Tíminn - 03.11.1982, Blaðsíða 10

MIÐVIKUDAGUR 3. NÓVEMBER 1982.
Póstur og sími stofnsetur í fyrsta sinn verslun med sínar sérvörur:
Sala símtækja og vidgerð
arþjónusta á einum stað
— Póstur og sími getur ekki annast viðhald tækja, sem ekki eru seld af stofnuninni
■ Þeir sem eru með gamla og óglæsi-
lega síma, en hafa hug á að breyta til
geta nú séð allt úrvalið, sem Póstur og
sími hefur upp á að bjóða, á einum stað,
því að fyrirtækið hefur nú opnað
sérstaka verslun í Landsímahúsinu við
Austurvöll. Verslunin heitir Póstur og
sími - Söludeild, og verður opin á
verslunartíma. Verslunarstjóri Sölu-
deildarinnar er Þorgeir ísfeld Jónsson.
Þorgeir sagði, að í Söludeildinni væru
til sýnis og sölu öll símtæki, sem Póstur
og sími hefur á boðstólum, og einnig
telextæki, raðsímakerfi, símstöðvar
fyrir fyrirtæki og svo ýmsir fylgihlutir
og hjálpartæki tengd símnotkun. Þarna
eru líka til sýnis Modem-tæki, sem
notuð eru til tölvuvinnslu.
Verslunarstjórinn var spurður,
hvernig símnotendur ættu að bera sig
að, ef þeir vildu endurnýja símtæki sitt..
Hann sagði:
- Símnotendur, sem vilja endurnýja
gömul símtæki sín, geta valið sér síma
hérna í Söludeildinni. Best er að koma
með gamla símann með sér, svo hægt sé
að ganga út frá því að rétt innstunga sé
fyrir hendi á heimilinu fyrir nýjan síma,
eða hvort skipta þurfi um kló á nýja
símanum, svo hann passi við innstung-
una.
Ef gamli síminn er eldri en frá
áramótum 1978-79, þá er tækið eign
Pósts og síma, en eftir þann tíma voru
símnotendur látnir greiða fyrir tækin, og
því geta þeir komið með síma sína og
lagt þá inn, - en af gömlu tækjunum eru
auðvitað vissar afskriftir.
Símar frá 679 kr.
upp í 10.000 kr.!
- Venjulegur heimilissími með skífu
kostar 679 krónur. Hægt er að lækka og
hækka hringingu símans eftir vild. Hægt
er að fá þennan tíma í fjórum litum;
grænum, ljósgráum, rauðum og Ijós-
drapplituðum. Takkasími af sömu teg-
und kostar um 2500 kr.
- Það er um margar mismunandi
gerðir af símtækjum að ræða, sagði
Þorgeir verslunarstjóri, og auðvitað
mismunandi verð. Dýrasta símtækið
sem við höfum hér er nákvæm eftirlíking
af „antik“-síma frá Ericson frá árinu
1892, en það fyrirtæki framleiðir enn
síma fyrir íslendinga. Þessi antik-sími
kostar yfir 10.000 krónur!
Söludeildin er opin á venjulegum fengið að sjá og reyna öll möguleg Öll símtæki í verslun Pósts og síma
verslunartíma, og þarna getur fólk símtæki. eru viðurkennd og þjónustuð af starfs-
mönnum stofnunarinnar. Varahlutir eru
ávallt fyrirliggjandi í þessi tæki, - en
Póstur og sími hefur hins vegar ekki
aðstöðu til þess að annast viðhald þeirra
tækj a, sem ekki eru seld af stofnuninni.
■ Þorgeir ísfeld Jónsson, verslunar-
stjóri Söludeildarinnar
(Tímamyndir GE)
■ TELEX-tækin skoðuð. Á myndinni má sjá f.h.: Agúst Geirsson, form. FÍS, Braga Kristjánsson forstj. Jón Skúlason
póst og símam.stj., Gunnar Stein Pálsson, Þorvarð Jónsson yfirverkfr. o.fl.
