Tíminn - 02.11.1982, Blaðsíða 4

ÞRIÐJUDAGUR 2. NÓVEMBER 1982.
14

fþróttir
enska knattspyrnan
„ÞEGflR DALGUSH ER KOMINN
f GANG ER MARKIÐ f HÆTFU”
— Hann skoraði sín fyrstu mörk á keppnistímabilinu gegn Brighton á laugardaginn
■ John Wark skoraði fjögur fyrir Ipswich gegn WBA.
■ „Þegar Dalglish er kominn í gang,
er markið í hættu!“ varð einum áköfum
aðdáanda skoska landsliðsmannsins hjá
Liverpool að orði, þegar hann frétti af
mörkunum tveimur sem Kenny skoraði
og tryggði Liverpool tveggja marka
sigur yfir Brighton. Þetta eru orð að
sönnu, því Dalglish hefur verið einn
mesti markvarðaskelfir á Bretlandseyj-
um á undanförnum árum og svo virðist
sem hann hafi engu gleymt, en haft sig
minna f frammi en oft áður á síðustu
vikum. En nú þurfti Liverpool-liðið á
honum að halda. Það hafði ekki unnið
leik í margar vikur og hefur leikmönn-
■ Kenny Daglish er kominn á fulla
ferð.
um. forráðamönnum og stuðningsmönn-
um liðsins þótt tfmabært að á því yrði
breyting.
Brighton-liðið byrjaði af krafti í
leiknum á Anfield á laugardaginn og
urðu fyrri til að skora og var þar Gerry
Ryan á ferð. Hann skoraði mark sitt á
10. mínútu, en Mark Lawrenson, írski
landsliðsmaðurinn jafnaði fyrir Liver-
pool níu mínútum síðar. Á 37. mínútu
var svo komið að Dalglish og skoraði
hann þá sitt fyrra mark, en hið síðara
skoraði hann aðeins 6 mínútum síðar.
Fleiri urðu mörkin ekki í fyrri hálfleik
og reyndar ekki í leiknum. En með
þessum sigri komst Liverpool í 1. sætið
ásamt Manchester United og West
Ham, en þeir hafa besta markatölu
meistararnir frá Liverpool.
West Ham
réttir úr kútnum
Lið West Ham hefur ekki vcrið
sannfærandi á síðustu tveimur vikum.
Það hefur farið tvívegis í heimsókn til
liða á suðurströnd Englands, fyrst
Southampton og síðan Brighton og
tapað fyrir þeim báðum. Þess vegna var
engin sérstök ástæða til bjartsýni fyrir
leikmenn West Ham, áður en þeir léku
gegn hinu gcysisterka liði Manchester
United á Upton Park á laugardaginn.
Lið United sem var án Ray Wilkins
fyrirliða átti ekki góðan dag á Upton
Park og töpuðu þar með þremur
mörkurn gegn engu og það sem meira
var. Ashley Grimes var vísað af leikvelli
á 9. mínútu síðari hálfleiks fyrir andmæli
við dómara leiksins og urðu leikmenn
Manchester United því að leika 10 í 35
mínútur.
Fyrsta ntark leiksins á Upton Park
kom á 32. mínútu f.h. Var þar á ferð
Paul Goddard, sem hefur þótt leika
mjög vel að undanförnu. Annað markið
skoraði svo Ray Stewart úr vítaspyrnu
einni mínútu áður en Grimes var vísað
af leikvelli. Á 69. mínútu kom Geoff
Pike West Ham í 3-0, en Kevin Moran
náði að skora eina mark United rétt áður
en flautað var til leiksloka.
John Wark skoraði
fjögur af sex mörkum
Ipswich gegn WBA
Það má með sanni segja, að það sé
dagamunur á leik þeirra Ipswichmanna
um þessar mundir. Þeir tapa fyrir liðum
sem ætla má, a.m.k. séu þau metin eftir
þeim leikmönnum sem með þeim leika
að séu tiltölulega létt viðureignar fyrir
lið Ipswich, sem hefur á að skipa
mörgum landsliðsmönnum, enskum og
skoskum. Fyrir leikinn á laugardaginn
var WBA í 2. sæti í 1. deild með 21 stig,
en það virtist ekki valda Ipswich neinum
vandkvæðum að skjóta þá „niður“.
