Tíminn - 02.11.1982, Blaðsíða 6

6
ÞRJÐJUDAGUR 2. NÓVEMBER 1982.
stuttar fréttir
■ Forseti tslands. Vigdís Finnbogadóttir veitti 36 dróttskátum forseta-
merki í Bessastaðakirkju s.l. laugardag.
Forsetinn er verndari skátahreyfingarínnar og forsetamerkið er æðsta
verkefnisgráða sem dróttskátar geta unnið til. Forsetamerki er veitt árlega,
ávallt í október á haustin. til að öðlast það þurfa skátar að skila vissu
þjónustuverkefni, sem tekur tvö ár og felst m.a. í því að vera foringjar yngrí
skáta, halda nákvæma dagbók um starfið og ýmislegt annað.
Tímamynd Ella
Um 30.000
kr. ágóði af
vinnuvöku
í Skagafirði
■SKAGAFJÖRÐUR: Samband
skagfirskra kvenna hélt sína vinnu-
vöku í Húsmæðraskólanum á Löngu-
mýri með þátttöku allra 14 kvenfé-
laganna á sambandssvæðinu. Hófst
vakan kl. 20.00 á föstudagskvöld og
stóð óslitið til kl. 15.00 á sunnudag
24. október og var unnið sleitulaust
í glöðum hópi. Nokkrar konur vöktu
af heila nótt, aðrar skiptust á að vaka
og margar tóku þátt í vökunni báða
dagana en einnig bárust góð aðföng
í mat, hannyrðum og listmunum.
Á messutíma sunnudagsins var
helgistund í kapellu Löngumýrar-
skólans, en síðan hófst kaffisala og
basar. Komu um 170 manns til að
styrkja hið góða málefni, kaupa
eigulega muni og drekka sunnudag-
skaffið. Nam ágóðinn 30.000 króna
og rennur hann óskiptur til Bygg-
ingarsjóðs dvalarheimila aldraðra,
sem reist verða á þremur stöðum í
héraðinu: Á Sauðárkróki í tengslum
við Sjúkrahús Skagfirðinga, á Hofs-
ósi og í Varmahlíð.
-Á.S./Mælifelli.
Toledo
vogir aftur
til íslands
■ Nýlega gekk ísvog hf. frá samn-
ingum við framleiðendur Toledo-
voga í Bandaríkjunum um að taka
að sér umboð fyrir vogir þessar á
íslandi. Hefur Toledo-umboð ekki
verið hér á landi í rúman áratug og
hafa því fjölmargir verslunareigend-
ur þurft að fá varahluti í verslunarvog-
ir sínar erlendis frá.
Toledo- fyrirtækið mun vera eitt
elsta sinnar tegundar í heiminum í
dag og að sögn Guðlaugs Hermanns-
sonar, eiganda ísvogar, hefurToledo
nú 'umboð í yfir 100 löndum víðs
vegar um heiminn. Guðlaugur sagði
að mikið magn eldri voga frá Toledo
væri fyrir í landinu og því hefði það
verið brýnt að fá viðgerðar- og
umboðsþjónustuna inn í landið aftur.
Fyrsta daginn sem ísvog hf. bauð
upp á hinar nýju vogir, seldust tíu
stykki, en alls hefur fyrirtækið selt
um 170-180 vogir af ýmsum stærðum
og gerðum frá því að það var sett á
laggirnar fyrir um tæpu ári síðan.
Stærsta vogin sem selst hefur *er 60
tonna rafeindavog fyrir vörubíla, en
auk þess hefur ísvog hf. selt tvo
bandartska slökkviliðsbíla norður í
land.
-ESE
Polaris hf.
í nýtt
húsnæði
1 Polaris hf., sem undanfarin ár
hefur aðallega annast sölu á farseðl-
um fyrir Pan American flugfélagið,
hefur nú breytt rekstrinum meira yfir
í almenna ferðaskrifstofu í endur-
bættu og stærra húsnæði að Banka-
stræti 8 í Reykjavík.
Ferðaskrifstofa Polaris annast alla
almenna ferðaþjónustu s.s. farpant-
anir og farseðlaútgáfu, hótelpantan-
ir, lesta- og rútupantanir, svo og
bílaleigupantanir fyrir einstaklinga
og hópa.
Ferðaskrifstofan tengist ALEX
farpöntunartölvu Flugleiða h.f. og
hefur jafnframt aðgang að bókunar-
kerfi Pan Am, sem áhersla er lögð á
að hafa samband við um allan heim.
Framkvæmdastjóri hefur verið
ráðinn Pétur Már Helgason og aðrir
starfsmenn eru frú Ulla Bertelsen,
sem unnið hefur fyrir söluumboð
Pan Am frá upphafi og Brynja
Runólfsdóttir er starfar beint við
ferðamálin.
HEI
lenska sjó-
réttarfélag”
stofnað
■ Nýlega var gengið frá stofnun
félags áhugamanna um sjórétt og ber
það nafnið „Hið íslenska sjóréttar-
félag." Hlutverk félagsins er að efla
íslenskan sjórétt sem fræðigrein og
auka áhuga á greininni og kynna
hana.,
Félagið hyggst m.a. ná markmiði
sínu með því að efla útgáfu fræðirita
í sjórétti, leita eftir tengslum við
erlenda fræðimenn og stofnanir, sem
tengjast sjórétti og stuðla að eflingu
greinarinnar innan Háskóla íslands.