■ Séð yfir verslun Pósts og síma í Landsímahúsinu.
■ Takkasími með skifuvali á 2556 kr.
Fæst í 4 litum og geymir í sér síðast valið
númer, sem hægt er að velja aftur með
því að ýta á einn hnapp.
■ Venjulegir heimilissímar kosta 679
kr. og fást í f jórum litum.
Ferdaminjarnar
í röd og reglu
■ Margir leggja það í vana sinn að
sanka að sér ýmsu smádóti á ferðalögum
til minja. Vinsælt er t.d. að safna
steinum og skeljum. Nú, og svo eru þeir,
sem vilja gjarnan halda til haga smá-
myntinni, sem afgangs verður, þegar
yfirgefið er ókunnugt land, þó að litlar
líkur séu til að þeir eigi eftir að leggja
leið sína þangað aftur. En þegar heim
er komið, blasir sá vandinn við, hvernig
þessum minjagripum sé best fyrir komið.
Oft vill fara svo að þeir liggja bara í
meira og minna ólögulegum haugum og
verða að sfðustu meira til ama en
ánægju. Hér með látum við fylgja ódýra
og skemmtilega lausn á vandanum, sem
gleður augað. Reyndar er auðvelt að
koma sér smám saman upp eins konar
ferðasafni með þessum hætti.
Ef til er gamall, ónotaður rammi á
heimilinu, er upplagt að nota hann. Ef
ekki, er lítill vandi að klambra saman
ramma sjálfur og ekkert aðalatriði er,
að hann sé úr einhverjum rándýrum
kjörviði. Rammann leggið þið á plötuna
úr bökunarofninum og hellið í hann
úthrærðu gifsi. Nú raðið þið dótinu eftir
vild í gifsið, en munið að hafa hraðar
hendur, þar sem gifs harðnar fljótt. Og
áður en langt er um liðið standið þið
með eigið listaverk í höndunum, sem er
einstakt í sinni röð!
B Þessi vegg- og borðskreyting minnir eiganda sinn á skemmtilega ferðasögu á
hverjum degi.
INDVERSKUR
RÆKJURÉTTUR
Fljótlegt er að búa til þennan
indverska rækjurétt í hrísgrjónahring.
Það sem þarf er:
ca 400 gr af rækjum
og í kryddsósuna:
2 meðalstórir laukar
30 gr. af smjöri eða smjörlíki
ca. 1 matsk. af karrý
2 matarepii
2 litlar grænar paprikur (eða ein stór)
1 dl vatn
Vi fisksoðsteningur (eða kjúklinga)
1 matsk. af tómatkrafti
3 dl. þeytirjómi
smávegis af papríkudufti og salti
Byrja skal á sósunni. Brúnið fínsax-
aðann laukinn í smjörinu, svo hann
verði aðcins gulbrúnn (ekki við of
mikinn hita). hrærið karrýinu útí og
látið það hitna í smjörinu með
lauknum. Setjið þá söxuð eplin og
fíntskorna paprikuna (í smáa teninga)
út í, og látið krauma undir loki svolitla
stund við lítinn hita, í 10-15 mín.
Setjið nú vatnið og súputeninginn út
í og tómatsósuna. Nú á sósan að sjóða
um smástund. Hrærið þá rjómanum
samanvið og látið smákrauma í 5-10
mín. Kryddið með paprikuduftinu og
saltinu.
Setjið nú rækjurnar út í, og þær eiga
að hitna í sósunni. Stráið saxaðri
steinselju yfir og þetta er svo borið
fram með soðnum hrísgrjónum.
Á myndinni eru hrísgrjónin soðin og
sett í vel smurt kökuhringsmót. Setjið
álpappír yfir mótið og haldið heitu í
ofni. Síðan er hrísgrjónahringnum
hvolft varlega á fat og rækjusósan höfð
í miðjunni.
■ Indverskur rækjuréttur í hrís-
grjónahring