Mörkin hjá Ipswich urðu sex og skoraði
John Wark fjögur þeirra, en þeir Frans
Thjissen og Eric Gates skoruðu tvö
fyrstu mörkin. Það verður gaman að
fylgjast með hvert verður framhaldið
hjá Ipswich, sem nú er í 8. neðsta sætinu
í 1. deild, en fimm lið eru með 14 stig,
þar á meðal Ipswich, en markatala
þeirra er langhagstæðust, þökk sé
tveimur mjög stórum sigrum.
Stórtap hjá Spurs
■ Þrátt fyrir að fyrri hálfleikur í leik
Aston Villa og Tottenham hafi verið án
marka urðu leikmenn Tottenham að
þola sitt stærsta tap í langan tíma.
Mörkin hjá Aston Villa urðu fjögur áður
en yfir lauk.
Fyrsta markið var skorað úr víta-
spyrnu, sem dæmd var á Gary Mabbut
og skoraði Gordon Cowans úr víta-
spymu. Skömmu síðar átti Mabbut svo
hörkuskot í þverslá marks Aston Villa,
en inn vildi boltinn ekki þeim megin. 10
mínútum fyrir leikslok bætti Cowans svo
við sínu öðru marki og einnig öðru
marki Aston Villa, en áður en leiknum
lauk höfðu þeir Tony Morley og Gary
Shaw skorað eitt mark hvor og stórtap
Tottenham var staðreynd.
Ball misnotaöi vítaspyrnu
Alan Ball, sem lék sinn síðasta leik
fyrir Southampton gegn Everton á The
Dell heimavelli „Dýrlinganna" mis-
notaði vítaspyrnu í leiknum, en bætti
fyrir það með að fiska aðra vítaspyrnu.
Þeir Keith Cassells og Steve Moran
skoruðu fyrir heimaliðið, sá síðarnefndi
úr vítaspyrnunni sem Ball fiskaði. Þeir
Billy Wright og Andy King jöfnuðu 2-2,
en David Wallace tryggði liði sínu
sigurinn með góðu marki. Wallace er
nýlega farinn að leika með Southam-
pton, en hefur skorað í þremur leikjum
í röð.
Á Roker Park í Sunderland léku
heimamenn gegn Stoke. Þeim leik lauk
með jafntefli 2-2. Það voru gestirnir sem
komust yfir með marki Maquire, en
Pickering og Gary Rowell komu
Sunderland yfir. Það var svo Mark
Chamberlain sem jafnaði fyrir Stoke.
Þeir Luther Blisset og John Barnes
skoruðu með tveggja mínútna millibili í
leiknum gegn Notts County. En það
nægði ekki Watford, því Notts County
jafnaði og gerði betur, sigruðu. Brian
Kilcline, Ian McCulloch og Paul Hools
skoruðu eitt mark hver.
Coventry vann góðan sigur á Nor-
wich, en það var ekki fyrr en undir lok
leiksins sem mark Hateley og Gary
Thompson skoruðu mörk Coventry.
Manchester City sigraði Swansea 2-1
og heldur er flugið tekið að lækka hjá
„svönunum" frá Wales. Dennis Tueart
skoraði fyrra mark City, en Bob
Latchford jafnaði fyrir Swansea. Það var
svo Asa Hartford sem skoraði sigur-
markið fyrir Manchester City.
Nottingham Forest sigraði Luton 2-0.
Ian Wallace og Brynley Gunn skoruðu
mörk Forest, sem eru á hraðri leið upp
stigatöfluna.
Alan Ball lék
leik nr. 726
og er hættur að leika í
Englandi
■ Alan Ball leikmaður með Soutli-
anipton, lék sinn 726. og síðasta
leik í ensku deildarkeppninni fyrir
félag sitt á laugardaginn. Þá mætti
Southampton Everton, en með því
félagi lék Ball alllengi. Það var
ánægjulegt fyrir Ball, að enda feril
sinn með Southampton með sigri,
enda hefur það lengst af verið honum
meira að skapi en að tapa.