Félagið mun starfa sem deild í
Alþjóðlegu sjóréttarnefndinni, sem
hefur höfuðstöðvar sínar í Antwerp-
en.
Þjóðarátak gegn krabbameini:
HVER (SLENDINGUR
GAF UM 55 KRÓNUR
■ „Hver íslendingur gaf að meðaltali
55 krónur og það verður að teljast
stórkostlegur árangur,“ sagði Eggert
Ásgeirsson, formaður framkvæmdar-
stjórnar Landsráðs gegn krabbameini,
þegar Tíminn spurði hann hvernig
söfnunin hefði gengið á laugardaginn.
Alls komu inn á laugardaginn
12.809.000 krónur eða 55 krónur á hvert
mannsbarn í landinu. í Reykjavík
söfnuðust 4.403.000 krónur sem þýðir 52
krónur á mann. Reyknesingar gáfu að
meðaltali 42 krónur eða 2.198.000 alls.
Á Vesturlandi söfnuðust 933.000 krónur
sem þýðir að hver gaf 62 krónur að
meðaltali. Vestfirðingar gáfu einnig 62
krónur að meðaltali eða 648 þúsund alls.
596 þúsund krónur söfnuðust á Norðurl-
andi-Vestra og jafngildir það 56 krónum
á mann. Á Norðurlandi-Eystra komu
inn 1.416.000 krónur eða 55 krónur á
mann. Austfirðingar reyndust örlátastir
í söfnuninni á laugardaginn. Peir gáfu
alls 855 þúsund en það jafngildir 66
krónum á mann. Sunnlendingar gáfu
1.102.000 krónur sem gerir 56 krónur á
mann að meðaltali. Söfnuninni bárust
658 þúsund krónur frá hinum og þessum
sem ekki er hægt að staðsetja. Alls er
hér um að ræða 12.809.000. þúsund
krónur þar af fóru 3.20% í kostnað svo
eftir standa 12.399.000 krónur sem
óskiptar renna til byggingar á nýrri
krabbameinsleitarstöð við Hvassaleiti í
Reykjavík. Teikningar af fyrsta áfanga
stöðvarinnar liggja þegar fyrir og búist
er við að hægt verði að ljúka byggingu
áfangans sumarið 1984, eða eftir tæp tvö
ár.
Að sögn Eggerts Ásgeirssonar voru
nokkrir hreppar og sveitarfélög sem
sérstaklega skáru sig úr hvað varðar
framlög íbúanna til söfnunarinnar. í því
sambandi nefndi hann Öxnadalshrepp,
en þar gaf hver íbúi að meðaltali 189
krónur. Hvert mannsbarn á Laugum í
Þingeyjarsýslu gaf 174 krónur. Bakkfirð-
ingar gáfu 116 krónur hver, Reyðfirðing-
ar 107 krónur og Grímseyingar 106
krónur. Önnur byggðalög skiluðu minna
en 100 krónum á mann.
Loks nefndi Eggert að söfnuninni
væru enn að berast framlög. T.d. hefði
útgerð og áhöfn mb. Ófeigs VE 325
gefið andvirði 20 tunna af síld.
Sjó
■ Tekið á móti söfnunarfé í cinni
hverfaskrífstofanna í Reykjavík á laug-
ardaginn.
Túiiamynd: Ari
■ „Hver íslendingur gaf að meðaltali
55 krónur og það verður að teljast
stórkostlegur árangur.“
Tímamynd: Ari
Könnun Neytendasamtakanna:
SS hamborgarar
komu verst út
■ „Spurningin um hvað er betra eða
hvað er best hlýtur alltaf að verða
matsatriði“, sagði Jón Friðjónsson,
framleiðslustj. hjá Sláturfélagi Suður-
lands m.a., er Tíminn ræddi við hann
vegna nýframkvæmdrar gæðaprófunar
á hamborgurum. Peir þrír staðir sem þar
urðu neðstir á blaði í mælingum á
næringargildi - sem metið var út frá
hlutfalli hvítu og fitu í kjötinu - kaupa
allir hamborgara sína frá Sláturfélaginu.
„Þegar nokkrir veitingamenn hófu að
kaupa af okkur hamborgara fyrir ekki
svo löngu síðan líkuðu þeim ekki þeir
hamborgarar sem við framleiðum og
seljum til almennra neytenda í verslun-
um.
Þóttu þeim þeir of seigir og þurrir. f
framhaldi af því voru í samvinnu við
veitingamennina gerðar tilraunir með að
nota feitara kjöt en bæta það upp með
eggjahvítuefnum.
Auk þess að verða safaríkari þótti
veitingamönnum þeir borgarar bragðast
betur, sem hlýtur líka að vera það sem
fólk sækist aðallega eftir með kaupum á
slíkum snarlmat, fremur en að það
hugleiði svo mjög næringargildi slíks
matar. Það er því vegna þess að fitan er
heldur meiri, að þessir borgarar koma
verr út í þeirri könnun sem gerð var
heldur en borgarar gerðir úr magrara
kjöti,“ sagði Jón. Aðspurður kvað hann
það mjög algengt hjá hamborgarakeðj-
um erlendis að nota feitara kjöt sem
bundið er með eggjahvítuefnum.
Efnið í þessa hamborgara sagði Jón
ódýrara en í borgara sem eingöngu eru
úr nautakjöti enda fengju veitingamenn
þá á lægra verði. Borgara þessa kvað
hann einungis selda til veitingahúsa.
-HEI