarna fulltrúa sem fæst til að skrifa undir
svona dóm“.
Aðspurður kvað Þorsteinn Pálsson,
framkvæmdastjóri VSÍ ekki skjóta
nýákveðinni uppsögn bókagerðar-
manna til félagsdóms. Hún sé alveg í
samræmi við forsendur dómsins.
- HEI
Áskrifendagetraun
Tfmans:
DREGIÐ VERÐUR
Á FIMMTUDAG!
Getraunasedillinn endurbirtur
á morgun
■ Dregið verður í fyrsta sinn af
fjórum í áskrifendagetraun Tímans
næstkomandi fimmtudag um glæsi-
legan húsbúnaðarvinning að verðmæti
25 þúsund krónur.
Þeir, sem vilja taka þátt í getraun-
inni frá byrjun, verða því að gerast
áskrifendur að blaðinu í síðasta lagi á
fimmtudaginn.
í Tímanum á morgun, laugardag,
verður getraunaseðillinn endurbirtur,
fyrir þá áskrifendur, sem ekki hafa
þegar sent útfylltan seðil til blaðsinsog
þá nýju áskrifendur, sem vilja vera
með.
Það eru glæsilegir vinningar í boði í
áskrifendagetraun Tímans. Gerist á-
skrifendur að Tímanum og takið þátt
í getrauninni.