Ball var einn heimsmeistara Eng-
lands árið 1966 og sá eini þeirra sem
hefur verið mikill baráttumaður á
leikvelli og er einn þeirra leikmanna,
sem sett hafa svip sinn á knattspyrn-
una í Englandi á síðustu tveimur
áratugum.
Eins og fyrr segir sigraði South-
ampton á laugardaginn, jafvel þótt
gamli kappinn hafi misnotað víta-
spyrnu í leiknum. En það kom ekki
að sök.
Úrslit
Urslit leikja í 2. deildinni urðu sem
hér segir:
Arsenal-Birmingham 0-0
Aston ViUa-Tottenham 4-0
Coventry-Norwich 2-0
Ipswich-W.B.A. 6-1
Liverpool-Brighton 3-1
Luton-Nottingham 0-2
Manchester C.-Swansea 2-1
Notts County-Watford 3-2
Southampton-Everton 3-2
Sunderland-Stoke 2-2
West Ham-Man. Utd. 3-1
í 2. deild hafa Sheffield Wednesday
og Q.P.R. forystu, en á hæla þeirra
koma Fulham og Wolves og fari svo að
Úlfunum takist að vinna þá leiki sem
þeir eiga eftir óleikna umfram toppliðin
tvö, þá er staða þeirra sterkust. En þau
stig eru ekki komin í sarpinn hjá þeim
enn að minnsta kosti. Úrslitin í 2.
deildinni urðu þessi:
Barnsley-Shrewsbury 2-2
Burnley-Oldham 1-2
Carlisle-Chelsea 2-1
Charlton-Blackburn 3-0
Crystal Pal.-Fulham 1-1
Grimsby-Cambridge 1-0
Leeds-Newcastle 3-1
Leicester-Sheff.Wed. 0-2
Q.P.R.-Bolton 1-0
Rotherham-Middlesbro 1-1
Wolves-Derby 2-1
Stadan
1. deild
Liverpool
West Ham
Manchester United
West Brom
Tottenham
Manchester City
Nottingham Forest
Watford
Stoke
Aston ViUa
Everton
Coventry
Arsenal
Brighton
Ipswich
Luton
Swansea
Notts County
Southampton
Sunderland
Norwich
Birmingham
12 6 4 2 24 12 22
12 7 1 4 25 16 22
12 6 4 2 18 11 22
12 7 0 5 20 18 21
12 6 2 4 25 17 20
12 6 2 4 17 17 20
12 6 1 5 21 19 19
12 5 3 4 24 14 18
12 5 3 4 23 18 18
12 6 0 6 20 17 18
12 5 2 5 24 18 17
12 5 2 5 13 15 17
12 4 3 5 11 12 15
12 4 3 5 13 27 15
12 3 5 4 21 14 14
12 3 5 4 25 25 14
12 4 2 6 15 20 14
12 4 2 6 15 23 14
12 4 2 6 13 24 14
12 3 4 5 17 24 13
12 2 5 5 14 21 11
12 1 5 6 7 23 8
2. deild
Sheff. Wednesday 12 8 2 2 27 15 26
Q.P.R. 13 8 2 3 19 10 26
Fulham 12 7 3 2 28 16 24
Wolves 11 7 3 1 16 5 24
Grimsby 12 7 2 3 21 14 23
Leeds 12 6 5 1 18 11 23
Leicester 12 6 1 5 23 11 19
Barnsley 12 4 5 3 17 14 17
Oldham 12 4 5 3 17 17 17
Carlisle 12 5 2 5 25 26 17
Chelsea 12 4 4 4 16 14 16
Crystal Palace 12 4 4 4 14 13 16
Newcastle 12 4 3 5 18 20 15
Rotherham 12 3 5 4 14 20 14
Shrewsbury 12 4 2 6 13 19 14
Charlton 12 4 2 6 17 24 14
Blackburn 12 4 1 7 16 23 13
Middlesbrough 12 2 5 5 13 25 11
Burnley 12 3 1 8 18 23 10
Bolton 12 2 2 8 9 19 8
Derby 12 1 5 6 10 22 8
Cambridge 12 1 4 7 12 20 7